ماهو أفضل ماطور هواء؟ وكيف يرهمون كمبروسور هواء على السير؟ وصور لماركات عالمية.

[مكشاتي كوكتيل]

السلام عليكم.

فيه واحد من الشباب ناوي على ماطور هواء للكفرات وإحتار بين ماطور تويوتا اللي يجي بشكل مربع وبين ماطور أبو جمل. ومع قناعتي بأن ماركة أبو جمل أفضل من ماطور تويوتا إلا أنني أصريت إني اسأل الشبيبة في مكشات وأكيد عندهم الإجابة الشافية (هذا أولاً).

ثانياً، مثل ماقال المثل حج وحاجه. أنا قلت خلني أبحث في الإنترنت عن مواطير تعبئة الكفرات وأشوف هل هناك أنواع عالمية موصى بها ولا توجد عندنا؟. وبالفعل وجدت الكثير من المواطير لكن وجدت أن هذين الماطورين هم الأنسب للكشاته في نظري وقد حصلت على بعض المعلومات عنهما.




Goodyear 12 Volt air Compressor
http://ecx.images-amazon.com/images/I/41hTgfx9L1L._SS500_.jpg
وجدته في أمازون بقيمة 60 دولار أي حوالي 225 ريالاً ووزن الشحنة حوالي 3 كيلو (ولا أدري بالضبط كم سيكلف شحنه في حال أراد أحد أن يشتريه عن طريق الإنترنت)
ومن مميزاته أنه يملاً إطار مقاس 14 من الصفر وحتى 28 في أقل من دقيقتين ونصف. ويحتوي كما ترون على كشاف لكي يساعد في تعبئة الإطار في الليل ويحتوي على عداد لقياس ضغط الإطارات. ويبلغ طول اللي (الهوز) 10 أقدام لكي يصل إلى جميع الإطارات.






MaxxPress 2050 with High Flow Rate
http://www.safety-devices.com/air-compressor/graphics/hornet-air-compressor-500.jpg
يبلغ سعره 70 دولار أي حوالي 262 ريالاً ويبلغ وزنه حوالي 2 كيلو و200 جرام.
ومن مميزاته أنه يحتوي على نظام الحماية من الحرارة ويملاً الإطار في مدة تتراوح مابين دقيقة ونصف إلى ثلاث دقايق إضافة إلى إحتوائه على مقياس ضغط الإطارات.


------------------


مثل ماقلت أنا حصّلت أنواع كثيرة لكن الإثنين ذولا هم اللي جازوا لي. يعني يمكن فيه غيرها جازت لكم أو إن الثنين ذولا ماجازوا لكم بالمرة :)





وبالمرة ودي اسأل سؤال:

فيه ناس يرهمون كمبروسور بجانب الدينمو بحيث يشتغل على السير ويقولون إنه ممتاز. ياليت أحد يوضح لنا طريقة الترهيم وعن جدواها.

[المصمم2009]

انا ابو جمل خرب بثاني استخدام له وبعد فكه اتضح انه يوجد صاجه داخل ترد الهواء اللي موجودبالكفر يطلع ومع العلم بان الماطور يدفع هوا قوي وعند شبكه تلاحظ ان الكفر منسم

[مكشاتي كوكتيل]

شكراً أخوي المصمم وأبو جمل كنت أتوقع إنه استرالي لكن اكتشفت إنه صيني. وعلى العموم جميع مواطير الهواء اللي في السوق صينية على ماأعتقد.

[مكشاتي كوكتيل]

وهذه صورة لطقم عدة بنشر السيارة وقيمته 80 دولار (حوالي 300 ريال) يحتوي على 84 قطعة:


http://ecx.images-amazon.com/images/I/51Yw5WNwQBL._SS400_.jpg

[الدبل الثقيل]

جزاك الله خير ..

