مساعدات الكبوت

[وراد البدائع]

السلام عليكم اخواني المكشاتيين . عندي مساعدات الكبوت خربانة وسالت عنها قالوا لي قيمتها ب400 ريال ( مساعدات السياره ارخص منها ) سمعت ان فيه مخارط بالصناعية يكبسونها وترجع زي الجديده بس مادري وين ، الرجاء اللي عنده خبر وين تكبس يدلنا الله يجزاه خير .

[المارينز]

سيارتك كامري ؟؟؟

سمعت انه حتى لو تشتري مساعد جديد بعد مده يخرب ؟؟؟؟

فيه ناس خرموا المساعد ( واحد منهم يكفي ) وحطوا له مسمار

يعني يفتح الكبوت ويحط المسمار بالمساعد ويثبت

ورهموا سلسله صغيره او سلك للمسمار وثبتوه بالمساعد عشان يكون فالمساعد على طول مايضيع والا يطيح

[ابو عبدالملك 2]

يا اخيي ركب تجاري ترى مثل هالامور ما يظر لو ركبت تجاري المسأله مهي حساسه مثل المكانيكا والكهرباء عندي باترول خربت علي وغيرتها بتجاري ولا شفت منها شر الى اللحين

[م.أبوإبراهيم]

فيه طريقة سهلة جدا طبعا انا راعي ورشة واي سيارة تجينا خربانة مساعادات الكبوت نزينها ولا شي ومجانا تجيب زرادية الكبس (الكماشة ) وتمسك اسفل المساعد وتضغط عليه بالزرادية يعني تخليه ينعفت شوي ولا تشد الزرادية اول شيء بقوة وجرب نفع ولا شد عليه اكثر وكانك ما فهمت مر علي بصناعية الدائري ازينهن لك وانت واقف وهذا رقمي للاستفسار اكثر 0554889337وانا اتمنى يجي احد ونصلحهن له ويصور وينزل لهن تقرير في المنتدى مع الصور

[العتل]

فيه طريقة سهلة جدا طبعا انا راعي ورشة واي سيارة تجينا خربانة مساعادات الكبوت نزينها ولا شي ومجانا تجيب زرادية الكبس (الكماشة ) وتمسك اسفل المساعد وتضغط عليه بالزرادية يعني تخليه ينعفت شوي ولا تشد الزرادية اول شيء بقوة وجرب نفع ولا شد عليه اكثر وكانك ما فهمت مر علي بصناعية الدائري ازينهن لك وانت واقف وهذا رقمي للاستفسار اكثر 0554889337وانا اتمنى يجي احد ونصلحهن له ويصور وينزل لهن تقرير في المنتدى مع الصور


الله يعطيك العافية م. ابو إبراهيم
عندي مساعدات كبوت لاندكروزر عطلانه وسوف أمرك بالورشة
في أقرب وقت أنشاء الله

[منصور الفايز]

وعليكم السلام

اخوي ... فيه بالصناعية القديمة بالرياض في اخر شارع الامير سلمان قبل الكبري في محلات على اليمين .. فيه محل ما ادري وش اسمه عنده مساعدات امريكيه بمختلف المقاسات على 70\80 ريال ....ممتازه جدا وعمليه ....
فك واحد من اللي معاك ورح لموه وخذ نفس المقاس ...
بلا 400 ريال بلا هم ... وافضل منه بكثير

تحياتي لك

[عاشق السيل]

يا اخيي ركب تجاري ترى مثل هالامور ما يظر لو ركبت تجاري المسأله مهي حساسه مثل المكانيكا والكهرباء عندي باترول خربت علي وغيرتها بتجاري ولا شفت منها شر الى اللحين


وعليكم السلام

اخوي ... فيه بالصناعية القديمة بالرياض في اخر شارع الامير سلمان قبل الكبري في محلات على اليمين .. فيه محل ما ادري وش اسمه عنده مساعدات امريكيه بمختلف المقاسات على 70\80 ريال ....ممتازه جدا وعمليه ....
فك واحد من اللي معاك ورح لموه وخذ نفس المقاس ...
بلا 400 ريال بلا هم ... وافضل منه بكثير

تحياتي لك


بالضبط مثل ماقالوا الاخوان الله يعطيهم العافية ،،،

أنا شريت تجاريات من بريدة بـ 70 ريال للاثنين وركبتها بنفسي على كبوت الباترول ومن سنة وإلى الآن وماشاء الله تبارك الله على قوتها وماشفت منها أي مشاكل ولله الحمد !!!

أما طريقة الكبس بالكماشة جربتها وضبطت بعض الشي ،، لكن بعد مدة ترجع زي أول ،،،،،

[ابونايف الروقي]

السلام عليكم

انا مجرب طريقة المسمار في مساعد الكبوت طريقه فعاله وتكلف 5 ريال بس ..

رح لمخرطه وخلهم يخرمون لك المساعد وارطه في جنبه مسمار وكل ما فتحت كبوت السياره حط المسمار ..

وبالتوفيق

[بحر الموده]

انا مركب صيني 35 ريال الطقم علي الاندكروزر والحمد الله زي الحلوه

[وراد البدائع]

اشكر جميع الاخوان على التفاعل مع الموضوع وشكلي ابجرب طريقة م ابو ابراهيم ان نفعت والا ابشتري تجاري ارحم من ال400 ريال

[تبكاوي]

وانا سيارتي اللاندكروزر فيها نفس العلة ..... ونورتونا جزاكم الله خير الجزاء

[ابوتلين]

اشكر جميع الاخوان على التفاعل مع الموضوع وشكلي ابجرب طريقة م ابو ابراهيم ان نفعت والا ابشتري تجاري ارحم من ال400 ريال
مرحبا اخوي انا معي سفاري وكبست البسات القديمه ولا نفعت وغيرت تجاري والله ماقعت اسبوع والى الان ماسويت شي

[absent4]

سيارتك كامري ؟؟؟

سمعت انه حتى لو تشتري مساعد جديد بعد مده يخرب ؟؟؟؟

فيه ناس خرموا المساعد ( واحد منهم يكفي ) وحطوا له مسمار

يعني يفتح الكبوت ويحط المسمار بالمساعد ويثبت

ورهموا سلسله صغيره او سلك للمسمار وثبتوه بالمساعد عشان يكون فالمساعد على طول مايضيع والا يطيح

هذه طريقة سويتها في سيارة مكسيما

كانت حلوه

لكن مره غيرة زيت عن بنشري

يوم خلص من صب زيت ونفخ المكينه من العجلة اللي فيه ضغط علي الكبوت بقوة

وتعجة :mad:

مع انه شايفني يوم ركبت المسمار

ورد علي ببرود : نسيت

[ابو جنى 2005]

اما انا انصحكم من التجاري لا احد يقرب له
انا موتري سفاري وركبت له تجاري وعفط الكبوت من الخلف ونصيحه لا احد يركبه

[وراد البدائع]

انا ناوي اجرب الامريكي اللي يقول الاخ توم توم يمكن احسن من التجاري