الحـــــــــذر ثـــــم الحــــــذر من الوكـــــــالات ( هــــــذه قصتي مع الوكـالـه )

[أبو فهد11]

بســـــــــــــــــــــم الله الرحمـــن الرحيـــــم



الحمد لله رب العالمين,,,,,,,,,وبعـــــــــــد


بداية كمـــا هو موضح من العنوان ولا اريد ان أطيل بالمقدمه لكن هذه قصتي مع شركة العيســــى للســــيارات


وهو أني شريت سياره تاهو 2008فـــل كامل قبل رمضان الماضي بشهر وبعدها بشهر تقريباً أكتشفت أثـــار


رش على ســـقف الســــياره ( أو ما يسمى نـــفر ) فتوقعت أنها عيب مصنعي وهذا اللي ظــــهر لـــي


لكن في شهر 12 ( ذي الحجه ) ذهبت بالسياره قريبا من الرياض ثم رجعت بها في نفس اليوم وفي اليوم


الذي يليه قمت بغسيل الســــيارهـ وبعد الغســـيل أدخلت السياره في الـــكراج وعندما أردت تغطيتها


لاحظت بعض الشيء غـــير الطبيعي ( على غطـــاء الســـياره ) او الكـــبوت وهــو زي ما يقال


بالعاميه أشهبت البويه وكان لون الموتر ذهـــبي وكانت الأثاره قليله لكن تراها في وبمــا أني وجدت هذا


الشــيء أكــــــيد الواحـــد راح يضيق به نفــــسه لأنه موتر جديد وكـــان ماشي قرابه 8000 فقــط وقراطيس


الوكاله علي المـــراتب وفي اليوم الذي يليه قررت الذهاب لوكالة العيـــسى ( الرياض ) وتم الكشف على


الموتر وأخذت التقرير معي وتم تصوير الموتر ( الكبوت وكذلك التنده ) وأعطوني خيار واحد وهو أني


أغير كبوت السياره وأرش السقف والموتر جديد وقيمة ( 140 ألف ) فذكرت له أن هذا الخيار لن ينفع معي


كـــصحاب هذه الــــسياره وأعطيتهم الخيارات التي أراها صالحه لي وهي أما تصليح هذه المشاكل من دون فك


مسمار او رش اوي شيء والخــــيار الثاني تغيير الــسياره والخيار الاخير إعطائي المبلغ فقابلوني بالرفض


وذكروا لي أنهم سوف يراسلون شركة جـــي أم على هذا الموضوع وذهبت وأخذت سيارتي مـــعي وبعده


بأســـبوع عدة إليهم وســـألتهم عن ما ذا حدث فكان هناك موظف من الجنسيه اللبنانيه وهو على ما اعتقد مدير


المبيعات ذهب لمن صور الســـياره وهو باكستاني الجنسيه على مـــا أظن وديانة ( مجوسي ) وجلسوا


يتحدثون باللغه الانجلـــيزيه وكأن الذي أمامهم لا يفقه شــــــــــــيأ وبعدما أنتهوا من الحديث ذكر لي الموظف


اللبناني أنهم أستلموا من شركة جي أم رسالة تفيد بأنه لا خــــيار لك سوى تغيير الكبوت ورش السقف


وفي ذلك الوقت أحببت الاستهبال قليلاً وقلت له بالله عليك ذكر كـــذا وكــــــذا فرد علي بنعـــــم


فغضبت وقلت له لـــست مغفلاً لتضحك علي فقلت له هو ذكـــر أنه لم سيتلم رساله من جي أم حتى الآن


فكيف تكذب علي فحاول الخداع واللف والدوران ويقول بأن الرجل يقول أن هناك موظف من جي أم


كان هنا وعرضنا عليه الاوراق ورفض إلا أن يغيير الكبوت ويرش السقف فقط وقلت له بأنك لم تكن صادق


وأنه لم يذكر شيئاً من هذا القبيل وطلبت منه وانا في غضب مدير الشركه


وكـــــان من ســـوء حظه أنه ارسلني على محامي يعمل في نفس الشركه لصالح جــي أم سعودي الجنسيه


وشرحت له القضيه باكامل فأوعدني خــــيراً وصــارت هناك بعدها كشف على الموتر مره أخرى


ونقاشات للرضى بتغيير كبوت والاكتفـــاء بهذا لـــــكن مع الاصــــرار لــمـــــــد أمتدت شهــــــــرين


أو أكثر بقليل وبقيت الســـــياره عندهم قرابة الشــــــــــهر تمت الموافقه على الاستبدال بســـياره


جـــديده موديـــــل 2009 مع زياده لفارق الموديل وزياده كذلك لبعض المواصفات مثل


اللون اللؤلؤي وشاشه النفقيشن وشاشة Dvd


وأحمد لله أنها أنتهت على خـــــير



ومــــا كتبت هذه المعـــــاناهــ لكـــــم أحبتي إلا للإنتبــــــــــــــــاه عند شراء سياره جديده بالكــــشف


