مشكلة في البطارية اريد حل جذري [الأرشيف]

مشاهدة النسخة كاملة : مشكلة في البطارية اريد حل جذري

راع العوجاء

19/02/2009, 11:46 AM

السلام عليكم ورحمة الله وبركاته وحياكم الله

ياجماعة الخير افزعولي عندي سوبربان شفر موديل ٢٠٠٢ هبلتبي بطاريته غيرتها اربع مرات كل ما رحت لفني كشف على الموتر وقال الموتر مافيه شيء لكن غير البطارية ونغير البطارية والمشكلة ان الموتر يمشي مابه ازين منه ما شاء الله لكن اذا وقفته لمدة اسبوع بحكم عندي موتر صغير استخدمة ثم اجي نهاية الاسبوع ابطلع مع العيال ما يشتغل الا بأشتراك واذا استخدمته لمدة متواصلة مافية اي مشاكل اهم شي لاتوقفه اكثر من يومين وإلا بيزعل ولاهوب مشتغل والفنيين اللي شافو الموتر شيكوا على الدينمو قالوا ممتاز من جميع النواحي لا في الشحن ولا في الفولت وشيكوا على احتمال يكون هناك التماس ركب لمبة على البطارية وشيك قال مافيه التماس مع العلم ان لين قفلت السيارة اشيك عليها كل يوم ما فيها لمبه والعه ( طبيعي ) والسيارة معي من اكثر من سنتين والمشكلة ماشفتها إلا من الصيف الماضي ولم يتم عمل اي اضافات للسيارة مؤخراً
دلوني على الحل الله يدلكم ولا يضلكم

ملاحظة:-
لا أحد يجي يقولي غير البطارية ولا شيك على الدينمو

وآسف على الإطالة

اخوكم
ابوسعد

.

مروووق

19/02/2009, 12:34 PM

الله يعينك على هالمشكلة

بس الواضح انه عندك تضييع كهرباء. ودامك استثنيت البطارية والدينمو انهم سليمين وتقول ماعملت اي اضافات للسيارة... وضعها غريب ؟؟

بس عندي سؤال واحد، هل انت مركب ثلاجه في السيارة ؟ او سويت اشتراك حق احد ؟ لان احيانا فيه بطاريات الكترونيه مثل المرسيدس بمجرد ما تعمل اشتراك لاي سيارة ثانية ،، مايخلص الاسبوع الا والبطاريه محترقة. والبطاريات القديمة هل لاحظت فيها اي تسريب للاسيد؟ احتمال انه فيه تسريب وتفضى البطاريه ؟ او ان الاصبع الموجب (+) للبطارية قريب من بودي السيارة (-) ويحصل التماس او شي ؟

راع العوجاء

19/02/2009, 01:27 PM

أخوي مرووووق

شكراً على التواصل لكن بالنسبة للبطاريات اللي غيرتها هي آي سي ديلكو الاصلية ومن محلات مختلفة وحدة منها من صيانة ديلكو حقت الجميح ، ومثل ما قلت ماركبت شي غير شاشة دي في دي من شريت السيارة ولا لاحظت شيء من ركبتها وفوق ذا كله فصلت الشاشة من عند الفيوز وما زالت المشكلة :(
والاصبع (+) ملبس بلاستيك أحمر شد بلد

بإنتظار الفزعة من الشباب

ابوسعد

مروووق

19/02/2009, 01:49 PM

القميري هواي

19/02/2009, 02:59 PM

شف مقاس البطاريه اللي تركب يمكن المبير اللي تركبه ضعيف ركب قوي

حسين السبيعي

19/02/2009, 05:14 PM

الله يكون في عونك اخي العزيز شيك علي سلك الماس الي يركب في بدي السيره ذا كان قديم غيره ونشاء الله تروح المشكله

راع العوجاء

21/02/2009, 01:15 AM

طيب يا ابو سعد ، اذا جاء الليل شغل السيارة ، و شغل اللمبات على الواطي

وادعس بنزين ، اذا شفت اللمبات تتغير قوتها تضعف و تقوى مع الدعس، فـ من وجهه نظري وضعك سليم. اما اذا ماتتاثر الانوار فـ الدينمو عندك مايعبي. افحص الاسلاك او يمكن الكليبس الي يركب بالدينمو مو راكب 100% ويحتاج ضغط. ادري استثنيت الدينمو ، بس يمكن الي فحصه اغفل شيء ما، او فحص الدينمو نفسه ولا فحص الاسلاك حقته. او الله يعينك يبغي لك فحص كمبيوتر.

وان شا ءالله الشباب يفيدونك ... تحياتي

اخوي مروووق

الله يجزاك خير لكن اذا كان الدينمو ما يعبي كان وقفت بي السيارة وطفت ولا لا

شف مقاس البطاريه اللي تركب يمكن المبير اللي تركبه ضعيف ركب قوي
اخوي القميري هواي
بيض الله وجهك البطارية هي نفسها اللي كانت راكبه وشيكت في الانترنت لقيتها نفس المقاس

الله يكون في عونك اخي العزيز شيك علي سلك الماس
الي يركب في بدي السيره ذا كان قديم غيره ونشاء الله تروح المشكله

اخوي hnjhhg
الله يجزاك خير ابشيك واشوف

my own

21/02/2009, 01:54 AM

ليش تغير البطارية ! ليش ما تشحنها عند البنشري او الكهربائي !
اذا انك تروح لكهربائي واحد غيره روح لكذا محل وشوف
الواضح ان السيارة فيها شي شغال او التماس خفيف

لن أمل من العطاء

21/02/2009, 09:30 AM

يا حبيبي

هذي مشكله في النوصيلات على الاصابع وعلى بودي السيارة حاول تفكم وتنظهم بكولا او بيبسي او مويه حارة وشد اصابع البطارية وشوف كيف

المارينز

21/02/2009, 12:19 PM

اذا بغيت توقف السياره يومين والا اسبوعين افصل اصابع البطارية

واذا بغيت تروح عليها رجع الاصبع وشغل

لانه الظاهر انه فيه شي يسحب من البطاريه ... شف علبه الفيوزات بعد ماركبت الشاشه يمكن فيه شي متوصل ؟؟