هنا الأعلان عن الإبل المفقوده [الأرشيف]

الضاري

28/12/2006, 12:33 PM

بسم الله الرحمن الرحيم

السلام عليكم ورحمة الله

أخواني الأعزاء
هنا سيكون الأعلان عن الإبل المفقوده
حتى يسهل على الجميع متابعة الموضوع
وفي حالة العثور على الإبل المفقوده نرجو ابلاغنا بذلك
لكي نحرر المشاركه بأضافة ( عثر عليها)
وسيدمج أي أعلان خارج هذا الموضوع الى هنا
نرجو من الجميع فضلاً لا أمراً التقيد بذلك

تحياتنا

مشرفين خيمة الإبل والخيل

الحاتمي1

01/10/2008, 05:29 AM

بسم الله الرحمن الرحيم
السلام عليكم ورحمة الله وبركاته
كل عام وانتم بخير واعاده الله علينا وعلى الامة الاسلاميه بحه وسلامه

يا اخوان الي مضيع ناقه شعرتها مابين الصفرا والملحى عليها مطاريق واجد ( وسوم واجد)
الناقه كبيره بالسن بس مو بالحيل يعني عمرها تقريبا السداس تقريبا
ذيلها قصير وهي فاطر وحايل ومبين عليها زمان ما عشرت ولا لقحت000
الوسم الي مبين عليها باب على رقبتها ومغزل من خلف اذنها ماني متاكد هي اليمين او اليسار0
(((((((((((())))))))))))))))))))))))
الناقه كانت ترد على ابل واحد من الباديه وكنت موصيه على ناقه لي اجفلت العام ودق علي الرجال ورحت شفتها وشككت بناقتي وحملتها لمزرعتي وبعد ما اعتدلت الناقه شوي بينت مواريها وعندي شك انها ماهي ناقتي00
المهم الناقه حملتها من النبك ابو قصر قريب من حدود محمية الحره في منطقة الجوف على طريق سكاكا القريات0
والناقه الحين بمزرعتي انا معتني بها ومعتبرها وحده من حلالي لين ما يجي راعيها انشالله وترد لاهلها0

ومزرعتي بسكاكا _ اللقائط
واي واحد عنده استفسار عنها على ايميلي goufe@msn.com (goufe@msn.com)
وبالله التوفيق

جبل راف

01/10/2008, 11:23 AM

تسلم وعافاك الله على أمانتك وصدقك وشهامتك
كل سنة وانت طيب

شبح500

01/10/2008, 10:41 PM

كل عام وانت بخير

طيب لوماجاك صاحبها وش تسوي ؟
من وجهة نظري القاصرة يالغالي انك تحملها وترجعها الى مكانها الى انت شلتها منه
احتمال ان صاحبها حول مكانها وانك تسببت الى ضياعها منة
وخذ بالاعتبار ان اكثر اهل البل وخاصة البادية منهم لايعرفون النت ولا يدخلون ولا راح يشوفون اعلانك
هذا والله يوفقك ويرد عليك ناقتك الي غادية واسف على الطالة

الحاتمي1

02/10/2008, 02:13 AM

السلام عليكم ورحمة الله وبركاته

اخي العزيز شبح 500
والله هالفكره جت في بالي بس اخاف تتعرض لسيارات المسافرين على الخط الدولي وتسبب حوادث لاسمح الله وتعرف الابل الهامله اذا عطشت تجي على انوار السيارات في الليل 0
وانشالله الله يعقلها لراعيها0
وانا ناوي اضربها هالسنه وبخليها عندي واذا جا راعيها انشالله ياخذها هي وحيرانها بأذنالله0000
ولا تنسون ذكرها لاهل البل الي بالجوف ولكم تحياتي

الحاتمي1

02/10/2008, 02:16 AM

اخي نشو الشمال تحيه طيبه
يالغالي هذا رقم جوالي واذكر هالناقه لاهل الابل ولك ودي
0555045279

مسيطر

02/10/2008, 09:51 AM

الله لايهينك ويكتب اجرك وكل عام وأنت بخير وان كن فيها نصيب حصلها راعيها

شبح500

02/10/2008, 10:59 PM

يالغالي تشكر على امانتك بس ياليت تحط عندالديرة الي انت شلتها منها خبر وخااصة اهل البل الي مستوطنين وليس البدو من اجل ينتشر الخبر ويلقاها صاحبها

محمد الشاهر

02/10/2008, 11:06 PM

بيض الله وجهك

النيه مطيه

يبي يجيك راعيها بذن الله

ماثل

03/10/2008, 01:23 AM

الله يجزاك خير ويكتب لك الاجر

لا كن لو تحط بلاغ عند اهل اسواق الابل في منطقتك افضل وتشوف اخر وسم لها وتذكره لهم

ابو الشباب3

03/10/2008, 02:12 AM

الله يجزاك خير على امانتك وذمتك الله يوفقك ويرزقك على قدر نيتك

صالح ناصر

28/11/2008, 09:39 PM

بسم الله الرحمن الرحيم

السلام عليكم ورحمة الله وبركاته تاهت مجموعة من الأبل وعددها18
6مجاهيم 6حشو والباقي عفر في شعيب الثمامة في طريق البويب وجرى البحث عنها في المناطق القريبة من المخيم الواقع في شعيب الثمامة وذكر لنا أنها متجهه نحو الشمال لأول عرق من الدهناء ونرجوا ممن يجدها أو يعرف عنها شيئا الاتصال على الجوال : 0554259151(هشام)
0555251098(أبو ريان)

(لايوجد بها وسم ) ولكم الدعاء000

نايف الذيب

28/11/2008, 09:50 PM

ابو ناصر

الله يعقلها

وابشر اي علوم عنها بن ردلك

سلطان الاحمد

28/11/2008, 10:09 PM

الله يعقلها

ابوجازع

29/11/2008, 04:36 AM

السلام عليكم
الله يردها لك ولكن يا خوي تبي النصيحه لي ولك وللقراء
وها الشي نغفل عنه أما انه من الانشغال بامور الدنيا او انه من نسيان توض وصلي لك ركعتين وطول في السجود وأكثر فيه من الدعاء وبحول الله وقوته اللي رد يوسف لابيه انه يرجع لك أباعرك 00000000
بس مايمنع من فعل الاسباب انك تنشد عنها اهل البر وتدورها 000

محمد المريUK

29/11/2008, 07:38 AM

عسى الله يعقل عليك اللهم آمين

معارك

19/12/2008, 11:43 PM

انا الي اعرفه بسلوم البدو هل البل ان الناقه لو ضاعت تذكر ماتنحجز لان لها مارد ترد وتشرب منه مهما طال الوقت ويحصلها راعيها
ماهو تشال من مكانها 200كيلو ويعرف فيها بالنت القصد اخوي الحاتمي الله يعينك ترجعها لمكانها وتسلم منها لان معها ماها ومرعاها