عليها وخلوها من الرش قبـــــــــــــل إســـــــتلامها

مـــــــــــــــلاحـــظة

إذا تبي تأخذ حقك لازم تكون صـــارم وحـــار ( ملوســـن شوي )

لأنهم إذا شافوك بـــــــارد مشوك على طول بأقرب طريقه

وطبـــــعاً الحكمه لابـــــــــد من توفرها



تمنياتي لكم بحياه سعيده


وكذلك دعواتكم بإن الله يبارك في هذه الـــــسياره



أخوكـــم / أبو فــــــــهـــــــــد11

[صوت الجزر]

الحمد لله على كل حال وبصراحه هالوكالات ماودك الا تعطيهم القاز عشان تاخذ حقك منهم ( لاحظ اقول تاخذ حقك مو شي زياده ) ورب ضارة نافعه الله يبارك لك في موترك الجديد الله يطعمك من خيره ويكفيك شره امين يارب العالمين ,,.,,.,,.,,.,,

[الدبل الثقيل]

ما شاء الله عليك ... اجل اللبناني يكذب ... الله يقلعهم عنا ... الا المسلم الطيب ...

[بدراان]

انا شايف كامري 2009 جدييييييييييييييييده
شكلها منزلة غلط من التريله صدامها الخلفي متكسر 70%
وابو جميل شايلها بسطحة للوكاله يصلحها !!!!!!!!!!!!!!!!

والحمد لله ان مجهودك جاب ثمرة يالذيب .

[الجير الموكر]

يـآرجال احمد الله اللي قعل حلالك ..
والله يعطيك خيرها ويكفيك شرهـآ ..

[إعصار]

الله لايربحهم ذا الحرامية ..


والله العظيم ماينفع معهم الا العين الحمراء ..

واللسان الطويل ..

كلاب في على شكل رجال .. مصاصين فلوس ..

اجل موتر جديد .. يرشون السقف .. جعلهم يرشون برشاش ..

والحمد لله انك قدرت عليهم .. والله فيه غيرك واجد يمشي عليهم .. لكن انت كفو ..

[لن أمل من العطاء]

والله انا مثلك مع تويوتا
ورحت حتى للادارة العامة بجده من اجل تغيير هايلوكس غمارة 2006

ولا نفع ولا استجابوا لي

رفعت قضية عليهم بالمحكمة
والان يتصلون يريدون الصلح قلت موعدنا عند القاضي
ان شاء الله
سيارة جديده
وتعويض ضرر مادي ونفسي
وتخفيض القسط

[تايتد]

مدير المبيعات اسمه/ ماجد القعود اللهجه والمواصفات لبناني مافيها كلام

ويقول انا سعودي ؟؟؟؟؟؟؟؟؟؟؟؟؟؟؟؟؟

صار لي موقف معاه 00000000
بس اخذت حقي وكان معاه لبناني يتفقون على موضوع معين
وزي ماقلت مره يتكلم عربي ومر ه انجليزي ويحسبون بقر مانفهم حتى خويه نبهه عليه قال مايفهم ايش نقول
والخبيث لسسسسسسسسسسسسسسسسسانه معسسسول مره
تاهووووووووو2008 ؟؟؟

[.أبوعبدالرحمن]

ماشاء الله تبارك الله


التعب منسي في روحاتك للوكالة


والله يوفقك ويهنيك بالسيارة


والاهم انه صرفوا لك سيارة

[الربذي]

وعليكم السلام قصدي السلام عليكم لاني رجعت للبدايه ولم تسلم اي وانا اخوك متعودين علينا سمحين حتى السذاجه ودي ان كل ربعنا منك واقوى عشان مايفكرون بالغش
فعلا من عرف لغة قوم امن شرهم اجل يبي يصرفك الافاك ابو المصاري
يوشد نو انجلش فري ول تو اندرستاند وت ذي توكنك اباوت .................
دمت بخير

[العريني1]

والله انه ضاق صدري وانا اقرأ الموضوع...:( :(
بس الحمد لله اللي اعانك الله ويسر لك الامر ..:good: :good:
ومبروك وتستاهل السياره الجديده..:D :D

طبعا كل هذا يعود الفضل لجهد؟؟؟؟؟؟؟؟؟؟؟؟؟
وزارة التجارة وهيئة حماية المستهلك عندنا في السعودية..http://www.mekshat.com/vb/images/icons/icon13.gif http://www.mekshat.com/vb/images/icons/icon13.gif

[أبو فهد11]

الحمد لله على كل حال وبصراحه هالوكالات ماودك الا تعطيهم القاز عشان تاخذ حقك منهم ( لاحظ اقول تاخذ حقك مو شي زياده ) ورب ضارة نافعه الله يبارك لك في موترك الجديد الله يطعمك من خيره ويكفيك شره امين يارب العالمين ,,.,,.,,.,,.,,

هـــلا وغلا بك يالغالي صوت الجزر

ووالله أنك صادق معاد ينفع معهم إلا العين الحاره وعســـاه تنفع ويالله تأخذ حقك ولا هوب كامــــل

وجزاك الله خـــيـــر على الدعاء الطيب



ما شاء الله عليك ... اجل اللبناني يكذب ... الله يقلعهم عنا ... الا المسلم الطيب ...

