اذا ظربت فرامل السياره تحذف يسار وش معناة هالشي ومن ايش ؟

[عاشق z71]

السلام عليكم ورحمة الله وبركاته

ياجماعة الخير عندي تاهو 2005 اذا ظربت فرامل سواء بقوه او على خفيف السياره تحذف يسار

مع ان السياره مافي حذفه وانت ماشي عادي

ايش الاشياء المتوقعه تكون خربانه عندي

وهل خرط الهوبات له علاقه بالهشي

لان المعرض الي شاري منه السياره كانت الهوبات خربانه مره معدومه وقلتله يغيرها ورفظ لاكنه خرطها وركب فحمات تجاري هل لهذا الشي دور بالحذفه

والله يجزاكم خير مقدما

[أمير المصفحات]

هلا بك أخوي
يشرفني أن أكون أول من رد على موضوعك

شوف يالغالي

أنا موتري جمس حوض 80 صارت معي المشكلة
ورحت للصناعية وطلعت المشكلة من الكليبر واحد منهم يمسك قبل الثاني واللي يمسك قبل الاول يحذف الموتر جهته
ويكون الخلل في واحد من هالاشياء:
1- تأكد من مسمار الكليبر يمكن يبغاله تشحيم .
2- تأكد من جلدة مسمار الكليبر يمكن تكون مقطعه.
3- تأكد من البستم اللي داخل الكليبر والجلد حقه لايكون فيها تنسيم.
4- تأكد من ليات الفرامل لا يكون فيها تنسيم وتهرب زيت.
5- لا تنسى تتأكد من الفحمات ونصيحه خذ لك هوبات وفحمات اصليه وارتاح يالغالي.

هذا مالدي وأتمنى اني افدتك

تحياتي
أمير المصفحات

[شقن بقا]

أخوي إذا كانت السيارة تحذف يمين أو يسار معناته إن واحد من الكفرات اللي يمسك فرامل والثاني ما يمسك والمشكلة اللي عندك يعني الكفر اليمين ما يمسك فرامل يبغالك حاجة بسيطة أوليه أول شي نسم هواء لي الفرامل حق الكفر الأيمن لين يخرج الهواء كله وماعاد تشوف إلا زيت يخرج بدل الهوا بعدين قفل عليه زين( تلقاه معبي هواء) وإذا خلصت جرب السيارة وإذا كانت المشكلة لا زالت موجودة عليك التأكد من القماشات وهذا من خبرة بسيطة أتمنى إني أفدتك بشي لو بسيط

[غنام11]

المشكله بسيطه ياعاشق تاكد جلده الكليبر واخرط الهوبات (مسح فقط) وركب فحمات جديده واصليه وان شاء الله يرجع جديد....
تقبل مروري...

[كبسولة2]

أخوي فك القماشات وزرقنها ( يعني فيه حاجة تحط بين الكليبر لكي يرجع للخير)

وشيك على الجلد وسوي تنسيم وزنية فرامل وأمورك تيسر

[لن أمل من العطاء]

انا كان معي نفس المشكله

الحل
اصلاح كليبر
مسامير كلبير مع وردات مثل الانبوب
مسح الهوبات
تغيير الاقمشة (ملاحظة الاقمشه يجي معاها جلد دائرية تركب في المسامير والانابيب وهي مهمه جدا جدا )

الشيء الاخير

اذا ركبت هذا كله تمشي بالسيارة تقريبا 300 كم تمرين بعدها تجي على مكان تستطيع ان تسحف السيارة عليع (سفلت وبطحاء) وتضغط على الفرامل بقوة ويشتغل الايه بي اس وهو بنفسه يوزن كمية ضخ الزيت للكليبر
وهذي الاخيره اهم شيء



تحياتي لك

كان عندي نفس المشكله وحيتها الا اخر شيء ما طبقته الا بعد ما قالي ميكانيكي خبير

[ابوفرايديز]

مثل ماقالو الاخوان غير اصلاح الكليبر وماتشوف الا كل خير

[كرفان]

ماقصروا الإخوان بس باقي شي واحد ماذكروه وهو بسيط جدا فنقص الهواء في إطار واحد يؤدي إلى حذف السيارة جهة الإطار الناقص عن الثاني . وكذلك حجم الإطار الذي يكون أصغر من الآخر ولو بقليل رغم تعادل ضغط الهواء بهما.:cool:

[باثفندر]

قبل تخسر هل وزنت اذرعة ؟؟؟

[تناهيت]

السلام عليكم ورحمة الله وبركاته

ياجماعة الخير عندي تاهو 2005 اذا ظربت فرامل سواء بقوه او على خفيف السياره تحذف يسار

مع ان السياره مافي حذفه وانت ماشي عادي

ايش الاشياء المتوقعه تكون خربانه عندي

وهل خرط الهوبات له علاقه بالهشي

لان المعرض الي شاري منه السياره كانت الهوبات خربانه مره معدومه وقلتله يغيرها ورفظ لاكنه خرطها وركب فحمات تجاري هل لهذا الشي دور بالحذفه

والله يجزاكم خير مقدما

عاشق من رأيي الشخصي انك شخصت المشكلة دون ان تعلم ومع احترامي الشديد لأراء الأخوان بخصوص الكليبرات ووزنها وامور اخرى انا اقول لك غير هوبات جديده وفحمات اصليه ( قد تكون مساحه هوب تختلف عن اخرى من ناحية السماكه وهذا له دور كبير فيما ذكرت ))ولاحظ الفرق وللمعلومية سيارتي الخاصة اخرط الهوب مرة واحده فقط واغير الهوب في المرة القادمة مع اني احتاط في تغيير الفحمات قبل وصول السسته للهوب وتحتك فيه لكن بعض الأحيان لا يستطيع الواحد ان يقوم بذلك لضيق الوقت فتحصل مشكلة خرط الهوبات >>وحتى اذا انتهى عمر الفحمات الأفتراضي وصاحب ذلك احتكاك السسته بالهوب هذا لا يعني انك بحاجة لخرط كامل للهوب فقد تحتاج فقط لصنفرة يدويه للهوب بواسطه ورق الصنفرة الخشن ودمتم ،،

عاشق جب الموتر في سعد ونقلبه فيذاك >> او تخاف يزعلون عليك لأنه موب حوض >> عادي اكتب علية تاهو غمارة :j

[عاشق z71]

اشكر الجميع فردا فرد على هالمعلومات القيمه

والي تبين من كلامكم جميعا انه طقم اصلاح او هوبات

الله يجزاكم الف خير جميعا

اخوي تناهيت كلامك مقنع تماما وهذي اول خطوه بسيوها اذا مازانت عاد نشوف حل بطقم الاصلاح

وودي والله اجيبه بسعد بس الشروط ماتسمح مدري وش الدبره