انت وين جاي يالحبيب [الأرشيف]

مشاهدة النسخة كاملة : انت وين جاي يالحبيب

ولد عطا

17/04/2004, 08:30 PM

السلام عليكم ورحمة الله وبركاته

هذه الصوره وصلتني بالايميل وحبيت انكم اتشوفونها ، عساها تعجبكم .

http://www.mekshat.com/pix/upload/images5/mk1777_Police01.jpg

محاذر

17/04/2004, 08:55 PM

وعليكم السلام ورحمة الله وبركاته

الله يعطيك العافيه على هذي الصوره الجميله :good:

اتمنى ان يراها صاحبنا العضو المميز << ضب >> لكي يخبرنا ماقصة هذا الضب وحكايته :D

اسلم وسلّم

راع الكحيلة

17/04/2004, 10:57 PM

سلام وتحية خالصة ناصعة

للشرطيان الفاضلان

وأسأل الله أن يأجرهما على فعلهما

يهدءان السير لأجل.........ضب

هذه أخلاق المسلم...رحيم على مخلوقات الله الضعيفة

دكتور شبعان

18/04/2004, 12:02 AM

الأصل كُتب بواسطة محاذر
وعليكم السلام ورحمة الله وبركاته

الله يعطيك العافيه على هذي الصوره الجميله :good:

اتمنى ان يراها صاحبنا العضو المميز << ضب >> لكي يخبرنا ماقصة هذا الضب وحكايته :D

اسلم وسلّم

دكتور شبعان

al-nashmi

18/04/2004, 09:03 AM

السلام عليكم ورحمة الله وبركاته

اخواني الكرام صباح الخير.......

هذا صوره لخونا ضب وكان عنده دوره في مركز التدريب بالشركة وكان دايم يتأخر ومعطينه انذار اخير....

وهذي صورته وهو توه قايم ولا غسل و لا فرش اسنانه من العجله وعلى عيونه النوم وجاك مدرعم ...مايشوف
بغت تصدمه السيارات .... لاكن الله ستر وجاب له هالاجواد ... وقفوا السيارات عنه:D :D :D

النيزة

18/04/2004, 09:08 AM

السلام عليكم والرحمه

الحمدلله على السلامه اخوي ضب

عسى جازيت شرطيين المروور بكلمة شكر حلوه

صوره صج صج عجيبه :p :good:

* ضب *

18/04/2004, 09:31 AM

قطيعة من ذا الناس ما خلو شي الا ودرو عنه لا ومصورين بعد:mad:

لكن يوم دريتو الشكوى لله ابا اعطيكم السلفة

هذا الله يسلمكم من كل شر منول اسمع الناس تسولف ويقولون قروبات و منتديات
واشياء ودك تسمع ابها ولا تشوفها.. المهم انا جلست يوم افكر قلت وارا ما اروح وادور لي
منتدى او قروب اسكن فيه وترك البر مليت من الهبايب والشموس وفعلاً اتجهت الى دبي
انا كنت احسب المنتدي الى يسولفون به مجمع سكني او شي حوله قلت اخذ لى شقة
في المنتدي وابسط ..لكن يوم دخلت المدينة والا العلوم ماهيب اللى انا ابي
وانقلبت الطاسه وشفت مناظر يقشعر لها البدن ..شفت ناس من الجماعة اشلاء و ملزقين في الطريق
موطيتهم السيارات واجي لم ذيك الجثة .. واقشعة من الخط واطالع خشته الا اني اعرفة
* ضبان * من ربع منول دشر وترك البر وهام على وجهه وصقعت به الدنيا مسكين... واخرتها
يموت في المهجر ... واقوم واسحبة من الحلبة واحفر له قبر جمب الخط وادفنه وترحم عليه
واقول فيه القصيدة المشهور اللي مطلعها

مرحوم يا ضبً على الخط مدعوس ...

