جيب سفاري فتك الي اصحاب الخبرة(عاجل) [الأرشيف]

مشاهدة النسخة كاملة : جيب سفاري فتك الي اصحاب الخبرة(عاجل)

برق كميت

02/03/2009, 07:35 PM

السلام عليكم ورحمة اللة وبركاته :
السيارة جيب فتك موديل 2004
نوع العطل: السيارة وهية واقفة المكينة صافية وعند التحرك اوالضغط علي دواسة البنزين لاتقبل البنزين دخلة السيارة ورشة وغير بواجي صارة السيارة تقبل بنزين لكن مهيب صافية المكينة مرة و يطلع بعض الاحيان صوة انفجار رجععتها للورشة وكل يوم يقول غير شي حتي الان تم تغير منظم هواء وطرمبة بنزين وتم تنظيف البخخات بعد ذلك صفة المكينة لكن مازال صوة الانفجار يطلع بعض الاحيان،امل من الآخوان الي يعرف سبب المشكلة او ورشة متخصصة بالفتك بالرياض تزويدي بعنوانها ولكم جزيل الشكر.

برق كميت

02/03/2009, 11:43 PM

وين اهل الخبرة للرفع

مرجووج

02/03/2009, 11:50 PM

السلام عليكم ورحمة الله وبركاته ...................................
تاكد من اللعاب اللي بثلاجة البخاخ فوق المكينه يصير .........

برق كميت

02/03/2009, 11:55 PM

الا خ مرجووج كييف اتاكد من الللعاب وش قصدك يصير ويعطيك العافية

مرجووج

03/03/2009, 01:11 AM

تخبر حقت البليتين اللسان اللي من داخل.
بالبخاخ تجي فيبر وتعلق وتنشب عشان يقطع ولا يصفي لو تغير المكينه ...
على فكرة تر الخبر هذا لقيته بالمنتدى وياليت تتاكد.. تحصل الموضوع برابطة ملاك
الباترول .... تقبل مروووررري

برق كميت

03/03/2009, 11:18 PM

يعطيك الف عافية اخ مرجووج

مرجووج

04/03/2009, 02:48 AM

السلام عليكم ....
اخ برق بشر وش صار على المووتر ... ولقيت اللي فلت لك ولا لا .. اذ ما لقيته اعطيك رقم الجوال وتتصل علي اقولك وين ......

برق كميت

04/03/2009, 10:12 PM

الأخ مرجوج :أمل الاتصال علي جوال0554403134 ولك جزيل الشكر

برق كميت

05/03/2009, 06:11 PM

للرفع مع الشكر

عبده شرشر

05/03/2009, 08:47 PM

للرفع مع الشكر
تأكد من صفاي البنزين

برق كميت

06/03/2009, 01:47 PM

للرفع وين راعين الفتك الي يخبرون ورشة

إعصار

06/03/2009, 02:19 PM

للرررررفع ..

الله يفك عوق موترك .. ويجعله أحسن من أول ..

وسهلة وتنحل بأذن الله ..

وين عاشق السيل .. المميز .. لن أمل العطاء .. بدوي جنوبي .. وباقي الاخوان ..

mansoursh

06/03/2009, 02:37 PM

1 - اسلاك البوجي والبواجي تكون اصلي من الحمراني لا يكون اصلي سوق

2 - اعد تقسيمة الاسلاك من جديد ،،،،، احرص لايكون قد انقطع منها شي

3 - المشكله قد تكون كهرباء هو ما يسبب الانفجار ،،،،،،

ابوفيصل

برق كميت

06/03/2009, 06:26 PM

يطيك العافية عبدة شرشروتم التأكد من صفاية البنزين ومزالت السيارة زي ماهي

برق كميت

06/03/2009, 06:29 PM

الاخ ابوفيصل البواجي ماخذها من الوكالة والسيارة صافية جداً ولكن بعض المرات يطلع صوة الانفجار(ترمي). ويعطيك العافيةعلي مرورك

برق كميت

06/03/2009, 07:27 PM

الاخ اعصارجزاك الله الف خير

دانكن

06/03/2009, 08:21 PM

شيك على الديلكو اللي بوجه المكينة يمكن انه رايح يمين ولا يسار لازم يكون المسمار بالوسط .. :) ..

