المساعد الشخصي الرقمي

مشاهدة النسخة كاملة : باجيرو ربع ,,


aboode933
14/02/2009, 05:09 PM
السلام عليكم ورحمة الله وبركاته

اخواني اعضاء منتدى مكشات , السلام عليكم ورحمة الله وبركاته
طبعا ثالث موضوع انزله بس محد يرد علي او يكلمني

يالربع انا رجال صراحتن جازلي جيب الباجيرو يعني من الموديلات 2004 او 2005 لين 2007 الربع طبعا
فمن فيكم له فيها خبره او يقدر يقولي كم اسعارها مستعمله وهل تنصحوني فيها لأنهم مدحوها بالخطوط والرساوه او وش عيوبه واللي عنده جيب يبي يبيعه يقولي او يرسلي رقمه على الخاص وجزاكم الله الف خير

علما بأني متوهق بأحد القرى بدوامي ولاعندي اجازه عشان اقدر اطلع للرياض واشوف المعاض فجزاكم الله خير اللي عنده خبر يعلمني ولا ينصحني ببديله وشكرن ,,
اسبيدر مان
14/02/2009, 05:36 PM
عليكم السلام
فيه مقطع في اليوتب لباجيرو ربع فل كامل اسود يراقي في الهافمون والحقيقه بطل لكن نادر تحصله مستعمل ويبدا بالوكاله من 85 الف الى 112 الف هذا موديلات 2008 ولااعلم عن 2009
تحياتي
aboode933
14/02/2009, 05:42 PM
جزاك الله خير على المرور والنصح

ننتظر باقي الاخوان ,,
اكليل الجبل
14/02/2009, 07:34 PM
عاد تصدق انة خاش مخي وبقوة ماشاء الله علية شكل وعزم ورساوة ووو بس عيبة اذا جيت تبيعة ماله سوق زي التايوتا والنيسان .
ابوريناد1979
14/02/2009, 08:30 PM
ممتاز بس يقولون قطع غياره غاليه وماتحصلها بكل مكان
هذا مالدي والاخوان موب مقصرين ان شالله
aboode933
14/02/2009, 08:43 PM
الله يجزاكم خير

اخوي بالنسبه للبيع انا باخذه استعمال يعني بكده
وبالنسبه لقطع الغيار اكيد قطع غياره غاليه حبتين لأنها وكاله يابانيه وتراها تعيش معاك عمر اطول من العاديه ,,

يعطيكم العافيه بس مافيه اخبار عن الاسعار ؟
زمزم 100
14/02/2009, 08:48 PM
يا أخي موتري باجيرو ربع 2007 ( ماهو للبيع ) ;)

أعطيك الأيجابيات 1- رساوة غير طبيعية ماشاء الله لا قوة ألا بالله .
2- فخامة و راحة غير باقي الجيوب .

السلبيات 1- كل مافي السيارة ألكتروني ( وهذا ما أتضح لي ألا بعد شراء السيارة ) :mad:
2- الدبل ألكتروني على شكل عصا ( يلعبون علي ) :D
3- صرفية البنزين مزعجه جدا :no: و التانكي صغير ..
( يعني بتتعرف على كل البنقالة اللي في المحطات ألين توصل قريتك)

أتمنى أني أفدتك ..

و هناك شيء يحاول أصحاب الباجيرو أخفائه :j اللي هو ( أصوات القرقعة داخل السيارة )
عند أدنى شيء..


( المستشار مؤتمن ) و أذا أردت أن تجرب سيارتي فأرسل على الخاص ..
أبوياسرالقصيم
14/02/2009, 08:52 PM
خذ باترول وشلك بالباجيرو عله
aboode933
14/02/2009, 08:53 PM
جزاك الله الف خير على امانتك بس سؤالي لك هل تنصحني فيه
وكم احصل سعره مستعمل ووش بتكون مواصفاته ؟

وشاكر لك حرصك اخوي ,,
aboode933
14/02/2009, 08:55 PM
ابو ياسر يعطيك العافيه على مرورك
بس الباترول صراحتن مشاكله وحرارته واجد وصحيح العزم يخفي عيوبه بس انا راعي كد ماني راعي بر ابيه للخطوط ولين دعت الحاجه للبر ,,
زمزم 100
14/02/2009, 09:01 PM
أعرف لك واحد

أبيض لؤلؤي فل ( جلد أسود - قير أوتوماتيك عادي - فتحة - تدفئة مراتب )

اذا بغيت أكلمه لك ..
aboode933
14/02/2009, 09:04 PM
جزاك الله خير شف هو كم حاده فيه وكم ماشي ونضافته
لاهنت يالغالي,,
abuziyad3
14/02/2009, 09:04 PM
اللي اعرف ان السيارة قوية

الله ييسر لك
aboode933
14/02/2009, 09:24 PM
جزاك الله خير على مرورك :)
aboode933
14/02/2009, 10:29 PM
شباب تكفون اللي يمر يعلق على الموضوع
الحقباني1
14/02/2009, 10:54 PM
اخوي انا اعرف واحد عنده باجيرو 2007 قوة مكينته 3800 طبعا ربع ماشاء الله عليه لان خوي هذا رحالة راح عليه لمصر واقصى جنوب المملكة وغرب المملكة اكثر من مره فاتوقع انه مشى اكثر من 80 الف كيلو في سنة طبعا مو للبيع لانه جرب سيارات كثير وماصبر معه سياره مثل الباجيرو
فانصحك بباجيرو مكينه 3800


