طريقة اللفاح للسبيطي مع الصور ،،،

[بوعبدالعزيز]

مرحبا بكم اخواني الافاضل في منتدى مكشات ،،،
هذا شرح لطريقة اللفاح للسبيطي بالصور ،،،

معلومات مفيدة :-
1- يفضل ان يكون اللفاح في بداية المد (( السقي )) ومافيه مانع على الجزر(( الثبر )) .
2- يفضل ان يكون اللفاح عكس التيار .
3- يجب ان تحرك يدك للأمام والخلف طول ما انت تلفح (( تسحب وتلين حركة مستمرة ).
4-يفضل ان تكون السرعة من 8 إلى 11 كلم في الساعه (( حسب قوة المد )) .
5- يفضل انك ماتودي معاك واحد غثيث يغثك ويغث السبيطي معاك (( هذا أهم شئ )).

الادوات المطلوبه :-
1- ميدار رقم (6) اي نوع .
2- خيط ابيض سمكه 100ملم يفضل الماني .
3- ربيانه بلاستيكيه حجم 100 ملم شفاف لونها ( بحجم الربيانه الطبيعية ) .
http://www.mekshat.com/pix/upload/images5/mk3472_DSCI0022.jpg333.jpg

تذهب للبحر ،،،
http://www.mekshat.com/pix/upload/images5/mk3472_DSCI0001.JPG

رايح موقع اللفاح ،،،
http://www.mekshat.com/pix/upload/images5/mk3472_DSCI0010.JPG

طريقة اللفاح :-
- تمشي بالطراد بسرعة 8 الى 11 كلم حسب قوة المد والجزر
وتكون طريقة اللفاح بعكس التيار وترجع معاه يعني رايح وجاي !!! .
- يجب عليك ان تمسك الخيط بطريقة جيدة بحيث اذا ضرب عليك السبيطي
ماتعطيه فرصه أبد وإلا احتمال يفرط الميدار منه (( ذكي الحبيب يرميها اذا
حس بالميدار فيها عشان كذا لازم ماتعطيه فرصة وترخي الخيط له )) .

http://www.mekshat.com/pix/upload/images5/mk3472_DSCI0004.JPG

http://www.mekshat.com/pix/upload/images5/mk3472_DSCI0019.JPG

http://www.mekshat.com/pix/upload/images5/mk3472_DSCI0015.JPG


ملاحظة مهمة:-
1 - العملية تبي صبر ياجماعة يعني لازم تصبر اشوي .
2 - لازم تلفح في مكان يكون السبيطي متواجد فيه ولا ترا مافيه فايدة .

انواع اخرى تصيدها بالربيانه !!!.
الشعري ، البالول ، الغلي ، الجشة ، الولادة ،،، مدري اذا فيه شئ يضرب بعد!!.

هذا ياجماعة اجتهاد مني ومن خبرتي الصغيره ارجو اني قد افدتكم بمعلوماتي المتواضعه وارجو ان تقبلوها مني .

شكلي طولت عليكم السموحه منكم .
وتقبلوا تحياتي ،،
اخوكم بوعبدالعزيز ،،،

[خليجي]

مشكور اخوي بوعبدالعزيز علي العلومات والصور التوضيحية
كفيت وفيت وماقصرت
بس في شغلة حبيت اضيفها بعد اذنك طبعا
الي اهي لازم تكون الماية دهنا يعني مافي موج وافضل وقت الفجر والمغرب
ومن ناحية السلامة لاتلف الخيط علي ايدك لان انتا ماتدري شلي راح يضرب عليك يمكن اسمجة كبيره والخيط لافة علي ايدك تقطع ايدك تقطع فانصح بستخدام دس (قفاز) وعدم لف الخيط علي الايد
وسمحولي

[Bo Rashed]

بارك الله فيك يا بو عبد العزيز

معلومات قيمة ومفيدة والصور وصلت المعلومة وانا شخصيا راح اجرب هالطريقة ان شاء الله
وايضا ااكد على الحذر وعدم لف الخيط على اليد
واتوقع يا بو عبد العزيز ان الحاقول والدويلمي والكنعد والربيب يضرب على هالطريقة

وفقك الله
تحياتي

[نقا هشال]

بوعبدالعزيز
مشكور ولاهنت

[gulfhunter]

السلام عليكم ورحمة الله وبركاته:-

تسلم يابو عبدالعزيز. على الموضوع والصور الحلوه..(طبعاً صورتك أحلى)............................

