#& حــر وافــي وسبوق ومشــروط على الحبارى ,, للبيــع &#

[المرعضي]

بسم الله الرحمن الرحيم ,,


أخواني أعضاء وزوار مكشـات الكرام ,,


السلام عليكم ورحمة الله وبركاته ,, أما بعد ,,


هذا طير واحدن من الربع ,, احتاج وقال اعرضه للبيع ,, وهذي كل علوم الطير اللي علمني فيهن ,,



ما نوع الطير ,, حر جرودي ماعمرالطير ؟؟ : سادس أو سابع ما(قياسه او وزنه)؟؟ : الطير عاري ريش ,, قياسه 17 * 17 ,, ووزنه ألحين 1080 ,,مالمزرعه التي انتجته (للمفرخات والمهجنات) ؟؟ : وحش أصيل وساسه خلوي
أين مكان الطير حاليا (المنطقه / المدينه)؟؟: منطقة الجوف ,, ماهي الحاله الصحيه للطير؟؟ : الطير سليم ومشروط على الفحص ,,علوم الطير ؟؟ (للقرانيس البيتيه)
هل صاد الطير الحباري والكروان ؟؟ صايد من الحباري كثر ريشه ,, وراعيه يشرط عليه من يم الحبارى ,, والكراوين ماشاف شئ ,,هل الطير طلاع ؟؟ سبق وقد طلع على حباري مع راعيه ,,هل الطير راكد على التكايه ؟؟ يركد ساعة زمن وبعدين يحتاج تبرقعه ,,
هل الطير يمسح على التلواح او يلاعب الشلو(خالي ) ؟؟ نعــم
هل توجد في الطيرعيوب (الارتفاع,الكوشه,نقل العلف,الصياح)؟؟ أبــدا مابه من هالعذاريب شي ماشاء الله ماغير اذا اصطنع الطير بالحيل ينقل مره بالعلف ,,ملاحظات اخرى : الطير سبوق ,, وقد سيم بعشرة الاف ريال سعودي ,, وصاحب الطير محتاج وبيّاع لأعلى سومه ,, وهذا رقم صاحبه لباقي العلوم ,,


0505390109


صورة للطير (وهنا طرق تصغير وادراج الصور (http://www.mekshat.com/vb/showthread.php?t=91632)للاخوه الذين لايعرفون ):


http://ahmd1408.googlepages.com/20090223170.jpg

ياخوان الطير مهو لي ,, اللي له نظر بالطير يتصل على صاحبه أو يعطينا سومته وحنّا نوصلها لراعيه ,,
والله يكتب اللي فيه الخير ,, :)

[صقار الأسياح]

السومه هذي متى جديده او قديمه وضح للناس

[محمد الشامان]

الله يرزقكـ بالبيعه الطيبه

[المرعضي]

حياك الله ياصقار الأسياح ,,

السومه جديده ,, والرجال بيّاع لأعلى سومه ,, :)

[مدرب الاحرار]

الله يوفق البايع والشاري

[المرعضي]

حياكم الله ياأخوان ,, ومشكورين على هالدعوات الطيبه ,,

وحبيت أقولكم أن العرض مازال ساري واخر السومات 11 ألف ريال سعودي ,, والرجال مهو بعيد ,,

وسلامتكم من كل شر ,, :)

[_الراسي_]

الله يرزقكـ بالبيعه الطيبه

[المرعضي]

حيــــــــاكم الله ياأخوانـــي , ومشكورين على الردود الطيبه ,,

الطيـــر مازال موجود ,, والعرض الى الان ســاري ,, :)

[الرقعي]

الله يرزقك ان شاء الله

[عنيد]

ان تقول سبوق (يعني يلحق الحمام السوادي الخضاري ) والا لا اسمحلي بهذا فتقييم السبوق عندنا كذا

[راس عيطا]

الله يوفقه بالزبون الصامل
والله يارزقه من واسع فضله

[المرعضي]

حيــــــــاكم الله ياأخواني ,,

وألف شكر لكم على المرور الطيب ,,

مرحبا بـك ياعنيد ,,

انا أفضّل أنك تتصــل على صاحب الطير ,, وهـو يعلمك بعلم الطير من هالناحيه ومن نواحــي أخرى ,,

لكــن ثق تماما ماقال صاحب الطير عن طيره أنه سبووق من فــراغ ,,

ولك مني الأحترام والتقدير ,,

ويالربع ترا الصوره ماهي حول شوفة العين ,, ومثلكم خـــابر ,,

[صاحب الطير]

يا شيخ أقص يسراي عن نقل الطير إذا ما صار هالطير مثلثوث..لا أرض ولا بوز..ولا جرم..

