مشكله كهربائيه في الشيروكي لم أجد لها حل

[هبيس]

السلام عليكم ورحمة الله وبركاته

لدي شيروكي ليبرتي 2004 وقد أحترقت علي انوارالاسطبات الخلفيه اليمين والشمال اكثر من 3 مرات خلال فتره شهرين وكل مره اقوم بتغييرها تحترق مرة ثانيه وكذلك لمبات الشمعات الاماميه اليمين والشمال وقمت بتغييرها وطبعا جميع القطع من الوكاله .

اخذت السياره الى 3 ورش كهربائيه وجميعهم يؤكدون انه لا يوجد مشكله او التماس في السياره ولكني غير مطمئن للوضع وأخشى من حدوث التماس مؤثر او خلل مكلف وخاصة في الظفيره ,

أرجوا ممن لديه الخبره او يعرف لي كهربائي ممتاز أن يدلني .

[مواسي الطعوس]

ياليت نقدر نفيدك.

## كان فيه واحد هنا يكتب دائم عن الشيروكي اسمه (فني الشيروكيات) شكله باخص الشيروكي زين . ياليت تبحث عن موضوعه او تراسله .هذا اذا ماحصلت خبر عن المشكله .

## اذكر انهم يقولون فيه ورش بعنيزه يعرفون للشيروكي زين . يعني يمكن ها المشكله مرت عليهم .


** وان شاء الله تحصل في مكشات الحل .

[my own]

الظاهر ان الدينمو يشحن زيادة
تاكد من الدينمو ..

[بدراان]

شف يالغالي كانك مسوي اضافات مثل مراوح ، لمبة كبوت ، زينون ، تأكد من توصيلاتك زززين . . والله يوفقنا وياك

[الثويرات]

المشكله عندك في الدينمو والله واعلم

[هبيس]

لا يوجد توصيلات أو أضافات على الاطلاق واليوم رحت لكهربائي حاس ويوم توهق

قال رح جب عامود حق اللمبات ((العصا الي تولع اللمبه جمب الدركسون))

الظاهر اني ببيع الموتر لا يشب علي وأفتك .

[ابو خالد 1992]

مساك الله بالخير , , ,
إذا كنت بالرياض رح حي الشفا شارع المعارض نقليات البسامي خلفك تجيك اول اشارة ادخل بعدها يمين اول تقاطع تعده ثاني تقاطع تعده بيجيك المحل على اليمين كهربائي هندي ملحوس كهرب اسمه مشتاق كذا شخص ارسله له يمدحة ومزحوم مرة و على الله يقدر يشوف حل لمشكلتك وماراح تندم ولو تروح الصبح افضل لأن بالليل ما يلقيلك بال من الضغط اللي علية .

[حزم نجد]

وعليكم السلام

ماذكرت اخوي وين موقعك علشان نفيدك في الذهاب لمختص كهربائي

إذا انت من القصيم راسلني