المساعد الشخصي الرقمي

مشاهدة النسخة كاملة : اصحاب الخبره باترول


كساب الطيب
14/02/2009, 07:40 PM
السلام عليكم ورحمة الله وبركاته

اخواني الاعزاء:
لدي استفسار عن جيب باترول ربع وتعشيق الدبلات
اذا عشقت الدبل الخفيف بأي نمره اقوم الموتر؟؟؟
واذا عشقت الثقيل باي نمره اقوم الموتر؟؟؟


لاني سمعت ان اذا عشقت الدبل تعشق الموتر بثالث او رابع عشان ما تهرب زيوت الماكينه فهل هذا صحيح؟؟؟؟
واستفسار اخر عن صرفية البنزين الموتر يصرف وش الحل؟؟؟
عزيز النفس 66
15/02/2009, 01:58 AM
وعليكم السلام اخوي

والله الي اعرفه نا ومجربه اذا شبكت الدبل بالخفيف اعشق القير بالثاني

اما بالنسبه للدبل الثقيل نادر ما استخدمه لكن اتوقع انه نفس الحكايه بالثاني لان ممكن لم تقومه بالثالث تاثر عل كلتش موترك

وجهة نظري

وبالنسبة للصرفية البنزيم للباترول شيء طبيعي خاصه اذا كان كومبريتر

والله يعينا وياك
كساب الطيب
15/02/2009, 12:14 PM
مشكور اخوي على مرورك

وننتظر اعضاء مكشات الاخرين
كساب الطيب
15/02/2009, 01:46 PM
افا يا اهل مكشات

محد رد غير واحد

لا لا لا شكلنا اخطينا بالمنتدى

ماهو هذا فعلكم
برباتوف
15/02/2009, 01:56 PM
اخي الكريم

الدبل على حسب الحاجه .. يعني تقدر تستخدم الخفيف والثقيل مع النمره الاولى او الثانيه او الي تبي .. يعني لو حطيته بالثقيل الموتر بإمكانه يقوم بالنمره الثالثه .. لكن بقولك بعض النصايح البسيطه عن الدبل

لا تحرص تشبكه الا في حاله السحب فقط .. ولا تطول فتره استخدامه لانك اصلا ماتحتاجه الا في حاله السحب

احرص على تنسيم الكفرات قبل تطلع للبر وذلك للمحافظه على بدي السياره من التفكك والهرقله .. ايضا لراحه السياره من طول فتره استخدام الدبل ..

في حاله كان الجو حار لا تكثر من استخدام الدبل سواء كان الثقيل او الخفيف لان هذا يضر بالكلتش .. ولا تجلس فتره طويله جدا وانت شد على الموتر بالدبل ( اقصد بالفتره الطويله مثل نصف ساعه وانت تطعس وشاد على الموتر بالدبل ) لان هذا يسبب احتراق الكلتش

اما بخصوص تهريب زيوت المكينه فهذي معلومه اول مره اسمعها ولا اعلم قد تكون صحيحه بخصوص الدبل الثقيل وقد تكون خاطئه لاني نادرا مااستخدم الثقيل .. اما بخصوص الخفيف فهذا كلام خاطئ 100% ..
صاحب الجيب
15/02/2009, 02:07 PM
وعليكم السلام ورحمة الله وبركاته
حياك الله أخوي كساب الطيب

بالنسبة لتقويمة الموتر أو فزته غالباً تكون بالثاني لأن الأول قصير نفس ولكن قد تضطر إلى الأول في حالة كان الموتر متعلق
وللمعلومية تختلف القومة من موتر لموتر بالنسبة للباترول الغالب تقويمه بالثاني بالدبل أو بدون الدبل لأنه ما يتحمل الأول وكذلك اللاند كروزر
أما بالنسبة للباثفندر فيتحمل التقويم في الأول