وانا معي باجيرو 2007 ماكينة 3800
فل كامل بصراحة ماشاء الله مريحني على الطريق لاني اروح من الجبيل للرياض بكثره فالسياره ثابته على الخط وفي الطعس اسد وقطع الغيار سويت مقارنة مع قطع البرادو بنفسي
فثلا فحمات الفرامل الامامي 250
الشمعة الاماميه كاملة 900
الرفرف 600

والقطع متوفرة لدى الوكالة وارخص من غيرهم (طبعا موجوده عند المحلات الثانيه)

اخير ماكتبت هذا الكلام الا وانا صادق

بس اخر كلمه اقولها لك
احد اخوياي اشترى باجيرو2008 فل كامل ربع مع جهاز ملاحه من الكويت قبل شهر ونصف بـ 95000 طبعا مارح تصدق بس والله هذا اللي حصل وازيدك من الشعر بيت الجمرك اخذ منه 500 ريال فقط والوكاله بالسعوديه تسوي له الصيانه
aboode933
14/02/2009, 11:16 PM
جزاك الله الف خير كفيت ووفيت ورايتك بيضا ومعلومات قيمه جدا اخوي بحكم تجربتك له
بس ماافدتونا بأهم جزء اسعارها ياشباب تكفون,,,
بروق نجدية
14/02/2009, 11:49 PM
والله يا أخوي إن فيه ناس يمدحون وفيه ناس يذمون لكن لا تاخذ إلا ألي انت مقتنع فيه قناعة شخصية وأنت تقول بتستعمل يعني الأسعار وقيمة قطع الغيار ما تهمك الله يوفقك للخير والمنفعة تحياتي 0000000
aboode933
15/02/2009, 12:01 AM
جزاك الله خير بس ودي استفيد وغيري يستفيد من كلام الاعضاء
واهم شي زي ماقلتلك الاسعار ياشباب

وارجع اقول ماقصرتو ,,
الحر 911
15/02/2009, 12:26 AM
اخوي انت تقول لاحد يطلع مااارد هههههههه وابشرر بعزك الموتر مجربه عمي ويمدحه بس قطعة على كلامة شوي غاليه

ونصيحتي تعاال مرعلى المعارض ماراح تندم انشاء الله تعال خميس وجمعه وشوف الاسعار بعينك . ترا الاسعااار ناازله بالمعارض ولا فيه احد يشتري والله فلوسك معك تعال لاتتردد

انا قبل اسبوع تقريبا حصلت واحد لولوي 2008 بابين طبعا بثمانين الف سوم ويمكن يبيع لان مافي ناس تشري
ويمكن الربع ارخص تعال ومنت خسران انشاء الله وماترجع ان شا الله الا والموتر معاك

للمعلوميه الربع نادر بالسوق يمكن تحصل بالمعارض واقفه بس ترا يغلونها شوي
aboode933
15/02/2009, 04:27 PM
جزاك الله خير اخوي ولاهنت ومشكور على ردك
abo111ans
15/02/2009, 05:54 PM
والله يفضل أنك تشتري من الكويت .. افضل لك .. لأن عندهم الأسعار يابلاش .. وبتحصل شي نظيف .. أستخدام نسائي .

وثانياً .. أنصحك بتأجيل قرار الشراء حتى لاتندم .. عند أنخفاض الأسعار الجديد ..

وعسى الله يكتب لك مافيه الطيب ..

ولك اطيب تحية
aboode933
15/02/2009, 09:11 PM
الله يجزاك خير وصدقت بالكويت وعمان بعد رخاص

الله يعطيك العافيه على المرور اخوي ,,
aboode933
16/02/2009, 05:59 AM
؟ظظظظ؟؟؟؟؟؟؟؟؟؟؟؟؟؟؟؟؟
aboode933
16/02/2009, 04:43 PM
الضاهر ان الجيب موب مرغوب بس يعطيكم العافيه ماقصرتو ,,
الوافي666
27/08/2011, 06:08 PM
السيارة راسيه بس قطع غيارةصعبه شويه وتراه كله كمبيوتر وتانكيه صغير جدا
comابوسليمانwww
27/08/2011, 06:19 PM
الباجيرو باختصار موتر وصبور الى ابعد حد ...
بس تكرهه اذا شفت اسعار قطع الغيار وعدم توفرها الا بالوكالة
الوالد معه واحد لكنه بابين وقبل فترة طلع عليه راعي لمزين وطير الزيق الي على جنب الوالد قاله امش راس ماله زيق ماتسوى اني اقعد انتظر المرور يوم رحت اسال عنه ماحصلته الا بالوكالة وسعره 4000 ريال
الباشاء
27/08/2011, 07:31 PM
الربع قليل تحصله ليه ما تأخذ لك صالون علشان متوفر و افضل وأوسع في الركب