يـــا هــلا وغـلا أخوي الدبل الثقيل

لم أكتب هنــــا إلا ما حدث بالحرف الـــواحد يالغالي لا يقع الانــسان في الكذب

والواحد مسؤول أمام ربه عن كل كلمه قالهـــا

[Ababidoo]

أخوي من سنين طويلة وأنا أعتبر الذهاب بالسيارة الجديدة او المستعملة الى الوكالة ليست سوى جريمة بحق سيارتك ....

حتى لو فاتني الضمان أريح من هالمجرمين....

[ابو خــــالد]

أثرك منتب سهل :cool: >> تصدق اني أكره الأنقليزي من يوم طلعت على الدنيا وماعرف شي أبد الا القليل >> بس عقب السالفه اللي صارت لك ان شا الله اباخذ دورة:D :D
.
.

[أبو فهد11]

انا شايف كامري 2009 جدييييييييييييييييده
شكلها منزلة غلط من التريله صدامها الخلفي متكسر 70%
وابو جميل شايلها بسطحة للوكاله يصلحها !!!!!!!!!!!!!!!!

والحمد لله ان مجهودك جاب ثمرة يالذيب .

هلا وغلا أخوي بدران ولا تستبعد هالشيء يصير

لأنهم يبحثون عن الربح بأقل الخســـــائر

حسبنا الله ونعم الوكيل

والحمد لله أن المجهود ما ضاع عبث

[كاره الأمريكي]

والله انك كفو لو منت جزوم وضاغط عليهم كان صرفوك تصريفه محترمه
ولا تستبعد يا خذون موترك دامه بقراطيسه يصفرون العداد ويحطونه بلصالة على انه جديد
على العموم الله يعطيك خير الموتر ويكفيك شره

[أبو فهد11]

يـآرجال احمد الله اللي قعل حلالك ..
والله يعطيك خيرها ويكفيك شرهـآ ..

حياك الله أخوي الغالي الجير الموكر

وأحمد الله أني خذت حقي منهم

وجزاك الله خير على هالدعوهـ

[محمد بن سعيد]

الحمد لله على كل شيء وهذا شغل الوكالات مع الناس يمرمطون الواحد وبعدين يقولون خلاص بنغير ونعطيك خصم ومن هالكلام

[أبو فهد11]

الله لايربحهم ذا الحرامية ..




والله العظيم ماينفع معهم الا العين الحمراء ..


واللسان الطويل ..


كلاب في على شكل رجال .. مصاصين فلوس ..


اجل موتر جديد .. يرشون السقف .. جعلهم يرشون برشاش ..



والحمد لله انك قدرت عليهم .. والله فيه غيرك واجد يمشي عليهم .. لكن انت كفو ..


هلا وغلا بك أخوي إعصار وصدقت فيما تقول

حراميه وإستغلاليين لأبعد الحدود

ولازم يكون الواحد صارم لأن الحق معك

وأزيدك من الشعر بيت يقولون الموتر ما يعتبر جديد إذا طلع من عندنا

ونعتبره مستعمل

والحمد لله أني أفتكيت منهم وخلصت أموري على خير

والله لا يهينك يالغالي على تعليق ومروك هناااا

[D_MAX]

اولاً : الف شكر على التحذير والنصيحـة .. وبيض الله وجهك على اللـي سوية فيهم
ولـوا كـل واحـد منا عمل مثل ماعملت واخذ حقة منهم راح نشوف خير

واحمد ربك ان المشكلة صارتلك مع وكالة Gm
ولوا صارتلك المشكلة مع وكالة ابو جميل او غيرها لا نلت اخضر ولا يابس
ولوا هددتهم بارسال شكوى للمدير الاقليمي لشرق الاوسط راح تشوف انواع الترضي والدلاال

تحياتى لك .

