لاند كروزر ومشكله

[الباهي]

مساكم الله بالخير يالنشامى

المشكله بأختصار عندي لانكروزرgxr موديل 1999 المشكله بالمكيف
اذا مسكت به الخط مافيه احسن من اليروده لكن المشكله:( اذا صرت اتمشى شوي شوي
ولفتره طويله بسرعه 20 كلم او اقل يقوم يحتر المكيف يعطيني شوي بارد بعدها يجي حار
ويستمر حار مده بعدين يرجع يبرد فتره بسيطه ويرجع يحتر فتره طويله واذا اسرعت
يبدأيبرد ارجو من الاخوه اللي مر بالتجربه او عنه خبره ومعرفه بموضوع التكييف
ان لايبخل علي بالحل اللي يبرد القلب ويبرد المكيف وانتو خابرين بدا الجو يحتر:hot:
وبدا الصيف شاكر لكم

اخوكم
الباهي

[الباهي]

افا والله 62 واحد شاف الموضوع ولا رد

امري الى الله والله غريبه

[وحدة تبي ريال]

:D :D ..

هاع .. أببتسي .. كلينكس ..

ياخي ورا ماتوديه الدختور .. :p ..
خخخخخخخخخخخخخخخخخخخخخخخخخخخ ..

********************************************
اذا مسكت به الخط مافيه احسن من اليروده لكن المشكله اذا صرت اتمشى شوي شوي
ولفتره طويله بسرعه 20 كلم او اقل يقوم يحتر المكيف يعطيني شوي بارد بعدها يجي حار
ويستمر حار مده بعدين يرجع يبرد فتره بسيطه ويرجع يحتر فتره طويله واذا اسرعت

بس بسيطة ما يبيلة اثنين يحتسون بو المكيف قاعد يستهبل .. شف لك أقرب عمود لمبة صكة خخخخخخخخخخخخخخخخخخخخخخخخخ ..:D :p ..
***************************************8 ..

>> من عندة فكة ..

[الباهي]

تسلم اخوي

بس ماأستفدنا من مداخلتك بشي يذكر :confused:

كان ودي ان تكون مداخلتك مفيده ولكن

:confused:

[المهايطي]

اخوي الباهي

اللي اعرفة ان سيارات تويوتا عموما اجهزة التكيف فيها ممتازة

و جهازة التبريد يجب ان يعمل حتي لو كانت السيارة متوقفة

وهذا شي مجربه انا ..

و لكن مشكلتك حصلت مع سيارة لي و كانت في مجاري الهواء التي تحت الطبلون

و الله يعينك .... عجل بتصليحة قبل الحر

و دير بالك لا تسرع بالحيل .....!!!

[الباهي]

اخوي الغالي المهايطي

تسلم وماقصرت ماتتوقع ان الكمبرسر له دور
لاني الاحظه يشتغل وبسرعه يطفى وعلى هذا الحال
فما ادري اذا صار الفريون ناقص يسوي كذا الكمبرسر
يعني مايمديه يشتغل الا ويطفى

اخوك
الباهي

[الباهي]

يرفع وينكم

[عمير]

الظاهر إن مشكلة موترك بالكومبرسر ويبيلك تشيك عدة أمور منها الفريون يمكن يكون ناقص ، عندك بعد السير وكلتش الكمبرسر ولا يضر لو تمر على الحساس .

تحياتي ..

[عمير]

لا تنسى سلك كلش الكمبرسر لأنه دايم يبزوط وتجي منه مشاكل ...

[تركي عبدالله]

شـــــــف الــثــلاجــــــــه الي تحت الطابلون فــكه بي حذر او عند كهربائي وذف وقـــم وده الـى المغسله وغــسله تلاقيه منسده .......... بس انــتـــبــه اله لاتعفط ليش لانــه زي الاديتر واذجيت عند المغسله بشويش قوت الماء عليه لاتعفط وجه الامنيوا لانه خفيف جــــــــــدآ وعبه فريون الاصلي الي ؟؟؟؟ مــلاحــضه غاز الفريون يجي احجام لايغشك الكهربائي انتبه للدبه الفريون اشرط عليه انه يحط الفريون يا90 او120 ماني متكدامن الحجم وشكرآ

[رقبة حاشي]

اخوي ياباهي //// الله اعلم ان المكيف عندك فخوذه ضعيفه
وعند السرعه تشد الفخوذ وتولد براد اكثر

وبالتالي يحتاج توضيب بسيط
والله اعلم

اخوك //// رقبة حاشي

[مهند]

اولا اعلم بارك الله فيك انك تركب اطلق سيارة دفع رباعي في العالم:cool:

ثانيا انا عندي جي اكس ار 2003 فاكه جديد وكاله بس موب من وكيلنا طيب الذكر

من الوكالة في الامارات الشيقيقة:)

ومن واقع التجربة اقول ان الامر هذا طبيعي لان مكيف السيارة عندي والسيارة واقفة او تسير بسرعة بطيئة لايعطي تبريد مساوي للتبريد اللي تحصل عليه عند السير بسرعات عالية
واعتقد ان هذا شي طبيعي لان الكمبريسور مصمم كذا لانه لوكان يعمل بطاقته القصوى والسيارة متوقفه فان هذا سيؤدي الى اشتعال السيارة بسبب ارتفاع الحرارة الذي سيحدث نتيجة ذلك لان المروحة في حالة التوقف او السير البطئ لاتسحب الكمية الكافية من الهواء لتبريد المحرك لذلك فان الظاهرة صحية جدا ولاباس عليك ولاعلى سيارتك ان شاء الله