سؤال ماله شغل في الموضوع (الطراد الي في الصوره هل هو 18 قدم .....وكيفه في البحر) (هذا هامور) انا ناوي اشوف لي 18 قدم (هامور) للرقوق.

ولك جزيل الشكر......

[بوعبدالعزيز]

مرحبا بك اخوي خليجي ويعطيك العافيه على الاضافه وصدقت لازم تكون حذر وماتلف الخيط على يدك وبالنسبه للمايه تكون دهنه ولا سبحه (( يعني بدون موج )) فهذا من تجربتي الخاصه ان السبيطي يضرب في السبحه والموج العالي مافيه مشكله ومثل ماقلت اخوي صحيح يكون المغرب الصيد اكثر خاصه اذا كانت المايقه جايه سقي واول او نص الشهر !!! .

هلا بك اخوي بوراشد وان شاءالله تعجبك الطريقه وتوفق يارب ، وليش لا مايضرب الدويلمي والكنعد والربيب احتمال يضرب بس يمكن ماحالفني الحظ معاهم يمكن عشان منطقتي الي الفح فيها مليانه سبيطيه.

اخوي نقا هشال حياك الله ومشكور لمرورك للمشاركه يالغالي .

اخوي gulfhunter مرحبا بك وتسلم على مرورك للمشاركه ، وكلك ذوق يالغالي ، اما عن سؤالك عن الطراد فهو 14 قدم ياماها صنع اليابان وما عليه كلام بالبحر ومثل ماقلت حق الرق كثير ينفع وحتى شخص واحد يقدر يروح به البحر لأنه خفيف !!!.

ومشكورين ياخواني على نصائحكم وخبراتكم وطبعاً مانستغني عن خبراتكم ، والي عنده اي اضافه او اي معلومات اضافيه عن السبيطي لايبخل على اخوانه ويتفضل بها مشكوراً.

تحياتي لكم ،،،
اخوكم بوعبدالعزيز،،

[وكري الشوهين]

والله احلا متعة الصيد في البحر ويقولوا احسن مكان لصيد الصقور بالجزر وقت الهجرة
وشكر بو عبد العزيز ونبي المزيد والى الامام

[المحتسب]

تسلم أخوي بوعبد العزيز على التوضيح بالصور وبارك الله في جهودك
المحتسب

[بوعبدالعزيز]

هلا بك اخوي وكري الشوهين ومشكور لمرورك للمشاركة ،،،
حياك الله اخوي المحتسب وبارك الله فيك ،

ــــــــــــــــــــــــ

[المصك]

الاخ / ابوعبد العزيز

السلام عليكم ورحمة الله وبركاتة

سؤال لوسمحت 0 هل تحط ثقاله بالخيط ( بلد ) او مدور 0 ولا بس الربيانه مع ميدارها 0 وكم طول الخيط 0

الله يعطيك العافيه 0000

اخوك المصك

[بوعبدالعزيز]

هلا بك اخوي المصك وحياك الله ،،،
الربيانه تكون بدون بلد ولا شئ فقط هي والميدار بس ،،،
وطول الخيط يتراوح من العشرين متر الى الثلاثين متر ،،،

سلام،،

[F16]

السلام عليكم ورحمة الله وبركاته

تسلم يابو عبدالعزيز. على الموضوع والصور الحلوه



بجرب الطريقه اول سبيطي لك;)

وباقي اللسبطيه للمشرفين ولاعضاء والزوار

تحياتي لك با بو عبد العزيز انت :good:


اخوك الصغير F16:D

[المصك]

اشكرك يابو عبد العزيز على هذه المعلومه الطيبه

والله يعطيك الف عافيه 0000

اخوك / المصك00

[المصك]

الاخ / ابو عبد العزيز

تحية طيبة وبعد000

الله لايهينك تعلمني من وين شريت الربيانه 0 أ سم المحل , والسعر 0

شاكر لك تعاونك000

[جشوي]

بسم الله الرحمن الرحيم

السلام عليكم ورحمة الله وبركاته






شكراً لك اخي الكريم على هذا الصور الجميله



نقبل المزيد



تحياتي:جشوي

[رحال]

اخوي العزيز بوعبدالعزيز مساك الله بالخير ويعطيك العافية على هذا الجهد ماشاء الله عليك موضوع جميل وفي غاية الأهمية وصور رائعة وجميلة .

اتمنى ان لاتقف عند هذا الحد بل على العكس نريد منك الكثير والكثير عن البحر والبر فلا تبخل .

اسف على تأخري في الرد يابوعبدالعزيز لظروفي الخاصة .