[رغوه]

الحمد لله على السلامه من شرهم

[أبو فهد11]

والله انا مثلك مع تويوتا
ورحت حتى للادارة العامة بجده من اجل تغيير هايلوكس غمارة 2006

ولا نفع ولا استجابوا لي

رفعت قضية عليهم بالمحكمة
والان يتصلون يريدون الصلح قلت موعدنا عند القاضي
ان شاء الله
سيارة جديده
وتعويض ضرر مادي ونفسي
وتخفيض القسط

الله يكون في عونك أخوي لن أمل من العطاء

وإن شاء الله تتيسر امورك

لأن ما ينفع معهم إلا تجيبهم بالقوهــ

[شقاوي بر]

احسن ماسويت مايبيلهم الاكذا ولايروح حقك قدام عينك خصوصآ من هالاجانب
عمومآ الله يبارك لك بالموتر ويعطيك من خيره ويكفيك شره .

[أبو فهد11]

مدير المبيعات اسمه/ ماجد القعود اللهجه والمواصفات لبناني مافيها كلام

ويقول انا سعودي ؟؟؟؟؟؟؟؟؟؟؟؟؟؟؟؟؟

صار لي موقف معاه 00000000
بس اخذت حقي وكان معاه لبناني يتفقون على موضوع معين
وزي ماقلت مره يتكلم عربي ومر ه انجليزي ويحسبون بقر مانفهم حتى خويه نبهه عليه قال مايفهم ايش نقول
والخبيث لسسسسسسسسسسسسسسسسسانه معسسسول مره
تاهووووووووو2008 ؟؟؟

هلا وغلا أخوي تايتد

مشاء الله عليك عرفت الرجال

والحمد لله أنك أخذت حقك منه
ونفس ماذكرت لك يتكلم بالانجليزي ليأخذ راحته في الكلام
ولا يهمك لسانه معسول أولا الشيء اللي في الرأس وابيه يصير لازم
ينفذه ما دام الحق معاي يالغالي


وشاكر لك مرورك العطر

[طالب هدد]

كفو والله ياابو فهد مشالله عليك نبيه وياليت البقيه مثلك ولا من ها الناحيه يمشون على المواطن واجد ولا حتى لواحد من اخوياي وانا معه عند التوكيلات كان بيطلع دينالي جديد وسبحان من مكنا اننا نشوف السياره بعد ماعطاهم الرجال الفلوس وقت الاستلام ولاحضت بالصدفه الجهه اليمنى من الرفرف فيها رش وكان الرش وقته قريب يعني مالسعته الشمس مزبوط فشكيت وقمت اقلب باقي الموتر وحصلت ان الرفرف مغير مع الكبوت ورش كامل في الرفرف الايمن مع الكبوت فصارحت خويي لاكن للأسف نضرات الرجال وكأنه يفكر اني اعيب في السياره او اني منقهر انه شرى جديد ومااشترى من عندي فحاولت اقناعه فكان يقولي ياحبيبي هذا جديد هذا وكاله زيروو فأستغربت وضليت الح عليه فقمت بمخاطبة موضف المبيعات الذي انكر وقال كلامك غير صحيح فذهبت الى المدير وكلمته فقال لايحق لك قول هذا وتشوه سمعة الوكاله والسياره طلعت لوحاتها وبيني وبينكم كان نفسي اضرب خويي والله جد كانت يدي تحكي ودي الفقه بمخمس اهد وجهه فبعد اتصالي على اخوه وتفهيمه في التلفون اتى لنا وعاين السياره وبينت موضع الرش والتغير وتأكد وقمنا انا وهو بمواجهتهم وفضحهم امام جميع عملائهم واثبتنا ذالك بحضور المهندس الذي كان موصى له ان ينكر ثم اثبت ذالك لأننا كنا فوق رأسه وكان العذر اقبح من ذنب عندما قالو انها بالغلبط تم تسليمها وانه السياره سقطت عليها حديده من اعلى التريلا وشوهتها تشويها بسيطا فقمنا بالتعديل فرفضنا رفضا تاما حتى اخذ صاحبنا الفلوس واشترى سياره من الجميح لاكن ذا المره شافها بغبارها .

والطريف كان المدير يقول لي كيف عرفت انها مرشوشه هذا شغل خبراء فرديت عليه قلت: لا ياحبيبي بلا خبراء بلا بطيخ هذا شغل شريطيه ففتح عينيه متعجب قلت عساها الفقع يامسهلين الكذوب ومحاربين الصدق يأعرب من كرهكم بعتونا حتى لليهود.

[سيف الظفير]

الله يطعمك من خيرها ويكفيك شرها والله يلعن من كان السبب

[أبو مسفر]

انا ما ادري وين اصحاب هالوكالات رجال الاعمال اللي دايم نسمع عنهم انهم خدموا الوطن
وانهم رجال فيهم خير
هل هم يدرون ان عندهم في وكالاتهم سيارات ستوك وتباع على انها جديدة ولم تتعرض لخدش ولو صغير والا ما يدرون ؟؟؟

ان كانوا ما يدرون وهالتلاعب يحصل من وراهم فتلك مصيبة
وان كانوا دارين ويغضون الطرف فالمصيبة اعظم


نسأل الله السلامة وانه يرزقنا بحلاله عن حرامه

[قرم العيال]

كفو عليك ...

