استفسار عاجل جداً جداً عن سوبربان شفروليه

[طخيمان]

يا جماعة الخير الموضوع وبكل اختصار انه معروض علي سوبر بان امريكي (بطاقة جمركية)
موديله 2006 وبسعر زين بس انه شفروليه مهوب جي ام سي

فهل فيه فرق او مشاكل في الشفروليه مع العلم ان ممشاه 100 ألف ميل او كيلو والله اني منيب متأكد

عاجل جداً جداً

[لن أمل من العطاء]

ما فيه اي فرق بين جي ام سي يوكون اكس لارج او شيفروليه سوبربان فكلهم وجهان لعملة واحده كل القطع مثل بعض حتى في الجوده

اللهم اختلاف المسمى واختلاف بعض الديكور في السيارة والشعارات فقط

لكن انت اللي لقيته اش مقاسه 1500 او 2500 دفع رباعي او عادي واش الفئة يعني L S او L T
وبالنسبه للممشى فهو طبيعي حتى لو كان 100 الف ميل يعني 160 الف كيلو فهو طبيعي
ورزقك الله خيره وصرف عنك شره مقدما

[مكشاتي كوكتيل]

ترا السوبربان الجي أم سي والسوبربان الشيفرولية نفس الشيء ولايختلفون إلا في خط الإنتاج النهائي. يعني مثل ماقال أخوي لن أمل من العطاء الفرق بس في الشعارات والوجهية فقط.

الله يعطيك خيره ويكفيك شره ويكتب لك الخيرة .

[قوقل ارث]

قبل اسبوع اشتريت واحد مثله م 2006 ماشي 96 الف ميل دفع رباعي فل كامل لكن بدون شاشة عرض دي في دي او فتحه لونه رصاصي والبدي نظيف مراتب جلد بسعر 68 الف ريال وبصراحة الموتر اعجبني مشيت علية مشوارين للرياض ما فيه احسن منه والله يطعمنا من خيره ويكفينا شره

[كبسولة2]

مافيه فرق بينهم الا في الشبك فقط

وأسعارها مابين 68 ألف ريال إلى 75 ألف ريال للنظيف

بس عيب الموديلات 2003 وفوق تعطل عداد السرعة كل شوي ولخبطة البرمجة

الكمبيوتر المطلوب جميع أنواع الجمسات واليوكنات والشفرات من 2002 وتحت

وسعرها أغلى من 2003 وفوق لخلوها من المشاكل