[محمد بن سعيد]

والله انا ثبتت عندي واحد بالسيارة اسمه (سفاري) وعبيت منه مره واحدة فقط وإن شاء الله أنه زين بس اشوف الناس تمدح ابو جمل لكن عليك بالأصلي واعتقد فيه محلات تجيب الأصلي وترى الأصلي مثل التجاري فيه تشابه في الكرتون لكن احرص على الأصلي والله يوفقك إن شاء الله

[غاوي رومانس]

انا عندي واحد بس ناسي اسمه

بس ماشاء الله تبارك الله استخدمته مرات كثيرة ويعبي الكفر في وقت مابين دقيقة ونص الى دقيقتين

بس الصور اللي حطيتها للمواطير اول واحد شكلة فنان يصلح للمكشات

[ابوطاقية]

انا استخدم ابو جمل والحمدلله ممتاز واذا بغيت انفخ بسرعه اشيل فلتر الهواء

كذلك هذي نوعيه ممتازه وصناعه امريكيه تنفخ من صفر حتي 32 بدقيقة واحده لاكن يعيبه غلاء سعره تقريبا 1300 ريال

http://www.sportys.com/shoptool/images/compressor.jpg


http://www.sportys.com/shoptool/images/9847l.jpg


اظغط هنا (http://www.sportys.com/)

[بندر خلف]

انا عندي 2 ابو جمل خربانات كلهن وعندي ماطور تويوتا

تويوتا ينفخ زين واستخدمه واجد وماشالله عليه مايخرب بس اذا كان الهو عندي 15 انفخه الى 25 وامشي عليه الى المحطه وانفخ كفرين واطفيه لين مايبرد وانفخ الكفرين الثانيه

[مكشاتي كوكتيل]

جزاك الله خير ..

وجزاك الله خير على مرورك ياغالي.

[القماري]

مواطير الهواء !!!
أفضلهم أبو جمل الأصلي ويجي منه ثلاث أنواع حاليا (الأصليات صناعة صينية)
الأول: لي قصير وسلك طويل بدون صينية وصوته هادي بالمرة
الثاني لي أصفر طويل وسلك قصير وتحت منه صينية وصوته مرتفع شوي
الثالث (جديد) أبو راسين

وسعر الأول والثاني بين 250 - 270 ريال ويجي الأول بكرتون مرسوم عليه سيارة جيب (رانجلر) وشنطة بنية مرسوم عليها شعار بجمل والثاني كرتونه اكبر والثالث كرتونه اكبر ومرسوم عليه تويوتا أف جي كروزر

عجزت أبحث بين المواقع عن شيء يوفر لنا الوقت بنفخ الكفرات بالبر ومالقينا حتى الآن جهاز أفضل من أبو جمل

أخونا أبو طاقية .. الجهاز المدرج يشتغل على كهرباء 110 فلت .. يعني مايصلح للبر ..

[EFI-4500]

انا جربت ابو جمل اللي له لي اصفر وهذا والله انه زين يمشي الحال

لكن ابو جمل اللي سلكه طويل احسن منه واسرع

والسفاري اللي سلكه طويييييل احسن منهن كلهن وهذا عن تجربه وخاصه للاهل النفود

[salehhd]

السلام عليكم

ارشحلك نوعين
1- ابو جمل الاصلي
2- سفاري الاصلي وانا افضله لان صوته هادي
ووكيل الاثنين هو الشراع

اهم شي في المواطير هو قوة الامبير كلما زاد الرقم زادت السرعة
سفاري الكبير 23 امبير
ابوجمل 28 امبير

بالنسبة للمواطير الامريكية راح يكلفك كثير على غير فايدة فشحن 2 كيلو راح يكلف اكثر من 200 ريال
ماطور تويوتا انا شفته 15 امبير فقط ناهيك عن الصوت المزعج

افضل ماطور على الاطلاق هو arb بس سعرة غالي بالحيل ويوصل الي 800 ريال

[aaa1111]

السلام عليكم


انا استخدم منفاخ هواء حق تويوتا

عملي و جيد وخفيف وزن وما يطول في نفخ الكفر

[مكشاتي كوكتيل]

محمد بن سعيد . أتوقع إن أبو جمل الأصلي هو أفضل الموجود في السوق حالياً.

