(((على راحتكم...))) لكن على الموتر خطر من البنزين.........

[مواسي الطعوس]

اليوم كنت مع احد زملائي وقال لي معنا (جي اكس ار) 2001م ويمشي 350 كم اذا عبيناه فل . وله لا رائحه بنزين قويه تطلع مع الشكمان .
** واصلح بعض الاشياء من ضمنها : البواجي وفلتر الهواء . ولا ترك ولا ورشه في الرياض الا مر عليها ومنها ورشة (العضيب) ولا حصل نتيجه.
** وذا طلعنا للبر ياخذ معه جراكل بنزين بالغماره ( الله يستر مايحترق او يسكر من رائحة البنزين)
وتعرفون خطورتها مع المطبات.


**** ملاحظه : اقسم بالله العظيم انها قصه حقيقيه واذا احد ماصدقني يراسلني على الخاص اعطيه رقم جواله .لان زهقان من الموتر يقول اعطوني حل والا بعته.

(((( تراني قلت ها الكلام لاني اخاف ان يجذف موضوعي كما حذف موضوعي قبل 3 ايام . او يحول لمنقول,

** لاتبخلون علينا اللي حصلت معه او سمع عنها . او يعرف حلها او ورشه خارج الرياض.

** اعتذر ان كنت اخطيت على احد في مواضيعي السابقه . يمكن ذكرت لقب لاحد وانا مادريت . اكرر الحلف والله اني ما عرف لقب احد في الموقع سواء عضو او مشرف.

[الثويرات]

احدى الاحتمالين
1- البخاخات خربانه
2- الكميوتر فيه خلل

يجرب يفك كمبيوتر من سيارة ثانية ويجرب النتيجه

[رحال جده]

يمكن يحتاج توضيب والله العالم

[مواسي الطعوس]

اشكر ك ياخوي (الثويرات) وكذلك اخوي ( رحال جده) وبانتظار المزيد فا انا مجهز الورقه والقلم
ابسجل ردودكم وابعطيها زميلي يعطيها اياه . لاتبخلون علينا ولو يحصل ما تتاخرون ولا عليكم امر .


** كان بودي اكتب العنوان عاجل لكن خفت يطير الموضوع .

[مواسي الطعوس]

اشكر ك ياخوي (الثويرات) وكذلك اخوي ( رحال جده) وبانتظار المزيد فا انا مجهز الورقه والقلم
ابسجل ردودكم وابعطيها زميلي يعطيها اياه . لاتبخلون علينا ولو يحصل ما تتاخرون ولا عليكم امر .


** كان بودي اكتب العنوان عاجل لكن خفت يطير الموضوع .

[كرفان]

اليوم كنت مع احد زملائي وقال لي معنا (جي اكس ار) 2001م ويمشي 350 كم اذا عبيناه فل . وله لا رائحه بنزين قويه تطلع مع الشكمان .
** واصلح بعض الاشياء من ضمنها : البواجي وفلتر الهواء . ولا ترك ولا ورشه في الرياض الا مر عليها ومنها ورشة (العضيب) ولا حصل نتيجه.
** وذا طلعنا للبر ياخذ معه جراكل بنزين بالغماره ( الله يستر مايحترق او يسكر من رائحة البنزين)
وتعرفون خطورتها مع المطبات.


**** ملاحظه : اقسم بالله العظيم انها قصه حقيقيه واذا احد ماصدقني يراسلني على الخاص اعطيه رقم جواله .لان زهقان من الموتر يقول اعطوني حل والا بعته.

(((( تراني قلت ها الكلام لاني اخاف ان يجذف موضوعي كما حذف موضوعي قبل 3 ايام . او يحول لمنقول,

** لاتبخلون علينا اللي حصلت معه او سمع عنها . او يعرف حلها او ورشه خارج الرياض.

** اعتذر ان كنت اخطيت على احد في مواضيعي السابقه . يمكن ذكرت لقب لاحد وانا مادريت . اكرر الحلف والله اني ما عرف لقب احد في الموقع سواء عضو او مشرف.
وش تبي يطلع مع الشكمان ....ريحة العود ولون الزعفران:D:D
وهل قام بفحص جلد البلوف؟

[سطام vip]

وش تقول اجل عن سيارتي باجيرو ربع اربعه سلندر

اعبيه فل وما يمشيني الا 200 كيلو بس

غيرت كل شي الحين بواجي وبليتين واصلاح كلبريتر واسلاك

ولحد الان المشكله قائمه الله يكون بالعون

وان شاء الله الاخوان ما يقصرون معك

[مواسي الطعوس]

لا ياخوي (كرفان) لو يصير ريحته مثل ماتقول كان مانصلح موترك مثله الا ب 5000 الاف ريال واللي مثلك وده يصلحه يدفع .