هذا 16*16..صح..ومثلوث..يا ناس خافوا الله في بيعكم ومشتراكم....

اخي صاحب الطير
الرجاء النصح بما يناسب مع احترام الاخرين

[أبو فهد العيد]

تاكد من الصوره,,,,لان الواضح ان اللي في الصوره خلاف ماذكرت.

[بوخالد الكعبي]

ماشاءالله طي طيب في القطعه

بس متاكد انه 17 في 17

شكله في بحر 16 ونص

والله يرزقك بالبيعه الطيبه

[المرعضي]

أخي الفاضل \ صـاحب الطير ,, صبحك الله بالخير ,,

سوالف تكذيب الرجال خلها لناسن غيرك ,, ياحيفك والله عن العيب ,,

يالربع الطير 17 * 17 وصاحب الطير يشرط على كل الكلام اللي أنا قلته لكم ,, واعتبروني أبالغ وأزود

حتسي من راسي ,, هذا تلفون صاحب الطير موجود والصامل ماهو شاري الا قايسه وشايفه شوف العين ,,

واذا طلع فالطير أي شئ غير اللي قلناه لكم الطير مرجّع ,, وتراه مشروط من عند صاحبه ,,

وشروط راعيه فرق حتسي لأهل العرف ,, والرقم موجود امام الجميع ,,

وسبق وذكرت لكم أن الصوره ماتعطي انطباع تام عن الطير وأن شوفة العين ماهي مثل الصوره ,

وتم أدراج الصوره كأجراء رسمي تحت قوانين خيمة الييع والشراء ,,

والله أعـــــــلم ,, :)

[طير الهقاوي]

الله يطرح البركه فيه انشالله

طير الهقاوي

[ALGBAWY]

يا شيخ أقص يسراي عن نقل الطير إذا ما صار هالطير مثلثوث..لا أرض ولا بوز..ولا جرم..

هذا 16*16..صح..ومثلوث..يا ناس خافوا الله في بيعكم ومشتراكم....

والله لو تقول خذه وأزيدك عشر ما أخذته

--------------------------
واقول اهل العقول في راحه وانت تعاني من مشكله وهل ترضى الرد هذا لو ان الطير لك ؟؟

[المرعضي]

من أنت حتى تحدد الإسم على المسمى أو على غيرالمسى..اقنص بالطير يالحبيب من عام 1400هـ وعمري 12 سنه..وانت ما نقلته إلا العام!!!!

أنا كتبت بما رايت وما زلت اقول الطير مثلوووووووووووووووووووووووووووووووووث....

نبيع ونشري مو على شاشات كمبيوتر..على شاشات جوالات ونميز الطيور..

وخل علمك في بطنك

لاحول ولاقوة الا بالله

ماقول الا كانك مازلت صامل ياصاحب الطير على كلامك يوم تقول أقص يسراي لو وصل هالطير 17

أقول جب مقاسكـ معاك وحكّم اللي أنت تبي وتعـال ,, وأن شاء الله غير نقص يسراكـ ونعشيها الطير ,,

هههههه ,,, كثر الهرج ياصاحب الطير ماله داعي ,, أقولك صاحبه يشرط على كل اللي قلناه ,, ومرجع اذا

طلع أي شي خلاف ذلك والكلام اللي ماله سنع اتركه ,, وهذا رقمه راعيه قدّام عيونك ,,

واترك مشابط خلق الله وأنت أكبر من هالسوالف ان شاء الله ,,

والله أعلــــم ,, :)

[فتى آل مرة]

مشكور أخوي

[333]

الله يوفق البايع والمشتري تقبل مروري(333)

[الرقعي]

ماالله حادك علي الحلاف ياصاحب الطير وتكذيب الرجال وقص اليد ذا لك نيه بشراء الطير مارح تشريه بالصور سوف تذهب الي صاحب الطير وتاكد من قياسه او ترسل احد ينوب عنك واخيرن تعوذ من الشيطان وضن الضن الحسن

[seedsaad]

ذكر الله افضل من كل الخلافات فأذكرو الله يذكركم


تحياتي للجميع

[المرعضي]

حياكم الله ياشباب ..

واشكر كل من زار هالصفحه وشرفنا بمروره ..

راع الطير استخار عن بيعه يالربع .. ولذلك جرى التنويه ..

موفقين بأذن الله .. :)

[nadjme82]

والله يرزقك بالبيعه الطيبه

[دهمان]

الله يوفق البايع والشاري