المساعد الشخصي الرقمي

مشاهدة النسخة كاملة : ابي مكنيكي في حائل للجكس ار


هاوي كلاخ
09/02/2009, 07:31 PM
عندي جيب دفع رباعي مستمر وابيه دفع خلفي
هاوي كلاخ
09/02/2009, 07:47 PM
ابي رقمه وشكرا
rescuer
09/02/2009, 08:07 PM
تعال للرياض وابشر باللي يرضيك
اابو سعد
09/02/2009, 08:09 PM
يااخوي انصحك باالوكالة واذ مصمم تصلح عند ورشة عادية انصحك بالهندي حسن ورشتة بالصناعية الجديدة خلف محلات التنجيد اول ماتدخل الصناعية الجديدة سيد يعترضك شارع سيدين خذ يمين هو جنبك على طول على الزاوية
هاوي كلاخ
09/02/2009, 08:19 PM
الله يبارك فيكم ويعطيكم العافيه وشكرا
هاوي كلاخ
09/02/2009, 08:23 PM
سلام عليكم يا أبو سعود لاكن الهندي شغله كويس ولالا.هوفي حائل
هاوي كلاخ
09/02/2009, 08:24 PM
معليش ابو سعد
AMAZ
09/02/2009, 09:28 PM
اذا كان مديل 2006 و 2007 صعب لانه السياره دفع رباعي مستمر مايفصل نهائي . لانه خربت علي الكارونه الامامية وحاولة اني افصل العمود الامامي لين احصل او اصلح الكارونه لكن يوم فكينا العمود السياره ماعاد مشت العمود الخلفي مايدور . وصار يدو العمود الامامي من عند الفلنجه قريب من القير . بعدها شغلت الدبل الخفيف الزر وشتغل ودار العمود الخلفي . بعدها رجعنا كل شي مكانه . رفعنا السياره على عفريت وقلنا نبي نجرب نشوف متى تفصل . قالوا لنا ناس عند 80 وصلنا حتى 140 السياره ماهي راضيه تفصل . بالعكس الكفر الخلفي بدت تخف حركته . الظاهر انه هو الى يفصل .شكل السياره تقريبا دفع امامي الا شي بسيط .
هاوي كلاخ
09/02/2009, 09:39 PM
يعطكككك العاااااااااااااااااافيه انا علشان كذا اخاف الكرونيه تخرب
عبد السلام ضيف الله الشلاش
09/02/2009, 10:04 PM
بسم الله الرحمن الرحيم
تحية للجميع
اخي الكريم هاوي كلاخ

لا تغر من ورشة مبارك التفيهي بحائل واعتقد ان اسمها ورشة الفلاح , من احسن الورش وعنده امانة بالعمل , ما أدري الشارع الثالث او الثاني بالصناعية .
كذلك ورشة الصعيدي زينه وهي قريبة من ورشة التفيهي .
التفيهي انا مجربه ويعرف حلول كثير من المشاكل , وللمعلومية هو يشتغل بنفسه وعنده عمال يشرف عليهم , ترى علمي به قبل ثلاث سنوات .

عكرش الثالث
هاوي كلاخ
09/02/2009, 11:34 PM
بسم الله الرحمن الرحيم
تحية للجميع
اخي الكريم هاوي كلاخ

لا تغر من ورشة مبارك التفيهي بحائل واعتقد ان اسمها ورشة الفلاح , من احسن الورش وعنده امانة بالعمل , ما أدري الشارع الثالث او الثاني بالصناعية .
كذلك ورشة الصعيدي زينه وهي قريبة من ورشة التفيهي .
التفيهي انا مجربه ويعرف حلول كثير من المشاكل , وللمعلومية هو يشتغل بنفسه وعنده عمال يشرف عليهم , ترى علمي به قبل ثلاث سنوات .

عكرش الثالث
حياك الله أخي الكريم وشكرا .....
اابو سعد
10/02/2009, 09:33 AM
ياخوي الهندى هذا فنان ان بنسبة لي شغلة افضل من غيرة بكثير وهذا راى الجميع وانا قلتلك اذا ماتبي تصلح باالوكالة مالك الا حسن لكن فية مشكلة وحدة مواعيدة ماهي دقيقة من الزحمة يعني اذا قالك السيارة تاخذ يوم يعني يومين ويومين يعني ثلاث والسلاااام
الكيان
10/02/2009, 11:06 AM
اقول هج عن ورش حائل


ورح للقصيم بالتحديد بريدة ورش كثيرة متميزة سواء صناعية الرواف او الضاحي او المرقب


وعنيزة ورشة الدولية (احمد الحسون) و ورشة ابو فهد وورشة العجلان...


والمشوار ساعتين وشغل ممتاز ورخيص وقطع اصلية متوفرة ورخيصة....


انا من حائل (عروس الشمال والجمال) واذا بغيت شئ بالسيارة رحت للقصيم وصلحتها بالقصيم


والله انك تشوف بالورش سيارات اهل حائل بشكل كبير


والله يوفقك وييسر امرك..
هاوي كلاخ
10/02/2009, 02:09 PM
اقول هج عن ورش حائل


ورح للقصيم بالتحديد بريدة ورش كثيرة متميزة سواء صناعية الرواف او الضاحي او المرقب


وعنيزة ورشة الدولية (احمد الحسون) و ورشة ابو فهد وورشة العجلان...


والمشوار ساعتين وشغل ممتاز ورخيص وقطع اصلية متوفرة ورخيصة....


انا من حائل (عروس الشمال والجمال) واذا بغيت شئ بالسيارة رحت للقصيم وصلحتها بالقصيم


والله انك تشوف بالورش سيارات اهل حائل بشكل كبير


والله يوفقك وييسر امرك..




الله يعطيك العافيه وشكرا