المساعد الشخصي الرقمي

مشاهدة النسخة كاملة : الدعامات الامامية للجيب ..


اكليل الجبل
14/02/2009, 12:10 AM
السلام عليكم ورحمة الله وبركاتة .

اخواني الكرام حبيت استفسر عن اماكن بيع الدعامات الامامية للجيب مثل اللي مركبينها الدوريات وهل اجدها في المحلات ام يتطلب الامر الى تفصيلها واذا كان لابد من التفصيل اين اجد الجلد السوداء التي تركب على الدعامة , واتمنى ان تزدوني باسم المحل او اماكن بيعها ... ولكم جزيل الشكر ...










http://bajeelah.net/up/uploads/26031f314d.jpg (http://bajeelah.net/up/)
عبدالله الدوسري
14/02/2009, 12:34 AM
زي دعامات المرور بالضبط ما أتوقع تلقى
أما الدعامات اللي تشوفها في الجيوب عادة
فتلقاها عند ورشتين في الرياض (وما أدري عن غير الرياض)
ورشة المواهب في الصناعية القديمة
وورشة المميز في صناعية الدائري
الملتقط
14/02/2009, 01:34 AM
للمعلومية ترى المرور يفصل عند المميز لا تستغرب أنا سألته بنفسي قال حنى نصلحا للمرور
بينا عقد لتركيب الدعامات لهم ...
اسبيدر مان
14/02/2009, 02:04 AM
السلام عليكم
الحقيقه اشكر صاحب الوضوع على هذا الموضوع الى كان يقرقع ابراسي وكنت انوى طرحه :D

ولكن في القصيم ماتعرفون احد يفصل دعاميه انا معي اكستيرا ولي سنه وانا ودي اركب له دعاميه ولكن ماحصلت الا عند الوكاله شد بلد وقالولي بعد الخصم بــ 2600 ريال طبعا انا بغى يغمى علي عندهم وحطيت اشماغي فوق كتفي ومشيت والله لوهي من ذهب :mad: وممكن ارقام ورش المميز والمواهب
تقبلو مروري
rpk
14/02/2009, 02:05 AM
ركبت دعامه عند المميز ووانا امشي في الدائري يوقفني سريه يقول انك مركب صدام مزدوج حسبي الله عليه
اسبيدر مان
14/02/2009, 02:29 AM
ركبت دعامه عند المميز ووانا امشي في الدائري يوقفني سريه يقول انك مركب صدام مزدوج حسبي الله عليه
غريبه هل هي تعتيرمخالفه مروريه لان بعض السيارات تجي شد بلد :eek:
rpk
14/02/2009, 07:52 AM
الدفتر مضيق عليه الله يضيق مخارجه قال احط هذي القسيمه في هذا الضعيف علما ان عمري ذاك الوقت كان 20 سنه وهم يبحثون عن صغار السن يعني من 25 وتحت على حسب شكل الشخص
اكليل الجبل
14/02/2009, 01:44 PM
مرحبا بالجميع


طبعاً انا الموضوع ماجبتة من فراغ لاني امس سويت حادث بسيط ولاكن الحمد لله جت سلامات وكنت مركب دعامات مثل حقت الدوريات القديمة اللي تجي بالطول والحمد لله الحامي الله والله اللي يشوف الموتر اللي صدمتة مايصدق طبعاً انا الدعامات فقط راحت فيها والمشكلة انة سواق بنجلاديشي وقال ما اتنازل طبعاً انا صادمة من ورى والخطاء علية مية مية والحمد لله التأمين نفعني بس هو الله يهدية مسك فرامل بالصدفة يقول فية نفر زهمة قدام ويوم رحت اعاين الزحمة لقيتها تبعد عنة حوالي 200 متر بس وش نقول في هالاجانب .. تلاقية في دولته اذا ملك سيكل ولا حنتور كنق ويجيك ع السعودية سيارة على طول وشوارع وسيعة وشباب الله يهديهم مايحبون التهور . المهوم طولت عليكم . بعد ماسار اللي سار قلت لازم اركب دعامة اكبر واقوى . ولقيت حداد سوري يقول انا اضبط لك مثل حقت الدوريات بس ماعندة الجلد اللي تركب على الدعامات فقلت ابدور جلد اذا لقيت فصلت واذا مالقيت ابنتظر يمكن تفيدونا عن محل ولا ورشة كويسة ,.,,
ابوسعودد
14/02/2009, 02:11 PM
والله يالربع انها مهمه بالحيل خصوصا ان السيارات كلها الحين تجي صدامات بلاستك حتى الجيوب
البتار2011
14/02/2009, 04:56 PM
انا اقولك وين تحصلحها ...........


