ياشباب ملينا من الصمان والدهنا وين نروح بالاجازه [الأرشيف]

الكروزر

09/02/2009, 11:49 PM

السلام عليكم ورحمه الله وبركاته

ياالربع لنا أكثر من ست سنين وحنا نطلع للصمان كل سنه مع انه مايمل منه
بس من باب التغيير ودنا نروح لشي جديد .
بعض الاخوان اقترحو نروح للنعيريه علشان بحر وربيع . فوش رايكم
نبي مكان مايبعد عن الرياض اكثر من 600 كيلو

والله لايحرمنا منكم

الكرا

09/02/2009, 11:52 PM

مالك الا خشمك لو هو أعوج
وانا ما أشوف ان فيهن خلاف

جبال الهملايا

09/02/2009, 11:53 PM

النفود الكبير ... ياحبي لك :)

ابوفيصل vtc

09/02/2009, 11:59 PM

غرة سهيل

10/02/2009, 12:17 AM

اخوي الربع الخالي يمكن مربع النفود

قاصد الصمان

10/02/2009, 12:23 AM

والله ان أقول لوتكبر المخدة أفضل لك ما دام مليت من الصمان والدهناء ، ما عاد باقي شي :D :D

الكروزر

10/02/2009, 12:31 AM

اخوي الربع الخالي يمكن مربع النفود

هلا بغره سهيل
ياخي طول عمري ودي اروح للربع الخالي عطني وصفه وكم يبعد المكان الزين على الاقل فاضي ونظيف لان الصمان تغيرت مهب على خبرك

ضفنان

10/02/2009, 12:42 AM

اقترح عليك تروح للدهنا شرق وشمال ام رجوم لانها مربعه ربيع طيب هالسنه وممطوره قبل فتره قريبه وارض ونيسه تحس فيها بالبعد فعلا عن الديره وازعاجها هذا كانك تحب النفود وإلا اكشت مثل ما قالوا لك الاخوان منطقه غرب القصيم (حسلات والجرير ) تراها مناطق زينه وتوسع الصدر ومربعه في نفس الوقت بس مسافتها بعيده عليك شوي كانك من اهل الرياض واذا تبغى ربيع طيب وقريب تعال للمجمعه (روضه المزيرعه وروضه سدحا وروضه الخفيسه وروضه الزلعا وروضه مطربه ) وفيه غيرهن بعد وكلهن مربعات ربيع طيب

ابوفهيدان

10/02/2009, 12:54 AM

النعيرية لاتفكر بالهدوء اكثرها كشاته من الكويت والامارات وقطر والسعودية
تقول كنك بدبي

علي الرس

10/02/2009, 12:56 AM

رح أخوي للعلا وتبوك والديسة وحقل ((مناطق زينة بس بعيدة))

الخيّال

10/02/2009, 02:23 AM

دامك مليت من الصمان ما لك الا لبنان وتراها مربعه ربيع طيب خخخخخخخخخخخ

بالون

10/02/2009, 02:31 AM

اخوي رح لم جهت غرب القصيم وخاصه ساحووووق وادي ساحوووق ربيعن طيب وارض توسع الصدر.بالووون بالوون

أبو الحارث 4

10/02/2009, 06:26 AM

رح لمكة وخذ لك عمرة وادع لي زادنا الله وإياك إيمانا.

سليمان 10

10/02/2009, 06:35 AM

انا اقول رح لمكه ثم لقطن والله يسهل امرك 000

شويعر الرياض

10/02/2009, 08:00 AM

انصح بجهة الوشم

عندك المستوي والهوبجة اللي بعد اشيقر وعندك شعبان يحبها قلبك نظيفة وفيها ربيع طيب واراضيها بكر

وحفظك الله ومن يسمع

السبيعي 503

10/02/2009, 10:01 AM

الصمان ديار سبيع طال عمرك

وأتوقع أنك مامريتها كلها

الــفــيــصــــل

10/02/2009, 10:12 AM

نصيحه راح أخذ عمره احسن لك وخلها سياحه في كل مكان وقف

عاشق الغضا

10/02/2009, 10:16 AM

يمدحون البيت

شعال

10/02/2009, 10:25 AM

عندك غربي القصيم
مثل ماذكرو اخواني
حسلات وغيرها

شف تقارير بعض الاخوان
والصور

شعال

10/02/2009, 10:27 AM

الصمان ديار سبيع طال عمرك

وأتوقع أنك مامريتها كلها

والله والنعم في سبيع

شرهتك على الي جا الصمان من اساس

ياخي الاماكن واجد واحلى

كاااايد

10/02/2009, 10:36 AM

كانك تبي الربيع والجبال والشعبان والماء والنفود انصحك بمناطق جنوب غرب القصيم

حيث الربيع الذي لم تشاهده في حياتك والبحيرات المائية والنفود النظيف والارض البكر

وبالتحديد الجرير او طخفه او شعباء او :p حسلات كل هالمناطق بتعجبك وانا المسؤال اذا ماعجبتك

قناص الطير

10/02/2009, 10:39 AM

السلام عليكم عندي خطة سير يمكن تعجبك بس تبي وقت وميزانية نبدأ بسم الله سريع مكة ثم المدينة وينبع واملج والوجه ثم اطلع فوق على حقل قيال الديسة تبوك ثم رفحاء ثم حائل القصيم الرياض ودمت بود.

