سؤال عن سلة لكزس lx570 ..؟

[مصمك تميم]

السلام عليكم

يالربع بغيت أسألكم من عنده علم عن سعر سلة لكزس lx570 الجيب اللي تركب فوق من الوكاله ..؟

عندنا بالكويت سعرها 380 د.ك ، مع التركيب تجي 500د.ك ..؟ معقوووله ذي سعرها ..؟

يعني الريال 6.300 تقريباً ..؟

أبي أعرف عندكم بالوكالة كم سعره اللي عنده علم ..؟

ودمتم سالمين .. والسلام خير ختام

[rescol]

الا ياربي اني داخلن على الله ثم عليك !!!

عن نفسي مااستبعد غلا السلة الاصلية للسيارات عموما
لان معي جيب سلقه وبغيت له حقت الجيب المتسوبيشي ( الربع ) وسالت بوكالته وقالو بالفيت وثمان ماية فقلت والله لو انه ذهب ماصارت بهالقيمة

[kasb]

أنا عندي (vx-r 2009) وركبت سلة فوق السيارة بقفل وشريتها من محلات السليماني بالغرابي عندنا في الرياض بـ (950ريال) وجربتها في هذه الإجازة سافرت إلى مكة أنا والأولاد وهي ممتازة..

وأظن أنها تركب على ألب السيارات

ووجدت غيرها بـ (650ريال) في محلات العوبثاني في الغرابي لكن الأولى أفضل لأنها من البلاستك القوي أما الثانية الرخيصة من فيبر ضعيف

الأولى أظن صناعتها كندية أو أمريكية أما الثانية فصناعتها صينية

[مصمك تميم]

حذف هذه المشاركة

[مصمك تميم]

أخوي rescol .. ماادري ليش السعر غالي كذا على سلة .. أشكرك عالمتابعه ..






أنا عندي (vx-r 2009) وركبت سلة فوق السيارة بقفل وشريتها من محلات السليماني بالغرابي عندنا في الرياض بـ (950ريال) وجربتها في هذه الإجازة سافرت إلى مكة أنا والأولاد وهي ممتازة..


الحمدلله عالسلامة وتقبل الله طاعتك .. أولاً :)


ثانياً :
اخوي KASB هل تقصد نفس اللي بالصوره السلة اللي فوق ..؟




http://www.mekshat.com/pix/upload03/images102/mk114150_2009_lexus_lx570_dc-800x400.jpg


انا اللي أبيها نفس اللي راكبه عالسياره ذي ..


وبالنسبة لسعرك أنا قبل شوي سألت وكالة الفطيم بالإمارات يقولي سعرها 2.300 درهم .. بس بدون تركيب ، وسعرها يفرق كثير عن الكويت .. فما أتوقع انك تقصد السلة اللي نفس الصورة ..!

[مصمك تميم]

للرفع .....

[q.8]

اخوي التركيب مو مشكله سهل جدا وانا مستعد اركبه لك :)

وفيه بشارع الزينه مشابهه لهذه السله وتقدر تصبغها بعد ب40 دينار

[مصمك تميم]

الله يرضى عليك q8 أنا عارف انها موجوده بشارع الزينة بـ40 د.ك ، وتره حتى الزنون موجود بشارع الزينة بـ1د.ك .. :) :)

اللي بشارع الزينة مو أصلية وتبين انها تجارية وبعدها أكييد انها تطلع صوت بالممشى ..

أشكرك عالمشاركة .. :)

[برق و سحاب]

جيب لكزس بنص مليون وتدور سله سقف غريبه!!!! ومستكثر عليها 6000 ريال !!
مد رجليك على قد لحافك وخاصه في هالبرد الأقشر وش يضرك لو انت شاري لك هايلوكس بيقمة هالسله واسترحت من غثاء البحث عنها . ويكفيك انك بتحمل كل عفشك بدون تربيط وحبال !
انصحك تبيع الجيب وانا بشتريه ومانيب مخسرك باخذه بنص القيمه اللي انت اشتريته به مانقدر على زعلك.
اذا رغبت في الصفقه عندك الخاص اهلاً وسهلاً
والمده محدوده

[ALMOKTAR]

ياخي الرجال نزل الموضوع يبي الفزعه وانت تقول يبع بنص السعر
هذا الكلام مايصلح
يا صاحب الموضوع روح لمحلات الزين راح تلقاها تقريباً بحول التسعمية ريال سعودي
وانا متأكد وشفتها قبل كذا

[مصمك تميم]

(برق و سحاب)
أولاً : الجيب ماهو بنص مليون .
ثانياً : موسالفة استكثار أو بخل ، السالفة ان السلة منظر وليس فقط للعفش ، ماني مجنون آخذ جيب لكزس عشان أربط عفش وأدخل فيه البر مثل ماقلت آخذ هايلكس .
ثالثاً : الجيب لخوي ماهو لي عشان أقولك ليش أبي السلة .
رابعاً : أركب الجيب وأركب الهايلكس ، اذا قلت بعدها أبي أشتري لكزس تراني ماني بسؤول :p
خامساً : أشكرك عالرد وسعة الصدر والجيب مايغلى عليك عشان تاخذه بنص السعر .:good:


(ALMOKTAR)
أشكرك عالفزعه .. السلة اللي بشارع الزينه أنا عارف انها رخيصه لكن مثل ماقلت فيما سبق ، السلة التجارية فيها عيوب ، تبين انها تجاريه وتطلع صوت مع المشي وتتفكك مع الوقت وووو وغيرها من عيوب التجاري والتقليد ..
عموماً شاكرلك مرورك المشرف على القلب ..

[العزوبي711]

اولا نشكر صاحب الموضوع لسعة صدره للردود
ثانيا فيه واحد من الربع جابها من الامارات ب 2200 درهم
وارجو انني افدتك فى موضوعك

[مصمك تميم]

اولا نشكر صاحب الموضوع لسعة صدره للردود
ثانيا فيه واحد من الربع جابها من الامارات ب 2200 درهم
وارجو انني افدتك فى موضوعك

أشكرك هذا من ذوقك ..
انا الآن بالامارات وشفتها مثل ماقلت بس زود 100 درهم .. وبكره رايح للرياض وبمر الوكالة بسألها .. ان كانت تسوى خذيتها لخوي وإلاّ فـ ( ـحلات الثوب رقعته منه وفيه ) ..