بعض الاخوان نصح بالتوضيب او فك الثلاجه او (احزم يدك وعرضها الطببا)
انا اقول افحص ضغط الفريون فقط
يمكن يحتاج زيادة بسيطه واذا اردت تزويده فلا تذهب لغير الوكالة لان له فريون خاص
والله اعلم

[الباهي]

اخوي عمير:heart:

تسلم وماقصرت واحتمال يكون الكمبرسر ويمكن لا بشوف
وارد لك خبر

اخوي تركي عبدالله :heart:

وهذا اللي بتأكد منه اول شي بس:good2:
ياليتك توضح الفرق بين الفريون
120 و90 والمعروض بالسوق

وتقبلو تحياتي

اخوكم
الباهي

[الباهي]

اخوي رقبه حاشي:heart:

تسلم اخوي لاكن المسأله مهوب تقل البروده

المسأله انه يكون حار وليس وسط

اخوك
الباهي

[الباهي]

اخوي مهند:heart:

شاكر لك اهتمامك لكن بغيت اقولك

ان المكيف يصير:hot: حار وليس المقصود انه تقل البروده شوي

اخوك
الباهي

[مدلّه الرعيان]

الاخ / الباهلي ، من وصفك للمشكلة فلا عندك لا مشكلة بالكمبرسور ولا عندك سدد بالمواسير والله اعلم، المشكلة تكمن بأن غاز الفريون عندك ناقص ، ولا ينقص الغاز إلاّ بوجود تهريب في مكانٍ ما .
- صلّح التهريب وأعد تعبئة الفريون ومشكلك بحول الله وقوته محلولة .
وتقبل خالص تحياتي ،،،،،

اخوك / مدلّه الرعيان

[مريقب العيفار]

هلا باخوي الباهي

انا معي موتر نفس موترك ونفس الموديل

العام الماضي سوى نفس اللي انت تذكر

اعتقدت ان الفريون على وشك النفاذ

رحت للكهربائي وشيك على الفريون لقاه زين

قلت لعلي امر على كهربائي آخر يشوف المشكلة

ورحت من عنده لكن

تصدق ان المكيف صلح من نفسه ما ادري وش صار

الرجال صار يبرد مع اني جلست فترة ما اشغله احسب الفريون

خالص لكن الحمد لله

اعتقد ان كلام الأخ عمير قريب من الصواب

[الباهي]

هلا اخوي مدله الرعيان:heart:

تسلم على الشور الطيب

والغير مكلف يعني لو رحت لكهربائي وقلتله

شف لي الكمبرسر بيطلع لي الف عله وعله

وهو مافيه شي ولا هوب خربان

وبالمناسبه اسمي (الباهي) وليس (الباهلي)

وتقبل تحياتي اخوك

الباهي

[الباهي]

هلا اخوي مريقب العيفار:heart:

الله يعافيك

والله الامور ماشيه بالبركه

لكن مثل ماقالو بجرب الفريون اول يمكن

يكون ناقص بعدها لكل حادث حديث

اخوك
الباهي

[Y&Y_4X4]

الكمبرسر اذا مافيه صوت يعني ان شاء الله مافية شي .

بقي ان عندك الغاز ناقص شيك عليه وتأكد انهم يعبون 134 a؟


اخوي مهند الله يعطيك العافية .

[رقبة حاشي]

اخواني الاعزاء
السلام عليكم ورحمة الله وبركاته
ممكن يكون من الفلتر .................................................

اخوكم///////// رقبة حاشي

[مدلّه الرعيان]

الاخ / الباهي ، العتب على الشوف ، العذر والسموحه ، ما كان والله قصدي اغلط بأسمك ، لكن مثل ما قلت لك الشوف الله يخلف " شجر "
وتقبل تحياتي ،،،،

اخوك / مدلّه الرعيان

[الباهي]

اخوي
:heart: Y&Y 4x4:heart:

الى الان مافيه صوت غير طبيعي لكن المشكله انه يفصل ويشتغل بسرعه
وانا بجرب اشوف الفريون واعطيك خبر

بس عندي سؤال

اذا بغيت احط غاز الفريون اللي ذكرت يعني لازم افضي الفريون بالكامل
واحط النوع المذكور ولا ازيده وللعلم نوع غاز الفريون اللي عندي هو 12
لانهم غشوني:no: من زمان ومادريت انهم غشوني الا بعد ماشفت موضوع اخوي
بدر الله يجزاه خير

شاكر لك اخوي اهتمامك:good2:

وتقبل تحيات اخوك

الباهي

[الباهي]

اخوي

:heart: رقبه حاشي :heart:

والله وانا اخوك مانيب داري لكن ان شاءالله بحاول اشوف لها حل

تسلم وماقصرت

اخوي

:heart:مدله الرعيان:heart:

افا عليك بس لاتتعذر ولا شي وانا اخوك تراك اخو وعزيز والله:good2:

وتقبلو تحيات

اخوكم

الباهي

[طمطماية]

هلا اخوي الباهي

تبي نصيحتي وأنا أخوك ...

رح لم عبد اللطيف جميل فرع خريص .

ودخله عندهم .... صدقني إن صيانتهم ولا أحلا منها

<<< سيارته ما تتعداهم

وشف وش يقولك ....

وإذا كنت معبي فريونه من محلات اللي تجيبلك كبروسور حق ثلاجة وتشبكه في سيارتك وتقولك عبت فريون

تراهم يخربون مكيفك ويحوسونه لك

وللمعلومية اللاندكروزر يستخدم فريون 120

فالله الله بالوكالة ... وإرخ جيبك شوي (( وترى إذا نشبت لهم ... يعطوك خصم 15% على قطع الغيار و 20% على شغل اليد ))

وإن شاء الله تكون المسألة بسيطة وتنحل بسرعه

تحياتي لك
طمطم << أسم الدلع ;)