وأتمنى لك وللجميع التوفيق
NissaN 1990
15/02/2009, 02:51 PM
أخوي كساب الطيب


با لنسبه لتعشيقات الدبل نبدأ بالدبل الخفيف وهو ما يضر السياره سواء كان القير بالأول أو حتى الخامس سواء مسرع أو مهدي ما يضر النيسان بالذات أبداً كأنك منت معشق دبل



وبالنسبه للدبل الثقيل هذا ما تسخدمه إلا في حالة السحب أو أن السياره تعلقت تعليقه قويه مره وتقدر تعشق القير بالأول وتدعس بنزين بسيط مره وتكون المسافه قريبه مره يعني أمتار بسيطه أو أنك إذا تلعطت السياره من مكان التغريز توقف وترجعه بالخفيف وترجع تدعس بكيفك وإذا تبي تمشي مسافه طويله بالدبل الثقيل لازم تخليها بثالث أو رابع


وبالنسبه للزيت اللي يقولون لك وأنت تقصده هو صوف القير تتفقع ويطلع منها زيت وتصليحها مكلف والدبل ما راح يشتغل معك إذا خربت وأسباب خرابها هي تعشيق الدبل الثقيل وتعشق القير بواحد مثلاً وتدعس على السياره زياده كذا راح تخرب على طول يعني تدعس سرعه عاليه


وإذا بغيت تنزل صحراء نسم هواء الكفرات عشان تريح السياره ،،،،،


وبالنسبه للصرفيه أتمنى أنك تفيدنا وش موديل السياره وهل هي كربريتر أو بخاخ



أتمنى أني قدمت معلومه مفيده وما طولت عليكم
كساب الطيب
15/02/2009, 02:52 PM
مشكورين على المرور الطيب من الوجيه الطيبه

وافهم اني اذا عشكت الدبل خفيف ولا ثقيل
اقومه باي نمره ما تضره؟؟؟
NissaN 1990
15/02/2009, 02:57 PM
نعم بالدبل الخفيف ما تضره بس تفرق بالثقيل أنك ما تعطيه دعسة بانزين قويه عشان هذي هي المضره اللي نتكلم عنها أما إذا تبي تعطيه الدبل الثقيل وتدعس بنزين خفيف ومسافه قريبه ما فيه ضرر
كساب الطيب
15/02/2009, 05:56 PM
يعطيك الف عافيه اخوي
موديل الموتر 99 كبليتر
مايمشي مع 200 كيلو مفلل
كساب الطيب
15/02/2009, 09:15 PM
؟؟؟؟
؟؟؟
؟؟
؟
ابوطاقية
15/02/2009, 09:32 PM
الشباب ماقصر بالنسبه للدبل وانتبه ترى دبل الباترول جنزير ومشاكله كثيره واول ماتسمع طقطقه وانت تمشي اذا الدبل معشق اعرف ان دبلك يبي جنزير
وبالنسبه لصرفية البنزين الباترول تقل محلوف عليه يخسر راعيه
NissaN 1990
16/02/2009, 09:05 AM
أخوي كساب الطيب هل أنت من سكان الرياض،،،
برباتوف
16/02/2009, 09:49 AM
اخوي كساب الطيب .. اذا كان موديله 99 .. هل هو بخاخ او كربريتر ؟

البخاخ ( الصالون فقط الانواع التاليه : Sgl - Sgle - Safari - Super Safari )
الكربريتر ( S - Gl - الربع بجميع انواعه )

تجي ياطويل العمر وتنتظر لحد مايصير الموتر حول قطعه , يعني البنزين خلاص بيخلص , ويكون الامبير على الخط حق الـe بالضبط , بعد ذلك تروح وتعبي بنزين فل وتصفر العداد , وتشوف كم يمشي الجيب , الطبيعي بالنسبه للكربيتر من 300 الى 360 ويختلف هذا على حسب الاستخدام (مكيف او لا - خط او ديره) ..

