المساعد الشخصي الرقمي

مشاهدة النسخة كاملة : اول مشاركه لي ..وهديه لكم


جارمن الصمان
25/04/2004, 08:58 PM
بسم الله الرحمن الرحيم
السلام عليكم ورحمة الله وبركاته
هذي اول مشاركه لي
وياشباب تراي انا من الي يتردد للصمان كل اسبوع تقريبا
فاي واحد يبي وصف يسئلني عن محطات او عن ازفلت .. او ... او ... يسئلني
علمن ان حدودي هي من الطوقي الى القريه العليا ...
بس بدوون احداذيات لأني توني مبتدى بالقارمن

تحياااااااااااااتي
ابو كرييم
27/04/2004, 01:02 PM
جزاك الله خير وعساك على القوة . . .
جارمن الصمان
27/04/2004, 01:51 PM
الله ياعفيك ويقويك
محب البر
27/04/2004, 05:05 PM
بسم الله الرحمن الرحيم
السلام عليكم ورحمة الله وبركاته

أخي جارمن الصمان

هدية مقبولة وجزاك الله خير

وأهلا وسهلا بك بين أخوانك وربعك

مع تحيات
أبو مروان
جارمن الصمان
27/04/2004, 05:48 PM
الله يحيك ويبقيك وشكرا على الترحيب
صقر
28/04/2004, 01:40 AM
حياك الله اخوي وهديتك مقبولة

وخلك حولنا ترانا نحتاج خبرتك في وصف بعض الأماكن.


وهذا سؤالي الأول

الطوقي هل هو من الصمان ؟

وشكرا لك .
جارمن الصمان
28/04/2004, 02:06 PM
حياك الله اخوي صقر
واشكر لك تفاعلك
لكن حسب علمي وحسب ماسمعت ان الطوقي مهي من ضمن الصمان لأن الله اعلم ان الصمان تبدا من بعد عروق النفود التسعه.. وراح اسئل واتاكد لك باذن الله
والحمد لله الحين طريق الصمان الرفيعه مزفلت
وطريق الرفيعه القريه العليا مزفلت ومرسم وعليه لوحات يعني خط رسمي
لأنه يسمى خط الفتح الذي اتخذه الملك عبد العزيز يوم بغى يفتح الرياض
وان شاء الله اني وفقت في الإجابه على سؤالك
محاذر
28/04/2004, 02:17 PM
السلام عليكم ورحمة الله وبركاته

لاهنت ياقارمن الصمان سؤال تقليدي !!

ولاعليك امر وضح لخوك محاذر حدود الصمان واذا تقدر تزودنا برسم او خرائط فلك مني كل الشكر ;) ;)

اسلم وسلّم
جارمن الصمان
30/04/2004, 11:47 AM
هذي الخريطه توضح كل شي
وتراها من موقع مكشات
http://www.athagafy.com/somman/somanmap.htm
مسافر
30/04/2004, 01:25 PM
حياك ربي وبياك اخي الغالي جارمن الصمان
ونرجو من الله ان تكون من الاعضاء البارزين
لدي سؤال وهو
سمعت كثيرا ان هناك منطقة بالصمان اسمها
(جفن ضب) تكثر بها الضبان هل هذا صحيح
وأين تقع .
مشكوررر جدااا
اخوك مسافر
آل حسين
30/04/2004, 07:35 PM
السلام عليكم
مشكور أخي
أما بالنسبة للطوقي فهو ليس من الصمان بل من أودية العرمة
والعرمة منطقة جبلية شرق الرياض وتشاهد جبالها وأنت في الثمامة
من الغرب أنوف شامخة ومن الشرق كجبال منطقة الرياض تنحدر نحو الشرق ويكون فيها أودية من أكبرها الطوقي ((ويقابلك على طريق التنهات الصمان طبعاً بدايته)) وهو اطول أودية العرمة على الاطلاق 110كيلو ويفيض في خبة المزيرع ورى رماح والثمامة(( ويقابلك على طريق بويب الرمحية)) والشوكي (( وهو مشهور))) والجافي ويقابلك على طريق الشرقية السريع قبل الوسيع وكبريه كبير
والعرمة كما قال ابن خميس طولها مايقارب 300كيلو وفصل عن أوديتها وكلها تفيض للروضات كبيرة يحتضنها الدهناء ومن ضمنها روضة سعد والمسعودي وخريم والتنهات والحيرى
والحقيقة ياليت الاخوان يطرحون موضوع عن العرمة فهي مراتــــــــــــــــــــــــع الرياض ومرابعها كما قال ابن خميس
والصمان يبتدأ بعد العمانية عند معقلا تقريبا
حتى شوية ليست من الصمان بل أنه في آخر خبة من خبب الدهناء
والدهناء سبعة عروق
فلما تتجاوز شوية ويقابلك العرق الكبير وتتجاوزه تكون في الصمان
ومن طريق الطوقي إذا تجاوزت الدوار ودخلت في الدهناء تسير مسافة حتى تجاوز خبة الاريل كما يسمونها ثم تأتيك الارض الصلبة تكون في الصمان
والله أعلم
عنبري تمير
30/04/2004, 08:58 PM
هلابك ياالجارمن حق الصمان معنا في مكشات
جارمن الصمان
01/05/2004, 05:29 PM
اخوي مسافر ...
بصراحه ماسمعت فيها
لكن اذا تبي الضبان
ترى بعد الرفيعه كلها ضبااان
وفي هجره صغيره يقالها اللاديفه جنبها فيااااض كلها ضبان ،، بس لازم تصير رياضي لأنها دايم برى وماشاء الله الواحد كنه نعجه من كبره