قلبي بريده

06/03/2009, 08:28 PM

الإنفجار يمكن حساسات والله أعلم

معدي المرقاب

06/03/2009, 10:31 PM

اخي نفس المشكله مغي غيرت كل شي وطلعت من اسلاك البواجي

برق كميت

08/03/2009, 08:10 PM

الان السيارة الورشة تم التشيك علي اسلاك البواجي علي الكويلات علي الديلكو ومازالت السيارة اذا وصلة السرعة الي 100 ورفعة رجلي عن البنزين طلع صوة الانفجار(رمي)وين اهل الخبرة

هااااوي البر

08/03/2009, 08:41 PM

انصحك توديده ورشه في الرياض اسمها بن مرضاح

برق كميت

08/03/2009, 09:24 PM

الاخ هااااوي البرموقع الورشة لو تكرمة

عبسي4800

08/03/2009, 09:57 PM

نفس المشكله بموتري

بس كان فيه قطعه خفيفه

والموتر شغال وواقف

وشيكت على الكويلات

وصارن مرتخيات وكبستهن مظبوط

وراحت التفتفه بس الانفجار يروح ويجي الا الحين بس انه اخف من اول

واتوقع انه ن الكويلات

والله اعلم

برق كميت

08/03/2009, 10:03 PM

يعطيك العافية تم التشيك على الكويلات ومازالت الفرقعة

شبح الموت

09/03/2009, 12:47 AM

وجه ثلاجة المكينة

باذن الله منه نفس الاعراض بالتمام

حاب الربع

09/03/2009, 01:02 AM

السلام عليكم
اخوي المشكله هذي صارت مع واحد من الشباب ومثلك غير وخسر بواجي و حساسات الخ ....
موترك يبغاله برمجه سعره رخيص الرجال صلحه بالقصسيم
الله يوفقك
علمنا وش يصير عليك

بوسعود 180

09/03/2009, 02:32 AM

rayes3

09/03/2009, 08:35 AM

الاخ العزيز /برق كميت
من تجربة حصل صوت الانفجار قبل توقف طرمبة البنزين
على كذا يتضح ان ضعف دفع طرمبة البنزين هو سبب الانفجار
ارجوا فحص قوة دفع طرمبة البنزين قبل تغييرها

دفي الوقت

09/03/2009, 09:08 AM

الرمي عاده من الديلكو يبي له وزن

برق كميت

09/03/2009, 09:54 PM

وجه ثلاجة المكينة

باذن الله منه نفس الاعراض بالتمام

يعطيك العافية وبتأكد من وجة الثلاجة

برق كميت

09/03/2009, 09:59 PM

اذا قصدك بالانفجار ان شكمانه من اخر شي يثور فهذا الشي طبيعي بالنسبه للفتك
وبسألك سؤال علشان اتاكد

الانفجار اللي تقول عنه يجي بعد جور شوي على السياره او بعد قطع مسافه طويله نسبياً؟

وعلشان تتطمن ود سيارتك للورش الكبيره والمعروفه واللي سمعتها جيده وافحص موترك بالكمبيوتر ب150 ريال بالكثير

اذا قطع مسافة تقريباً 2 كيلو من دون جور يطلع الانفجار يعني اذا احتمة شوي طلع والسيارة واليوم تم فحص السيارة كمبيوتر وكل شي سليم

برق كميت

09/03/2009, 10:01 PM

الرمي عاده من الديلكو يبي له وزن

تم التأكد من الديلكو ويعطيك العافية

جيب الربع

09/03/2009, 10:10 PM

يااخى الانفجار منوين تسمعه مع الشكمان ولا مع الفلتر سحب الهوا المكينه

وراد البدائع

09/03/2009, 10:13 PM

رح لورشة الجابري بالصناعية القديمه وتبي تدعي لي ان شاء الله صحيح غالي شوي بس يطيح على العله باذن الله انا صار معي قريب من هاالمشكله ورحت للوكاله وقالولي غير وغير بحدود 4000ريال ورحت للجابري والله ماغير ولاقطعة وصفت زي الالف ووصف الورشه اذا طلعت من نفق الامير سلمان وانت جاي من شرق ارجع مع اول اشاره ثم اول شارع يمين ادخل معه وامش حوالي 200 م تجيك الورشه على اليسار
ارجو اني افدتك