بس شرط ما تعلم أحد ......


شفلك دوريه موقفه على جنب ( إما نازل يصلي او نازل البقاله او في زحمة حادث اوغيرها )


واسرقها منه وفك نفسك ،،،ههههههه


واذا بغيتها بالحلال قل له بعها علي وخل الدوله تركب له وحده جديده ههههههه
اسبيدر مان
14/02/2009, 05:06 PM
انا اقولك وين تحصلحها ...........


بس شرط ما تعلم أحد ......


شفلك دوريه موقفه على جنب ( إما نازل يصلي او نازل البقاله او في زحمة حادث اوغيرها )


واسرقها منه وفك نفسك ،،،ههههههه


واذا بغيتها بالحلال قل له بعها علي وخل الدوله تركب له وحده جديده ههههههه
اضحك الله سنك :D
اكليل الجبل
14/02/2009, 07:37 PM
انا اقولك وين تحصلحها ...........


بس شرط ما تعلم أحد ......


شفلك دوريه موقفه على جنب ( إما نازل يصلي او نازل البقاله او في زحمة حادث اوغيرها )


واسرقها منه وفك نفسك ،،،ههههههه


واذا بغيتها بالحلال قل له بعها علي وخل الدوله تركب له وحده جديده ههههههه



عاد المشكلة انك محامي !!!!!! اذا ونت محامي تقول كذا .. اجل غيرك يقول اسرق الدورية ... ههههه


على فكرة يوم حولونا على المرور لانهاء اجراءات الحادث طبعاً الساعة 11 بالليل ولما دخلت المرور كانت الدوريات واقفة بجنب بعض كلها مخنة 2008 ومركبين الدعامات الجديدة عاد شكلها من جد يقول افشخني بس مايمديني الدورية من حالها تخوف ...
DARK2
14/02/2009, 08:47 PM
السلام عليكم ورحمة الله وبركاتة .

اخواني الكرام حبيت استفسر عن اماكن بيع الدعامات الامامية للجيب مثل اللي مركبينها الدوريات وهل اجدها في المحلات ام يتطلب الامر الى تفصيلها واذا كان لابد من التفصيل اين اجد الجلد السوداء التي تركب على الدعامة , واتمنى ان تزدوني باسم المحل او اماكن بيعها ... ولكم جزيل الشكر ...










http://bajeelah.net/up/uploads/26031f314d.jpg (http://bajeelah.net/up/)


شوف الرابط هذا ان شاء الله تحصل فيه ضالتك

http://www.mekshat.com/vb/showthread.php?t=184896
زمزم 100
14/02/2009, 08:55 PM
قبل سنتين ركبت دعامية ( بوليس ) نفس الصورة على باثفايندر بــ 350 ريال عند المميز


رحت لهم بعد سنة قالي 400

ورحت قبل عدة أيام قالي بـ 500 ريال

صراحة لعب على الدقون عيني عينك ..
أبوياسرالقصيم
14/02/2009, 08:55 PM
شكلها حلو بس ماهو على كل الجيوب تليق
اكليل الجبل
15/02/2009, 01:04 AM
قبل سنتين ركبت دعامية ( بوليس ) نفس الصورة على باثفايندر بــ 350 ريال عند المميز


رحت لهم بعد سنة قالي 400

ورحت قبل عدة أيام قالي بـ 500 ريال

صراحة لعب على الدقون عيني عينك ..