رويلي وافتخر

20/12/2008, 12:51 AM

انا اقترح انك توديها لسوق الابل مساء يوم الاربعاء وتخلي الدلال يذكرها انا ذاهبه بحراج يوم الخميس ... لان يوم الخميس تجمع لكل اهل الابل بالسوق وسوف تتناقل الباديه الخبر او يعرفون وسمها ....

al360f

20/12/2008, 12:56 AM

تسلم وعافاك الله على أمانتك وصدقك وشهامتك

معارك

20/12/2008, 09:50 PM

اخوي رويلي حياك الله ورايك سديد لكن اظن الحراج اللي فيه مواردهم حول سكاكا والناقه يقول شالها قريب من النبك ابو قصر
والله يعينه على الامانه

ضلع البقوم

20/12/2008, 10:24 PM

الله يجزاك خير

لكن يا خوك يوم الناقة عليها وسوم ......اكيد انك من يوم شفتها عرفت انها ماهي بناقتك .......
وش اللي خلاك تاخذها ؟

ابو نووووره

21/12/2008, 01:07 AM

الله يجزاك خير على ظمت الناقه

almgwar

21/12/2008, 11:07 PM

السلام عليكم ورحمة الله وبركاتة يا اخوان موصيني شايب ضايعة له ناقة قبل تقريبا سنتين ونص كانت ملاقية وجذبت الناقة وضاعت عليها هلالين عكس بعض ومطرق على العرقوب من الجهة اليمنى اللى يلقاها الله يجزاه خير

shaheenshah

22/12/2008, 12:01 AM

الله يعقلها

نايف الذيب

22/12/2008, 04:25 AM

الله يعقلهاااااااااااااا

ابو سعد 515

26/12/2008, 10:59 PM

الله يعقلهااا

معانق

27/12/2008, 04:54 PM

الله يعقلها ان شاء الله ..

بس وين حروتها فيه ..؟؟؟ ووين آخر ما ذكرت ..؟؟

almgwar

28/12/2008, 10:29 AM

الله يجزاكم خير ويرحم والديكم اخر ماذكرت فى ام جرف

ابو نووووره

29/12/2008, 09:50 PM

الله يعقلها

وش لونها ؟

أموت بترابك

02/01/2009, 06:55 PM

الفزعه تكفون ضاعت علي ناقه عمانية فيها عرق سوداني ضاعت علي أمس الخميس وأنا رايح أضربها هي ومعها نوق النوق الي معها الحمد لله قضبتهم ومابقا الى هي تكفون الي يلقها يمسكها عنده الناقه عليها خطام أزرق بالرقبه والناقه ضاعة علي حول منطقة( سعاده بالجبيل )...

وهذارقم جوالي (0562567041)

السيف البتار

02/01/2009, 07:44 PM

الله يعقلها ويردها لك سالمه

راعي دسمه

02/01/2009, 08:41 PM

لاتخاف عمر الحلال مايضيع
الله يعقلها عليك ويردها سالمه

ابو الشباب3

03/01/2009, 09:15 AM

الله يردها سالمه غانمه الحلال مايضيع

رمثان155

03/01/2009, 09:19 AM

أدعو الله يعقلها عليك .....وكثر من ألاستقفار

ابوواليد

14/01/2009, 12:04 PM

اعلان عن ابل مفقودة قبل شهر ( يامن عين النياق ألي عليها الباكور على الرجل اليمنى والشاهد المغزل على اليد اليمنى )اوصافهن : اربع وضح فيهن جذعتين لقحات ( ويمكن كد ولدن ) ، وفيهن بكرة لقيه وناقة فاطر . وايضاً فيهن ناقه ملحاء وناقة حمراء .ملاحظة هامة : يمكن الابل تفرقة عن بعضها الله لا يهينكم ويوفقكم نرجو المساعدة والاتصال على 0506144708 ابو عبدالله0535135765ابو فلاح

العريني1

14/01/2009, 12:09 PM

الله يردهن لراعيهن عاجلا غير آجل....ويحفظهن ربي لكم

بندر خلف

14/01/2009, 12:33 PM

انت في اي محل ان كانت غرب المطار الشرقيه ابنشدلك عنها

راعي فجر

14/01/2009, 12:39 PM

الله يعقلهن الحلال مايغدي

نجد 1

14/01/2009, 12:42 PM

الله يعقله عليك (( بس حدد واين المكان ))

ابوواليد

14/01/2009, 01:24 PM

الله لايهينكم وشكراً على تجاوبكم معنا اما بالنسبة للإستفسار عن المكان الابل فقدت قبل شهر من مدينة الشبيكية الواقعة جنوب محافظة الرس والله يعلم الحين وينها

بارق الغبشه

15/01/2009, 05:19 AM

الله يعقلها لك

ابوواليد

17/01/2009, 12:12 PM

السلام عليكم ورحمة الله وبركاته هنا سوف اسجل شكر وتقدير للمنتديات المكشات ، حيث وردنا العديد من الاتصالات وكان أبرزها من احد أعضاء المكشات وطلب مني عدم ذكر اسمه ، حيث افاد بأنه شاهد احدى الابل المفقودة وهي خلفه وتحمل نفس الوسم المذكور في الاعلان ، وعند وصولنا الى المكان الذي ذكره الاخ الفاضل وهو حوش ابل في منطقة القصيم وجدنا بالفعل احدى الابل المفقودة ، وعند سؤال صاحب الحوش عن كيفية وصول الناقة اليه افاد بأنه قام بشراء الناقة من الجنادرية بالرياض من الحراج وكان صاحب الناقة الذي قام ببيعها عليه من الجنسية (الســـــــــــــــــــــودانية ) وتم فوراً ابلاغ الجهات المختصة لأيقاف هذا السوداني لص الابل . ومازال البحث جاري عنه وعن بقية الابل . ومره اخرى اكرر الشكر والعرفان للمنتديات المكشات والى الأمام .

al360f

17/01/2009, 12:16 PM

الله يردهن لراعيهن عاجلا غير آجل

مصلحكو

28/01/2009, 05:46 PM

السلام عليكم ورحمة الله وبركاتة
ابحث عن صور وسوم الا بل قبايل الشمال الغربى

العمدة ابو صالح

29/01/2009, 05:43 AM

اللهم رب الضالة ، هادي الضالة ، تهدي من الضلالة ، رد عليه ضالته بقدرتك وسلطانك من عطائك وفضلك

ابوواليد

02/02/2009, 11:53 AM

الرد رقم (10 )( للأخ مصلحكو)
لم افهم ارجو الايضاح اكثر اذا كان عندك خبر عن الابل وشكراً.

