مستخدم سيم معلق في ربط فرامل سيارة !

[absent4]

هذه جيب له شهر معي حطيته علي حفرة اشوف سيم معلق لفه راعية الاول

علي قطعة ميكانيكية فيها مواسير زيت الفرامل فيها ياي صغير و مسمار وزن

واخذ لها صورتين

http://absent4.googlepages.com/gk.JPG

هذه صورة الثانيه اخذه من اسفل القطعة

http://absent4.googlepages.com/g.JPG

اللي عنده معلومة اكيد يفدني فيه ليه ربط كذه ؟

وش رايكم اقص السيم ولا اتركة علي وضعه ؟

[مكشاتي كوكتيل]

افاااااااا ياشباب الموضوع نزل لأسفل الصفحة وماأحد رد على إستفسار الرجال؟

المعذرة ياأخوي ماأقدر أفتيك لكن يبي يفيدونك الشباب إن شاء الله.

[صلهامه]

وعليكم السلام

تلقى اللى يمسكها الاول منقطم او خرب

وراعى السياره داخ السبع دوخات عليه وما لقاه

رأيى لك تدخل لك حدى هالورش وتشوف مثل هالسيارة وتشوف هالقطعه

بينى وبينك اشوف انك ما تحرك فيها شي دامها ممشية امورك بس انتبه عليها لا تصدى بعدين

سلام

[لن أمل من العطاء]

هذا يقوم بوزيع ضغط الزيت بين الكفرين الخلفية في حالة الميلان وهو ضروري جدا حاول اصلاحة مثل بلد المصنع

[absent4]

شباب

القطعة شكلها سليم ما فيها شى

لكن صاحبة الاول رابطها بسيم !!!

[Abu Saad]

والله مدري بس كاني منيب واهم انه خاص بانبير البنزين بحيث يكون الانبير ثابت بعد اطفاء السيارة ( هذا في الدداسن طلع من 93 وفوق) وكان قبلها اذا طفيت السيارة ينزل انمبير البنزين مثله مثل امبير الحرارة ...الي خلاني اقول يمكن انه هو لان شكله مشابه له تقريبا.
عموما رح للورشه وشف وش سنعه يمكن يكون حق فرامل زي ماذكرت او شف نفس سيارتك وناظر اسفلها وتاكد.
وبالتوفيق

[الشقردي]

مرة كنت رايح للفحص الدوري وسقطوا الجيب في الفرامل الخلفية وانها ضعيفه
رحت لأحد هالورش اللي حول الفحص قالوا نصلح لك العطل
قام وربط سيم ورى حول مكانك هذا. وفعلا يوم اني طلعت أجرب السيارة في الفحص نجحوه
قلت للورشة ليش كذا, يقول مصنع السيارات له وزنيه تختلف عن وزنية الفحص اللي على أساسه تنجح السيارة.
وقلت له فكه أجل

آمل أن تكون المعلومة واضحة ومفيدة
وللمعلومية الفرامل الخلفية عندي قماشات وليست فحمات