دربيل الخرازة

[المهتوي]

حيا الله الشباب

بالنسبة لدرابيل الخرازة ما أدري وش رايكم بأفضل الأنواع.......

بالنسبه لي عندي دربيل ألماني أسمه

norconia 9*40

وهو الحقيقه جيد وصافي مرّه .....

لكنه متعب من ناحية الوزن لأنه كل مسافه يحتاج وزن خاص

القريب له وزنيه والبعيد له وزنية خاصه ....

لكن سمعت من حدى الشباب إن فيه دريبل كله واحد عنده البعيد والقريب

بس تصفي الدربيل على الهدف وإذا وضح خلاص ولم السكين :)

هاه يا شباب ألي عنده شي يفيدنا ....

[الخبير]

السلام عليكم
و الله يا الحبيب من تجربة واحد من الشباب يقول انه يستعمل دربيل زايس الماني ، ممتاز مرة و يتحمل ، مرة طاحت منه الخرازة يوم ناظر لقى الخرازة انكسرت و الدربيل ما جاه شئ ( ماشاء الله )

[ابوحمد]

السلام عليكم
من أفضل الدرابيل الخاصة بالخرازة دربيل صناعته كوري بمبلغ 300 ريال انا أستخدمه من اربع سنوات
ومافكيته من البندق نهائياً وهو راكد وماتغيرت وزنيته

[المهتوي]

وعليكم السلام

مشكور أخوي الخبير على ردك

لكن ما أدري عن سعر هالدربيل ألي أعرفه إن

زايس يضربون بالريال ما يتفاهمون إلا بألف وطالع

وكذلك الشكر موصول لأبو حمد

======

لكن ودي أدري عن الوزنيه هل هي لمسافه معينه وإلا ثابته

يعني الهدف على بُعد 25 متر زي الهدف ألي يبعد 150 متر مثلاً

======

كذلك من واقع التجربه تبين لي إن كل فشق له وزنيه خاصه

======

ومشكورين ،،،

[الخبير]

السلام عليكم
هذا يعتمد على مهارتك في الصيد ، و بتقديرك للمسافات . و على فكرة زايس مثل ما تفضلت فوق الالف

[صبي الحزم]

اسلام عليكم
الدربيل المزعوم انه الماني norconia 9*40 تراه خرطي ماهو الماني لوهو صحيح ماكان بها السعر والمصنوع بالمانيا يكتب عليه mad in
ولكن الشكوى لله 0000ولكن لاتأخذ اللي فيه خط احمر خذ اللي فيه خط ابيض
وشكرا لكم

[المهتوي]

وعليكم السلام

الحقيقة أن كلامك أخوي الخبير هو بيت القصيد

لكن زي ما قلت فوق إن أحد الشباب ذكر لي دربيل هو ألي

يتولى المسافه بحيث تصفي الدربيل على الهدف ومن ثم أختر

تبي راسه وإلا عينه :) وهذا مطلبي بالسؤال إن كان أحد

يعرف عن هالنوعيه

=========
هلا بصبي الحزم وحياك الله

بالنسبة لقولك ما فيه غبار لكن هو تجميع يعني ما هو

ألماني خالص .......

[ابو نجود]

الاخوة الاعزاء بالنسبة للدرابيل مافيه تعدي على زايس والاسبوع الماضي كنت عند الرماية اسأل عنه لقيت ارخص واحد سعره(2400ريال) وفيه نوع امريكي ممتاز مرة اسمه ليوبولد شفته مع واحد جايبه من امريكا ما يتغير ابد وسعره ارخص بكثير من الالماني لكني ما اعرف احد يبيعه وبحثت عنه ولم اجده.

والسلام ..........اخوكم ابو نجود

[الصقار10]

السلام عليكم ورحمة الله وبركاته ،،،


لقد استفسر الاخ / المهتوي عن ( متعب من ناحية الوزن لأنه كل مسافه يحتاج وزن خاص ) .

هناك درابيل ياخ مهتوي تتمتع بميزة انه بجانب الزووم الخاص بالتصفيه حقت الدربيل هناك زووم خاص بالمسافه مثال على ذلك :

انت وزنت الدربيل على مسافة خمسين متر ولديك هدف على بعد 150 متر تجد في الدربيل زووم مرقم على ابعاد مختلفه مثل 25 ، 50 ، 75 ، 100 ، 150 ، 200 ، 300 ، ثم علامة مالا نهايه . تقوم بتقدير المسافه التي بينك وبين الهدف المراد اصابته وتضع الرقم على حسب تقديرك للهدف مثل لنقول ان الهدف تقريبا على بعد 150 متر تزيد او تنقص 10 متر يتم وضع الزووم الخاص بلابعاد على 150 متر ثم تتوكل على الله وترمي .

لكن هذا النوع من الدرابيل يكون اعلى سعر من الدرابيل العادية الخاصه بالبنادق .

ارجو ان تكون الاجابه وافيه و مفيده .



:D :D

[المهتوي]

مشكور أخوي الصقار

وهذا ألي أبيه :)

لكن ما تعطينا اسم الدربيل و سعره

كان ما عليك كلافه ............

والله يجزاك خير ومن شارك ومن قرا ..........

[سيف العلا]

اتوقع قيمته من 10 الاف ونت طالع الي يحدد المسافات