[أبو فهد11]

ماشاء الله تبارك الله


التعب منسي في روحاتك للوكالة


والله يوفقك ويهنيك بالسيارة


والاهم انه صرفوا لك سيارة

جزاك الله خير أخوي أبو عبد الرحمن الصفيان

والحمد لله التعب أهم سيء ما يروح عبث

وشاكر لك مرورك وتعليق يالغالي


وعليكم السلام قصدي السلام عليكم لاني رجعت للبدايه ولم تسلم اي وانا اخوك متعودين علينا سمحين حتى السذاجه ودي ان كل ربعنا منك واقوى عشان مايفكرون بالغش
فعلا من عرف لغة قوم امن شرهم اجل يبي يصرفك الافاك ابو المصاري
يوشد نو انجلش فري ول تو اندرستاند وت ذي توكنك اباوت .................
دمت بخير
أكيد نتمنى كل واحد معه الحق أنه ما يسكت عنه
والواحد لازم يعرف لغه او يأخذ معه واحد صاحي لغه
ومشاء الله عليك أكيد عندك لغه

وشاكر لك مرورك يالغالي




والله انه ضاق صدري وانا اقرأ الموضوع...:( :(

بس الحمد لله اللي اعانك الله ويسر لك الامر ..:good: :good:
ومبروك وتستاهل السياره الجديده..:D :D


طبعا كل هذا يعود الفضل لجهد؟؟؟؟؟؟؟؟؟؟؟؟؟

وزارة التجارة وهيئة حماية المستهلك عندنا في السعودية..http://www.mekshat.com/vb/images/icons/icon13.gif http://www.mekshat.com/vb/images/icons/icon13.gif

جزاك الله خــــــير أخوي العريني على الشعور بالنسبه لأخوانك

وجعل أيامك كلها سعاده

والله يبارك في ايامك يالغالي

وطبعاُ الفضل لله ثمـــ ؟؟؟؟؟؟؟؟؟؟


شاكر لك مرورك يالغالي

[abo meshaal]

حسبي الله عليهم ما يخافون الله
يعني وش ضرهم لو قالوا للزبون انه فيها صدمة ورش بوية
وعليها تخفيض.

[أبو فهد11]

أخوي من سنين طويلة وأنا أعتبر الذهاب بالسيارة الجديدة او المستعملة الى الوكالة ليست سوى جريمة بحق سيارتك ....

حتى لو فاتني الضمان أريح من هالمجرمين....

أخوي الغالي Ababidoo لازم الواحد يودي السياره للوكاله مدة الضمان

حتى ما يكون للوكاله حجه لو خربت السياره

وشاكر لك مرورك يالغالي Ababidoo

[أبوياسر74]

تحياتي للجميع

حصل لأخي نفس المشكلةاشترى جمس جديد بغباره من الجميح بالرياض

بعد تغسيله لاحظنا أن الباب الخلفي مرشوش بوية وليست نفس اللون السيارة حمراء والباب راشينه عنابي حتى البوية على ربلة القزاز واضحة

راجعناهم وقلتا هذا غش لكن بلا فائدة وقالوا هذا يحصل عند التنزيل من التريلات

وطبعا في بلدنا ما أحد يفك حقك من كبار التجار هم أقوى منك

واحد من الزملاء راح بسيارته للحمراني للتشييك عليها (لقافه) بعد يومين راح يجيب سيارته حصلها مصدومة عندهم دحدر عليها سيارة كانت جنبها قالوا لايهمك نصلحها زي المصنع

رجع لقاهم راشينها بوية بلاستيك حقت الجدران وقالوا مع الشمس تتعدل مثل اللي جنبها قصدهم الباب لأن الصدمة بالرفرف

طلع بها وودها ورشة وسووا صنفرة للبوية وطلعت احسن. قال وكالة!!!من اللي يشتغل في الوكالة أردى من اللي في الصناعية الفرق في تدبيل السعر!!

[mohd26]

ياخي ليش الامور هذي بس تصير في الدول العربيه الدول الاسلامية لاحول ولا قوة الا بالله
العلي العظيم
مسكين المستهلك اتحاد التجار مع قسم حماية المستهلك ولا حماية التاجر ما ادري ايش الصح
ياحبيبي لان الحبل اللي مربوط به التجار طويل الله يسلمك فهو يرافس ويناهق على راحته مافيه
على الاقل تأنيب من وزارة الاقتصاد ما فيه اهتمام وحفظ حقوق لذا المسكين اللي يسمونه المستهلك
اللي يبني أمجاد التجار اللي ينفخ كروشهم
لكن
خلوها تصدي

[أبو فهد11]

أثرك منتب سهل :cool: >> تصدق اني أكره الأنقليزي من يوم طلعت على الدنيا وماعرف شي أبد الا القليل >> بس عقب السالفه اللي صارت لك ان شا الله اباخذ دورة:D :D
.