خليل المطيري

20/02/2009, 12:49 PM

السلام عليكم ورحمة الله وبركاته

فيه ناقتين عفر و معشرات فقدت مساء الاثنين الماضي حول الحسي جهة ضلعان الخاتله ويمكن انها حول خشم الحقاقه او رويغب او روضه نوره

على من يجدها او يعلم عنها شي الاتصال على الرقم

وجزاكم الله خير
ابو مازن
0555265716

الــفــيــصــــل

20/02/2009, 12:52 PM

الله يردهن لك ون شاء الله الشباب مايقصرون معك

زحلطن

20/02/2009, 12:52 PM

صقر الحراملة

20/02/2009, 03:20 PM

الله يردها لكم و إن شاء الله تلقونها قريب منكم

wsk73

23/02/2009, 10:28 AM

راعي نوق

23/02/2009, 11:17 AM

الله يعقل عليك حلالك

وين أنت فاقدها يالغالي

hadaj

23/02/2009, 11:23 AM

الله يعقل عليك
وياليت تذكر المنطقة إللي ضاعت فيها على شان الشباب يساعدونك...تحياتي

wsk73

23/02/2009, 12:08 PM

الله يسلمكم
هن شي فازعها والحشو بعد ساعد علي الهجه بس انا محلي بالعرمه من يم الطلعه الي لم بويب متجه لرماح والرمحيه اذا فرقت من التقاطع الي مقابل لمحطة الثمامه 30 كيلوثمن تنزل من القار يسار 3 كيلو بنسبه لهن شملن يم الهو والربيع ومسكن شعيب الرمحيه جيتهن من المكان الي مشت معه وجيتهن من شمال من يم الصياهد ونازل ومن شعيب الطوقي ونازل ولا شي الي الحين والله كريم

واشكر الجميع علي الاهتمام

abu-assaf

23/02/2009, 01:08 PM

الله يعقل عليك حلالك

أبو تروك

23/02/2009, 01:20 PM

بلغت الوالد واخواني عن ابلك لنا مخيم حول وصفك وانشاء اذا لقينا شيئ بخبرك

بس ترى البل اذا هجت فهي تهج باتجاه عكس اتجاه الريح

بعدين انت من متى مضيعهن اكتب لنا التاريخ والساعه

wsk73

23/02/2009, 04:53 PM

البل راحة يوم الاربع الي راح حول الساعه 11:30 الضهر
الي اعرفه ان البل اذا سرة تسري جهة الشمال وذاك اليوم كان الهوا شمالي والبل اذا برد خشمه من الهو مشت ولا ردة شي

الضاري

24/02/2009, 12:17 AM

الله يرد لك حلالك أخي الفاضل

wsk73

24/02/2009, 09:35 PM

السلام عليكم ورحمة الله وبركاته

ارغب من المشرف علي هذا المنتدى او الصفحه وضع تعديلات قد تكون مفيده للاعلان في هذي الصفحة ف لو لوحض ان الاعلان عن المفقودات غير مرتبه مثلاٌ اعلاني للابل الخاصة بي ياتي اخيراُ ف كيف للمتصفح ان يشاهد مثل هذا لاعلان في اخر الصفحة ف ارجو النضر في ذالك

وشكراٌ

خليل المطيري

24/02/2009, 10:05 PM

السلام عليكم ورحمة الله وبركاته
اخواني بغيت ابلغكم من شاف ابل ضايعه وضح مواصفتهن
خلفتين وتحتهن بكره وقعوج و خمس مفاريد منهن اربع بكار و حاشي و معهن ركبي مجهم عليه خطام مربوط علي رقبتها
الله لا يهينكم الي يشوفهن ول سمع عنه يا يمسكها و يبلغني او يذكرلي وين شافهن فية

علي الجوال (0555225222) ابو سليمان

السلام عليكم ورحمة الله وبركاته
وانا ادور على الضايع لي لقيت ناقة عفرا ماهي لي مبركه لها اربع ايام قرب التقاطع المودي الى رويغب اذا انت متجه من طريق الثمامه الى مفرق رويغب قبل المفرق بنص كيلو على اليمين اليوم انا شفتها في مكانها

ان شاء الله تكون لك

wsk73

25/02/2009, 08:47 AM

هلا اخوي خليل المطيري
وش تتوقع سنة وانكانة كبيره هل تحتها شي اقصد خلفه ولا ؟؟؟

اوالله يرض عليك بس ياليتك تتصل علي الرقم اذا سمحت بالله 0555225222 ابو سليمان

al_3qeed

25/02/2009, 07:49 PM

السلام عليكم ورحمه الله وبركاته

مساكم الله بالخير يالربع مفقود لي 13 ناقه اكثرها دق وبكار وفيها 3 لقحات واللون شقح وفيها بكرة حقه صفرا الموقع بالكويت بتاريخ 23/2/2009 منطقه رحيه عطونا عنها علم جزاكم الله خير على الرقم 97988533

al_3qeed

25/02/2009, 07:55 PM

معلومه البل فيها ثنتين عراقيات وسمها الدامع

وسبع عليها الوسم هذا 010 على الرقبة من اليمين وسم الدبوس

والباقي ماعليها وسم وشكرا

wsk73

27/02/2009, 12:34 AM

السلام عليكم

ابشركم لقيتها وكاملات وشبعانة
الله يرض عليكم واشكر الجميع علي المرور والمشاركه

بس يوم رحة اجيبهن لقيت مجاهيم اضنه هاملاه ما حوله اح رحة بشيلها مع ابلي و جفلن بس مواصفاتها خلفه وعلية جنايب و معها حسو الضاهر انها مفاريد واي هن له يعطين خبر علي الاقل اعلمه وينهي موجهه ول الاحداثي الي شفتها فية 0555225222 ابو سليمان

من بني تميم

27/02/2009, 10:47 PM

الله يعقل على كل مسلم

البدائع000

28/02/2009, 05:58 PM

مشكور على امانتك

أموت بترابك

03/03/2009, 07:24 AM

يوجد عند واحد من أخوياي خلفة مجهم ضايعه الموقع الجبيل والي له ناقه مجهم ضايعه

يراسلني على الخاص بالموقع هنا .

مع تحياتي أخوكم / أبو فواز

صقر الحراملة

03/03/2009, 10:44 AM

الله يعطيك العافية يابو فواز و إن شاء الله تلقون الناقة الضايعة

أموت بترابك

04/03/2009, 07:20 AM

الناقه ماهي ناقتي أنا لاقيها ضايعه وقضبتها عندي .