ال حسين مااااقصرت على الشرح الوافي والكافي واشكرك على تصحيح المعلومه
وعروق النفود هي :
1- عريق التناهات
2- عرق ود
3- عرق جهام
4- عرق الحمراني
5- عرق الكنااسيه
6- عرق سرو
7- عرق الخفسيه وهو اخر عرق في النفود ومن بعده تبدا الصمان
وترى ترتيبها ملخبط
وطول عرووق النفود من الدوار الى الصمان 90 كلم..
واعذرووني اذا سقط شي سهوا
--
اخوي عاشق حياك الله واشكرك لك ترحيبك
خيال الغلبا
06/05/2004, 07:05 AM
لكن عروق الدهناء من اين تبدأ وأين تنتهي
اظنها تنتهي في مدينة لينه
لكن من أين تبدأ
طبعا هي لاتشتبك مع نفود الربع الخالي
ارجو ان يفيدنا احد ممن يعرف
خيال الغلبا
19/09/2004, 09:20 PM
يااخوان احد يفيدنا الله يحفظكم
ندقان
20/09/2004, 01:44 PM
السلام عليكم ورحمة الله وبركاته



مشكور اخوي جارمن الصمان على موضوعك

بالنسبه لك يااخي خيال الغلباء الدهناء عروق من الربع الخالي الى شمال المملكه

جايه على شكل سلسله من الجنوب الى الشمال وتضعف عند حرض وتقوم وتضعف من يم رماح وتقوم

وتضعف من ام الجمام من عند عريق الخلف وتقوم الى شمال المملكه مرورا بقاعده الملك خالد العسكريه

اللي بالحفر الباطن الى شمال المملكه وعرضها مره طويل ومره قصيره من عوامل الطبيعه

ومن الجنوب من شرق الافلاج تكبر من جهه ابو بحر طرف الربع الخالي من يم الافلاج...........

وهداء اللي يحضرني

والسلام عليكم

ارجوا الافاده

:good: :good: :good: :good: :good:
خيال الغلبا
20/09/2004, 09:35 PM
اخوي ندقان شكرا لك والله يعطيك العافية على هالمعلومات الوافية

ولكن بودي أن اعرف بدايات عروق الدهناء من جهة الجنوب
هل هي تبدأ من منطقة معروفة ؟ وماهو اسمها ؟
ندقان
20/09/2004, 10:45 PM
السلام عليكم ورحمة الله وبركاته


هلا باخوي خيال الغلباء لا شكرا على واجب

تقريبا من جنوب المملكه الوديعه ومن الجنوب الشرقي خرخر بعد خرخير 50 كيلو ولكن بعد الاتفاقيه بين السعوديه واليمن اخر

حد لنا خرخير طرف الرمله من اليمن ومن الجنوب الغربي يحدها نجران ومن الغرب الافلاج والسليل والفاو ومن الشرق عمان وفيه مراكز حكوميه لكن متنقله ليس لها مكان ثابت حتى اقولك من وين تبداء او تنتهي

وكلها تحد الربع الخالي التي تمتد منها الدهناء ....

ولكن اعتقد والله العالم انها من التوضحيه يسمونها الدهناء وكلها امتداد الربع الخالي

والسلام عليكم

ارجوا الافاده
:good: :good: :good: :good:
خيال الغلبا
24/12/2004, 08:50 PM
جزاك الله خير .... وماقصرت معلومة رائعة كنت ابحث عنها من فترة
محب الشمال
02/01/2005, 12:52 PM
الله يجزاك خير
ويكثر من امثالك
ويا هلا بك