شكراً لك على مرورك.

------------------------

غاوي رومانس الماطور اللي عندك وش نوعه؟ حاول تتذكر ياأخي أو رح شف وش نوعه وتعال علمنا.

وبالنسبة للمواطير اللي في الصور هذي من أفضل المواطير لدى المستخدم الأمريكي خصوصاً الصورة الموجودة في الرد رقم 4 حسب تصنيف أمازون.

[مكشاتي كوكتيل]

أخوي أبو طاقية بالرغم من أن سعر هذا الماطور وغيره مرتفع جداً إلا أنه يستحق ذلك لأنك تشتريه وتنساه ويكد معك سنين طويلة.

[ابوسعودد]

والله يالربع اني عندي ماطور اسمه ( ساكا ) تقريبا له سبع سنوات وللحين ماشاء الله تبارك الله ماشي تمام بس اني محافظ عليه يعني ما اضغط عليه بتعبئة الكفرات اكتفي بتعبئة من 10 الى 15 لكل كفر يعني اذا كان في الكفر الواحد 15 اعبيه من 25 الى 30 وهكذا واعتقد ان هذي طريقة جيده للمحافظة على الماطور علما ان بعض الاخوان يعبي كفرات سيارتين جميع والماطور مايتحمل لازم ياخذ فترة راحه لين يبرد

[مجالس الرجال]

السلام عليكم ومساء الخير للجميع
ترهيم كمبروسر للهواء عن طريق السير مايجي على اي سياره
لكن انا لاصار معي هايلوكس بايام الشتاء استخدم كمبروسر المكيف افضي الغاز وأفك مواصيره
وحدة من الفتحات يدفع الهواء والثانيه سحب احط عليه فلتر زيت علشان مايسحب غبار وعندي دبة التريلات
حقت الفرامل وحاط علية بلف أمان يفتح على 180 يعبيه الكمبروسر 5 دقائق وأعبي الكفرات مثل البنشر
بس إنك ماتشغل الكمبروسر وأنت مسرع لأن الزيت راح يطلع للدبه وإذا فضى الزيت من الكمبروسر أكتب عليه السلام

[مكشاتي كوكتيل]

انا عندي 2 ابو جمل خربانات كلهن وعندي ماطور تويوتا

تويوتا ينفخ زين واستخدمه واجد وماشالله عليه مايخرب بس اذا كان الهو عندي 15 انفخه الى 25 وامشي عليه الى المحطه وانفخ كفرين واطفيه لين مايبرد وانفخ الكفرين الثانيه

نصيحة جيدة للمحافظة على عمر الماطور لعلنا نستفيد منها.

شكراً لك يابندر.

[مقلع الرمث]

حبيت اقولك ان افضل ماطور يشابه لاا ابو جمل الظاهر اسمه قوديير او وكيله لكن شبيهه بالضبط واانا امجرب ابو جمل له عندي حوالي 5سنوات واااكثر اتوقع ومليت منه وعطيته اخوي والين هالحين شغال مع ان استخدامي اعبي الكفر مره وشكرا على الطرح

[قليط]

يالربع مفي احلىمن هوى البوجي اما بانسبت لبو جمل وشلته خرطي ميمديك تنفخ سيارتك اربع كفرت وسيارت خويك الى هوطاق

[مكشاتي كوكتيل]

القماري شكراً لك على مرورك.

------------

EFI-4500 شكراً لك على ردك وللأسف لم يسبق لي رؤية ماطور سفاري

------------

salehhd كم سعر ماطور سفاري؟ وشكراً لك على مرورك.

[مكشاتي كوكتيل]

aaa1111 شكراً لك على مشاركتك.

