المساعد الشخصي الرقمي

مشاهدة النسخة كاملة : أبي شوركم يا خبراء السيارات بـGMC Savana


koogak
22/02/2009, 11:50 AM
السلام عليكم ورحمة الله وبركاته
أخواني الغالين
حبيت أستشيركم في شراء سيارة
أول شيء أنا أفكر أبداء مشروع توصيل الطالبات للجامعات
وراح ابداء هالمشروع بسيارة وحدة واذا نجح راح اكمل
وامس وانا في المعارض حصلت سيارة GMC Savana
وهذي صورة تشبها
http://www.edmunds.com/pictures/VEHICLE/2004/GMC/100273957/2004.gmc.savana.26047-300x189.jpg
الموديل 2006
وارد الجميح
قوة المكينة 2500
مخزنه ولا مشت الا 600كم بس
سعرها جديده 110.000ريال
يالربع وش رايكم كم تسوى
وهل تشوفون هالمشروع ناجح

الله يعطيكم العافية يارب محتاج فزعتكم
لن أمل من العطاء
22/02/2009, 01:10 PM
والله يا حبيبي اختيار موفق

انا اشوفها بكثره على خط الساحل في الغربيه

ولكن هناك خيار اخر خاصة انك يجب ان تكون ملتزم في التوصيل
خاصة انك مبدئيا تكون سيارة واحده
واللي اشوفهم يكون عندهم عدة سيارات واشوفها على نفس الخط بنفس الوقت يعني لا قدر الله تعطلت يكون فيه اخرى ومره واحده فقط وجدت سيارة متعطله والاخر قد وقف بجانبه سيارة احتياط


شوف تويوتا هايس الفان وخاصة ان فيه نوع منه يجي فخم ونحن نسميه فندق ذو السقف العالي شكل ولون وفخامه داخليه وامن بقدرة الله وواسع

وخذه بلوحات سيارة اجره اذا تقدر وهن طريق بنك التسليف بدون فوائد
لهم شروط يمكن تكون تقدر عليها

او خذه بنظام التاجير من شركة عبداللطيف جميل

اخير

نفس السيارة هذي اشوفها ايضا منتشره بالساحل يوميا

ويقطعون هيه والسافانا يوميا لا يقل عن 400 كيلو متر

اخيرا اسأل الله لك التوفيق من كل قلبي وأسأله ان ارى معاك اعلان هنا في مكشات بالاعلى بانك تمتلك اكبر اسطول سيارات لنقل الطالبات
koogak
22/02/2009, 09:33 PM
الف الف الف شكر لك يالغالي
ما تدري وش كثر انا سعيد بردك
انا فكرت في سيارة الهايس
بس مشكلتها لازم رخصه عمومي وانا والسواق رخصنا خصوصي ولا ودي ادخل في معمعة الرخص
ولا هي قوية وممتازة

شاكر ومقدر لك يالغالي تجاوبك