** قصدي يطلع من الشكمان رائحة بنزين ما احترق . ماهو كربون زي السيارات خاصة البخاخ.

[موادع 1]

اخي العزيز
معي باترول سفاري 2001 صالون
كنت اعبيه بنزين 91 وماشي الحال
ولكن الملاحظات ان ريحة الشكمان وانا احمي السيارة الصبح
غير طبيعية تقول ما احترق البنزين واغير البنزين الى 95
وتغيرت ريحة الاحتراق من الشكمان وصارت اللي حنا خابرين
وتغير عزم الموتر وخاصة على النفود والفرق 17 ريال بس
خلاصة الكلام اذا انت تعبي 91 جرب 95 وشوف الفرق
وفيه نقطة يمكن انت غافل عنها اللي هي التهريب
مع ولد عمي ددسن 86 نظيف مرررررررررره
شاريه من شايب فاكه وكاله ويقول اعبيه فل ما يمشيني 200 كيلو
ما خلى شي ما غيره واخيرا فكر في التهريبات ولقى ربلات التانكي
فيها تهريب اذا عباه فل يروح بنزينه تهريب لحد ما ينزل من الفل
والباقي يتبخر
ومعلوم ان البنزين خفيف يتبخر يعني صعب تلاقي البنزين تحت السيارة وهي واقفه لانه يتبخر
هذا ما لدي والله يدلك

محبك
ابو نواف

[مقلع الرمث]

خله يبيعه ويفتك منه بس قله يلزقه بحلق اشريطي طيب خخخخ

[الستانس]

وش تقول اجل عن سيارتي باجيرو ربع اربعه سلندر

اعبيه فل وما يمشيني الا 200 كيلو بس

غيرت كل شي الحين بواجي وبليتين واصلاح كلبريتر واسلاك

ولحد الان المشكله قائمه الله يكون بالعون

وان شاء الله الاخوان ما يقصرون معك


سطام والله يا فرق بينك وبين الشمس الرجال يقول 2001 وانت بموترك تقارن ههههههههههههههه

اضحك الله سنك

[كاشت وحداني]

تقول ياخوي انه يطلع ريحة بنزين مع الشكمان :
اذن هذا دليل عدم احتراقه .
الاسباب حسب ما مر معي في في اكس ار موديل 2000 وهو ماهو لي اخذته من صديق لي اتمشى عليه وكان مسافر وحدثت المشكله
طبعا غيرت البواجي ولا فاد بقيت الريحه
ثم قمت بفحص الكويلات اللي هي اسلاك البواجي حيث ان كل بوجي كويله فوق ولها كمبيوتر ينظم توزيع الكهرباء
ولقيت اثنين مو شغاله
وغيرتهم بكويلات مستعملات والحمدلله ضبط
شيك على الكويلات لان معظم المواتر الجديده كل بوجي كويله معاه .
اذا ما ضبطت او طلعت اكويلات كلها شغاله فهناك خلل في تنظيم الكهرباء للكويلات ويخلي بعضها يدخله البنزين ولا يحترق .
افصل البطاريه لمدة نصف ساعه ثم اشبكها يمكن الكمبويتر يسوي لنفسه ريسيت وتضبط
واذا ما ضبطت الشكوى لله

اتمنى اني افدتكم ولكم تحياتي

[my own]

اذا يمشي 350 كلم ,, اشوفه عادي ,,
احيانا الدعسة لها دور في الصرفية ,,
خله ينظف البخاخ وما عليه إلا العافية إن شاء الله .

[نسناس الجنوب]

شيك على التانكي يمكن فيه تهريب صارت معي في الموتروطلع التهريب بالظبط من حلق التانكي وغيرته من التشليح والحمد لله راحت ريحه البنزين وقلة الصرفيه

[سعود الجريسي]

انا ياطويل العمر موتري ولله الحمد 2006 لاندكروزر اعبيه 95 يمشيني 300 كلم ويبقى فيه الربع طبعاً لامن جاء الربع عبيته فل لأني ماخليه ينزل عن الربع يعني تقريبا نفس ممشى موترك بالبنزين وبالنسبة للرائحة أتمنى يكون افادوك الشباب

[بدوي جنوبي]

عندك مشكله في
كيمة خلط الوقود والهواء
لازم كل منها يكون بمقدار معين
طبعا اللي يعرف طريقة الوزن الوكاله او فني
متخصص في الحقن الالكترروني

المشكله اللي حاصله عندك ان كمية الوقود كثيره جدااا
وهذا يظهر جليا من الرائحه الخارجة من الشكمان

كلم خويك يفك فلتر الهواء ويشيك داخل الغطاء هل يوجد سدد
من جهة الماصورة المتجهه الي داخل الثلاجة لازم يفحصها كامل
ممكن البنشرى ناسي الخرقة داخل لانها تحصل كثير :eek:
لو يفكها قطعه قطعه ،،، لان فكها سهل جدااااا
نصيحتي ابعد عن الورشة اللي ذكرت اسمها
بالتوفيق :good:

[زمزم 100]

يمكن خويك راعي دعس و سرعة .. ( يجلد الموتر )

[جبل حائل]