المهم اروح اسئل عن احسن منتدي ابغي اسكن فيه
كل من سئلت ضحك علي يقول تبغي منتدى والا فندق وانا يالصحيح ملزم ابغا منتدي
مع مرور الوقت والمرمطة صار عندي خبرة وعرفت العلوم وصرت ما يحتاج
خذت لي غرفة في فندق الفورسيزن واشتركت في منتدي مكشات.. وبعد مدة من الزمن
حنيت للبر .. قلت ارجع احسن لي لكن اخذ معي بعض العفش ومن ضمنها الاب توب
اللي معي هلحين ..
والصورة التقطت لي وانا اكلم رجل المرور ابغاه يوقف ذيك التريلة اللي وراه عشان احمل العفش فيها

هذي كل السالفة

وتحياتي للجميع

المرصاع

18/04/2004, 09:44 AM

ماشاء الله الحمد لله على السلامة:::

أعلمك ياعليك اسلوب قصصي مهب صاحي تف تف ماشاء الله:D:D

قمة التنسيم وذروة سنامه
:D:D
:D:D

تقبل تحياتي:::

ريع الدياب

18/04/2004, 11:18 AM

بسم الله الرحمن الرحيم
السلام عليكم ورحمة الله وبركاته

هذا ضب ما عندكم علومه

هذا توه طالع من جحره فى الضحى جيعان ويدور شىء يصيده ...

والصورة وهو يفكر أى واحد من عساكر المرور أسهل للصيد؟؟؟؟؟

خشم الحصان

18/04/2004, 11:55 PM

الاخوه الغالين
السلام عليكم
في الحقيقه هالصوره جنان بس وادي اعلق عليها
1- اضن ان العسكري يقول ميد خويه واخر لاتسوي فيها انك ما خفت انت ماعمرك شفته وهو يفح ويفق اثمه واذا بغيت تنحاش انتبه للي وراء الجيب ترها محمله سميت والثانيه محمله شعير:D
2- اضن انهم شاكين في الضب من وين جاي والظاهر انه داخل بدون جواز وهقوتي انه من عندنا مامر عليهم مثل هالنمونه
3- تلقاه يقول الحمد الله اني عند ناس ماتكلني مانيب عند المشفح حتي دبا الجراد مخلوه
4- الي فاقع قلبي انه اصفر والعكره مربربه وشلون طاف من الحبنتيه مدري
مشكور اخوي ولد عطا علي هالصوره
الله يغفرلك ويرفع من قدرك
اخوك
خشم الحصان

أبو تركي القطامي

19/04/2004, 02:08 AM

السلام عليكم ورحمة الله وبركاته
يعطيك العافيه أخوي ولد عطا علي الصور الظريفه
ومشكور أخي ضب علي هالسوالف الممتعه وجزاك الله خير علي صبرك

تالي الاولين*

19/04/2004, 12:37 PM

.

:D :D

.

مغراز

20/04/2004, 04:15 PM

السلام عليكم ورحمة الله وبركاته
يااخوان الظاهر من الصورة . أن الضابط يأمر الجندي بحمل الضب من الخط ! لأنه قد انحبس بين ارصفة الخط.
والمصيبة أن الجندي ماتعود على الشغله الجديدة فوقف متسمراً وخائفاً قائلا: يارب ؟ الضب والا الوظيفة.
الله لايعرضنا لمثل هذا الأختيار.:p :p :D

مدلّه الرعيان

20/04/2004, 04:40 PM

السلام عليكم ورحمة الله وبركاته

الاخ / ضـــب ، ياجود صبرك على ها المقاريد ، لكن عزالله إنك عرفت لهم :good:

بـــدر

20/04/2004, 06:19 PM

من شكل اللباس اعتقد والله اعلم انهم من شرطة ابو ظبي
والله شكل الضب سمين :D

كشاته

20/04/2004, 11:27 PM

يا شباب أنتم فاهمين القصة غلط >>>>>مسوي فاهم

هذا ضب في زمن العولمة

جاي طاااااااااااااااير يمشي مليون

فجأة

صده المرور

بعد شوي وقف عند التفتيش قاله الضابط : الرخصة والإستمارة وقف على جانب
خوينا وقف على جانب

وجاي يتفاهم مع الضابط ويحلف له أن ما تعدى 140

بس هذي القصة

كشاته

20/04/2004, 11:34 PM

اسيزو 4x4

24/04/2004, 02:40 AM