للأهميه ارجو الفزعه يا انشاما مشكله في الباثفندر

[قناص999]

السلام عليكم

اولأً المفروض اطرح المشكله في رابطة ملاك الباث لكن طرحتها وللأسف مارد علي ولا عضو

ولأني ودي اصلح السيارة اليوم قبل بكره لأنها بجد شاغلتني فقل اطرح المشكله في موضوع مستقل

ياشباب عندي باث 2004 تماتيك

وفيه طقطقه في المكينه وهي تروح وتجي واذا دعست تزود

ياشبب وش تتوقعون منه هالطقطقه في المكينه

تكفوووووون ((((((دلوني على ورشه ممتازه في الرياض))))) متخصصه في ها الأمور ونصوحين وامينين


وابي افحص كمبيوتر وين؟؟

ياشباب ارجو الرد بسررررررررررعه

[مدورالصمان]

السلام عليكم


فيه ميكانيكي سعودي له ورشة بصناعية الدائري بالرياض يقال له أبو ابراهيم ...... فيه كثير من الشباب بالمنتدى جربوه ويمدحونه ...أنا ما جربته .... وهذا رقمه 0554889337

[أبو فهد11]

أخوي الغالي رديت عليك في رابطة ملاك الباث فيندر

[بلاك باث]

اخوي هل أنت مغير الزيت والسيفون قريب ؟
لان حصلت لي المشكلة من قبل وكنت مغير السيفون وطلع نفس الصوت الي تقول ورجعت مرة ثانية للبنشري وغيرت السيفون مرة ثانية وأختفى الصوت الى يومك الحمدالله هذا الكلام تقريبا من شهر ..

[جول قميري]

ممكن تكون مسامير الثلاجة!! الله يستر

بس نصيحة لا تمشي بالسيارة اذا بغيت تودها لورشة خذها بسطحة.

وان شاء الله ما تشوف شر لا انت ولا سيارتك

[ابوسعودد]

لاتكون مسامير الثلاجه طايحه في الماكينه انصحك انك ماتشغل السياره ابد وتوديها لميكانيكي يشوفك مسامير الثلاجه هي موجوده او لا اذا موجوده الحمدالله واذا مو موجوده معناتها منها الصوت
لانك اذا شغلت السياره يزيد الامر سووووووووووووووووووووووووووووووووووووووووووء

[salehhd]

السلام عليكم

ايش نوع البنزين الي تستخدمة
اذا 91 غير الي 95 وجرب
وسوي فحص على مسامير الثلاجة يكلف في الوكاله حوالي 300 ريال
والله يعنيك

[shaheenshah]

اذا كانت طقطقه خفيفه اذا دعست فقط فاعتقد انك تستخدم بنزين 91 ولا يناسب السيارة

[غيث الحيا]

إذا الشغلة شغلة صوت يطلع مع بداية تشغيل السيارة وخاصة إذا كانت باردة طقطقة خفيفة يزيد صوته إذا دست على البنزين وإذا مشيت وارتفعت حرارة السيارة تروح فهي تصير معي في سيارتي 2004 والصراحة مسوية لي قلق وديت سيارتي اليومين هذي للوكالة سويت صيانة 120000 ونهبون نهابة الله لا يوريك :) وسألت المهندس عن الصوت وقال هذا صوت طبيعي !! ولا تخاف منه وهو صوت داخل المكينة من دق المحرك على الصمامات وبدى يتفلسف علي الحقيقة إني نسيت أكثر كلامه المهم أنه أكد أن الموضوع بسيط ولا يستدعي أي تدخل جراحي :).. والله أعلم .

[باث 2005]

السلام عليكم اخواني
احتمااااااااااال كبير ياأخوي يكون الصوت من القزوز
والقزوز إذا انكسرت يطلع منها صوت وبالدعسه يزيد الصوت
وأنا عندي نفس المشكلة وسعرها جديد 400 ريال والتركيب 150 ريال
وإذا تبي تتأكد بنفسك شغل السيارة وهي باردة وافتح الكبوت واسمع الصوت من الجهه اليسار

القزوز اللي يسمع اسمها يحسبها شئ داخل المكينة
لا بالطبع هي حديد موصل من مخرج المكينة إلى الكنداسة
والسبب في كسرها هي تكون السيارة باردة وتزعر على المكينة
فبذالك هواء يخرج من المكينة حار ويمر بالقزوز الباردة فتشطب وتنكسر

انتبه
بعض الورش يقول لك خلني ألحم لك الكسر
وأنا أقول لك لا تلحمها أبد لأنها ماراح تقعد معك إلا شهر وتنكسر
فعلشان يفك ويلحم ويرجع بيسلخك بالسعر
اشتر جديدة احسن لك



تحياتي لكم

[ابومنار]

احتمال كبير مسامير الثلاجه صارت معي خل الميكانيكي يشيك عليها اذا هي موجوده لحمها لحام بارد واذا طايح منها شي وهو الاكيد لازم تفك راس الماكينه او توظب المكينه كامله
واذا بغيت ورشه راسلني على الخاص