طيب ممكن تفيدني من وين يجيبون الجلد السوداء اللي تركب على الدعامة .
سعود الجريسي
15/02/2009, 01:35 AM
المشكلة ماكل الدعامات تضبط على الجيوب وبعضها قوي بس منظره ماهو بزين
طاش كندي
15/02/2009, 01:53 AM
شف لي يصلحون البدي ادنات والعديات ممكن يصلحونها
زمزم 100
15/02/2009, 07:14 AM
أنا اتوقع بتلقى( الجلد السوداء )

عند محلات الزينة للتريلات المرسيدس في الصناعية القديمة أو

في مخرج 17 معارض السلي هناك محلات لبيع ربلات التريلات و أكسسواراتها

ممكن تكون موجودة ..

ألا وين محل السوري صاحبك - نروح سوى نصلحا عنده ..
تناهيت
15/02/2009, 10:31 AM
الجلد مو موشكلة تقدر تولفها >> تشتري ربلات قوية وتخرم لها مكان البراغي وتقصها على نفس قياس الدعامه واعتقد لو درت في محلات قطع الغيار في الصناعية راح تحصل بدائل كثيرة ولا اعتقد انها تباع جاهزة ولاكن بالمتر تحصلها > تحياتي
زاير الغيم
15/02/2009, 01:23 PM
شف لك شنبر كفر تريلا..وقصه على حد الدعامة..
أو فيه ليّ(هوز) كبير يجي إنش أو إنشين وقصه وتضبط أمورك..:good:

تدري وش رايك تجيب لي دعاميات وأجيب لك جلد:D
qppd
15/02/2009, 02:57 PM
اتصل بمحل رفيق الدرب بالخبر وهو يفيدك 8577133
اسبيدر مان
15/02/2009, 06:03 PM
لوسمحتو ياشباب فيه ورشه بالقصيم تفصل دعاميه
اكليل الجبل
15/02/2009, 06:12 PM
شف لي يصلحون البدي ادنات والعديات ممكن يصلحونها


والله ياطاش كندي مافهمت عليك شي ,.
اكليل الجبل
15/02/2009, 06:13 PM
أنا اتوقع بتلقى( الجلد السوداء )

عند محلات الزينة للتريلات المرسيدس في الصناعية القديمة أو

في مخرج 17 معارض السلي هناك محلات لبيع ربلات التريلات و أكسسواراتها

ممكن تكون موجودة ..

ألا وين محل السوري صاحبك - نروح سوى نصلحا عنده ..


انا يالغالي بالشمال تبوك والسوري على طريق المدينة رحت لمة اليوم واتفقنا ب 350 وموعدني بعد صلاة العشاء اشوف القص ابروح له واوافيكم بالاخبار ..,
اكليل الجبل
15/02/2009, 11:19 PM
اتصل بمحل رفيق الدرب بالخبر وهو يفيدك 8577133


الله يعطيك العافية على المداخلة وسلمت يمينك
AMERALNET
05/02/2010, 10:55 PM
الجلبه اللي تقولون عنها يا شباب
موجوده ان شاء الله بشارع الخزان بوسط الرياض
قريب من الغرابي
سعد الخرجي
06/02/2010, 12:08 AM
الله يعطيك العافيه اخوي صراحتا اختيار موفق عن تجربه شخصيه
اذا لك خاطر تزورنا بالكويت فهي متواجده بكثره في الشويخ الصناعيه شارع الزينة وسعرها ما يتعدى الـ 15 ال 20 دينار بالظبط نفس اللي بالصورة هذي
http://pic.arab-box.com/data/media/7/q8_police.jpg
مع الربل والله يكتب اللي فيه خير وصالح وبالتوفيق