هلا بك أخوي هاوي الذيب وأكيد ما ني سهل ( هههههه ) وصدقني يا أخوي الانجليزي مهم جداً حتى ما يلعب علينا هالحرميه

والله يوفقك وييسر أمرك أخوي الغالي


والله انك كفو لو منت جزوم وضاغط عليهم كان صرفوك تصريفه محترمه
ولا تستبعد يا خذون موترك دامه بقراطيسه يصفرون العداد ويحطونه بلصالة على انه جديد
على العموم الله يعطيك خير الموتر ويكفيك شره

هـــلا أخوي كاره الأمريكي

والله عقب ما كذب علي اللبناني وأنا قافله الاخلاق عندي وشديت معم

والواحد يعطيهم قرارته من البدايه علشان يعرفون وشو اللي قدامهم

والله يستر يسوونها


الحمد لله على كل شيء وهذا شغل الوكالات مع الناس يمرمطون الواحد وبعدين يقولون خلاص بنغير ونعطيك خصم ومن هالكلام

يا هلا بك أخوي محمد بن سعيد
والمرمطه لازم تكون لكن خلك شديد وحريص ومستمر معهم

وفي نفس الوقت خلك بــــارد ولا يستفزونك بس عطهم قراراتك من أول مرهـ


اولاً : الف شكر على التحذير والنصيحـة .. وبيض الله وجهك على اللـي سوية فيهم
ولـوا كـل واحـد منا عمل مثل ماعملت واخذ حقة منهم راح نشوف خير

واحمد ربك ان المشكلة صارتلك مع وكالة Gm
ولوا صارتلك المشكلة مع وكالة ابو جميل او غيرها لا نلت اخضر ولا يابس
ولوا هددتهم بارسال شكوى للمدير الاقليمي لشرق الاوسط راح تشوف انواع الترضي والدلاال

تحياتى لك .

يا هلا وغلا بك أخوي MAX

ما سوينا شيء لأخواني المكشاتيه لكن هذا حق وواجب علي كمسلم أني أنبه أخواني

وإن شاء الله ما تحصل مشاكل لأي واحد لكن لو لا سمح الله لازم يكون الواحد صارم معهم

ولا يعطيهم أي وجه

والحمد لله اني تخلصت منهم أو لاً

وثانياً انا فكرت أني أرسل رساله للمدير الأقليمي لكن تيسرت الأمور قبل



وشــــــاكر لكم مروركم يالغاليـــــن

[أبو فهد11]

الحمد لله على السلامه من شرهم

هلا وغلا أخوي رغوه

الله يسلمك من كل شر

والحمد لله الحق ما يضيع بإذن الواحد الأحد

والواحد لازم يعمل الأسباب


احسن ماسويت مايبيلهم الاكذا ولايروح حقك قدام عينك خصوصآ من هالاجانب
عمومآ الله يبارك لك بالموتر ويعطيك من خيره ويكفيك شره .

هلا وغلا بك أخوي شقاوي

ولازم يا أخوي الواحد يعطيهم العين الحــــاره

والمشكله ما بلانا إلا هالاجانب وصدقني أنك تنغبن لمــا تشوف

لبناني وإلا مصري مدير مبيعات ومناصب في هالشركات


وجزاك الله كل خير على هالدعوه الطيبه يالغالي

[صقر الحراملة]

كفو يابوفهد و مبروك السيارة الجديدة

الله يعطيك خيرها و يكفيك شرها

[أبو فهد11]

كفو والله ياابو فهد مشالله عليك نبيه وياليت البقيه مثلك ولا من ها الناحيه يمشون على المواطن واجد ولا حتى لواحد من اخوياي وانا معه عند التوكيلات كان بيطلع دينالي جديد وسبحان من مكنا اننا نشوف السياره بعد ماعطاهم الرجال الفلوس وقت الاستلام ولاحضت بالصدفه الجهه اليمنى من الرفرف فيها رش وكان الرش وقته قريب يعني مالسعته الشمس مزبوط فشكيت وقمت اقلب باقي الموتر وحصلت ان الرفرف مغير مع الكبوت ورش كامل في الرفرف الايمن مع الكبوت فصارحت خويي لاكن للأسف نضرات الرجال وكأنه يفكر اني اعيب في السياره او اني منقهر انه شرى جديد ومااشترى من عندي فحاولت اقناعه فكان يقولي ياحبيبي هذا جديد هذا وكاله زيروو فأستغربت وضليت الح عليه فقمت بمخاطبة موضف المبيعات الذي انكر وقال كلامك غير صحيح فذهبت الى المدير وكلمته فقال لايحق لك قول هذا وتشوه سمعة الوكاله والسياره طلعت لوحاتها وبيني وبينكم كان نفسي اضرب خويي والله جد كانت يدي تحكي ودي الفقه بمخمس اهد وجهه فبعد اتصالي على اخوه وتفهيمه في التلفون اتى لنا وعاين السياره وبينت موضع الرش والتغير وتأكد وقمنا انا وهو بمواجهتهم وفضحهم امام جميع عملائهم واثبتنا ذالك بحضور المهندس الذي كان موصى له ان ينكر ثم اثبت ذالك لأننا كنا فوق رأسه وكان العذر اقبح من ذنب عندما قالو انها بالغلبط تم تسليمها وانه السياره سقطت عليها حديده من اعلى التريلا وشوهتها تشويها بسيطا فقمنا بالتعديل فرفضنا رفضا تاما حتى اخذ صاحبنا الفلوس واشترى سياره من الجميح لاكن ذا المره شافها بغبارها .