[بيق مان]

ماطور تايوتا حليو للأمانه ومن واقع تجربة

[دحدوح المملوح]

استخدمت ساكا الصغير ثم استخدمت الكبير وله عندي أكثر من خمس سنوات وأضنه أفضل من أبو جمل

[الرقمي]

ابوجمل :-

الأول: لي قصير وسلك طويل بدون صينية وصوته هادي بالمرة
الثاني لي أصفر طويل وسلك قصير وتحت منه صينية وصوته مرتفع شوي
الثالث (جديد) أبو راسين


ايهم احس واحد ؟

انا شريت اول واحد

صح صوتة مرة هادء

بس هل هو اقواهم

[مكشاتي كوكتيل]

والله يالربع اني عندي ماطور اسمه ( ساكا ) تقريبا له سبع سنوات وللحين ماشاء الله تبارك الله ماشي تمام بس اني محافظ عليه يعني ما اضغط عليه بتعبئة الكفرات اكتفي بتعبئة من 10 الى 15 لكل كفر يعني اذا كان في الكفر الواحد 15 اعبيه من 25 الى 30 وهكذا واعتقد ان هذي طريقة جيده للمحافظة على الماطور علما ان بعض الاخوان يعبي كفرات سيارتين جميع والماطور مايتحمل لازم ياخذ فترة راحه لين يبرد

ابو سعود أهم شيء في الماطور كما قرأت هو الحرارة. فالحرارة هي العدو الأول للماطور.

شكراً لك

[مكشاتي كوكتيل]

السلام عليكم ومساء الخير للجميع
ترهيم كمبروسر للهواء عن طريق السير مايجي على اي سياره
لكن انا لاصار معي هايلوكس بايام الشتاء استخدم كمبروسر المكيف افضي الغاز وأفك مواصيره
وحدة من الفتحات يدفع الهواء والثانيه سحب احط عليه فلتر زيت علشان مايسحب غبار وعندي دبة التريلات
حقت الفرامل وحاط علية بلف أمان يفتح على 180 يعبيه الكمبروسر 5 دقائق وأعبي الكفرات مثل البنشر
بس إنك ماتشغل الكمبروسر وأنت مسرع لأن الزيت راح يطلع للدبه وإذا فضى الزيت من الكمبروسر أكتب عليه السلام


مجالس أحس الدعوى يبي لها ترهيم وفك وتركيب وشغل كثير وبعد فيه خطورة على الكمبروسر. يعني وحسب القاعدة الفقهية ضرره أكبر من نفعه :)

تحياتي لك.

[مكشاتي كوكتيل]

مقلع الرمث المواطير المشابهه لماطور قوديير كثيرة وأعتقد أن مصنعها واحد ولكن الماركة تختلف.

----------

قليط ماكل واحد يعرف للبوجي وبعضهم يتخوف من هذا الأمر

----------

بيق مان شكراً لك على مرورك

---------

المملوح :) حسب ردك ورد الإخوة فإن جودة ساكا على ماأعتقد توازي جودة أبو جمل إن لم تكن أكثر.

----------

الرقمي هناك معلومات مسجلة على الماطور تبين قوة دفع الهواء فلعلك تقارن بينها ولعل الإخوة يفيدونك في ذلك.

[الرس999]

http://uaesm.maktoob.com/vb/uae246631/
مرحبا ومسهلا...اتمنى اني افدتكم

باالتوفيق

[ترهيم]

اخوي مكشاتي كوكتيل ... بما ان اهتمامك عن طريقة الكمبرسر هذا الموضوع منقول مع الشكر لصاحب الموضوع ....

السلام عليكم ورحمة الله وبركاته


(( الموضوع طويل شوي - لكن جدير بالمتابعه)

طرحت الفكرة على أحد الورش، وكنت أتحرى جوابهم بـ(لا)، لكن تفاجأت بردهم (نعم ركبنا في أحد السيارات، وعندنا خبرة في هالموضوع).