بالنسبه للبخاخ ماعندي خلفيه بس الاكيد انه يمشي اكثر , غير ذلك اكيد عندك مشكله , واذا كان فيه صوت غريب من المكينه غالبا يكون البلى بالباوجي لانها من اسباب الصرفيه الزايده
كساب الطيب
17/02/2009, 02:15 PM
يعطيكم العافيه ياخوان
وانا من سكان الرس تخبرون ورشه تركب فررات

واذا فللته وداخل الديره وسواقة شايب يمكن 250
والعنة والدين وكرش الموتر 180 كم
NissaN 1990
17/02/2009, 02:28 PM
أخوي كساب الطيب موترك صرفيته غير طبيعيه و يدل على أن فيه خلل ولكن الورش اللي أعرفها وشغلها نظيف بالرياض،،،، ولكن فيه كذا طريقه تقلل الصرفيه وهي الأولى مراوح كهرب والثانيه فرارات
والثالثه والأهم بواجي مستوبيشي وبليتين حق مستوبيشي

وبالنسبه للمرواح والبواجي والبليتين هذي تقلل الصرفيه وتزيد العزم والممشى فعلاً راح يتحسن موترك كثير بس ود البواجي والبليتين لكهربائي تعرفه تمام وخله يوزنلك البليتين صح وخله يوزنلك الليات حق الكربريتر وأكيد الكربيت عندك فيه مشكله إذا تعرفلك أخصائي كربيترات خله ينظفه لك بعد ،،، وشف بنفسك ،،،،

أتمنى لك التوفيق وأسف على الإطاله
كساب الطيب
18/02/2009, 03:14 PM
مشكور اخوي يعطيك العافيه

ومعليش اذا كثرت الاسلئه
عزم الموتر يتغير او يصير به قطعه
كساب الطيب
18/02/2009, 03:16 PM
والمستبيشي كم موديل
NissaN 1990
19/02/2009, 09:17 AM
بالنسبه للعزم يزيد والصرفيه تقل لأن بواجي بلاده ما هي قويه صناعه إمراتيه عشان كذا الموستبيشي أفضل وأقوى من بواجي بلاده والبليتين حق بلاده ما يجي الأصلي تجي قوته زي قوة البليتين حق الددسن ضعيف ،،،،،
وبتأكد لك من الموديل وأرجع أرسلك رساله إنشاء الله
SIF
19/02/2009, 03:09 PM
ولكن الورش اللي أعرفها وشغلها نظيف بالرياض،

أخوي نيسان تكفى دلني على هالورش الزينة

ضروري
عندي جيب سوبر السفاري 99 الصرفية زايدة مرة مرة

بالتوفيق
التعـ King ـديل
19/02/2009, 03:19 PM
انا معي باترول الان 97 صرفيته طبيعيه لاني مجرب باترولات قبل مايفرق عن البخاخ كثير

الان مركب له هدرز سويدي ومراوح مكسيما وفرارات برازيليه مااشاء الله تبارك الله يمشي

معي بالخط جربته مره من الخرج للحدود الاماراتيه الخرج 185 كيلو لحرض ومن حرض

تقريبآ 260 تقريبآ 445 كيلو وانا ماشي على سرعه 160 الى 180 وكفاني التانكي لحد الحدود

وداخل الديره اعبيه فل ولاني اداوم يوميآ 90 كيلو رايح جاي يكفيني 5 ايام دوام واذا جيت افلل

الاقيه فيه بعشره على الاقل هذا بالنسبه للصرفيه والبنزين .. اما بالنسبه للدبل انا عن نفسي اخفف

الكفر لحد 20 واعشق الخفيف واتمشى عليه مابين 2 و3 و4 احيانا بس اذا دقر تدقيره قويه او

تعلق تلاقيني اشغل الثقيل واعشق 1 مع دعسه خفيفه لحد مايطلع وبعدها ارجعه خفيف
كساب الطيب
25/02/2009, 03:13 PM
يعطيكم العافيه