المساعد الشخصي الرقمي

مشاهدة النسخة كاملة : انا ناوي اطلع الصمان السبوع ذا وابقي مساعدتكم الرجاء الدخول


زامرانو
14/02/2009, 06:34 PM
السلام عليكم ماطول عليكم انا ناوي اطلع الصمان طبعا من الحساء بطلع من طريق وادي العجمان بطلع لام المصران وبربك دغيم انا بغامر اول مره بطلع بسيارتين ابغي تدلوني عليهم وهل في طريق مزفلت ولا لازم ادخل قطوع مع البر طبعا بجوال (ن95) وش رايكم بجارمن ذا الجوال ومشكورين وماتقصرون ياشباب وارجو الرد بسرعه واي فياض طيبه تعرفونها تعطوني اسمها طبعا تكون قريبه من ام المصران اوبربك دغيم
زامرانو
14/02/2009, 06:35 PM
وين ياشباب وينكم يالنشاما
العريني1
14/02/2009, 06:46 PM
ياأخي الكريم...انا اقترح عليك بحكم خبرتي في المنطقة وربيعها ....:D

افضل الربيع هذه السنة في محيط ام قرين...:good:

يعني شف لك طريق مناسب ...عن طريق رماح شويه الرفيعه احسن لك مزفلت ...

واما دغيم فلا انصحك بها (حديقة دغيم)..http://www.mekshat.com/vb/images/icons/icon13.gif(وجهة نظر)

خلك حول ام قرين ........وين ماتروح الربيع زين
وكيل النيابة
14/02/2009, 07:03 PM
بالنسبة للربيع مثل ما ذكر أخي العريني ..
أفضل شي غرب الرفيعة المنطقة مابين أم قرين وخبزة وأم الهيمان والقراين والظلماء ..
وبالنسبة لقارمن ال95 أحد الأخوان جربه في طلعاتنا الأخيرة ونجح معه بقوة ..
وبالنسبة لأقرب طريق على ما أعتقد من(( الهفوف- لجودة- للصرار- للنعيرية- لقرية- للرفيعة-)) كل هذا زفلت بحدود 480 كيلو .. ثم بعد الرفيعة اتجه لم ((طريق حفر العتش أو التنهاة)) بحدود 5 كيلو وأدخل يمين ثم حوالي 10 كيلو إلى 20 كيلو هذي أفضل منطقة بالصمان والله أعلم ..
شرق الصمان
14/02/2009, 07:11 PM
روضة خريم يمدحونها يازمرانو ربيعها كايف وقريبة للخط اما الفياض
بعيدة وفيها نوع من الخطر والمغامرة
ريف النشاما
14/02/2009, 07:14 PM
بالنسبة للربيع مثل ما ذكر أخي العريني ..
أفضل شي غرب الرفيعة المنطقة مابين أم قرين وخبزة وأم الهيمان والقراين والظلماء ..
وبالنسبة لقارمن ال95 أحد الأخوان جربه في طلعاتنا الأخيرة ونجح معه بقوة ..
وبالنسبة لأقرب طريق على ما أعتقد من(( الهفوف- لجودة- للصرار- للنعيرية- لقرية- للرفيعة-)) كل هذا زفلت بحدود 480 كيلو .. ثم بعد الرفيعة اتجه لم ((طريق حفر العتش أو التنهاة)) بحدود 5 كيلو وأدخل يمين ثم حوالي 10 كيلو إلى 20 كيلو هذي أفضل منطقة بالصمان والله أعلم ..


لا تعدى هالحكي قيد أنملة :D
زامرانو
14/02/2009, 07:37 PM
ماقصرتو شباب بيض الله وجيهيكم كلكم ويعطيكم العافيه ويجعله في موازين اعمالكم
ابو صعب
14/02/2009, 08:22 PM
فادوك الشباب
زامرانو
14/02/2009, 08:23 PM
طيب انتو تقولون ام قرين ممن الاحدثيات لوسمحتو
ع الطيار
15/02/2009, 01:44 AM
يا اخوي

لا تعدى فيضة اسمها فيضة عبدالرحمن هي اجمل فيضة في الصمان عن ام اقرين 12كيلو
عاشق النداوي
15/02/2009, 01:55 AM
ياشباب عطوه احداثيه او وصف صح يمكن الرجال مايعرف شي بالصمان فياليت توضحون له اكثر من كذا
زامرانو
15/02/2009, 06:31 PM
اي تراني غشيم بالصمان
زامرانو
15/02/2009, 06:33 PM
وياشباب لوطلعت مثلا من شويه كيف راح يكون طريق الصمان واللي يعرف لايبخل علينا طبعا اقرب فيضه تكون مربعه
for
15/02/2009, 11:46 PM
شوري عليك وانا اخوك مابه ربيع يستاهل العنوه من هاك البعيد الا كانك متعود الجلد ومستعد وربعك خفيفين فالتمشيه طيبه كل يوم في فيضه اما تخييم يوم يومين شف قريب دياركم اهون لك ..
الصمان فياضه صارت حدايق ناقصها ستاربوكس وهرفي :D
اعشق الربيع
15/02/2009, 11:54 PM
فــــــــــــــــادوك انشالله الشباب وشكرا
فرغالي
16/02/2009, 12:07 AM
اخوي كم يوم ناوي تقعد علشان افيدك
زامرانو
16/02/2009, 03:26 AM
ناوي اقعد 3 واذا استحلت الجلسه 4ايام وتراني معزم وبايعها
الجواب33
16/02/2009, 03:37 AM
السلام عليكم


خابر لك مكان يصلح للموت

تموت في ربيع خير من تموت وتحت المكيف ..


ههههههههههههههههه


انا اقول خلك مع طريق المقانيص يطببك على اي فيضة تجوزلك ..
مطر سهيل
16/02/2009, 07:09 AM
انشاء الله الشباب فادوك ورايهم مبروك موفق انشاء الله
سليمان 10
16/02/2009, 07:14 AM
الي يسأل من الصمان من اي منطقه حتى يسهل على الشباب الوصف القريب 000
نسناس ليل
16/02/2009, 01:37 PM
وانا اشور عليك وانصحك انك ما تستخدم قارمن الجوال مو تكااااااااااااااااااااااااااااااانه .. الافضل تشتري قارمن او اقرب خوي لك استعيره منه