قلت : إذا ما المطلوب مني من قطع ؟

قالوا : لا شي، كل شي موجود عندنا.

وبحكم معرفتي بالورشة، كونها متخصصة في ترهيم سيارات البر، ودايم متكي عندهم، تركت السيارة عندهم يومين، ورجعت استلمها، بصراحة تفاجأت باحترافهم في ترهيم الكمبرسور، جهزوا كل شي بدون ما يرجعون لي. ,إليكم التفاصيل:



التجهيزات:

1- كمبروسور

2- بكرة وزن سير

3- سير

4- لي هواء بطول متر إلى متر ونص، مقاس 8 ملم وقوة تحمل ضغط 20 بار

5- قفيز عدد (2)

6- بلف هواء

7- فاصل كهرباء

8- قاعدة كمبروسور

9- قاعدة فاصل وبلف الهواء



كافة التجهيزات تقوم الورشة بتوفيرها وترهيمها (كالقاعدة)، والشهادة لله إنهم يختارون دائما الأفضل والمناسب للسيارة.


القطع اللي انا جبتها:

1- عازل للحرارة مقاس 5/8 من محلات التبريد اللي في شارع الريل

2- بلف هواء اللي يركب على القاعدة ، وهو من محل (الفانوس) من شارع الريل

أنواع السيارات اللي يركب عليها:

حسب إفادة (أبو عبدالله) صاحب الورشة، وكذلك الفني (فيروز)، فإن السيارات اللي يركب عليها هي التاليه:

1- اللاندكروزر من 97 وتحت.

2- الباترول اللي ماكينته 4500

3- أي سيارة فيها فراغ بجانب راس الماكينة لا يقل عن 25 × 25 سم

باقي السيارات فيها زحمة خصوصا جهة السيور.

أنواع الكمبروسورات :

1- مقاس 18 بار وهو اللي يجي للجيوب والديّنا. وحجمة يحتاج فراغ جهة السيور بمساحة 30×30 سم

2- مقاس 25 بار وهو اللي يجي للباصات الوسط (خط البلدة) ، وحجمة يحتاج فراغ جهة السيور بمساحة 35×35 سم

3- مقاس 30 بار وهو اللي يجي للباصات الكبيرة (الصفراء) ، وحجمه يحتاج فراغ يصل إلى 40×40 سم ومن الصعب تركيبه في الجيوب لانه يحتاج ارتفاع وبالتالي يضرب في الكبوت.



جيت أبشري الكمبروسور من محلات التشليح اللي بالصناعية، لقيت اسعار مقاس (18) تتراوح ما بين 700 - 900 ريال، ومقاس (25) ما بين 1200 - 1500 ريال، أما مقاس (30) بار فلم أجده، ولكن قيل لي أنه في الوكالة بـ 4000 ريال.

وباستشارة الفني (فيروز) قال أن مقاس (18) مناسب جدا، ويعطيك كمية وضغط الهواء اللي تحتاجها في أقل وقت، ولا تدعوا الحاجة إلى أحجام أكبر لانها تكلف أكثر وتأخذ حيز أكبر ويمكن ما تركيب في السيارة.



توكلت على الله وطلبتهم يركبون مقاس (18) بار ، لانه حسب مشورة الفني هو الأفضل والمناسب لسيارتي (في أكس ار 94).



قاموا في البداية بأخذ المقاسات وترهيم القاعدة اللي يركب عليها الكمبروسور


http://www.mekshat.com/pix/upload/images39/mk9192_one.jpg


ثم تركيب الكمبروسور كما في الصورة

http://www.mekshat.com/pix/upload/images39/mk9192_two.jpg


وترهيم موقع بكرة وزن السير

http://www.mekshat.com/pix/upload/images39/mk9192_three.jpg

على فكرة بعد ما تم تركيب الكمبروسور قاموا بتغيير السير بواحد أطول، وتم اختيار مقاسه بعد ما تم تجهيز كامل الكمبروسور.


