المساعد الشخصي الرقمي

مشاهدة النسخة كاملة : يالربع أبي شوركم بتفصيل التانكي


تركي الضرغام
10/02/2009, 01:36 PM
السلام عليكم ورحمه الله وبركاته
مساكم الله بالخير جميعاً
ودي أفصل تانكي بسيارتي لاندكروزر وتشربكت أسلاكي مدري وش المقاسات الزينه
وشلون شكل التانكي قررت أفصل التانكي واقف بس المشكله وشلون المقاسات بتصير مع العلم أن التانكي بيصير ( 100 ) لتر
رايكم ياجماعه
التانكي طبعاً بيصيل على المرتبه للي بالوسط يصير التانكي فيه ميلان من تحت بس وشلون كم يصير مقاس التانكي من تحت والأرتفاع كم وأخر شي كم يصير مقاسه من فوق ؟ ؟ ؟ ؟ ؟ ؟ أدري بشغلكم معي بس مالكم إلا الأجر والدعاء أنشاء الله


وأي الورشات تنصحون بالتفصيل ووشرايكم بالألمنيوم وأن حصل صور توانك سياراتكم علشان يعرف الواحد والزين
كريزي نت
10/02/2009, 01:45 PM
موقعك وين عشان نساعدك
تركي الضرغام
10/02/2009, 01:53 PM
الرياض الغالي
ذيب عنيزه
10/02/2009, 02:02 PM
مساء الخير
لا تفصل ولا تتعب نفسك التانكي مفصل وجاهز لدى محلات السنيدي 100 لتر و80 لتر انا مركب 100 لتر ممتاز ولا يثقل على الموتر سعره اعتقد 630 ريال فقط لا غير التانكي ألمنيوم ومكانه يكون خلف مقعد الباب الثاني .
كريزي نت
10/02/2009, 02:05 PM
شف يالغالي انصحك بورشه بالخرج اسمها ورشة الربع الخالي على طريق التشاليح شغل 100%
اي توانك تبي ماء ولا بنزين والمقاس اللي انت تبي والكثر الي انت تبي
رح شرط تدعيلي انا ما اشتغل الا عندهم وهذا رقم راعيها 0505102998 ابو فواز ..؟

((لاتنسانا من الدعاء الصالح))
إعصار
10/02/2009, 03:23 PM
فيه جاهز كثير ..

عند برق الحيا .. والسنيدي .. والبرية ..

واذا بغيت تفصيل فيه .. سوافي .. اليحيي ..

خذ جاهز وريح بالك ..

ملبس جاهز ..
kwa_198
10/02/2009, 03:29 PM
اقول خل عنك رح المواهب في الصناعية القديمة والله شغل وينصح الورشة تلقا السعودي فيها والله ان جلسته تنشر بفلوس
إعصار
10/02/2009, 03:39 PM
اقول خل عنك رح المواهب في الصناعية القديمة والله شغل وينصح الورشة تلقا السعودي فيها والله ان جلسته تنشر بفلوس



الرجال يبغى ألمنيوم مايبغى استيل .. المواهب يصلحون فقط استيل .. وأفضل من يصلحونه هم .. موتري مصلحه عندهم بعد ..


ولاهنت على كل حال ..


..


صاحب الموضوع هذي صورة


http://www.rofof.com/img2/2ucqnm10.jpg (http://www.rofof.com)



وهذي أخرى


http://www.rofof.com/img2/2neuqt10.jpg (http://www.rofof.com)



الصور تبع العضو بسام ..


من منتديات الرحلات .. وكذلك عضو في مكشات ..
SE.3500
10/02/2009, 04:39 PM
أنا فصلت عند "سوافي" ب950 ريال
تانكي المنيوم واقف 120 لتر عرض الالمنيوم 3 ملم
ويوصل لي من داخل السيارة حتى برا السيارة ويركب لك بزبوز بحيث تكون في الخلف في الجهة المقابلة للشكمان.
تركي الضرغام
10/02/2009, 10:20 PM
الله يجزاك الجنه
يامال العافية وتسلم يمناكم على الرد المفيد جميعاً