المساعد الشخصي الرقمي

مشاهدة النسخة كاملة : تكفون يالنشاما عندي ضيوف يدورون الربيع وين أفضل الأماكن حول الرياض..


besmile4ever
20/02/2009, 10:30 PM
السلام عليكم ورحمة الله وبركاته..
أحبتي ابي شوركم...تكفون الله يوفقكم...عندي ضيوف وين تنصحوني اوديهم .. يريدون أماكن ربيعية حول الرياض..شورو علي.
لكم مني الدعاء..
أخوالعيال
20/02/2009, 10:36 PM
وعليكم السلام ورحمه الله وبركاته

عندك روضه نوره رح عن طريق القصيم اذا وصلت مخرج ثادق مخرج 10 لف يمين وسيد تقريبا 30 كيلو اتجاه الشرق وتبعد مدينه الرياض تقريبا 130 كيلو

تنزل على روضه نوره على طول خط ترابي ممهد فيه بعض البطانيج , وهى روضه طيبه ربيع طيب ومكان نظيف وقريب من الرياض

انا امس كنت موجود فيه وان شاء الله ابنزل موضوع عن رحلتي لروضه نوره

وحياك الله انت وضيوفك عندي واذا تبي خيامي وعدتي تحت امرك يا خوي الكريم ,,

اخوك اخو العيال ,,
abumaged
20/02/2009, 10:50 PM
السلام عليك اخو العيال المفرق على طريق القصيم كم يبعد من الرياض وبعدين اذا اتجهت الى الشرق 30 كم هل هو طريق ترابي واضح والا لا وهل هناك مايدل عى الروضه من لوحات وغيره تحياتي وبيض الله وجهك
أخوالعيال
21/02/2009, 02:23 AM
السلام عليك اخو العيال المفرق على طريق القصيم كم يبعد من الرياض وبعدين اذا اتجهت الى الشرق 30 كم هل هو طريق ترابي واضح والا لا وهل هناك مايدل عى الروضه من لوحات وغيره تحياتي وبيض الله وجهك


معليش يا خوي على تاخر الرد
بالنسبه للمفرق يبعد عن الرياض تقريبا 100 كيلو

تاخذ مخرج 10 وتلف يمين وتبتل على طول

ويفضل ان تكون سيارتك جيب لانه الطريق فيه بطانيج واذا تحب تمشى على الرمل محاذي الردميه انت مخير

بالنسبه للروضه اول ما تلف من الطريق السريع تصفر العداد وبتمشى تقريبا 30 كيلو
وان شاء الله توصل بالسلامه ورحله موفقه

تقبل تحياتي
راس المال
21/02/2009, 04:06 AM
روضه الخفس ..

عن الرياض 110 كم تزود او تنقص ,,


واذا تبي تخيم .. مالك الا الصمان .. فياض تسر الخاطر .. ولاصجه ولا لجه !
besmile4ever
21/02/2009, 11:55 AM
ماقصرتم بيض الله وجيهكم..
وانت اخو العيال ماقصرت الله يوفقك لكل خير ويستر عليك..معدنك أصيل كثر الله من أمثالك..
besmile4ever
21/02/2009, 11:56 AM
لاهنت يا اخوا العيال تروضة فيها ربيع يملا العين..
سلطان نجد1
21/02/2009, 11:59 AM
فيه عندك ريضان حلوه مره جدا بتمير
أخوالعيال
22/02/2009, 03:32 AM
لاهنت يا اخوا العيال تروضة فيها ربيع يملا العين..



السلام عليكم


هاااه يا خوي قلنا وين كشت فيه عطنا علوم الطلعه

الله يوفقك ,,,
besmile4ever
22/02/2009, 01:25 PM
وعليكم السلام..
ابد وانا أخوك وصلنا الخفس وربيعها لك عليه والنيه بكره بعون الله لروضة نوره على وصفك وفقك المولى..
أبوهيله
22/02/2009, 01:33 PM
ياشبابنا الغالين ياليتك تسجلون الإحداثيات إذا أمكن بدل ماتجلسون توصفون لأن الوصف بصراحة ممكن ينساه الواحد لكن الإحداثيات أتوقع فكرتها جيدة ..

وتقبلو مروري ..