تكفون للي يعرف لهالمشكله يعطيني الحل

[هاوي الشتاء]

معاي جيب لكزس 470 موديل 2005 فيه هزهزه من قدام غيرت المساعدات الاماميه قلت بس ماراحت والهايدروليك شيكت عليه سليم ان شاء الله كذلك نزلت ضغط الكفرات الى 35 ولسه بعد موجود ارجو من اللي يعرف الحل بس يفيدني ويجزاك الله الف خير

[ابو خالد 1992]

السلام عليكم ورحمه الله
ماوضحت اخوي الهزهزة اللي تقول على سرعة وكم السرعة ولا على ملف بالطريقة هذي توضح واكيد الشباب ماراح يبخلون عليك بشي .

[الربع الغالي]

شيك على طرمبة زيت الدركسون وجلب دوده الدركسون
في ميزان اليرموك أو العضيب

[hani458]

اعتقد ان المشكله عندك في الجنوط فيها عفطات رح لميزان العضيب في الصناعيه وقل ابغى ترصيص ارضي وبتتاكد من هذا الموضوع

[كرفان]

معاي جيب لكزس 470 موديل 2005 فيه هزهزه من قدام غيرت المساعدات الاماميه قلت بس ماراحت والهايدروليك شيكت عليه سليم انشاء الله كذلك نزلت ضغط الكفرات الى 35 ولسه بعد موجود ارجو من اللي يعرف الحل بس يفيدني ويجزاك الله الف خير

السلام عليك ياهاوي الشتاء.
بانسبة للمشكله هناك أنواع للإهتزاز منها.
1- إهتزاز بعنى رجه أي كأن السيارة تمشي على طريق بري (بطناج)
2- إهتزاز بشكل يجعل السيارة تتمايل يمينا ويسارا مثل سياره متوقفه وشخص يقوم بهزها من اليمين أو اليسار أشبه به السيارة في حالة التغريز.
3-إهتزاز شبيه بوضعية الدعس على البريك بصورة متقطعة.
حاول أخي الكريم تصنيف نوعية الإهتزاز من الثلاثة التي ذكرتها لك بكل دقة مع تمنياتي لك بالتوفيق:cool:

[كاشخ 24 ساعه]

الهزه عندك في الكفرات الاماميه

تلقا وحده منها محبله

[وحيد الصحراء]

انا صار معي نفس المشكلة تقريبا ورحت لميزان العضيب وكلفني شغل اليد مع تغيير كامل لمقدمه السيارة من مقصات وجلد واذرعة تقريبا 3500 ريال قلت الموتر خلاص معد فيه شي بعد ما طلعت من الورشه نفس الوضع مع اني مركب طقم جديد للكفرات في النهايه رحت لواحد مهندس في ورشه اعرفه قال المشكله عندك في عمود الدبل فعلا فكيت العمود عنده في دقايق شغله 8 مسامير قال افحص المتور الان وجربت السيارة ماشاء الله تقول طالع من الوكاله غيرت العمود اصلي من الوكاله 700 ريال بعدها الموتر زي العسل معي وبدون اي رجه اوحذف

قبل ما تسوي شي حاول تفحص عمود الدبل اكيد راح يوفر عليك مبالغ كثيره

وتقبل تحياتي اخوك وحيد الصحراء التميمي

[العتل]

الاخوان ماقصروا معك عطوك اقتراحات كثيرة
لكن تاكد من الاهتزاز إذا كان على شكل هويات فهو من الهيدروليك
وتقبل تحياتي

[كاشت وحداني]

اذا كنت بالرياض عليك بميزان اليرموك
صادقين ولا عندهم لف ودوران
واختبرتهم بنفسي

مريت العضيب قلت شيك على الشياره
طلع وعطاني ورقه
قال يبي لك مساعد يمين
وكبس مساعد خلفي
وعندك انحراف في الكفر الايسر
جب القطع على بال ما نفك ونسوي
قلت لا بجيكم بعدين
ورحت لليرموك
وقلت شيك على السياره
قال موترك سليم
قلت ما يحتاج كبس مساعد ولا تغيير مساعد يمين قال ميه ميه بالملي

منو الصادق فيهم
العضيب مجرد اسم منتشر وكل حفره مؤجره على بنقالي او يماني

[كبسولة2]

هذه الهزهزة طبيعية في كل جيوب الكزس الأستخدام الأمريكي

نصيحة لوجه الله لا تلعب في موترك ثلاث جيوب لكزس فيها نفس الكلام الي تقوله

كأنها تمايل السيارة لا مشيت مع بطناج أو تمهيده وإذا أسرعت خفت وإذا هديت زادت

طبيعية في جيوب الكزس ولا لها حل أبداً الأ بألغاء الهدروليك نهائي

[هاوي الشتاء]

طبيعة الهز ماهو برجه لامشيت من قبل ال 100 وجيت على اي طلعات ونزلات على الخط تبدا تلعب شوي فوق تحت من قدام مثل الكابريس القديم تقريبا ومشكور وجزا الله خير على من تكلف وساعدني بالمشوره ....

[هاوي الشتاء]

مشكووووووووووووور لجميع من وضعوا اقتراحاتهم جزيل الشكر والحمد لله كانت المشكله بس تغيير كور الهيدروليك وطلع الموتر من بعدها تمام التمام.............

[بدوي جنوبي]

ينقل لقسم الاعطال

[ابو شدخ2486]

السلام عليكم
كيف الحال.....؟
ممكن الكفرات اللي قدام فيها مسح <<<<وضح اكثر
يعني سحبت فرامل على سرعة ممكن تكون من الكفرات اللي قدام او على ما قالو الشباب الجنوط فيها عفط