والطريف كان المدير يقول لي كيف عرفت انها مرشوشه هذا شغل خبراء فرديت عليه قلت: لا ياحبيبي بلا خبراء بلا بطيخ هذا شغل شريطيه ففتح عينيه متعجب قلت عساها الفقع يامسهلين الكذوب ومحاربين الصدق يأعرب من كرهكم بعتونا حتى لليهود.

هـــــــــــــــــــلا وغلا بك أخوي طالب هدد

وشاكر لك يالغالي ثنائك لكن لازم الواحد يصير ذهين ويفتح عينه صــــــح وإن شاء الله الأخوان يكونون

مني واطيب في هذه الامور لأن الدعوه دراهم وحرام الواحد يعلب عليه في حلاله

وجزاك الله خير على تنبيه خويك وللأسف بعض الناس يحس بهذا الشعور أن خويه حاسده على شيء

وهذا شيء مؤسف الحقيقه

والواحد لازم يكون أشد الحرص عندما يشتري موتر أكثر مما يشتري سياره مستعمله

وانا أبشرك شفنا السياره الجديده وهي بغبارها قبـــــــل

والحمد لله أني أرحت وخلصت الامور معهم

[أبو فهد11]

الله يطعمك من خيرها ويكفيك شرها والله يلعن من كان السبب

جزاك الله خــــــــــير أخوي على هالدعوه الطيبه

[أبو فهد11]

انا ما ادري وين اصحاب هالوكالات رجال الاعمال اللي دايم نسمع عنهم انهم خدموا الوطن
وانهم رجال فيهم خير
هل هم يدرون ان عندهم في وكالاتهم سيارات ستوك وتباع على انها جديدة ولم تتعرض لخدش ولو صغير والا ما يدرون ؟؟؟

ان كانوا ما يدرون وهالتلاعب يحصل من وراهم فتلك مصيبة
وان كانوا دارين ويغضون الطرف فالمصيبة اعظم


نسأل الله السلامة وانه يرزقنا بحلاله عن حرامه


يا هلا بك أخوي أبو مسفر

وأما أصحاب الوكالات فخلها على ربك يا رجال

ذا الاجانب ما كلين السعوديين وماكلين أصاب الوكالات

الله يكون في عون الزبون منهم

واللهم أمين ( الله يرزقنا بحلاله عن حرامه )


شاكر لك مرورك يالغالي



كفو عليك ...

هـــلا بك أخوي قرم العيال

تسلم يالغالي وهذا حقي وواجبي أني أخذ حقي بالطيب وإلا بالقوه

لأنهم ناس موظفين ناس ما تخاف الله ولا تستحي من خلقه


شاكر لك يالغالي تعليقك,,,

[abdulrhmank]

لا حظوا أنهم يسرقون كثيرا من الأكسسوارات ......والذي ..لديه معرفه يقول لنا ...

[شمالي]

انا قد صارت لي قصه
مع العيسى بكابرس 2000 اللي يجي شكمانه يصبغ على الصدام للي يعرفونه
المهم بتشييك الألف كيلو طالبتهم بتعديل الوضع

سحبو الشكمان بعيد شوي عن الصدام
بعد كم شهر نز ل موديل 2001 عدلوها ب 2001
ولازلت المشكله مستمره عندي رحت لمدير الصيانه اذكر انه واحد اجنبي

الحمدلله لغتي الانجليزيه جيده جدا قلت غيرو الشكمان على الضمان
والا ابي اشتكيكم
طالع لي وقال تشتكينا على العيسى (يستغفلني)
قلت ابي ارسل ايميل للشركه الام واشرح الوضع
والله العظيم مثل ما اقول طالعني بعين وخذا ملف السياره من الفلبيني اللي بجنبه
وقال غير الشكمان كامل مثل 2001
الوكالات لازم توريهم العين الحمراء - وبتأخذ حقك

[فتى التويم]

ياحليلهم العيسى حبيبين

جعلك ماتذوق اللي ذقته مع الجميح الله لا يربحه بس زي ماقلت الملوسن هو اللي ياخذ حقه

[أبو فارس]

كفو والله يالذيب هذولا ما ينفعبهم إلا الشده
حتى شركة عبداللطيف جميل وش يزينون
أنا أعلمكم تراهم يقلبون أغلب السيارة من أصلي إلى تجاري مثل المسجل
والديكور والأنوار و.....