شيوبان

04/03/2009, 10:24 AM

بيض الله وجهك ولاهيب غريبة على الرجال الي مثلكم وشرواكم والله يجعلها
في موازين حسناتك

أموت بترابك

04/03/2009, 01:11 PM

الله يعطيك العافية أخوي صقر وياخوي شيوبان

ابوسعد 3

04/03/2009, 02:27 PM

الله يعقل الناقه

fahadmama

11/03/2009, 10:43 PM

السلام عليكم الله يمسيكم ويصبحكم بالخيرواحد من الربع موصيني اعلن له عن ناقتين مفقوده في منطقه مزارع الجريداعن تيما( 25 )كيلو واخر ماذكرت يم طريق جريش يوم الثلاثاء المغرب ويقول الي ذكرها انها موجهه يم العسافيه وهي مفقوده الاثنين 12/3/1430 المغرب
واوصافها( 1-خلفه شقحا تحتها بكره وضحاوالخلفه عليها شماله)
2-ناقه ملحا عشره وتحتهابكره مفروده والناقه لقحه)
تكفون الي يشوفها اوتذكر له يتصل على احد الارقام لاني قليل ادخل النت ورفيقي مهوب راعي نت والله يجزاكم الف يخير ويعقل عليكم كل غايب
ابوغلا(0590240051)
ابومحمد(0554100106)

نديم الغرباء

17/03/2009, 02:37 PM

المفروض الابل له وسموالله

نديم الغرباء

17/03/2009, 02:49 PM

والله المفروض الابل له وسم

ابوجربوش

25/03/2009, 11:58 AM

(السلام عليكم ورحمة الله وبركاتة)

مفقود وضحتين مع فحلهن و16 مجاهيم من تقريبن شهر حول اديار ضرماء وديار الي بالجهات ذيك ولامعلوميه عليه وسم بني خالد على الفخذ اليمن حلال يتمان لي احفاد الشاعر (مطرود المطرودي رحمه الله)يخوان احتسبو الجر عند الله الي شافه او ذكرة له يدق على 0502881145 اخوكم عبد العزيز المطرودي

ابو سيف123

31/03/2009, 12:12 AM

فيه ابل يوم السبت جت مع ابلي على طريق الشعب وطلعت منها
المواصفات 2 مجاهيم وحده لقحه وقريبه والثانيه جذعه اتجهت يم رويغي يوم السبت 1/4/1430
الابل ما عليها وسوم مشت مع الراعي من الشحمه الى طريق الشعب بعدين طلعت من الابل واتجهت يم رويغب

بحري999

11/04/2009, 10:28 PM

لي زميل في العمل كل يوم مصبحني يحكي لي عن ناقه له ضايعه يامن يعينها الأتصال على رقمه 0595245239
اوصافها : وعلى ذمت راعيها انا مالي في الأبل
1-ناقه صفراء حرشاء
2-سنها نصوف
3- ناقه طويله باكستانيه خشمها أدلع ورقبتها طويله لها شطر نازل
4- عليها وسم الشعبه من الرقبه مع حنية الراس والمطرق في كتفها توالي الحوار
5-جفنها الأيسر مشيول
6- سنامها منعطف على وراء
7-ناقه جفول لا شافت الأدمي مطيوره
لكم مني جزيل الشكر والتقدير

جنط معووج

04/05/2009, 02:34 PM

تكفووووون

ولد عمي ضاعت ابله قبل شهرين او ثلاثه

النياق انطلقت من الرياض (((( الجــــنادريه ))))

ويمكن انهن قصدن الصمان

عددها 27 متن وهي كالاتي

شعلا ومعاها قعود وسمها ( الجمالين )
ثلاث صفر وحده منهن عليها وسم ( الدوشان)
قعودين شعل حقايق
قعودين وضح لقايا
وضحا لقحه ويمكن الان خلفه وسم ( هلال على الخد الايمن )
وضحا وسم ( هلال ومطرق على الخد الايمن)
وضحا وسم ( مشط على الرقبه من يمين)
شقحا عشره معاها بكره شقحا وسمها ( هلال ومطرق وشاهد بين الهلال والمطرق )
وضحا عشره وسم ( المشعاب )
بكره لقية زرقا وسم ( مطرقين على الفخذ الايمن
وبكره شحقا (( غفال ))
بكره وضحا جذعه (( غفال ))
وحمرا عليها وسم ( هجار العرينات))
ناقه رباع او سديس (( غفال ))

الي يحصل اي معلومه

0554844212

مسنجر

kbd391@hotmail.com (kbd391@hotmail.com)

شلاع

04/05/2009, 04:52 PM

السلام عليكم

لي ناقة مبطي ضياعها من الجبيل الناقة سودا غرابية وسمها وسم الحراجين حلقة على خدها .

ودي أن يتأكد العضو (أموت بترابك) أن الناقة ماهي اللي عنده قضبها وكان ودي أنه أفصح عنها بشيء !

يازين البر

15/05/2009, 04:50 PM

بسم الله الرحمن الرحيم

واحد من ربعنا من الدوادمي عنده ناقتين وكسرن الشبك وراحن وإلى الآن وهو يدور عليهن وأوصافهن كالتالي :

الأولى صهبا عليها وسم الشيابين هلال , وشاهد من فوق العضيدة من اليمين , رباع

الثانية : ملحا وسمها مطرق وحلقتين وسم الروسان المقاحصة , ثنية

الناقتين لقحات وضايعات من حوالي شهرين

الرجاء ممن يجدهن أو قد شافهن في مكان ما إبلاغ صاحبهن على أحد الأرقام التالية

0503484658

0503434020

ومشكورين

العصيمي 511

15/05/2009, 06:00 PM

الله يعقلها .....

العود&& الازرق

15/05/2009, 06:02 PM

الله يعقلها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يازين البر

15/05/2009, 08:00 PM

آمين جزاكم الله خير

Nasser-ahah

15/05/2009, 10:37 PM

الله يعقلها

علي الثنيان

15/05/2009, 10:49 PM

الله يعقلها

ذgggق

15/05/2009, 10:54 PM

الأولى صهبا عليها وسم الشيابين هلال , وشاهد من فوق العضيدة من اليمين , رباع

ياخوي هاذا وسمنا من هي له الناقه :D

محمد بن سطام

16/05/2009, 09:06 PM

مساء الخير على الجميع

يالربع من عين له ناقه صفراء ضايعه في الرياض حول برمه شرق الهجن
الناقه فاطر لقحه وحالها ضعيف ولا عليها وبره على سنامها
ووسمها على رقبتها تحت من اذنها المشعاب نبي فزعتكم الله لا يهينكم
وهذا رقم جوالي 0501999153

علي عبد الله

17/05/2009, 04:36 AM

شلاع

19/05/2009, 01:52 PM

توجد ناقة سودا لقحة عند ابل صديق لي في جو سمين من حوالي شهرلم اتأكد من الوسم .
الله لا يهينك ويكتب أجرك

راع الزلفي

20/05/2009, 07:58 AM

بسم الله الرحمن الرحيم
تكفون يا أهل الفزعات...
من عين الناقة الشعلا (بعضهم يقول لها صفرا) النصوف بعمرها الشرود اللي على رقبتها من يمين حلقة في وسطها ردعة، وعلى فخذها الأيسر حسب علمي وسم السديري غدت قبل كم شهر من نفود الثويرات..
والناقة الشعلا الثنية أو الرباع اللي على فخذها الأيمن مغزل مقلوب (يعني حرف T مقلوب) غدت قبل كم شهر من عند أبرق جراب اللي يعرف عنهن شي يتصل على جوالي0555122629 الله يرحم أثنينن عقبوه.