برق كميت

09/03/2009, 10:15 PM

يااخى الانفجار منوين تسمعه مع الشكمان ولا مع الفلتر سحب الهوا المكينه

مع الشكمان

مقلع الرمث

09/03/2009, 10:22 PM

يااخ برق اتوقع ان الانفجار يطلع بعد ماتدوس وترفع رجلك عن الدواسه تسمع صوت انفجار هذا عااادي وهذا عندك السياره ماتحرق اكويس لذالك رد علي واعلمك الطريقه السنعه

أبو أسامة

09/03/2009, 10:36 PM

يا أخي الكريم :

سيكثر الكلام حول كيفية حل المشكلة ولكن يجب أن المشكلة لديك في الكهرباء ونصيحة لوجه الله تأكد من الكهرباء بالكامل ولا تغير أي شيء إلا في حالة الضمان يعني إذا لم تنحل المشكلة يعطيك قيمة القطعه اللي طلبها....... وبالعربي الفصيح لا تمر أي مكانيكي بل إذهب لكهربائي ..... لأن الإنفجار دائما ً يحدث بسبب إن البنزين يخرج مع الشكمان وهو من سبب ضعف في إحتراقه في السلند وممكن يكون من البواجي أو من الأسلاك أو الديلكو أو الكويل ....... وآخر شيء وأستعبده هو إن الكمبيوتر يبيله أعادة برمجه بسبب أنه يأمر بأرسال كمية من البنزين أكبر من المطلوب وأستبعدها بسبب ندرة حدوثها ...... ( بعد ما تنتهي من الكهرباء ولم تنحل المشكلة قد تكون من البلووف لكن أستبعدها لأنك تقول أن السيارة وهي واقفه ما فيها مشاكل ) وعسى الله يعينك ........ أخي الكريم أنظر لصندوق الرسائل لديك ستجد رقم كهربائي ممتاز جداً ومكانه بالصناعية القديمه وسعره رخيص بس أنتبه لا يطمع فيك . وهو يمني الجنسية بس عز الله أنه أحسن كهربائي شفته بحياتي وأحمد الله أني لقيته لأني قبل ما تركت كهربائي سيارات إلا جيته بعضهم يتعلم على سيارتي وبعضهم غاليين على غير سنع والجابري سعره خيالي ويبيلك تمسك سره كم يوم ويتدلع عليك يقول سيارات قديمه ما يشتغلها والله لو أنه يشتغل ببلاش ...... المهم صندوق الرسائل .....

قاطع الفيافي

09/03/2009, 10:52 PM

شف حبيبي برق كميت غيرت بواجي اصلي
وصوت الانفجار زي بووف يطلع من الشكمان اذا كان هو فهذا يطلع وساخة وإذا
أنت تعبي 91 بدله بنزين 95 بيصفا قد صارلي معي سوبر99 كنت اعبي
91وطلع الصوت عقبها غيرته بنزين 95 طلع مثل الحلاوة

برق كميت

10/03/2009, 08:44 PM

يعطيكم العافية لجميع الاخوان الي ردو علي صدفة اليوم وانا فاتح كبوة السيارة لقية قسام الراجع من البنزين الموجود في الماصورة الخاصة بالبخاخات منعفطة ولايدخل الي زين تتوقعون يكون منها.