العريني1

10/02/2009, 10:42 AM

الصمان ماله مثيل......ان كان لك ست سنين ومليت من الصمان فمالك الا كل يوم بديره :D
انا لي اكثر من عشرين سنه وانا اروح للصمان ..اااااه ه ه :good: :good:
لايوجد مثيل لربيع الصمان ولا لبنان :j

لكن اتوقع يصلح لك طريق الساحل الغربي بعد عمرة في مكه..تطلع على طريق الساحل وكل يوم في مدينة الى تبوك وارجع بالطائرة واشحن سيارتك للرجوع....:good:

عاشق القمرة

10/02/2009, 10:42 AM

السلام عليكم ورحمة الله وبركاته

ذكر لي صديق لي شرواكم .. أن المناطق الشمالية مشاءالله تبارك الله يوجد بها ربيع طيب من رفحاء وحول في كل سنة لكن والله مادري هل الكلام هذا صحيح هذه السنة والا لا ..

موفقين بالرحلة والله ينقل خطركم

سوسة حطب

10/02/2009, 10:53 AM

من أول تروح للصمان والدهنا خلاص رح للدهنه ثم الصمان
يا حبيبي أفضل مكان على الإطلاق وبلا منازع رح وخل عنك والوعد بالعطله إن قاله الله

ابو عود

10/02/2009, 11:58 AM

صفقني كانك رحت للصمان كله

تلقاك كل سنه تروح لنفس الفياض اللي تروحلها العام واللي قبله

زحلطن

10/02/2009, 12:06 PM

هل جربت فيضة <<<شنق بنق>>> شمال هونق كونق جرب وعطنا رأيك وباالتوفيق,,,,,,امزح معك بارك الله فيك

راعي الطلعات

10/02/2009, 12:25 PM

عندك مناطق المملكه كلها لك حط رجلك على دواسة البنزبن ومالك كل شي يسرك حايل الارطاويه الجووف بتشوف عجب العجاب في مناطق المملكه

جنوب المملكه بعد فيها مناطق سيلحيه بريه عجيبه

والله يفقكم وييسر اموركم

الدبل الثقيل

10/02/2009, 12:31 PM

احمد ربك ... وروح لمكه خذ عمره ثم ارجع للصمان ... ربيع يهول ... ... أنا أتمنى من سنين اني اطب الصمان ... ولاطبيته غير ليله وحده ..

لا يكثر

10/02/2009, 01:55 PM

عليك بالبحرين
:)

واذا تبي الفقع على اصوله لا تتعدى المغرب وترجع كلشن خضر

EFI.4500

10/02/2009, 02:07 PM

انا بقولك شي اخوي لاتحط ببالك ان اي شي بعيد زين لالالابعض الايام تروح لمناطق بعيده واذا وصلت تلقا الجميع يجامل بس اذا دجاء الواقع تلقا شي بعده عن ديرك كيلوين احسن

بس اانا انصحك مادامك تبي تمشى بالعطله تمسح ربيع القصيم لان هالسنه سنه خير وتلقا نصيبك من الفقع
وبعد القصيم اطلع على حايل ومن ثم المدينه وتلقا مرادك نفدان وجبال ...
وبعدين ترجع مع طريق المدينه للقصيم وتخير وش تاخذ ووش تخلي

همن ترجع للعاصمه بخير وسلامه انشاءالله

مجري الهياب

10/02/2009, 02:08 PM

روح حضرموت عسل وتيوس .........وشاهي أبوكبوس وتخزين

تجينا بعد أسبوعين مورد بس فمك برتقالي هههههههههههههههههه

راعي البخاخ

10/02/2009, 07:29 PM

السلام عليكم ليش ماتجرب المناطق التي غرب القصيم مثل غرب الرس وسحلات يوجد تقارير جميله عن هذه المناطق وكذاللك منطقة قطن على طريق المدينه بعد القصيم 200 كيلومناطق جبليه مفتوحه وربيعها جميل جدا . مجرد اقتراح والتغيير مطلوب

اخــوي ابو فبصل ووفى وكفى , ليش ماتطلعون لغرب القصيم
لم الحسلات والا قطن والا تطلعون جنوب طمية لم ساحوق وعريفجان
ووادي الجرير , ربيع على كيفك ,وانت تقول مانبي اكثر من 600 كيلو مشوار
والمسافه كلها احسب= من الرياض للقصيم 300 كيلو:D باقي 300 كيلو
:o انا بأقولك 250 كيلو من بريدة الا الديار الي فيها ربيع جنوب جبل طمية
وبس ,,هههههههههههههههههههههههه و 50 كيلو وفر ربع التانكي بنزين;)

ش ا ص 999

10/02/2009, 07:34 PM

حايل والقصيم

حمد الذكي

10/02/2009, 09:13 PM

الكونترولCONTROL

10/02/2009, 09:41 PM

تصدق اني مثلك ... خلاص الصمان ما ودي أروح لها ...
و مناطق ما بين سدير و شقراء و القصيم و الدوادمي
الربيع فيها هذا العام طيب بالحيل ...

مزون نجد

10/02/2009, 09:45 PM

كانك تبي التغيير اتجهـ شمال

اعيووج لينه و الحجره والبسيتنات و ساموده وام عشر و الدهناء

المناطق ذي محبوبه لدي جداً .

الكروزر

11/02/2009, 12:14 AM

صفقني كانك رحت للصمان كله

تلقاك كل سنه تروح لنفس الفياض اللي تروحلها العام واللي قبله

حياك الله يابو عود
على فكره تراي شايفن كل فياض الصمان بس المقصد انه كثرو الكشاته وكانت ميزتها الهدوء والنظافه بس هالحين الكشاته واجد والفياض وسخه . الله يهدي بعض الشباب ماينظفون وراهم