المساعد الشخصي الرقمي

مشاهدة النسخة كاملة : مساعده للتخيم بالمجمعه


معارك
14/02/2009, 10:05 PM
من يقولي وين المكان المناسب للتخييم حول المجمعه او حول بريده عوايل وترا احب المكان اللي مافيه ناس واجد
راضي
14/02/2009, 10:08 PM
والله ياخوي ودي اني ادري حتى ادلك لكن عندنا هنا شباب قروم بإذن الله مايقصرون معك
عسى الله يحفظك في حلك وترحالك ويعطيك ماتمنى قل امين ......
موووستاش
14/02/2009, 11:02 PM
مساء الخير اخوي أهلاً وسهلاً بك في المجمعة


عندك مزيرعه ربيعه طيب هذي قريبة لم المجمعة على طريق مكة وشقراء


كان تبي ابعد اشوي فيه عندك خفيسه ومطربه طبعاً هن حول بعض الربيع متشوف أخره أطيب من الطيب وهذي على طريق حفر الباطن بعد ام سدره يجيك طريق ممسوح ( مهد ) يمين افرق معه


تقريباً مزيرعة تبعد 15 كيلو يمكن اكثر شوي ويمكن اقل


مطربه وخفيسه يمكن حول 50 كيلو بس منب متاكد مره



واهذي صور لخفسيه



http://www.albrari.com/vb/uploaded/10078_61234428083.jpg (http://www.albrari.com/vb/uploaded/10078_61234428083.jpg)



http://www.albrari.com/vb/uploaded/10078_01234428865.jpg (http://www.albrari.com/vb/uploaded/10078_01234428865.jpg)





وهاذي صوره من مطربة




http://www.albrari.com/vb/uploaded/4388_11234483873.jpg (http://www.albrari.com/vb/uploaded/4388_11234483873.jpg)








وللأسف ملقية صوره لمزيرعة


وان أشاء الله انك تستمتع في التخييم في ربيع ديرتي الغالية


وتقبل ودي قبل ردي
أصول شمر
15/02/2009, 01:52 PM
المجمعه: روضة مطربه
بريده : المستوى الركيه روضة المهنا
وبالسلامه
و ا ك 700
15/02/2009, 05:34 PM
اخوي موستاش لو توصف لي روضة الخفيسة وانا جاي من الرياض ماسك طريق القصيم اكون شاكر لك
أبو إبراهيم !!
15/02/2009, 06:00 PM
نبي معلومات أكثر عن المناطق والأماكن الجميلة في المجمعة
وهل يتوفر شقق للعوائل في المجمعة ...
المجمعه
15/02/2009, 06:43 PM
يا هلا بكم فى المجمعه وهذى الساعه المباركه


والمجمعه ولله الحمد هذه السنه مربعه ربيع طيب .. ووين ما تروح تلقى ربيع .. واذا تبغى وادى يمشى له اكثر من 3 شهور تلقاه فى وسط الديره وبين النخيل


واذا تبى البر مثل ما تفضل الاخ مستاش .. وازيد عليه الزلعا وام عشر .. والارض كلها ربيع ولله الحمد


والمجمعه مدينه متوسطة الحجم تتوفر بها بعض الاسواق التموينيه الكبرى وبعض المطاعم العالميه و كل ما يحتاجه المسافر



والاخ اللى يسأل عن الخفيسا وهو جاى من الرياض : تفرق مع مفرق تمير وتتجه الى تمير .. واذا جيت تمير اطلع الى مبايض .. واذا وصلت مبايض يجيك حرف تى لف معه يمين .. واذا لفيت يمين كأنك رايح للشعب وبعد مسافة تقريبا 2كيلو يجيك مفرق الشحمه على يدك اليسار لف معه .. وابتل الى ان تاصل الشحمه .. (وعند هذه النقطه ينتهى بك الاسفلت).. اطلع من الشحمه سيده .. واذا تعديت الشحمه تجيك خطوط تنزل يسار ..انزل معها وخلك مبارى لجبل العرمه (خل الجبل على يدك اليمين) .. وتمشى تقريبا 5 كيلو تجيك مطيربه .. وبعدها بـ 3 كيلو تجيك مطربه .. وبعدها بـ5 كيلو تجيك الخفيسا .. وبعدها بشوى تجيك الزلعا والنظيم وام عشر وزلعا القاعيه