سيف1420

11/03/2009, 11:23 AM

الصراحة بقول كلام انا متأكد انه يزعل ملاك الفتك بس هذا الواقع

بصراحة انا ارى ان الموديلات من 2002وفوق جميعها فيها مشاكل كهربائيه كبيرة ومكلفة جداً في الصيانه الاخ غير دعاسة بنزين ب6000والكمبيوتر حقه 5000 والماكينة ماتلقى مستعمل الافوق 20000والكويلات مع كل راتب غير كويل00000000الخ
الحقيقة الموديلات القديمة افضل واسهل صيانة واقل اعطال
صحيح ان الموديلات الجديدة اقوى عزم ولكنها صديقة حميمة للورش
والحقيقة انني استخدمت الموديلين وكلامي مبني على تجربه والموقع خير شاهد على مشاكل الفتك
ارجوا عدم التعصب للفتك وتحكيم العقل
وانا لوبشتري جديد مااشتريت الاتايوتا حتى لوكان اقل نوع مع العلم انني استخدم الان سوبر سفاري موديل 2000وفي السابق كان عندي موديل2002
والله الموفق
اخوكم ابوسيف

أبو فهد العيد

11/03/2009, 11:30 AM

كان عندي وغيرت بليتين وضبط....

فكسه

12/03/2009, 12:07 AM

ممكن يكون سلك الكويل اوا الكويل تالف قد صارتلي جلس سنه واقف عند الباب وتم كشفه بالصدفه وشكرا

1988

17/03/2009, 02:55 AM

المشكله عندك بنظام البنزين 100% وقل ماقاله1988

شمال الجنوب

17/03/2009, 04:04 AM

السلام عليكم

اخي الكريم باختصار شيك على الكنداسه

منت بخسران شي......ولا تاخذ وقت

والسلام ختام

ابوو نايف

11/06/2011, 12:39 AM

السلام عليكم

اخوي ما ادري انحلت معك المشكله ولا لا

اذا انحلت تكفى .. ابي الحل

لاني اعاني من نفس المشكله

سيارتي مكسيما 2001

yaf

11/06/2011, 08:35 AM

ابوو نايف

11/06/2011, 08:56 AM

اخي الكــــريـــــــــــم السلام عليكم

العطل من الكهــــــــــرباء

وتاكـــــد من (البيب يونه) حقها

بحدود 20ريال ولها مشاكل

واهم شى كم الكهرباء الخارج منها

وان شاء الله تدعيلي :good2:

الله لا يحرمك الاجر اخوي .. وييسر امرك وين ما تروح

وبدعي لك حتى لو ما اضبطت

طيب ما تعرف لي كهربائي عليه الكلام وممتاز في هالامور

لاني ابيه يشيك على اللي ذكرت وعلى اسلاك البواجي وغيره

ولدالديره009

11/06/2011, 09:06 AM

السلام عليكم
مرحبا اخوي ابونايف
غالباً يكون صوت انفجار او رمي من تقسيمة الكهرباء الديلكو او نقص بالنزين وبالتوفيق

ابوو نايف

11/06/2011, 11:41 AM

وعليكم السلام
حياك الله ولد الديره

اشكرك على المعلومه .

الله يكتب اجرك

cordoba

29/10/2011, 11:41 AM

اخي الكريم العطل عندك في نظام اخراج نسم السلندر ( العادم )
الشكمان انا مهي فتك 2002 سوبر سفاري اذا رفعت رجلي عن البانزين فرقع
له عندي 9 سنوات وهو على الحال

تقبل مروري

أبوعجه

29/10/2011, 01:29 PM

انا بادلي بدلوي
ششيك على الكهرباء
انت شيكت على القزوز يمكن السبب
وعندك البانزين لا تعبي 91 عب 95 احسن
والله ييسر امورك

فتك ب ص ع

29/10/2011, 03:24 PM

شف الكويلات يمكن فيهم ضعف

ابو ماجد vtc

29/10/2011, 09:38 PM

السلام عليكم
شوف اخوي الكنداسه عندك اذا القزوز فيها تنسيم او اذا شلت دبت العادم راح يعطيك انفجار انا حصلت معي ولما ركبت له هيدرز كامل راح الانفجار والحمد لله لكن مادري هو من القزوز او دبت العادم

suk

29/10/2011, 10:45 PM

شيك على بساتم المكينه

ابو فهد العزي

29/10/2011, 11:53 PM

طيب تئكد من خرطوش هواء القربه الكبير الي يوصل من البخاخ للقربه
اذا فيه اي نقطة تنسيم هواء يسبب ضعف في العزم وتفتفه بسيطه مع المشي
واهتزاز في القومه واذا السياره واقفه ماعليها ممتازه