المساعد الشخصي الرقمي

مشاهدة النسخة كاملة : رأيكم بمراوح الكهرب للـ gx


ساري 111
17/02/2009, 10:27 AM
السلام عليكم ورحمه الله ..

اخواني طرأ في بالي اركب مراوح كهرب لموتري لاندكروزر جي اكس 6سلندر 2007

لاهنتم ابي خبرتكم ..

تنصحون اركب او لا؟؟
وش المميزات ؟؟
وش العيوب والمشاكل؟؟
وشي المروحه اللي تركب بشكل صحيح ؟؟

وكيف الحراره معهن تكون ثابته بالخطوط والسرعه وبالزحمه بالصيف ؟؟

وماادري اذا احتاج دينمو اكبر من اللي بموتري او لا ؟؟
وهل بيكون هناك حمل على الدينمو اذا المكيفين شغالات مع الثلاجه ؟؟؟

واذا احد يعرف محل يشتغل بالأمور ذي وشغله زين وموثوق ولو هو غالي مهب مشكله طبعاً يكون بالرياض او القصيم


مشكورين مقدماً
ابوسعودد
17/02/2009, 11:21 AM
الله يعطيك العافيه اخوي بس حبيت احرصك على موضوع ...
وماادري اذا احتاج دينمو اكبر من اللي بموتري او لا ؟؟
وهل بيكون هناك حمل على الدينمو اذا المكيفين شغالات مع الثلاجه
مرت على هالمشكله في باترول وقت الصيف يكون المكيفين والثلاجه شغاله مع الانوار في الليل ثم يكون عند ضعف في الكهرب .... مااوصيك تحرص على هالنقطه
منصور الفايز
17/02/2009, 11:34 AM
وعليكم السلام ...

انا عندي مثل موترك .. ومركب مراوح سوبارو ثنتين وصار لي تقريبا اكثر من سنه وانا مركبهن
وما فيه اي ملاحظه على الكهرب او ي شي تغير معي ...
مع ملاحظة اني مركبها على البطارية الاظافيه

وانا مركبهن بالرياض عند سليمان الخطيب 0504209258
قيمة التركيب بــ 300 بدون المراوح وانا شاري المراوح من الامارات بالتشليح في الشارقة بـ 150ريال

وانا انصحك بمراوح السوبارو افضل من مروحة الشروكي لان مروحة الشروكي وحده بس و تسحب كهرب وااااجد ولازم تغير الدينمو. والسوبارو مروحتين وسحبها للكهرب عادي,و لاسمح الله خربت وحده فيه الثانيه تمشيك.
ومراوح السوبارو انواع فيه ضغير وسط وكبير ... وعليك بالكبار

وبالتوفيق اخوي
راعي سمحه
17/02/2009, 11:57 AM
اخوي ساري 111 كيف الحال 00 مرواح السبارو ممتازه وفيه مرواح مكسيما تكون تسع ريش وكل ما تكثر الريش يكون احسن 00 والأفضل تكون مرواح ثنتين نفس فولت المرواح القديمه0 فيه مراواح امريكيه لسيرات المرهمه دبل مرواح قيمتها 750 و 450 درهم0
ساري 111
17/02/2009, 01:21 PM
الله يعافيكم .. ماقصرتو ..

لكن ماجاوبتو علي

العزم كم يفرق تقريبا؟
الصووت يخف او لا خصوصاً بالخطوط والسرعة العاليه ؟؟
صرف البنزين يفرق بشكل يسوى او لا ؟
منصور الفايز
17/02/2009, 01:38 PM
بالنسبه للعزم اقوى .. خصوصا عند القومه
والصوت .. ما ادري وش قصدك .. اي صوت ؟ والسرعه العاليه مع الاسف ما جربت لاني ما اسرع :(

وصرف البنزين ما اشوف فيه فرق - بالنسبة لي - ولكن نظرياً اقل صرفيه
rpk
17/02/2009, 01:40 PM
وانا بعد نفس سؤال اخوي
rpk
17/02/2009, 01:41 PM
مشكور اخوي اجل لو نكملها بفرارات راح يخف الموتر واجد
ساري 111
17/02/2009, 01:46 PM
مشكور اخوي توم توم