امل اننى وفقت بالرد على تساءل الاخوه


واى شىء تبغونها اطرحوه هنا وحنا حاضرين والاخوان ما همب مقصرين
من الاسياح
15/02/2009, 10:55 PM
وين المطاعم العالمية ..لي سبع اسنين أدرس فيها مافيها إلا هرفي ومافتح إلا هالسنة ويسكر 11 ليلاً...ونص وجبات هرفي المعروفة مو عندهم ..أما باقي المطاعم فهي بإدارات بنغالية ممرضة .....
لو تأخذك غفوة لحد الساعة 11 كان مت من الجوع بالمجمعة ..المجمعة تحتاج لكثير من الخدمات والأسواق الواحد لو يبي مسمار راح لرياض ولا للقصيم ...ياليت أهلها يهتمون بها لأن موقعها استراتيجي
أبوحمد
16/02/2009, 12:25 AM
وين المطاعم العالمية ..لي سبع اسنين أدرس فيها مافيها إلا هرفي ومافتح إلا هالسنة ويسكر 11 ليلاً...ونص وجبات هرفي المعروفة مو عندهم ..أما باقي المطاعم فهي بإدارات بنغالية ممرضة .....
لو تأخذك غفوة لحد الساعة 11 كان مت من الجوع بالمجمعة ..المجمعة تحتاج لكثير من الخدمات والأسواق الواحد لو يبي مسمار راح لرياض ولا للقصيم ...ياليت أهلها يهتمون بها لأن موقعها استراتيجي



اخي الكريم:

(( قل خيرا او اصمت ))
عثمان688
16/02/2009, 12:39 AM
يا راعي الاسياح ........................
ابغى منك توصفلي مطعم هرفي على قولك ؟؟؟؟؟؟؟؟؟؟؟؟!!!!!!
بعدين كل شئ في المجمعه موجود .(( قل خيرا او اصمت )) لو سمحت
عثمان688
16/02/2009, 12:42 AM
الاخ معارك
فيه محلات تاجير لوازم حفلات يتكفلون بكل شئ لك حتى المكان يختارون لك مكان مميز وتوفير جميع الاغراض وباسعار جيده
ضفنان
16/02/2009, 02:42 AM
يااخي الكريم (من الاسياح) اخشى ان ينطبق عليك (إذا انت اكرمت الكريم ملكته وإذا انت اكرمت............ ) لأن لك سبع سنين على قولك تدرس في المجمعه يعني مستفيد من المجمعه فلماذا الجحود اذن !!!
بعدين المجمعه لايوجد فيها مطعم هرفي اصلا.
واذا كنت تقول انك اذا احتجت مسمار ماتلقاه في المجمعه ولازم تروح للرياض او القصيم علشان هالمسمار فاقول لك المجمعه تحملت شخص يدرس فيها لمده سبع سنين ولا راح احد يصدق انها ماتتحمل مسمار يكون في احد المحلات !!!
يعني دور غيرها ...................
khaled77
16/02/2009, 03:15 AM
وين المطاعم العالمية ..لي سبع اسنين أدرس فيها مافيها إلا هرفي ومافتح إلا هالسنة ويسكر 11 ليلاً...ونص وجبات هرفي المعروفة مو عندهم ..أما باقي المطاعم فهي بإدارات بنغالية ممرضة .....
لو تأخذك غفوة لحد الساعة 11 كان مت من الجوع بالمجمعة ..المجمعة تحتاج لكثير من الخدمات والأسواق الواحد لو يبي مسمار راح لرياض ولا للقصيم ...ياليت أهلها يهتمون بها لأن موقعها استراتيجي
اخوي الحبيب معارك ما قصرو اهل المجمعة وعطوك العلم الطيب

بس حبيت اعلق على كلام الاخ من الاسياح لانه معلوماته مغلطة للواقع

اخي الكريم كلامك يدل انك ما قد طبيت المجمعة اصلاً

انا اول مره اسمع ان المجمعة فيها هرفي!!

واخي الكريم المجمعة ذكر ان هناك مطاعم بعض المطاعم العالمية ومنها بيتزهت

وبعض الاسواق التموينية الكبرى ومنها بندة والعثيم
و ا ك 700
16/02/2009, 03:29 PM
مشكورين وما قصرتوا


وانا ان شااء الله الاسبوع الجاي وانا كاشت هناك وانا من زماان كان ودي اروح للمجمعة بس ما اعرف اماكن هناك
رأس الزعامه
16/02/2009, 08:34 PM
الله يخليكم ما قصرتوا بس الله يخليكم ما تعطوننا أرقام إستراحات بالمجمعه للتأجير اليومي
لاني أبها ضروري وباسرع وقت