راع الزلفي

23/05/2009, 02:05 PM

بسم الله الرحمن الرحيم

يالربع زميلي بالعمل ضايع له خمس نياق لقحات وأوصافهن كالتالي:

*واحدة شقحاء (والبعض يقول قمرا) جذعة لقحة عليها وسم المحالسه (مطرقين على الرقبة من يسار+الدويمع+شاهد تحت الاذن).
*ثلاث نياق صفر لقحات عليهن نفس الوسم المذكورعمارهن (رباع ــ وسدس ــ وفوق الشقاق) فيهن واحدة قصيرة.
*ناقة صفرا لقحة عليها وسم الشيوخ (515).
والبل مضيعهن من شهرين طلعن من نفود الثويرات اللي يعرف عنهن أي شيء يتصل على الأرقام التالية وله منا الدعاء ويرزقه الله...

0596389385
0504161883
0555122629

جنط معووج

23/05/2009, 02:25 PM

تكفوووووووون

ولد عمي ضاعت ابله قبل شهرين او ثلاثه

النياق انطلقت من الرياض (((( الجــــنادريه ))))

ويمكن انهن قصدن الصمان

عددها 27 متن وهي كالاتي

شعلا ومعاها قعود وسمها ( الجمالين )
ثلاث صفر وحده منهن عليها وسم ( الدوشان)
قعودين شعل حقايق
قعودين وضح لقايا
وضحا لقحه ويمكن الان خلفه وسم ( هلال على الخد الايمن )
وضحا وسم ( هلال ومطرق على الخد الايمن)
وضحا وسم ( مشط على الرقبه من يمين)
شقحا عشره معاها بكره شقحا وسمها ( هلال ومطرق وشاهد بين الهلال والمطرق )
وضحا عشره وسم ( المشعاب )
بكره لقية زرقا وسم ( مطرقين على الفخذ الايمن
وبكره شحقا (( غفال ))
بكره وضحا جذعه (( غفال ))
وحمرا عليها وسم ( هجار العرينات))
ناقه رباع او سديس (( غفال ))

الي يحصل اي معلومه

0554844212

مسنجر

kbd391@hotmail.com (kbd391@hotmail.com)

عليمي

26/05/2009, 10:06 AM

السلام عليكم
يا جماعة الربع من لقا المبروكة
ناقة لقحة سوداء مجهم بطنها اشعل كبيره في جرمها لقحة الوسم اللي عليها تحت الأذن في الخد رقم 10 :D خط وجمبه نقطة مدري منهو وسمه غدت من الطايف الها ثلاث ايام الفزعة يا قروم الرجال ...............................

البدائع000

01/06/2009, 08:51 PM

مشكووووررررررررررر

يازين البر

06/06/2009, 12:37 AM

قصي

10/06/2009, 02:53 AM

بكره مجهم
وسمها على شكل 8 على الفخذ من يمين
من يعرف من هى له او يعرف من وسمه يتواصل

النمري

12/06/2009, 10:55 AM

اخواني الاعزا السلام عليكم ورحمة الله وبركاته
ابحث عن ناقه مفقودة من مدة شهرين تقريبا (منتصف شهر اربعه)
اوصاف الناقه
ناقه حمر جرمها كبير وعضمها طويل عليها مغزل واقف حرف T على الرقبه ومغزل على العضيده من الجهه اليمنا
الناقه يوم ضاعت لقحه حول االلقا يمكنها قد ولدت ضاعت من طراف الدوادمي وعلى من يجدها الاتصال على جوال 0557763647

صقر الشماااال

13/06/2009, 06:57 PM

الله يعينك الله معكـ إن شاء الله (انا اول ضع لي لقحه ولادتها بأخر الاسبوع وانا متجه بهن نياقي
من طريق حائل إلى المطار الجوف يوم وصلنا انفقدت الناقه وبحثت عنها لمدت اسبوع قلت هاذي خلاص راحت وانا ابحث عنها لقيتها دارهـ للبكرهـ اللي معها وبعدها سقتها للنياق وانا مرتاح(^_^).....................

ابو راكان 111

14/06/2009, 06:51 PM

تسلم اخوي على هذا الموضوع

صقر الشماااال

14/06/2009, 08:30 PM

هاااااااااااااااااي

ابو راكان 111

17/06/2009, 02:20 PM

اللهـ بعقلهـــ ــا

راعي الطياحه

18/06/2009, 11:02 PM

الله يعطيك العافيه ويا جعلك تلقا راعيها

مسامر الذيب

05/08/2009, 03:58 AM

السلام عليكم ورحمة الله وبركاته
يالربع الناقه هذي لها الان شهرين
وهي مع البل حقتي
الي يعرف عن الناقه هذي شي يبلغ اهلها
لاني ماخليت احد ماخبرته عنها
وللعلم الناقه راعيت شبك ماتغرف السرحه ويم جتنا وهي منتهيه
وحنيت عليها وقلت للراعي اكرمها لين يجي راعيها وللحين مااحد جاء يسأل الرجاء ممن يعرف اهلها يخبرهم
وهذي صورة الناقه

http://www.4up.ae/up/s_thumbnailer-8-2009/iv2l9zwe.jpg

http://www.4up.ae/up/s_thumbnailer-8-2009/bvheu7i4.jpg

العيبودي

12/08/2009, 06:24 AM

الحاتمي

الله يجزيك خير على مافعلت والله يرد كل ناقة ضايعة لصاحبها
وسو كل ماتقدر ولا تنسى انها روح وادري انك منت ناسي
الله يعطيك الف عافية ابو فهد الـــــعـــــيــــبــــودي

صالح الخشرم

18/08/2009, 04:22 PM

السلام عليكم

ياجماعه اتصل على احد الاخوان وطلب مني أضع له أعلان عن بكار ضايعه

بكرتين عغاتير شاهدها كلوبين على الرقبه من يسار

( 0)والشاهد رقمه على العضد الايسر

والثالثه بكره ثنيه عليها وسم الشيوخ وشاهدها _ب_على الفخذ الايسر

والبشاره للي يبشر به

هزاع بن سفران

جوال 0505452005

RaaEd

22/08/2009, 01:12 AM

الحلال مايضيع والله يرد الضاله لااهلها

نجم حفرالباطن

01/10/2009, 01:01 PM

بارك الله فيكم
والله يخلف عليكم بخير

راعية الطعوس

04/10/2009, 05:15 PM

عفيا عليك مشكور

عبدالله الحرب

12/10/2009, 11:25 AM

بسم الله الرحمن الرحيم
ياجماعة الخيــــــــــــــر ضايعة لي ناقتين حمر وناقة شعلا ومعهن حاشيين ووسمهن على الرقبة من اليمين 1 +5 ضايعات من المدينه المنورة قبل اربع سنوات واخر عهد بهن سوا تكفون يامن عينهن يعطيني خبر على الجوال 0595902170 وعندي ياجماعة قعود حر ومعسوف ابوه عماني للبيـــــــــــــع

