المساعد الشخصي الرقمي

مشاهدة النسخة كاملة : تكفون فزعتكم الله يرزقكم الجنه..


alharban
23/02/2009, 04:07 AM
السلام عليكم ورحمة الله وبركاته
وش حالكم يا الربع انا نويت اشتري جيبب باترول سفاري اخر موديل والا موديل 2008 بس ابي مشورتكم تكفون يا الربع هل خرباته كثيره هل له مشاكل وكم اسعارها الفل الكامل والسياحي والى اخره...وش تفضلون باب والا اربع ابواب وافضل الانواع وش اسمه وش نوعه وهل له مسميات اخرى عند الوكاله وش يسمونه
وشكرا تقبلوا تحياتي ودمتم بألف ووود
وشكرا
همّام
23/02/2009, 12:11 PM
ما عندي والله خبره فيهن ،، وإن شاء الله الشباب ما يقصرون معك
مكشاتي كوكتيل
23/02/2009, 12:25 PM
أخوي عزالله إنك زبنت النشامى لكن عشان يفيدونك الأعضاء لازم تعطيهم المعلومات التالية:

أنت وش تبي الموتر فيه؟ يعني طلعات للبر بشكل متكرر وإلا نادراً وإلا في الإجازات؟
وش طبيعة الأرض في منطقتك؟ وهل طلعاتك للموتر شخصية أو بالعائلة وكم عدد أفراد عائلتك؟ (لأنك طلبت مشورتنا في باترول ربع أو بابين)


المعذرة ياأخوي لكن أنت قلت "أنا نويت اشتري جيب باترول سفاري" وبعدين طلبت مشورتنا وقلت "وش تفضلون باب أو أربع أبواب؟" يعني أنت مازلت متردد في نوع السيارة اللي تبي تشريها. يعني لو كنت ناوي شراء سيارة باب واحد (ربع) كان طلبت منّا نقارن لك بين الربع التويوتا والربع النيسان والباجيرو. ويظهر من كلامك إنك مركز على ماركة باترول لأنك حصرتنا بين باب واحد وبابين باترول.

تحياتي لك وبالتوفيق ومازلت على كلامي بأن الإخوة سيفيدونك إن شاء الله (فهمتوا ياشباب؟ لاتفضحونا عند الضيف :))