بعدها تم ثبيت بلف الهواء في الرفرف داخل الكبوت على قاعدة ألمنيوم مع الفاصل الكهربائي، حتى تبعد عن حرارة الماكينة أثناء توصيل اللي بالبلف.


http://www.mekshat.com/pix/upload/images39/mk9192_fore.jpg


كما تم تركيب عازل للحرارة على لي الهواء (كما هو في الصورة)

تمديدات اللي

http://www.mekshat.com/pix/upload/images39/mk9192_five.jpg


والعازل المستخدم

http://www.mekshat.com/pix/upload/images39/mk9192_six.jpg

بصراحة شغلهم مميز، ولا شغل الوكالة، لان كل شي مثبت بشكل جيد، حتى الأسلاك يمدونها داخل (جرور)، وما فيه شي هامل، كل شي مثبت.

السعر : (1000) ألف ريال (يعتمد السعر على نوع السيارة وحجم الكمبروسور والأدوات المستخدمة).


النتيجة:
استخدمت الكمبروسور ، لقيته تعتمد قوة إندفاع الهواء (ضغط الهواء) على دعسة البنزين، وبحمد الله ما تأخذ تعبئة الكفرات الأربع 3 دقائق.

[fahd.sh]

السلام عليكم ورحمة الله وبركاته مجرد رأي إذا كان لك احد بالتشليح او تعرف احد عنده سيارة امريكية نوع جي ام خاصة الكدلك يوجد فيه ماطور هواء لرفع السيارة بالمساعدات وهذا الماطور قوي بس يبي له شوية تعديلات سلك كهرباء مع لي الهواء وخذ ماطور مجرب وجرب لعلى الجميع يستفيد

[قطب 999]

فيه نوع لدى الشراع قيمته 400 ابو جمل بس كبير اكبر من ابو 270
وفيه نوع ثانى نفس الماركه راكب على اسطوانه بحجم اكبر من طفاية الحريق تتعبى هوا ووقت الحاجه تعبي الكفر منها مثل محلات البنشر بسرعه
الظاهر فيه واحد صينى عند الشركه المصنعه يمخمخ على مواطير الهوا

[faris2006]

هذا موقع يعرض جميع المواتير الهواء
http://www.alibaba.com/showroom/Car_Air_Compressor.html
http://www.amazon.com/Wagan-2014-Quick-Flow-Compressor/dp/B000066B55

[ابو_حمد]

يعطيك الف عافيه اخي الكريم
بصراحه انا من مستخدمي ماطور الاسترالي ممتاز ولا عليه كلام صحيح ان سعره غالي لكن يستاهل

[مكشاتي كوكتيل]

الرس999

شكراً لك على مرورك




ترهيم

شكراً جزيلاً لك على مشاركتك الجميلة التي تعتبر إكمالاً للنصف الثاني من الموضوع.



fahd.sh

أخوي فهد ماطور الهيدروليك خيار جيد ويمدحه من جربه.



قطب999

ماطور أبوجمل هو المتسيد في السوق عندنا وقد يكون هو الخيار الغالب لدى الكثيرين.
شكراً لك.



faris2006

شكراً لك على تفاعلك الجميل



ابو_حمد

أعتقد أنك تقصد ماطور arb وقيمته حوالي 1000 ريال
شكراً لك.

