وش الحل ياجماعة الخير مع الباترول

[ابوابراهيم333]

عندي باترول صالون 91م فيه حرارة من امشي بالسيارة ادوس عليها ترتفع الحرارة والين شلت رجلي تنزل الربع ولا اذا تميت جار عليها بنمرة في الرمل ترتفع وبعدين تعود تنزل اذا مشيت عادي مرة

مع العلم توني موديها لم ورشة عشان يغير لي الطبات وقالي لازم تسوي مسحه للراس علشان الطبات ما تفقع الا مع الحرارة والموتر قبل حرارته زينة بس من يوم ما طلعتها من عنده وهي حالها مهوب زين وقالي انه غير حساس الحرارة وشكله ما ركب اصلي واعتقد الوجه ما ركب اصلي


ياليت لو تعلموني ممكن البلا من الراس او شىء ثاني وتدلوني على ورشه زينة


وسلامتكم

[VTC]

المشكلة يبدو انها من الاديتر

[المميـز]

كثرة ارتفاع الحراره معك ياثر على راس المكينه

فلذلك اتوقع انه يحتاج الى مسح راس

ومن الممكن انه يحتاج الى تدبيل وجيه اذا كان الراس فيه ميول

وبعض الاحيان اذا كان الموتر جته حراره قويه

او مشيت على الموتر مسافه وكان ماء الراديتر ناقص اكثر من النص

يؤدي ذلك الى انشعار بالراس ( شعر ) ولكن مايفيد فيه

الا التغيير والله يعينك

ولكن اتمنى ان الموضوع يكون مجرد مسح راس

او تصييخ راديتر وتزين الامور ان شاء الله

[ابوابراهيم333]

انا رحت لم ورشة وقلتله فكلي الراس وباخذه لم مخرطة المعيقل ابخليه يمسحه وابجرب

[فهاد]

لا تستعجل يابو براهيم على الشغل الثقيل , ابدأ بالهين
يعني اول ما تبدأ بتسييخ الاديتر لان الاعراض اللي ذكرتها انت اعراض اديتر والله العالم لان ماء الاديتر عندك ما يدور فلذلك سيخ الاديتر وشل البلف وشف النتيجة لعلها تنجح

[راع العوجاء]

اخوي ابو ابراهيم
صبحك الله بالخير اتوقع والله العالم عندك مشكلة في الخرطوش شيك عليه اذا كان لين تحتاج انك تغيرة


اخوك
ابوسعد


.

[المميـز]

علمنا وش يصير معك اخوي ابوابراهيم333

----

اخوي فهاد مسح الراس ليس بالشغل الثقيل :)

طبعا هذي وجهة نظري وربما تكون خاطأه :)

[أحمد محمد الشمري]

أبو إبراهيم أنا كان معي باترول 2000 ربع فل كامل . وأعرف بعض خراباته . مشكلتك مثل ما قالوا الأخوان في حاجتين :
1 - يا إن الخرطوش ينسفط ويسكر إذا دعست البنص.
2- أو انابيب الإديتر فيها تسكير .
والحل غيّر الإثنين لو تقدر .

وأفضل حل مع ما ذكرت سابقاً ركب مراوح مكسيما :good: . وراح تدعي لي . . أخوك يوشع .

[شين بس مملوح]

ياخوي شف السلك حق الحساس يمكنه ينزل على القزوز لانها قد صارت معي لامني زدت السرعه ارتفعت الحراره
او الحساس يمكنه مهوب اصلي
ولاتستعجل على فكة الراس

[مطر سهيل]

المشكلة يبدو انها من الاديتر

كما قال اخي الكريم يبو انها من الاديتر

[الثويرات]

اخي الكريم لاتعب حالك

اذا كان الراس ممسوح لازم الحراره وخصوصا في الرمل

ولالك حل الى انك تغير الراس براس سليم من المسح

هذا على حسب خبرتي وتجربتي في الحديد

[خالد الزومان]

سلام خذ الكلم الديتر البترول حق الوكله المنيوم اذ خرب يرفع درجة الحراره عند السرعه وذ هدية يبرد نصيه مجرب معى نيسان 97 بس ان غيرة الديتر وسلك الله يعنك على 1200 ول تستعجل على المكينه

[ابوابراهيم333]

مرحبا فيكم وشاكر تفاعلكم على الردود

انا وديت امس الراس لمخرطة المعيقل وقالي انه سليم الحمدلله وفحصلي فتحات البساتم في المكينة وقالي سليمة وانا شاك في ان الحساس يمكن يكون قريب لم القزوز او انه غيره لي بغير اصلي شريت اصلي امس وقلت ابجرب الموتر

مع العلم عليه مراوح سوبارو