تانكي البنزين فيه هوا وش الحل ؟

[عاشق z71]

السالفه ومافيها عندي تاهو 2005
توني شاريه استخدام امريكي

اذا جيت اعبي بنزين يقولي العامل فيه هوا لانه يظغط اليد حقت خرطوم البنزين وتطق يعني توقف لحالها مع العلم ان التانكي فاظي مافلل

نظطر نعبي شوي شوي يظغط ويوقف الين يخلص


في احد مرت عليه مثل ذا الحاله ؟

[البوابه]

بسم الله الرحمن الرحيم

على ماعتقد ان الفتحه للتانكي تكون صغيره وكل خراطيم الوقود فيها جهاز التوقف عن تدفق الوقود عند حدوث ضغط خفيف على فم الخرطوم-- قل للعامل مايدخل خرطوم الوقود للاخير في التانكي كي يتسنى للهواء الخارج يخرج بسهوله بين الخرطوم وفتحة التانكي-- وان شاء الله كل شيئ يكون تمام

[غاوي رومانس]

بالعكس ياخوي عاشق

هذا دليل على ان التانكي للبنزين مافيه اي تنسيم

اما سالفة ان عامل البنزين يطفش من كثر مايوقف خرطوم البنزين
هذي مو شغله

بس خليه يطلع الخرطوم اشوي بره علشان مايكثر وقوفه

انا بعض الاوقات في سيارتي اللومينا يصير نفس الشي وبالذات اذا طلعت خط
بس مو دايم

[ابوسعودد]

حاول انك ماتعبي بنزين الا في الليل
لان البنزين في النهار يتاثر من حراره الشمس يكون ضغط الهواء عالي

[راعي الهدد 77]

سو زي ماقالوا الشباب

خل العامل يبعد الخرطوم شوي وما عندك انشاء الله اي مشكلة

ارجو اني اكون افدتك ..

[عاشق z71]

والله مدري وش اقولكم بس معقول هذا حل ؟

احس انه خراب لاني ماقد شفت سياره كذا تتعبى ولا وش رايكم

عموما ماقصرتوا ياشباب والله يجزاكم خير ويعطكم الف عافيه

وننتظر اراء البقيه

[غنام11]

ياعاشق اسمع العلم مشكلتك بسيطه ان شاء الله
يوجد في التانكي علبه يسمونه علبة كربون هذي طول الله عمرك تسحب البخار الي في التانكي..
ممكن تكون المشكله منها ..شيك عليها

[ذئب اليل]

الي اعرفه ان فيه لي تنسيم صقير يجي من التانكي إلى فتحت اتعبية وضيفته يخرج الهواء والبخار اناتج عن النزين علشان ميسابابضقط داخل التانكي شيك عليه والله اعلم

[مروووق]

طال عمرك لو تركز في اليد الي يعبي منها بنزين بتحصل حوليها مثل السبرنق. هذا حساس اذا جاه بروده او حراره من تانكي البنزين يفصل ويقطع البنزين. يعتبر ان التانكي فل. طبعا هذا بسبب حراره تانكي البنزين من الجو والبخار الي داخل

الموضوع عادي جدا. خله ينتظر ثواني و يرجع يعبي ، او يخليه يعبي بشويش. و التانكي عندك مظبوط لا تحركه. وضعه سليم 100%

[عاشق z71]

والله مدري وش اسوي بس مستحيل يكون طبيعي ابد ابد

يعني تخيلوا اقعد اعبي بعشرين ريال مدة عشر 10دقايق

تنصحوني افك التانكي واجرب ؟

[المارينز]

فيه زي الصمام داخل فتحة التانكي

لما تدخل اليد اللي تعبي لازم تضغط على الصمام وتدخل من خلاله للتانكي وتعبي

انا اتوقع ان الصمام يكون داخل " بعيد شوي " عن اليد ولازم تكون اليد عصاها طويله شوي عشان يعبي صح

بعض المحطات تكون يد التعبية طويله شوي ... وهذي تعبي بدون مشاكل

اما اغلب المحطات تكون اليد قصيرة ... فما تدخل بالتانكي مضبوط

صارت المشكلة بسيارة شروكي امريكي .. وغير فتحة التانكي ( اللي داخل ) وضبط الوضع

ما ادري عن التاهو ... يمكن يكون نفس المشكله

[عاشق z71]

اخوي لن امل من العطاء وينك عطنا العلم تكفى ؟

[عاشق z71]

............................

[عاشق z71]

للرفع ... الله يرفع مقداركم

[منصور الفايز]

الي اعرفه ان فيه لي تنسيم صقير يجي من التانكي إلى فتحت اتعبية وضيفته يخرج الهواء والبخار اناتج عن النزين علشان ميسابابضقط داخل التانكي شيك عليه والله اعلم

هذا الكلام ....
تاكد من اللي-الهوز- الصغير لا يكون مسدود او منعفط ...