سلامي لك وتقبل تحياتي
اخوك بوخليفـــــــــــــــه

[بوعبدالعزيز]

مرحبا بكم اخواني ،،
F16
المصك
جشوي
> رحاااااال<
واسمحو لي عن التاخير بالرد يالغاليين ،،
جزاكم الله خير وماقصرتو ومشكورين لمروركم للمشاركه،،

اخوي المصك ولا هانو الربع الربيانه سعرها 8 ريال وتنباع في محل بسوق الجبر في قطر اسمه مؤسسة اللنجاوي للأدوات البحرية والمحل جهة الشرق من السوق يعني من المحلات الي على الشارع .

تحياتي لكم ،،

[المصك]

مشكور اخوي ابو عبد العزيز ,,,

كفيت ووفيت والله يعطيك الف عافيه والله لايحرمنا من مواضيعك الزينه 0

اخوك المصك,,,,,

[بوعبدالعزيز]

هلا بك اخوي وحياك الله ،،،

تحياتي لك ،،

[الختال]

الله يعطيك العافيه ..
مشاء الله عليك خطير جداا والله يوفقك .. ;) ;)

[Alhzzen]

مشكور يالغالي على الطريقة ماقصرت


شكرا

[كنق الهجره]

مشكووووووووووووووووووور على المعلومه

[غصن الأراك]

يعطيك العافية

[بوعبدالعزيز]

الله يعطيكم العافيه على مروركم الكريم ..

تحياتي لكم ..

[heshamreef]

جزاك الله خيرا

[بوعبدالعزيز]

بارك الله فيك اخوي وماقصرت يالغالي ..

تحياتي لك ..

[أبو شاهر]

فعلاً مجهود رائع تستاهل الشكر عليه

بيض الله وجهك

======
====
===

[شيخ النواخذ]

السلام عليكم
مشكور يابو عبد العزيز ونا اشهد انك نوخذة
لكن حبيت انوه عن حاجة لبعض الموجودين في المنتدى ان اللفاح بنسبه لهل الخليج يسمونه دريه وماتوقع ان فية اختلاف في التسمي
وجزاك الله خير

[بوعبدالعزيز]

يعطيكم العافيه على المرور الكريم وماقصرتوا ..
طبعا المسميات تختلف من بلد الى بلد ..

تحياتي لكم ..

[احمدوعبود]

يعطيكم العافيه على المرور الكريم وماقصرتوا ..
طبعا المسميات تختلف من بلد الى بلد ..

تحياتي لكم ..
موضوع مميز من عضو مميز
فعلا اخي المسميات تختلف من منطقه الى منطقه
بس الصور توضح المطلوب شكرا لك ويعطيك العافيه ونرجو المزيد............

البروفيسور

[ابوسعد]

مشكور اخوي ابو عبدالعزيز على الشرح المفصل ...


مثل ما قلت الصيد يبيله صبر....

[بوعبدالعزيز]

هلا وغلا بكم والله يعطيكم الف عافيه يارب ..
وطبعا من صبر نال ..

تحياتي لكم ..

[نور الهامور]

السلام عليكم ورحمة الله وبركاتة
بلبحرين نستخدم سمك السلس بدل الربيان

[بوعبدالعزيز]

وعليكم السلام ورحمة الله
هلا بك اخوي وتسلم على المعلومه ..

تحياتي لك يالغالي ..

[waleed_458]

يعطيك العافية اخوي ابو عبدالعزيز

[بوعبدالعزيز]

الله يعافيك اخوي وتسلم على مرورك الكريم ..

تحياتي لك ..

[قرناس الزبارة]

مشكوووووووووور يا بو فيصل

[أتش]

بارك الله فيك اخوي
بو عبدالعزيز
وتسلم على طرح هدا الموضوع

[عاشق الشعري]

يعطيك الف عافيه على هالمعلومات الرائعه وصراحه ما قصرت ووجهك ابيض وننتظر جديدك المتميز وتقبل تحياتي

[المالود]

مايندره ايش اخبار تطوراتك بعد 7 سنوات خبر في اللفاح
بارك الله فيك

[رائد ابو محمد]

ما شاء الله عليك اخي بو عبد العزيز
كفيت ووفيت اخي مشكور اخي على هذا الشرح والتوضيح
بالعافية عليكم اخي

[المقنع666]

ما شاء الله ومنكم نستفيد

[accentkool]

ماشا ءالله تبارك الله
استفدنا من هالموضوع الشيق
والمعلوومات الطيبة
وبجد يستحق الرفع
مع دخول موسم السبيطي