خيال بن خيال

18/10/2009, 10:52 PM

حقه وظحى

ضايعه

غفل أي ما عليها وسم

الموقع الخاتله

و

جاأزه لمن يلقاها

ابوعهد900A

23/10/2009, 05:15 PM

الله يجزاك كل خير ويجعلها في موازين اعمالك ولا يحرمك اجرها والمسلمين اجمعين

معط الله

30/11/2009, 12:13 AM

الله يجزاك خير ويكتب لك الاجر

لا كن لو تحط بلاغ عند اهل اسواق الابل في منطقتك افضل وتشوف اخر وسم لها وتذكره لهم

النفيعي2010

05/12/2009, 12:55 PM

ماشاء الله تبارك الله

Hch

06/12/2009, 04:15 PM

صفرا سمين لقحه مديها خلفه اللحين على يدها عمود شماليه جرميه كبيرة جرم على فخذها الايمن مغزل صغير فوقه مطرق وسمن جديد العلامه الواضحه فيها العمود الطويل اللي على كتف اليد اليمنى اللي متوطلن يدها مرابيها شقيقة البدايع والا جراب في الدهناء اللي يذكرها بعد بيض الوجه جزاه خير له هديه قيمه للمعلوميه تمم التعميم عنها في كل اسواق الابل ماليها ذكر وكل الاسواق عندهم خبر عنها وحطين عيونها عليها بس ماجاتهم هي في مكانن ماعرفه بس اذكروها لبعض والله يعقلها ..

للأتصال 0506393930

راعي مليجة

08/12/2009, 01:31 AM

بسم اللة الرحمن الرحيم

ابراءً للذمة في احد الليالي قبل حوالي شهر تقريباً وجد مع أبلي ناقه مجهم تقريبأ أم 4 او خامس وهي ألقحة
فيها قصر وعلى ارقبتها وسم غريب حلقة متصل فيها خط (o-) للعرف الرقبة تحت الاذان بشبر تقريباً وهي الان مع الابل وفي اتم صحة وعافية وتسرح مع الابل وترجع ولا عليها خلاف .....
وللمعلومية قد قام العمال باخراجها من المزرعة وقت ما جات ولكنها رجعت مع الابل ....فمن يعرفها او يعرف الوسم يتصل على الرقم 0501842418 الموقع (مليجة)

فارس الخاتله

26/12/2009, 03:50 PM

خليل المطيري الله يعقلها انشاءالله

بس الخاتله وانا اخوك ماجتها ابلك وانشاءالله اذا شفتها تبشربها

كامب نو

26/12/2009, 10:29 PM

مساء الخير للجميع اللى مضيع بكرة عفراء وعليها وسم بس أبي من راعيها يوصفها لي وبعدين اعلمه للتأكد بس ،،،، وتقبلوا تحياتي

طبعي مزوحي

03/01/2010, 02:45 PM

السلام عليكم ورحمة الله وبركاته

أسعد الله أوقاتكم بكل خير

ياوجيه الخير لي بكره عجم صهبه ضايعه لها شهرين تقريبا في أبوحدريه وسمها باب كبير ورقمه فوق الباب على الرقبه جهة اليمين وجزاكم الله خير

seed2007

08/01/2010, 09:00 PM

مشكورين على الافته الطيبه والله يعقل على كل فقد اي شي من حلاله

عبادينوا

31/01/2010, 01:41 PM

السلام عليكم ياجماعه اخر الربيع العام غدت لي ناقه فاطر ملحاء شهباء غدت من مزارع حمادة الغاط عليها الهلال على خدها من يمين .....وعليها حلقه ومطرق وعلى المطرق شاهد وكلها مشبوكه في بعض والناقه غدت معشر الي يلقاها او ذكرت له او عنده يذكرها جزاه الله خير
هذا جوالي محمد(0564760971

راعي الفايرخ

01/02/2010, 05:16 PM

ياخي أطلب ربك أن شاء الله موفق

كامب نو

10/02/2010, 02:05 PM

وين راعيها عنها... ولا عليها وسم.... الشكوى لله..... يعقلها الله..

ابو ضافى

13/02/2010, 03:53 AM

بيض الله وجيهكم على اللي تسوه والله يجعله في موازين حسناتكم
أهل الوفاء والله مامنكم قصور والله يعطيكم العاااااااافيه والصحه
والشكر خاص للمنتدى الذي يقوم بالشي الجميل

زهنون

13/02/2010, 02:50 PM

السلام عليكم
عندي ناقة مجهم ضائعة من شهرين وعليها الوسم المرفق في الملف المضغوط
تكفون إلى يعرف الوسم لمن يرد علي عاجل جداً

زهنون

13/02/2010, 11:37 PM

هذا الوسم لمن تكفون

http://www.up4mb.com/up/get-2-2010-q7lidl0e.jpg (http://www.up4mb.com/up)

مسلم الأول

18/02/2010, 01:49 PM

20 ناقة وضح ثلاث خلفات وحده حمراء وسمها العرقا من يمين ....داخل شبك الحرس الرياض جهة رماح الرمحيه
ومن يجدها الله يجزاه بالخير

صاحب الذود

22/02/2010, 03:15 PM

انشاء الله تلقهاا

قوقول

27/02/2010, 01:28 AM

السلام عليكم ورحمة الله وبركاته

الي مضيع ناقتين مجهم ووضح خلفات مبطيت في ضيعنها في العرمه جنوب رماح .
الرجاء عرض موصفات الابل الضايعه قبل المرسله في الصفحه للتاكد .

أبو ناصر1

12/03/2010, 11:39 PM

بسم الله الرحمن الرحيم
مسكم الله بالخير والله يوفق راعي الطيب وين مراح
انا عندي ناقه ضايعه ولهاء حول اربع سنين مابينت
وقبل فترهه ذكروها لي جهة البسيطاء ومراد الله اني ادورها الى اليوم
والناقه حره وضاعة وهي بكره وعليهىا وسمين وسم وابصه وسم بني عطيه الرجاء من الخوه الكرام عدم البخل علينا بردود وخاصتن أهل بسيطا والديار هذ يك وشكرن الايميل a1b12010@hotmail.com (a1b12010@hotmail.com)

أبو ناصر1

12/03/2010, 11:48 PM

بسم الله الرحمن الرحيم
بالحاتمي ممكن تحط صورتهى بعد اذنك طبعن وشكرن لاني ماني فاهم على وصفك وشكرن

راع القنص

21/03/2010, 02:00 PM

أخوي صالح ناصر اسأل الله كما رد يوسف إلى بعقوب أنه يردلك نياقك ومن تاهت منه

ابوصقر2010

22/03/2010, 07:48 PM

الله عطيك العافيه

ابو مرعي

30/03/2010, 03:19 PM

بسم الله الرحمن الرحيم
امس وجدت ناقة شعلى مع ولدها او بنتهها نفس اللون شاي بحليب عمر ولدها من شهرين وفوق تقريبا الى 3 اشهر ضايعة في شعيب غرب وزن الشاحنات وغرب طريق رماح الناقة ضعيفة وتعبانة ولدها زينة صحتة الناقة جفول ولدها ازود منها من يوم قربت لها هجت والشعيب وعر ماقدرت اقرب واعرف وش معها بكرة ولا قعود او بها وسم المهم رصدت احداثياتها بالقارمن والجيب ماكان عندي حين كتب الموضوع
لحيث انني
ضيعت لي خلفتين على طريق رماح وبحثت عنهن بالعرمة القريبة من منطقتنا شمال خط خط ارامكوغرب طريق رماح 10 كم من موقعي حوالي 15 كم شمال
من اراد ان يستفسر اكثر عن الناقة هذا جوالي 0596274396

