المساعد الشخصي الرقمي

مشاهدة النسخة كاملة : الفزعه - حرارة باثفايندر


نمر بن حثلين
17/02/2009, 02:05 AM
السلام عليكم

اخواني موتري باث 2003
ولله الحمد ما يعرف الحراره

لكن اليوم مسكت فيه خط الرياض وامشي عادي 120

ولاحظت الحراره مرتفعه وتعدت النص وقبل الثلاث ارباع بشوي

مع انها اول ما تتعدى الربع

والغريب اذا وقفت او هديت ترجع الحراره طبيعيه

وطفيت المكيف وانخفضت الحراره شوي ولكن لازالت مرتفعه

والموتر ما تغير عليه شي لكن من مده اسمع صوت السيور وفيه ونه اظنها من المكره ولكن راح الصوت


وش الحل مع الحراره يا اخوان وياليت عنوان ورشه في الرياض تظبط الموتر لاني جاي للرياض لمده قصيره ولا ودي اتعطل من الموتر

وجزاكم الله خير
سعود محمد
17/02/2009, 02:11 AM
بالنسبة للحرارة اذا كنت ماسك خط ومشيت فوق 120 ترتفع واذا هديت تنزل سيخ الرديتر وانتبه خله يفتحه مع الجهتين وينظفه زين وانشاءالله تنتهي مشكلتك
نمر بن حثلين
17/02/2009, 02:19 AM
جزاك الله خير


تتوقع اخوي بس تصييخ يكفي ؟؟

ووش احسن ورشة تصييخ بالرياض قريبه من الملز
المارينز
17/02/2009, 02:42 AM
ممكن يكون الماء ناقص ,, ممكن تكون طرمبة الموية ,, شيك على السير بعد.. ممكن الرديتر متوسخ

الحراره هي المشكلة الوحيدة اللي تبط تسبدي في اي موتر ..
موادع الشرقيه
17/02/2009, 08:29 AM
السلام عليكم

اول شي شيك على تماتيك المروحة
لأنها صارت معي نفس المشكلة

طف السيارة وحرك المروحة بيدك اذا كانت تتحرك بسهوله فيعني انه بيله تغيير
وإذا كانت قوية وصعبت التحريك يعني انه تمام

واتمنا اني افدتك :cool:
عاشق النداوي
17/02/2009, 08:57 AM
اخوي انا معي سفاري ونفس الطريقه اللي تصيرلك انا والله خليت الموتر الين ارتفعت حرارته مره وكتشفت انه تهريب من احد الليات ولاكن إلى اللحين لم يتم العثور عليه <<<< مافضيتله لاكن كل اسبوع تقريبا اعبيه ماء لاكن اذا بغيت تعرف هل هو تهريب او تصيخ عب الاديتر ماء امله كله وقض مشاويرك عليه وذا ارتفعت الحراره خله يبرد شوي وفتح الغطاء اذا كان فيه مويه بالاديتر ومليان فعرف انه يبيله تصييخ اما اذا كان مابوه ماء فهو تهريب اكيد ولاكن يبيلك تدور محل التهريب ؟؟؟؟؟؟
لمع السحاب
17/02/2009, 09:06 AM
اخوي نمر مساء الخير او صباح
سبق وان صار لي مثلها وسيخت الاديتر في الصناعية عند ورشه اسمها المجد اذا جيت من نفق العمل و وصلت الكبري ادخل من تحت ووقف عند الاشارة بعدين رح يسار امش تقريبا 2 لفه يمين شف الورشة يسار على الزاويه وشغلهم ممتاز جدا ارجو اني افدتك
باثفندر
17/02/2009, 12:51 PM
اكيد تسييخ مادام الحرارة ترتفع وتوقف على الثلاثة ارباع ولاتزيد
مكشاتي كوكتيل
17/02/2009, 01:48 PM
الله يعينك. أنا أكره شيء عندي في السيارة هو الحراره. ولو يرتفع الأمبير لو حاجه بسيطة مااتهنى في مشواري.


باثفايندر وحراره يعني جبت الوسواس لراعي الشبات :)
طبعي شمالي
17/02/2009, 02:07 PM
الحل الوحيد انك تبيع السياره الباثفندر من خراب لخراب ومشكله لمشكله
نمر بن حثلين
18/02/2009, 06:09 PM
جزاكم الله خير اخواني جميعا

وبيض الله وجيهكم يا رجال على فزعتكم

الموتر وديته لصناعية ام الحمام وطحت لي بكهربائي سوداني
ناظر وقال لي تماتيك المروحه حتى حركه وكانت حركته خفيفه

وغيرته ويالله لك الحمد توي راجع بالخط والحراره طبيعيه جدا

جزاكم الله خير جميعا
قرم العيال
18/02/2009, 06:44 PM
الحمد لله ... وما يشوووف شر الباث

بعض العالم تستعجل على الموتر

والي يقول سيخ والي يقول ليات والي يقول بع الموتر

واخر شي تماتيك المروحه


ترى العجله شينه يالربع

اهم شي تحط كل الاحتمالات و تشوف
Topstars
21/02/2009, 09:43 PM
السلام ريح بالك نفس المشكلة حصلتلي:dance:

وسيخت الرديتر و انحلت المشكله..:good2:

بس غيره إذا طلعة المشكلة منه

وبالتوفيق