[سيف الظفير]

يالربع فيه نوعيه طيبة عند الرماية بـ 300 او 340 احسن من Arb من ناحيه القوة والمتانة والسرعه

[بو خليفه]

انا جربة الكثير ولكن افضلهم عندي ابو جمل الحمدلله له 5 سنوات لم يخرب و ايضا اصدقائي عندهم مثله لا يشتكون منه فاخوف اللى عند الشباب ابو جمل اسم و ليس اصلي

ابو جمل الاصلي فقط لدى محلات الشراع غيره تجاري مثل اللى عند العليان تجاري و يخترب خلال ثلاثة اشهر

[مكشاتي كوكتيل]

يالربع فيه نوعيه طيبة عند الرماية بـ 300 او 340 احسن من Arb من ناحيه القوة والمتانة والسرعه

مانوعه وماهي صناعته؟
صراحه سعره رخيص ومغري خصوصاً إنك تقول إنه نوعية طيبة

[AL-Hadbani]

ممكن تفيدوننا أين يقع محل الشراع ؟ وما هي إهتماماته

[knight]

شاري من الرماية الماطور 2 بستم كلفني فوق 400 ريال.

ما شاء الله عليه في التعبئة جداً رائع ، المشكلة انه ما عد يشتغل ؟ منا عارف السبب ..شيكت على الفيوز لقيته سليمه!!.
عدد مرات الأستخدام تقريباً أربع مرات فقط .

[نـجم الـشمال]

عافاك الله على هالموضوع

[Raselny]

ممكن تفيدوننا أين يقع محل الشراع ؟ وما هي إهتماماته

محل الشراع بالغرابي
اذا انت جاي من طريق المطار القديم وجاك البريد ولفيت من عنده بتجيك اول اشارة لف منها يمين وبتكون كذا دخلت الغرابي.
اول اشارة بتجيك الحين مافيها الا يمين او يسار فقط وقدام مسدود, انت رح يسار وامشي بحدود 500 متر بتلقى محل الشراع على اليمين؟
وهو محل زينة وعدد مثل باقي محلات الغرابي

[مكشاتي كوكتيل]

انا جربة الكثير ولكن افضلهم عندي ابو جمل الحمدلله له 5 سنوات لم يخرب و ايضا اصدقائي عندهم مثله لا يشتكون منه فاخوف اللى عند الشباب ابو جمل اسم و ليس اصلي

ابو جمل الاصلي فقط لدى محلات الشراع غيره تجاري مثل اللى عند العليان تجاري و يخترب خلال ثلاثة اشهر


المشكلة كما قلت قد تكون في التقليد .

وعلى ماأعتقد محلات الرماية لديهم الأصلي أيضاً .

شكراً لك يابو خليفة

[مكشاتي كوكتيل]

ممكن تفيدوننا أين يقع محل الشراع ؟ وما هي إهتماماته


ياهلا فيك أخوي . اتمنى افادك الأخ Raselny جزاه الله خيراً .

وشكراً لك على مرورك

[مكشاتي كوكتيل]

شاري من الرماية الماطور 2 بستم كلفني فوق 400 ريال.

ما شاء الله عليه في التعبئة جداً رائع ، المشكلة انه ما عد يشتغل ؟ منا عارف السبب ..شيكت على الفيوز لقيته سليمه!!.
عدد مرات الأستخدام تقريباً أربع مرات فقط .


أخوي الجهاز جديد وبضمانه يعني لو توديه للوكيل يكون أفضل .


شكراً لك على مرورك

[مكشاتي كوكتيل]

عافاك الله على هالموضوع

وعافاك الله على مرورك الجميل يانجم

[مكشاتي كوكتيل]

محل الشراع بالغرابي
اذا انت جاي من طريق المطار القديم وجاك البريد ولفيت من عنده بتجيك اول اشارة لف منها يمين وبتكون كذا دخلت الغرابي.
اول اشارة بتجيك الحين مافيها الا يمين او يسار فقط وقدام مسدود, انت رح يسار وامشي بحدود 500 متر بتلقى محل الشراع على اليمين؟
وهو محل زينة وعدد مثل باقي محلات الغرابي

شرفني مرورك يا Raselny وجزاك الله خير على طيب مرورك

[مكشإإت]

شرايكم بماطور الهواء الاسترالي عن الرمايه
بـ 1100

[ابن هادي502]

ابوجمل جيد مع انه خرب عندي هاليومين يبيله تنظيف واذا تبي ترهم كموبروسر ترا سوافي يرهمون لك كمبروسر

[مكشاتي كوكتيل]

شرايكم بماطور الهواء الاسترالي عن الرمايه


بـ 1100




سعره غالي وأتوقع إن المستخدم العادي لا يحتاج إلى ماطور بهذا السعر . الأحسن حسب مارأينا من الردود هو أبو جمل .
تحياتي لك .