ابوشمروووخ

08/04/2010, 01:51 AM

اخواني السلام عليكم
فيه بعير مفقود من زمان في الجنوب البعير مجهم عاض

وعليه ثار الحبارى في الفخذ ليسر والرزه في اليد اليسرى

يمكن الله يرده لتواصل ab-reeem@hotmail.com

قوقول

17/04/2010, 07:29 PM

ابومرعي عسك وجدات الابل الضايعه منك وماهي موصفاتها الام تجدها

النادرتو

24/04/2010, 12:19 PM

الله يعقله

اخوك النادرتو
http://dc03.arabsh.com/i/01416/o78jm0zy6qzg.bmp (http://arabsh.com/o78jm0zy6qzg.html)

عاشق رعد

24/04/2010, 12:21 PM

السلام عليكم

الحمد لله ابو مرعي وجد نياااقة ولله الحمد

عقبال الي مضيع نيااق يلقاااهن امين يارب

تقبلو تحياتي:

النادرتو

24/04/2010, 05:01 PM

انشاء الله رعيه يبي يجي والله الموفق
اخوك النادر تو

http://dc03.arabsh.com/i/01416/o78jm0zy6qzg.bmp (http://arabsh.com/o78jm0zy6qzg.html)

عاشق رعد

25/04/2010, 01:21 PM

امين والله يعين اهلها

راعي الإبل999

25/04/2010, 05:11 PM

الله يعقلها عليهم يالله يارب

الذيب العاوي

30/04/2010, 03:51 PM

يالربع ضايع لنا خمس نياق الوانها ثنتين شعل ووحده عفرا ووحده شقحا ووحده صفر المجاهيم
لها 6ايام ضايعه " من الرويضه"
والله يجزي من لقاها كل خير

الملعبي1

01/05/2010, 06:43 PM

السلام عليكم ورحمة الله وبركاتة

لنا نياق ضايعة من يوم الجمعة 23-04-2010 لهن ثمان أيام ضايعات من فيضة العميا بالصمان
والنياق خلفا صفراو تحتها ولدها ومعها بكار ثنتين عليهن وسم الملاعبة الباب والمطرق على الرقبة من يمين
ومعهن لنا مجاهيم ثنتين عليهن وسم الدواسر بالفخذ من يمين ويسار

أذا لقيتوهن أو ذكرن لكم بلغونا جزاكم الله خير وبيض الله وجيهكم

الملعبي1

04/05/2010, 08:42 PM

qwerasd

16/05/2010, 02:31 PM

السلام عليكم ورحمة الله وبركاته
انا ضايع لي جمل له سنه ملقيت له حتى ذكر الجمل عفر (ولهو عفر ابيض بين العفار والقمار ) وموسوم عليه المطرق والهلال وبينها ردعه من جهة اليمين وسم الصعبه من مطير والجمل مفاخت من جهة محافظة المهد
الي يلقاه ولا يسمع عنه الرجاء الاتصال على الرقم 0596252537

wise111

22/05/2010, 10:49 AM

السلام عليكم ورحمة الله وبركاته

انا ضايع لي خلفتين من ست سنين وانا نازل بالصمان وذكرن لي يم خريص بس مالقيت لهن اثر

تحتهن بكار الخلفات وحدة مجهم عليها وسم بخدها .. والثانية قمراء ووسمها بفخذها

ليت من يدري عنهن شي يبشرنا بخبرهن

جزاكم المولى كل خير

عين الحر 11

23/05/2010, 10:21 AM

الله يرد كل ذاهبة لراعيها

almo7nk

01/06/2010, 11:42 PM

ضايعن لنا نياق حول 17 حمر في مكة ع خط الهدا جهة الخرار

مفقودة اليوم 18-6-1431

الله يعقلها يااااااارب

almo7nk

02/06/2010, 09:38 PM

الحمد لله ربي عقلها

رعد المزن

05/06/2010, 09:21 PM

السلام عليكم ...

يالربع ضايع لنا ست من الابل ... كلهن وضح ماعدا ناقه شقحا

وفيهن قعود حق أعفر من ضمن الست

ضاعن من شمال الحيسونيه بالقصيم شمال غرب عقلة الصقور

ضاعن يوم الجمعه تاريخ 14 / 6 / 1431 هــ

الله يعقلهن ...

رعد المزن

06/06/2010, 05:05 PM

الحمد لله عقل الله الابل

شكرا للجميع

راعي الطياحه

20/06/2010, 12:34 AM

الله يرزقك بغيره لنشا الله

zzzz1390

21/06/2010, 08:47 PM

يا اخوان ناقه لها يومين لقحه بكره على مرقام على خدها لونها صفرا المكا ن قريب من ينبع الصناعيه 0553339830

الحربي77

24/06/2010, 03:05 PM

الله يا عقلها عليك

مدرج المصاغير

06/07/2010, 11:00 AM

السلام عليكم ورحمه الله وبركاته
اخواني المحترمين
انا ضايع لي بكرتين لهن اكثر من سنه شعلاء وملحاء ( الشعلاء كانت لقيه معشر تلد باخر شهر 12 من عام 1430ه) اما البكره الملحاء فهي شايفت اخوها
عليهن الوسم (ثلاث ردعات على الفخذ اليمين الهوادي ومطرق يقطع الرقبه قطع مع مطق العصاء اي باخر الرقبه من الراس الوسم كله من جهه اليمين
وهن ضاعن من االايفهن بالربيع العام ربيع 1430ه بشهر 4 بنص الربيع ضاعن من عند جبل قطن شمال عقله الصقور هن وبعض من الابل بعض الابل حصلناه اما البكار الى اليوم ماجاء عنهن علم ولا خليت مكان ماجيته من شافهن او ذكرهن الله يجزاه الف خير والله شفقان عليهن واليوم انا حيران ماعندي اي اتجاه لهن بس ادعي ربي يعقلهن وهذا رقم جوالي 0554544640 والسلام عليكم ورحمه الله وبركاته
تاريخ الاعلان 24/7/1431ه

عشق الباديه

06/07/2010, 08:17 PM

السلام عليكم
اخوي الحاتمي بخصوص الناقه اللي عندك رح للمحل اللي انت اخذتهااا منه واسأل اللي هناك وحط على كل محطه حولك رقمك واذكر فيهاا الناقه بدون لاتذكر الوسم لعل الله يعقلهاا ويردها لراعيهااا
تقبل مروري

عشق الباديه

06/07/2010, 08:33 PM

يالربع انا ضايعلي من العام 14 ناقه ملاوين
سرت من الفروسيه وجهتهااا شمال ارجووو من اللي يلقونهاا يدقوون علي ويعلموني وهي يمكن تفرقت بس
اذاا لقيتوو شي تكفون تكفون كلموني وعلموني عن اللون وانا اعلمكم بوصفهاا وسمهااا
ارجوو الاهتمام ودمتم.......
0559991564

مستر فلان

13/07/2010, 05:34 AM

الله يكتب اللي فيه الاجر لعلها خيرة
ان الله اذا احب عبد ابتلاه
الله يعوظك بوضح اخير منهن...