والصوت .. ما ادري وش قصدك .. اي صوت ؟

اقصد فوق 140صوت المكينه قوي شوي ماادري هو يخف هالصوت مع مراوح الكهرب او لا ؟؟

وبماانك مجرب وش نوع المراوح عندك ؟؟
والحراره عندك ثابته اوتلعب ؟؟
واقصى درجه وصلته معك الحراره مع العلك بنفود او غيره ؟؟
بنوتميم
17/02/2009, 02:18 PM
انصحك اخوي ساري111
انك تركب مروحه مهرب وحده سوبارو ووحده لومينا
وخذ ذا الرقم 0554209550ابوناصر.
هاذا يركب مراوح بحي الشفاء بالرياض
ماشاء الله عليه شغله 100%واظن سعرها بـ750ريال جديده
ساري 111
18/02/2009, 08:30 AM
مشكور اخوي اجل لو نكملها بفرارات راح يخف الموتر واجد


مااشوف احد يركب فرارات للأند التالي ماادري ليه ؟؟


بنو تميم .. مشكور ياطويل العمر ماقصرت
abdulrahmanfd
18/02/2009, 08:37 AM
اخوي انصحك بمراوح الفياغيرا اللي تجي بسير خارجي مجربة على الهدد وادائها ولا اجمل صحيح مكلفة لكن الاداء غير طبيعي.. وتلقى بإذن الله
مكشاتي كوكتيل
18/02/2009, 12:19 PM
اسمح لي ياساري على المداخلة والسؤال للأعضاء.

وش الفرق اللي تلاحضونه بعد تركيب المراوح لأني مالقيت للحين إجابة شافيه؟؟
ساري 111
22/02/2009, 11:12 AM
مشكاتي كوكتيل ..

االلي اتوقعه يخف الحمل على المكينه أن توماتيك المروحه اذا شبك يكون ثقيل ..

وبالتالي يخف الموتر عموماً ويخف صرف البنزين وعلى مااعتقد يخف صوت المكينه
منصور الفايز
24/02/2009, 09:33 PM
مشكور اخوي توم توم


اقصد فوق 140صوت المكينه قوي شوي ماادري هو يخف هالصوت مع مراوح الكهرب او لا ؟؟

وبماانك مجرب وش نوع المراوح عندك ؟؟
والحراره عندك ثابته اوتلعب ؟؟
واقصى درجه وصلته معك الحراره مع العلك بنفود او غيره ؟؟

بالنسبة للصوت ..ما اتوقع انه يفرق نفس الشي لان الصوت من المكينه والهواء في السرعه العاليه .

وانا مركب سوبارو ... والحراره ثابته على الثلث,
واعلى شي وصلت انا له النص والحمد لله ما تعدت النص بكل الاوضاااع مع العلك .. واذا وصلت النص كلها دقايق وترجع للثلث.
مريقب العيفار
24/02/2009, 10:52 PM
شوف طال عمرك ومن يقرأ

انا كنت مركب مراوح كهرب على الجيب

ولا لاحظت اي فرق لا بالقومة ولا بصرفية البنزين

بل مرة واحد من الاسلاك انقطع وكاد ان يتسبب في مشكلة

وطبعا قريت عن تجارب الشباب مع المراوح الكهرب

النتيجة هي انه يفرق بالسيارات الصغيرة مثل الددسن والهايلوكس

اما الجيوب فلا يوجد فرق يذكر من واقع تجربة

زيادة على ن المروحة الميكانيكية أظمن وآمن
ساري 111
25/02/2009, 09:20 AM
يعطيك العافيه توم توم

اخوي مريقب يعني تشوف اني اشيل الفكره من راسي؟؟
بصراحه انا مااحب الترهيم واللعب بالمواتر .. بس كثير اللي مدحو لي الفكره

بس معليش اخوي وشو الموتر اللي جربت مراوح الكهرب فيه ووش موديله ؟؟
ريضان السهل
25/02/2009, 09:32 AM
معليش اخواني ..

خويكم ما يدري وش له تركب المراوح .. ممكن تعلمونا .. لأني اول مره اسمع فيها .. هل هي عشان الحرارة مثلا .. ومتى يحتاج الواحد يركبها .. هل في كل الاحوال ..

ارجو منكم تحملوني
مريقب العيفار
25/02/2009, 03:48 PM
يعطيك العافيه توم توم

اخوي مريقب يعني تشوف اني اشيل الفكره من راسي؟؟
بصراحه انا مااحب الترهيم واللعب بالمواتر .. بس كثير اللي مدحو لي الفكره

بس معليش اخوي وشو الموتر اللي جربت مراوح الكهرب فيه ووش موديله ؟؟

مثل ما قلت لك ما منها فايدة على اللاند الصالون

كل المكائن القوية ما تفرق معها المراوح الكهرب

زد على ذلك الأمان المكيكانيكية اكثر أمان في حالتك ماهي في حالة الشد بلد

وانا كنت مركبها على لاند صالون جي اكس ار 99