والمشكله بسيطه تراها لا يضيق صدرك يا بعدي

[المارينز]

انا سمعت معلومة لا ادري عن صحتها ولكن بذكرها لعل وعسى

" يوجد في أمريكا فتحات بنزين تختلف ومسدسات بنزين مختلفة تخلتف باختلاف نوع البنزين المستخدم للسيارة "

وبما ان سيارتك امريكية فممكن تكون من ضمن هالنوعية

يعني ممن تكون فتحة تانكي البنزين مختلفة ( مهوب غطاء التانكي .. اللي اقصد الفتحة للتانكي )

ودعواتي لك بالتوفيق وان شاء الله تنحل مشكلتك

[ayaqaz]

مع ان هذا الموضوع قديم..




الا أنني أعاني من نفس المشكلة بالضبط..


حيث أنني لا أستطيع تعبئة تانكي البنزين الا بعد جهد جهيد..


سيارتي سوبربان 2005 استعمال أمريكي..


والله ان المشكلة مزعجتني جدا..


ياليت من يعرف حل لهذه المشكلة يذكره لنا بالتفصيل..

[كديان]

مع ان هذا الموضوع قديم..






الا أنني أعاني من نفس المشكلة بالضبط..


حيث أنني لا أستطيع تعبئة تانكي البنزين الا بعد جهد جهيد..


سيارتي سوبربان 2005 استعمال أمريكي..


والله ان المشكلة مزعجتني جدا..


ياليت من يعرف حل لهذه المشكلة يذكره لنا بالتفصيل..



سم طال عمرك


مشكلة الهواء بخزان الوقود (التانكي) - منتديات مكشات (http://www.mekshat.com/vb/showthread.php?t=241061)



هواء في تانكي البنزين - منتديات مكشات (http://www.mekshat.com/vb/showthread.php?t=268022)

[ayaqaz]

سم الله عدوك أخي كديان..


قريت المواضيع السابقة قبل وضع مشاركتي..


الا أن حيرتي قد زادت..


فكل واحد يضع حل أو اقتراح لهذه المشكلة..


المهم عندي أن أعرف مكان جهاز تخفيف أو تنفيس ضغط تانكي البنزين بالسوبربان 2005 ..


لأن المشكلة قد تكون منه حسب ما قرأت في أكثر من منتدى..


والله أعلم..

[ayaqaz]

الى الآن لم أتوصل لحل لهذه المشكلة..

يا ليت اللي يعرف يفيدني جزاه الله كل خير..

[shaheenshah]

انا لو مكانك اول شي اسوي حاجتين:
1- اغير غطاء التانكي
2- تتبع ليات البنزين من التانكي الى الكبوت تلاقي واحد منهن رايح لعلبة في الغالب تكون بلاستيك هذي لتصريف الضغط حق التانكي يمكن يكون فيها خلل

والله يسمَح امرنا وامرك

[ابوراضي.]

يوجد في تانكي البانزين فلتر مع مرور الوقت تتجمع فيه الاتربه ثم يسكر مخارج الهواء وهذا الي يسبب المشكله عند التعبئه خاصه مرتادي الطرق الصحراويه لذالك يجب تنظيفه او تغييره

[الوانيت1]

الحل بسيط جدا جدا وبأذن لله ...
فبعد معانة سنة كاملة ....
يوجد هوز أسود داخل هوز تعبية البانزين الكبير بلاستك مقوى مضغوط قابل للمط والثنى مثل مزاز العصير.
ويحصل أن تانكى البانزين هذا قد سبق فكة وتنزيلة
وتم أعادة تركيبة بطريقة خطاء تسببت بخنق أحد طرفى هذا الهوز الداخلى ((أو مايسمى بهوز التنسيم )).
وحيث أن أحد طرفى هذا الهوز الداخلى تكون مكبوسة من الاسفل بفتحة تانكى البانزين
والطرف الاعلى فى بداية فتحة التعبئة الحديد تحت الغطاء فى الاعلى .
طبعا كل هذا يكون داخل الهوز الكبير المرن الاسود
يعنى يوجد عدد 2 هوز واحد داخل الثانى ............
المشكلة أن الداخلى قد يكون ممصوع أو مخلوع من أحد طرفية نتيجة لفك سابق وتنزيل للتانكى .
وعند التركيب مرة أخرى يكون أحد طرفى الهوز الداخلى ممصوع أو ملتوى أو معووج .
وهذا اللى حصل معى فى سيارتى وانيت جمس 2002 .
وقد تم فك الهوز الكبير وأخرج الهوز الذى بداخلة وتم ألغاءه
حيث كان مخنوق من الاعلى نتيجة فك و تركيب خطاء بالسابق
وذالك لتبديل طرمبة البانزين .
والحمد لله ألان أنتهت المشكلة .
أرجو أن تتأكد من هوز التنسيم الذى يوجد داخل هوز التعبئة
الذى يكون ممتد من تحت فتحة غطاء التعباءه حتى رقبة التانكى تحت .
هذا ما حصل معى نقلته لك برجاء الاستفادة لك ولجميع أخوانى فى المنتدى
وأرجو أن أكون وفقت بالشرح والتفصيل الممل لتوصيل الفكرة
وشكرا للجميع ....................///////.

[قرم العيال]

تاكد من ليات الهواء