ابوجمل جيد مع انه خرب عندي هاليومين يبيله تنظيف واذا تبي ترهم كموبروسر ترا سوافي يرهمون لك كمبروسر

شكراً لك يابن هادي على مداخلتك .

[ام صتمه 87]

بكم ماطور سفاري ..

[ام صتمه 87]

اخواني لو سمحتو بكم ماطور سفاري ...؟

[واثق بوعد ربي]

المعذرة أيها الأحبة لكن من خلال تصفحي للموضوع لم أرَ أحدا منكم تطرق لماطور السنيدي علما بأن سعره نوعا ما مرتفع والحرارة التي تصدر منه أثناء التعبئة شديدة فما رأيكم ؟

[مكشاتي كوكتيل]

اخواني لو سمحتو بكم ماطور سفاري ...؟

أخي العزيز بالضبط لاأعرف سعره لكن قرأت في احد المواضيع أن سعره 200 ريال أو حولها .


وهذا رابط عن أنواع المواطير وأسعارها
http://www.mekshat.com/vb/showthread.php?t=41432

تحياتي لك .

[محمد بن سعيد]

بعد الكلام والأخذ العطاء شريت ماطور أبوجميل من محل الشراع بقيمة 250 ريال

[مكشاتي كوكتيل]

المعذرة أيها الأحبة لكن من خلال تصفحي للموضوع لم أرَ أحدا منكم تطرق لماطور السنيدي علما بأن سعره نوعا ما مرتفع والحرارة التي تصدر منه أثناء التعبئة شديدة فما رأيكم ؟

ياهلا بالواثق .

للأسف ليس لدي معلومات عن ماطور السنيدي لكن هناك موضوع في الرد أعلاه تجد فيه معلومات عن المواطير بأنواعها .

[alajmi100]

انا عندي ماطور ابو جمل من 8 سنوات ماشاء الله خرب علي مره اللهاه وحنا في البر ورهمت له غطى قوطي صلصه والى اللحين وهو شغال

[مكشاتي كوكتيل]

بعد الكلام والأخذ العطاء شريت ماطور أبوجميل من محل الشراع بقيمة 250 ريال

الله يبارك لك فيه يابو سعيد .

[Hand Some]

نتيجة للتجربة والمقارنه

انا الصراحه احب الشغلات هذي واحب اقارن بينها

افضلهن ابو جمل وارد الشراع ولا يغرك التجاري تراه نفس الشكل بس المضمون يختلف

انا شريت 2 من التجاري وكلهن يخربن بساتمهن بس المكينه نفسها لا

المراد فيه نوع جديد بستمين عند الشراع الصراحه روعه وسريع وضمانه اطول من العادي ابو بستم بس انه اغلى شوي

اتمنى اني افدتكم

[ابوناصر3]

مشكور على الموضوع اشوف كثير من الشباب يشتكي من عطل الكبريسور والحل بسيط بخاخ الرذاذ تبع القزاز تعبية موية وترش فية رشة وحدة كل 10 ثواني على البستم تبع الكمبريسر ولو جلست تعبي هوا ساعة متواصلة بيتحمل بسبب تفريغ الحرارة وحتى الكمبريسر الصيني بيعيش معك جربها منت خسران شي والله يوفقك على اي ضاغط انشاء الله بيعمر معك..........

[suber safari]

السلام عليكم جميعا ,, انا عندي ماطور ابوجمل التيربو من نفس الشراع ماخذه

ولله الحمد الحين له معي سنه ونص واموره تمام التمام ,,,,