استفسار افضل ورشة لصبغ الموتر بالشرقية؟! [الأرشيف]

مشاهدة النسخة كاملة : استفسار افضل ورشة لصبغ الموتر بالشرقية؟!

الصقار الذهبي

11/02/2009, 08:43 PM

بغيت استفسر عن ورشة زينة بالشرقيه بالدمام شغلها معروف تصبغ صبغ نظيف

واللون عنابي كامل

لان البوية اجزاء كثيرة متبهقة فوق التندة وعلى الرفارف..

وهذا الموتر

http://www.awlup.com/up5/get-2-2009-1w1523hb.jpg

طحنون

11/02/2009, 08:51 PM

اذا الموتر تغليه وتحب انه يرجع جديد بمعنى الكلمه ادفع زياده 2000 ريال
يعني انت ماراح تدفع اقل من 3000ريال في الصبغ واذا تبي شغل مشي الحال وزوين رح الى ورش الاحساء لان الصبغ في الاحساء ارخص من الدمام بفارق 1500ريال
رح لورشه الناجم على طريق الدمام الخبر واترك عنك الاسماء اللي ملينا منها طول فتره سنين طويله
ورشه سمير وورشه الاهلي وورشه القارات هم الاشهر في الدمام لاكن دوام الحال من المحال

الصقار الذهبي

11/02/2009, 08:54 PM

لاهنت اخوي طحنون انا ابغى الشغل النظيف وكم يكلف واي ورشة تنصحني فيها..

شاص1988

12/02/2009, 02:14 PM

في ورشة الابراهيم بالاحساء شغلها ممتاز ولا يعلى عليه بس مشكلتها
الزحمة يعني تحط الموتر اليوم تعال أخذه بعد شهر
بعدين بتبيع الموتر

ناوي نيه

12/02/2009, 02:24 PM

اخوي اذا كان موترك الي في الصوره
انا اقول مشاءالله وش تصبغ فيه والله مافيه انظف منه مشاءالله
خله على بويته لايلعبون فيه وغير كذا ترا اذا جيت تبيعه بيطيح منه واجد
والله حراام تصبغه
الاول والاخير الامر رااجعلك

الصقار الذهبي

12/02/2009, 02:26 PM

لاهنت اخوي (ناوي نيه) مشوار الحساء انا ابغى بالدمام
والموتر مب للبيع..

عاشق القمرة

12/02/2009, 02:59 PM

السلام عليكم ورحمة الله وبركاته

نعم بالنسبة للصبغ البراهيم في الاحساء وايضا هوندا شغلهم ممتاز

خالد2--2

12/02/2009, 03:11 PM

السلام عليكم

انا ابي ورشه بالدمام

لصبغ الجموس الرفرف

ياليت اللي يعرف مايقصر

وبعد اذن صاحب الموضوع

وشكرااا

مروووق

12/02/2009, 04:33 PM

بدون ماتتعب نفسك

كل الورش الي بالدمام بالخضريه بالذات عندهم طريقتين. يايصبغون لك السيارة رش يدوي تشوفه يتمشى على السيارة وهو ماسك الهوز حق الصبغ و يرشها بالهواء الطلق

او انه راح يوديها لورشه ثانية عندهم فرن. اذا طلبت منه صبغ فرن

طبعا معلومة ، ان الورش اليدوي مثل الخطوه الاولى راح تطلع مناطق اغمق من مناطق والصبغ راح يتشلخ بعد فترة لانه بالهواء ويمكن حتى فيه مناطق تحصله بعد مايضرب السيارة تلميع ( بولش ) تحصل غبار مامسحه ولا نظف المكان قبل التلميع !!

فـ الفرن افضل لانه عبارة عن غرفة مغلقة فيها لمبتين ولا ثلاث لمبات كبوس ويخليها على الاقل شغاله 6 ساعات فوق السيارة وبدرجه حراره ثابتة ويكون الصبغ نفس اللون على جميع السيارة مافيه منطقة اغمق من الثانية

الورش الي فيهم فرن بالخضرية كثير ،،، بس الي تعاملت معهم الداعج ، المنصور ، الباحة ، الاخضر .. هذا الي اعرفهم

بالتوفيق

بن داود

12/02/2009, 08:00 PM

هلا والله

البويه حقت الجيب زينه

لاكن اذا تبي تجددها عندك ورشه

القارات والاهلي

وصفهم _
تخلي ورشه سهم على يمناك وتلف يمين وبتشوفهم على اليمين

وسلامك

الصقار الذهبي

12/02/2009, 11:09 PM

لاهنتم يااخواني على التوضيح وكفيتوا ووفيتوا ..

sierra denali

13/02/2009, 12:36 AM

كلام اخوي طحنون عين العقل ودها الناجم وخذ صبغ وكالة واذا عرف احد انها مصبوغة بحق ..

قيمتهم 8 الاف ريال بس بوية , ولو تدخل على المدير المصري اسمه ( تمام ) تصبغة بكلمتين ينزلها لك لست الاف ..

وانا جربت ورش كثير وهذي افضل من الوكالة وللعلم فيه وكالات تصبغ عندهم منها وكالة رنج روفر وبي ام دبليو ..

swaswa

13/02/2009, 04:14 AM

طحنون

13/02/2009, 07:24 PM

ورشة باسمير بلا منازع

افضل ورشة للصبغ
يرجع السيارة وكالة 100%
بس المشكلة انهم غالين يعني ممكن يقوللك 5000 ريال او اكثر
لاكن صبغهم والشهادة لله مثل صبغ الوكاله

مدير الورشة اسمة عمر (سوداني الجنسية)

مالي بالورش ولا لي بالدعايه للورش باسمير مااقولك شغله ماوهب زين لا زين بس للناس اللي يعرفهم ويرعفونه
والتجارب معاهم كثيره وعندهم ثلاث ورش لاكن الورشه اللي قريبه من الربع عشر هي الافضل من ناحيه الشغل
وبعدين لازم انك تكون على راسهم علشان تحسسهم انك متابع وحريص على الشغل
.................................................. .................................................. ..........
وفيه ورش مشي حالك كثيره

والرجال يبي شغل وكاله
بس لازم تشرط على اللي بيصبغ انه ماتكون فيه تموجات على الابواب والرفارف
ويعطيه غاط خارجي ( أكليرك مدبل ونصف لماع ماهوب لماع كامل علشان ماتوضح التموجات )
والموضه الحين رجعو للنجوم اللاماعه في الصبغ