المساعد الشخصي الرقمي

مشاهدة النسخة كاملة : الشور يا اهل الشور---)لا تفشلون خويكم


سبع البوادي
19/02/2009, 12:59 PM
السلام عليكم ورحمة الله وبركاته

المسئولية شينه احيانا والحقيقة اني كلفت في قيادة كشته الى ربوع الصمان والهدف بيكون احد هذه الأماكن فيضة ام الهيمان او فيضة دغيم او الظلماء

الأماكن هذه صح انها بعيده عن الخط ولكن اكثر من واحد مدحلي ربيعها وانه يستاهل العنا

عدد الأشخاص بيكون من 10 الى 12 شخص والسيارات ثلاث او اربع

نقطة الإنطلاق من الجبيل

وعندي كمن سؤال

بالنسبة للذبايح واين افضل وارخص محل نشريها

وبالنسبة للحطب هل نقوم بالإحتطاب او اننا من قاصرها نشتري وخلاص واذا الدعوة احتطاب وين احسن الأمكان الي قريبة من الأماكن الي ذكرت

وبالنسبة للطريق ابي افضل مسلك يوصلنا للمحلات التي ذكرت سابقا يعني هل اطلعلها من الرفيعة او اني اتعداها شوي بعدين اطلعلها يعني من عرض هالسوالف هذه

كيف اسعار استأجار الخيام ومن وين بحيث انها تكون حول كشتتنا او اننا ناخذها من الدمام او الجبيل او اننا نشري لنا خيمتين من هالباكستانيات وش رايكم

هل يوجد ذئاب عشان الواحد يكون حريص

وآخرا ابي نصائح عامة واعذروني اذا ثقلت عليكم وخذوني على قد اسئلتي

واحتسبوها اجر عند الله ومنفعة ماهو بس لي حتى لكل اخواننا في هالمنتدى الي ناوين على الصمان هالسنة

والله يجزاكم الف الف خير وجعل مثل ما ربعت الصمان ان تربع قلوبكم بالإيمان وطاعة الرحمان
كاشخ 24 ساعه
19/02/2009, 01:26 PM
يابن الحلال دق سلف وأمش وكل شي يتيسر

احسن طلعه اللى تجيك بدون تخطيط واوراق


بعدين اسمك سبع البوادي وتسأل عن الذبايح ومن وين تشريها !!!!!!!!!!!
yaso
19/02/2009, 01:41 PM
اخوي سبع الوادي
الطريق الافضل وحسب ما مشيته انا من الجبيل طريق ابو حدريه للنعيريه ثم مفرق قريه العليا الى الرفيعه وبعد تقاطع ارفيعه بحدود 10 الى 15 كيلو بيجيك ممهد (ردميه)تروح يمين اطلع معها بعد حدود 18-20 كيلو بتبداء الفياض بام قرين تتعداها باتجاه الشمال الغربي حدود6-7كيلو يجيك بربك دغيم وام الهيمان والحاج وكل الفياض الي هناك تستاهل العنوه
الطريق الصجراوي عامر بالكشاته وكلهم مستعدين يساعدونك بالاتجاهات لكن افضل شي يكون معك Gpsبخرايط حديثه وهو الي بيوصلك للي تبي
الغنم اقترح عليك من النعيريه او قريه العليا ترى المدن ارخص من البر وكذاللك تذبحونها بالمسلخ حق البلديه افضل لكم
الحطب فيه بالنعيريه وقريه مبيعة حطب وهي الافضل لكم واذا تبون تحتطبون تتعدى مفرق الصمان باتجاه الدهنا وتبداء بعروق جهيم وجهام مليانه حطب بس بيستهلك وقت وجهد انتم محتاجينه عرق جهيم وجهام تبعد عن المفرق 40 كيلو
الذيابه الله يرحم الحال من 50 سنه منقرضه
الخيام احسن شي تستاجرون اتوقع الخيمه الوحده ب100 ريال للرحله كلها موجود بالنعيريه محلات كثيره للتاجير ولا زم تدفع تامين سعر الخيمه حتى ممكن تستاجر ماطور كهرب
الصمان بالاجازه محتاجه المرور من كثر السيارت
الله يهنيكم برحلتكم
أبوعُمر
19/02/2009, 01:52 PM
اخوي سبع الوادي
الطريق الافضل وحسب ما مشيته انا من الجبيل طريق ابو حدريه للنعيريه ثم مفرق قريه العليا الى الرفيعه وبعد تقاطع ارفيعه بحدود 10 الى 15 كيلو بيجيك ممهد (ردميه)تروح يمين اطلع معها بعد حدود 18-20 كيلو بتبداء الفياض بام قرين تتعداها باتجاه الشمال الغربي حدود6-7كيلو يجيك بربك دغيم وام الهيمان والحاج وكل الفياض الي هناك تستاهل العنوه
الطريق الصجراوي عامر بالكشاته وكلهم مستعدين يساعدونك بالاتجاهات لكن افضل شي يكون معك Gpsبخرايط حديثه وهو الي بيوصلك للي تبي
الغنم اقترح عليك من النعيريه او قريه العليا ترى المدن ارخص من البر وكذاللك تذبحونها بالمسلخ حق البلديه افضل لكم
الحطب فيه بالنعيريه وقريه مبيعة حطب وهي الافضل لكم واذا تبون تحتطبون تتعدى مفرق الصمان باتجاه الدهنا وتبداء بعروق جهيم وجهام مليانه حطب بس بيستهلك وقت وجهد انتم محتاجينه عرق جهيم وجهام تبعد عن المفرق 40 كيلو
الذيابه الله يرحم الحال من 50 سنه منقرضه
الخيام احسن شي تستاجرون اتوقع الخيمه الوحده ب100 ريال للرحله كلها موجود بالنعيريه محلات كثيره للتاجير ولا زم تدفع تامين سعر الخيمه حتى ممكن تستاجر ماطور كهرب
الصمان بالاجازه محتاجه المرور من كثر السيارت
الله يهنيكم برحلتكم


كلام جميل

و أشدد على شراء الذبيحة و ذبحها و وضعها في حافظة ثلج قبل الدخول للمكشات بما إنك مكلف بأشياء كثيرة ، فهي تخلصك من أشياء كثيرة .

اعمل حسابك على أن الفياض المعروفة قد تمتلأ بالكشاتة ، فإذا اضطررت توجه للنفود و انعم بالراحة التامة و الحطب .

بالتوفيق
Mr.3BDULMAJED
19/02/2009, 01:52 PM
شف سلمك الله ..

بالنسبه للطريق فايفضل انك تحمل معك قارمن علشان تحلو الرحلة وتزور اماكن كثيرة ..

اما من ناحية الاحتطاب فالافضل انك تشتريه بدل من سالفة الاحتطاب .. والذبايح ما فيها كلامه الرفيعه واسعار الذبايح الان تتفاوت من الـ 500 الى 750
وكلشي فيها هالديرة ما شاء الله

.............
اما من ناحية الذيابه ارقد وامن ابد نومه في الصمان ابرك من نومه بالبيت

اربع ايام في الصمان ولا شفنا الا الخير والوجيه السمحه شرواكم

موفقين ان شاء الله
سبع البوادي
19/02/2009, 03:56 PM
جزاكم الله خير كلكم وما قصرتو والصراحة يا كاشخ 24 ساعة انك احرجتني ولكن السالفة جت سريع سريع ودوام هالشفتات ذبحنا ولا عادنا راعين نشاط مثل اول

والله يبيض وجيهكم