رعدالغربية

15/07/2010, 10:52 PM

السلام عليكم
مساكم الله بالخير
اشكرك يا خوي على امانتك وهذي من صفات الرجال النشاما
والله يعينك على ان تلقى صاحبها
والسلام عليكم

شيهان2

02/08/2010, 12:27 AM

شيهان2
وجدت اربع من الابل المفقودة وهي حمر الالوان وواحدة تميل الى السواد وعليهاوسم على الرقبةعبارة عن صليب وشاهد على الفخذ وسمعت انها كانت خمس وقد ماتت منها واحدة وهي مفقودة من مدة طويلة ارجو ممن يعرف صاحبها او الوسم الذي عليها يرد علينا في موقع مكشات وله الشكر

فتى أم رجوم

03/08/2010, 11:25 AM

راعي المغاتير

الله يعقلها على راعيها

عواد الديح

18/08/2010, 12:21 AM

اعلان هام
مكافئة لمن يعّين البكرتين الوضح عليهن الوسم الهلال على الخد والذارع على مطب العقال من اليمين واحدة اكبر من وحدة الكبيرة صديا فقدن من تقريبن سبع شهور تم ذكرهن في حول الحليفا تكفون يامداوير البل ردولي الخبر وابشروا بعزكم على جوال 0592940758

هدد9999

24/08/2010, 10:54 AM

بس اطلب من المشرفيين / تقفيل الموضع من الموقع اذا وجدت الابل . عشان مايصيل فية زحمة ولاخبطة
وجازكم الله الف خير . على الموضع الطييب الموقر . فعلن

دل البحار

06/09/2010, 04:33 PM

انا مال خبرة بتوهان النياق وضياعها لكن من باب حبي لاصحابها ان فيهم الخير
اخترع لهم فكرة الشريحة عبر ال gbs تحديد المواقع ما هو شرط كل الابل توضع الشريحه في القائد لهم
وترعى لو احتاج لأبله بالشريحة يطلع موقعها لانها مال وما هي رخيصة الابل الله يعقل على ملاكها وما شاء الله تبارك الله

هلال داورد

27/09/2010, 09:58 PM

ياربع وصاني رجال يقول ضايع له ست من الابل ملاوين عليهن وسم الشيابين اليوم لهن ثالث يوم سرت من عنده جنوب خط الحجاز من جهه مطار الدوادمي الله يعقلها له على من يجد عنها خبر يردلنا جزاكم الله خير

هلال داورد

28/09/2010, 09:07 PM

ارجوا من الاداره قفل الموضوع لقينا الابل

نايف بن هلال

15/10/2010, 09:59 PM

السلام عليكم ورحمة الله وبركاته
ياجماعه انا مضيع لي ناقتين وضح لقحات من بداية السنه 1431هـ من شهر صفر تقريبا وسمهن واحد من يسار عليهن وسم المشط ( الباعج ) على الكلوه من يسار والحلقه يطلع منها مطرق يم العين على الخد من يسار اما وسمهن من يمين وهو الوسم الجديد مطرق على المخذع من يمين يعني على مشبك الرقبه في الراس والردعه( الرقمه) على الفخذ من يمين وهن يلدن في هالشهر ذو القعده (11) والله يجزا الجميع خير
نايف 0542260456

ابو عبدالملك 2

06/11/2010, 10:43 PM

يا اخوان فيه ابل ضايعه لخويي وقال حط موضوع في مكشات قلت ابشر

وهي عشر وضح ووحده مجهم ومعها خمسة مفاريد وكانت طالعة من الطعس الكبير اللي حول روضة ملهم يوم الجمعه 27 - 11 -1431هـ الصبح الساعه عشر

ومتجهه شمال منهم من ذكرها حول التقاطع اللي يودي للخفس ويقولون ردوها عن الخط ومنهم من قال انها امرحت لليلة السبت في شعيب ابو عويشزيه

اللي على طريق القصيم القديم عنه شرق ووسمها مشكل وحده عليها وسم الشيوخ ووحده عليها وسم الشيابين

ومشكله ما اقدر اعطيكم الوسوم كامله لاني ما اعرفها كلها فارجوا من يجدها ان يتصل على الجوال

0503277915 ابو عبدالاله

- تم العثور عليها -

ابو عبدالملك 2

07/11/2010, 12:53 PM

ونسيت اقول لكم ان معها رحول حمرا واكثر النوق لقحو وحده شكلها ماخض وهي اللي قايدتهم

والتاريخ يوم الجمعه 28 - 11 - 1431هـ مهوب 27 غلطت في التاريخ

فتكفون اسؤلوا اللي حول ذيك المناطق ولكم دعوه بظهر الغيب

- تم العثور عليها -

ابو عبدالملك 2

07/11/2010, 05:10 PM

ابشركم لقوها اهلها اليوم الاحد العصر والحمدلله على سلامتها شاكر لكم المتابعة

user-1

12/11/2010, 11:53 AM

الاخوه الكرام
السلام عليكم ورحمة الله وبركاته
جار لي ضايع له ثمان مغاتير ووحده شقحاء ومعهن رحول مجهم مجموعهن عشر من الابل بالإضافة الى خمس من الحشو - ضياعهن بين ملهم والدقله وروضة الخفس بتاريخ 9 رجب 1431هـ وللعلم الناقه الشقحاء عليها وسم مغزل على الثفنه (فخذها) ومع الدعاء بالجزاء الوفير من الله تعالى لمن يجدهن فهناك مكافأة مالية لمن يجدهن
للاتصال على ابو عبدالعزيز جوال 0505191199 او جوالي ابوماجد 0505462625
والشكر موصول للجميع وعسى الله يعقلهن

يفوق الوصف

16/11/2010, 05:07 PM

والله اني كنت بملهم يوم الاحد الماضي الساعه 8 الصباح

لقيت ناقه سوده من المجاهيم على ما قيل

لحالها بالشعيب تاكل من هالشجر

بالضبط لا جيت مفرق ملهم تاخذ يمين وتمشي لين ما تجيك المزارع يسارك تكمل يجيك المصنع ابو انوار صفرا قويه جنب الشارع

تنزل يمين مع تيور الكهرب الكبيره

لين ما يجيك الشعيب ابو شجر واجد ببطنه لقيتها

اتمنى اني وصلت لك اللي تبيه