السلام عليكم جميعا
مثل ما قالوا الاخوان يمكن تنظيم الكهرباء للبواجي
والاقرب جلد بلوف اذا هو ماشي فوق 300000كم تبداء جلد البلوف تخرب
واذا تبي تفحص جلد البلوف ( بعد ما تجي من مشوار فوق 50 كم وبعد ماتطفي السيارة
ارجع شغلها مرة ثانية اذا كب الشكمان دخان ازرق او اسود معه ريحه بنزين فموترك محتاج تغيير جلد بلوف )
طبع سهل تغيير الجلد وما يضر السيارة ولا يرجع يدخن مرة ثانية
وانا غيرت جلد بلوف لموتري الاول وضبط معي حتى بعته
والمطلوب لتغيير جلد البلوف فقط طقم وجيه + شغل اليد فقط وللمعلومية طقم الوجية بــ 450 ريال
وشغل اليد عندنا بــ 500 ريال + تغيز الزيت والسيفون بـ 115 ريال
اما صرفية البنزين معي موتر 2000 جي اكس ار اذا فللت بنزين 91 وثبت رجلي على سرعة معينه يمشيني 480 كم بالراحة . اما التانكي الاحتياطي يمشيني 220 كم بالراحة
اتمنى لك التوفيق واسف على كثرة السوالف

[خزامى الغاط]

الكويلات او اسلاك البواجي او في فلتر الهواء متسكر

محبك

[مواسي الطعوس]

اشكرك اخوي موادع1 . غير هو البنزين الى 95 ولا تغير شي . انت ذكرت الددسن انها تهرب من التانكي يعني لو صار الموتر مو شغال يشم الريحه لكن هذا يقول اذا اطفينا السياره وجلسنا شوي مانشم رائحة بنزين.

** اخوي مقلع الرمث يعطيك العافيه . لكن يقول وشلون ما القى العله . ومشكل تبيعه لازم تخبر اللي يبي يشتري . والرجال معه الموتر من زمان واذا باعه مايحب يشتري الاجديد والجديد غالي . ويزعل ويخا لف الحمله ضد السيارات.

[منصور الفايز]

مساء الخير ....

اخوي ...عندي استفسار مهم:
صاحب السيارة ليش ما راح للوكاله ويفحصه عندهم !!
ليش يروح للورش!!
المفروض اول شي يسويه يروح للوكاله ويفحص بس بدون تصليح... او يصلح عندهم اذا كان سعرهم مناسب له.

[راعي النياسين]

يازين الباترول بس

والله غريبه مشكلتك اخوي اول مره اسمع فيها

الله يعينك

[مواسي الطعوس]

اخوي ( كاشت وحداني )

كلامك هذا ذكرته لزميلي عاى طول بعد ماقلت له البواجي والفلتر وقال انه مغيرهن .قلت له الكويلات اكشف عليهن . وانا قلت اللي مجرب ها الخلل كلامه اقرب للصواب . وهو ما رد الى الان علشان اخبركم صار من اي شي علشان تتم الفائده .

[دانكن]

السلام عليكم ..


واحد من ربعي الله يسلمك كان عنده تهريب بالبانزين ودايم تشم ريحتة داخل السيارة ..

المشكلة صارت من ربلات فوق التانكي تصير عند الصفاية .. :) ..

غيرها ومشت اموره الحمدلله ..

ابعطيك رقم رجال في صناعية الدائري في الرياض خل خويك يمر عليه ترى شغله مظبوط ..

وصدقني ماراح تطلع من عنده الا انت حال المشكلة ان شاء الله .. :) ..


0554889337

ابو ابراهيم



.

[راشد2009]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههه ترى المشكله سهله اذا طلع ريحه بنزين واقف وافتح غاطه البنزين اتانكي يعبي هواااء الغطااء خربان هههههههههههههههههههههههههههههههههههههههههههههههههه ههههه

[سسته]

ارسلي رقمه على الخاص ... وابشر ان شاء الله بسعدك ...

[رجل كريم]

غير فلتر الهواء بواحد جديد اصلي وشيك على تانكي البنزين وغطاه وجرب برضه البنزين اوكتان 95 وان شاء الله الامر بسيط وميسر .,

[كموص]

السلام عليكم يا اخوان ... جميع ماذكر ممكن يحصل . انا كتبت في احد الردود السريعة... الآتي ؛

انا ملاحظ اتو البنزيم الاحمر صار زي البنزيم الاخضر يخلص بسرعة ولا ايه ...
مع العلم انو سيارتي ما بها اي خلاف ميكنيكي ...؟؟؟

[MRW]

اذا السيارة فيها تقطيع بسيط وهي واقفه معناته كهرب

وذا صافيه المشكله ميكانيكية

اللي يقرا كلامي يقول حل المشكله

[ذيب عالية نجد]

أهم شي لاتنظف البخاخ يأما غيره أو لاتغيره لإن تنظيف البخاخ يدمره ما يصلحه