المساعد الشخصي الرقمي

مشاهدة النسخة كاملة : استفسار عن الفرارات


ترتر
09/02/2009, 08:28 PM
اخواني الغالين
احببت ان استفسر عن الفائده الاكيده من استخدام الفرارات هناك من يقول ان صرفية البنزين تقل والبعض يقول اخف للموتر لاكن بودي احد جرب الفرق لاني بصراحه متردد بتركيبها


شاكر للجميع والله يحفظكم


اخوكم ..... ترتر
لن أمل من العطاء
09/02/2009, 08:34 PM
مثل ما قلت انت اكيد بيخف الموتر وبكذا يقل الحمل على المحرك مما يسبب في قلة الصرفيه
المحترف800
09/02/2009, 09:56 PM
أنا مركبه بيخف الموتر عليك بس مو ذاك الخف الزايد ... وصرفية البنزين مافرقت معي ، أو ماحسبتها بالضبط ..
قناص خلاوي
09/02/2009, 10:44 PM
الفايدة الوحيدة اللي حصلتها للفرارات لما يكون العمود فيه ( عرة) أو ميلان أو صوت
اما خف الموتر ونقص مصرف البنزين مالاحظتها
وبصراحة تركيبها غثاء للي يروح النفود كثير
انزل اشبك الفرارات انزل فك الفرارات
وللعلم تراها مع الجور تفرط ولا يشتغل الدبل
فرطت معنا فرارات اصلية للشاص وللباترول بعد
abo-lma
09/02/2009, 10:44 PM
السلام عليكم ورحمة الله وبركاته

مدامكم فتحتو موضوع الفرارات هل تنصحون بتركيبها والا لا ؟

ثانيا / وشهي افضل الفرارات اليي تنصحون بتركيبها وكم قيمتها

السياره شفرلية 83
ودمتم في سلامة الله
mmm998
09/02/2009, 11:26 PM
أنا ركبت فرارات على جيب باثفايندر وبالصراحه حسيت في فرق كثير ... وأكيد أنه يبي يخف الموتر لان العمود راح يتوقف نهائين والعكوس راح توقف عن الحركه ..... وبالصراحه المفروض أن الوكاله تخليه تماتيك يعني يفص من حاله مثل الجيب الشاص 2002 سمعت انه من الوكاله يجي فيه تحضيره بس انها متحتاج أنك تفره اذا بغيت تعشق الدبل أشتغلت دايركت , واذا فصلت الدبل فصلت دايركت ................ وبصراحه الي مايركبها اسمحولي ماعند سالفه ................... والله الموفق .
عاشق السيل
09/02/2009, 11:27 PM
المختصر المفيد : إذا كانت السيارة قديمة يعني من موديل 95 وتحت ممكن تلاحظ الفرق بالخفة والصرفية ،، أما إذا كانت السيارة جديدة أو نظيفة جدا ماراح تفرق بشي ،،

لكن الفائدة الحقيقية للفرارات على السيارات القديمة والجديدة إنها تريح العمود من الدوران وتريح صوفة وتروس الدفرنس الأمامي وبكذا يكون الدفرنس والعمود أطول عمر ،،،

ومايعيب الفرارات إلا سالفة إنزل اشبك وافصل وخاصة إذا كانت ظروف الجو صعبة !!!!!

ومن ناحية إنها تفرط فهذي غريبة وأول مرة أسمعها لكن كل شي جايز ،، وأنا مركب على الباترول برازيليات من ست سنوات وإلى الآن ماشية تمام والحمد لله ،، وسعرها عند السليماني اللي بالغرابي بـ 450 ريال مع التركيب !!

أتمنى أن أكون قدمت المفيد وتقبل مروري يالغالي .....
قناص خلاوي
09/02/2009, 11:34 PM
ومن ناحية إنها تفرط فهذي غريبة وأول مرة أسمعها لكن كل شي جايز

وصلك العلم اخوي وانسبه عني

فرطت معنا بشاص تويوتا 99 فرارات وكالة بالرملة
وفرطت معنا فرارات السليماني البرازيلية على باترول صالون 93 قبل كم سنة في نفود جنوب الرياض
وفرطت مع ناس اعرفهم فرارات السليماني على شاص نيسان بطراف الرملة
علشان كذا اذا ركبت الفرارات خل القطع اللي تفكها معك بالسيارة لو احتجتها تحصلها قريبة ولا تبلش
_هب ريح _
10/02/2009, 12:00 AM
[quote=عاشق السيل;2439794]المختصر المفيد : إذا كانت السيارة قديمة يعني من موديل 95 وتحت ممكن تلاحظ الفرق بالخفة والصرفية ،، أما إذا كانت السيارة جديدة أو نظيفة جدا ماراح تفرق بشي ،،

لكن الفائدة الحقيقية للفرارات على السيارات القديمة والجديدة إنها تريح العمود من الدوران وتريح صوفة وتروس الدفرنس الأمامي وبكذا يكون الدفرنس والعمود أطول عمر ،،،

ومايعيب الفرارات إلا سالفة إنزل اشبك وافصل وخاصة إذا كانت ظروف الجو صعبة !!!!!

quote]



كفيت ووفيت يالذيب


تأييد 100% :good:
العذال
10/02/2009, 01:43 AM
ركبت فرارات تماتبك عند ورشة الشنيفي على باترول 2007 ريحت السيارة
بوسليمان22
10/02/2009, 07:12 PM
ركبت فرارات تماتبك عند ورشة الشنيفي على باترول 2007 ريحت السيارة

السلام عليكم ورحمة الله وبركاته
ممكن سوال /كم سعرها اخوي العذال؟
وشكرا
العذال
10/02/2009, 10:21 PM
وعليكم السلام ورحمة اللة وبركاتة السعر مع التركيب 500 ريال

رقم تلفون الورشه
(( 0500117060 ))
ابو سلميان

ومن مميزات الورشه..:.
صاحب الورشه سعودي وهو الي يشتغل بها
تحياتي لكم
اخوكم
العذال