[عريدان]

قليل من شركات السيارات اللي منهم ما عنده سوابق. كلهم مجرمين تزوير وتدليس. وحكم بيه التدليس باطل شرعاً. أهم شي طول النفس لأنهم زي الكلاب دايم عندهم واحد للركض والنباح وإذا خفت أو تراجعت تراهم بياكلونك....حسبي الله ونعم الوكيل..

[بو خليفه]

نحن نقول دائماً إذا شريت سيارة جديدة جربها و عاين البدي والأدوات الكهربائية و أهمه المكيف يبرد لأن المكيف عليه ضمان يعمل دون تبريد بعد التشييك على السيارة من قبلك عطهم صورة البطاقة لإصدار الاستمارة واللوحة

[أبو فهد11]

حسبي الله عليهم ما يخافون الله
يعني وش ضرهم لو قالوا للزبون انه فيها صدمة ورش بوية
وعليها تخفيض.





هلا وغلا بك أخوي ابو مشعل

أنت تتكلم على ناس ما تخاف الله وأهم ما لديها الربح بغض النظر كيف ومن أين أتى

هذه هي المشكله

فأسأل الله أن يعيننا عليهم لأن الواحد ينقطع نفسه علشان يأخذ حقه وهم النفس عندهم طووويل

[أبو فهد11]

تحياتي للجميع

حصل لأخي نفس المشكلةاشترى جمس جديد بغباره من الجميح بالرياض

بعد تغسيله لاحظنا أن الباب الخلفي مرشوش بوية وليست نفس اللون السيارة حمراء والباب راشينه عنابي حتى البوية على ربلة القزاز واضحة

راجعناهم وقلتا هذا غش لكن بلا فائدة وقالوا هذا يحصل عند التنزيل من التريلات

وطبعا في بلدنا ما أحد يفك حقك من كبار التجار هم أقوى منك

واحد من الزملاء راح بسيارته للحمراني للتشييك عليها (لقافه) بعد يومين راح يجيب سيارته حصلها مصدومة عندهم دحدر عليها سيارة كانت جنبها قالوا لايهمك نصلحها زي المصنع

رجع لقاهم راشينها بوية بلاستيك حقت الجدران وقالوا مع الشمس تتعدل مثل اللي جنبها قصدهم الباب لأن الصدمة بالرفرف

طلع بها وودها ورشة وسووا صنفرة للبوية وطلعت احسن. قال وكالة!!!من اللي يشتغل في الوكالة أردى من اللي في الصناعية الفرق في تدبيل السعر!!

هلا أخوي أبو ياسر

الله يكون في عون أخوك لا صدقني لو ( ولو تفتح عمل الشيطان ) أني ما أطلع من عند الوكاله

وإلا مقابل مديرها على العام ومتفاهم معه وأخرش الموظفين كلهم خرش

سوالف ذي وعيني عينك يقول الكلام بصراحه ولا همه أحـــــد

حسبنا الله ونعم الوكيل عليهم


وكان الله في عون زميلك

والله مصيبه تدخل موتر يسوون لها صيانه وترجع لهم وتلقها عافسينها عفس

والله أني أشوف سواقتهم إذا استلموا سيارات هالعالم ( والناس مساكين خلاص عند الوكاله كأنه محفوظه )

وهم يجلدونها جلد لا رحمه ولا حاجه وأول مايشغل السياره وإلا المكيف مشتغل قبل

ما أقول إلا حسبنا الله ونعم الوكيل على كـــــــل ظالم وجــــــائر



شاكر لك تعليقك أخوي أبو ياسر

[أبو فهد11]

ياخي ليش الامور هذي بس تصير في الدول العربيه الدول الاسلامية لاحول ولا قوة الا بالله
العلي العظيم
مسكين المستهلك اتحاد التجار مع قسم حماية المستهلك ولا حماية التاجر ما ادري ايش الصح
ياحبيبي لان الحبل اللي مربوط به التجار طويل الله يسلمك فهو يرافس ويناهق على راحته مافيه
على الاقل تأنيب من وزارة الاقتصاد ما فيه اهتمام وحفظ حقوق لذا المسكين اللي يسمونه المستهلك
اللي يبني أمجاد التجار اللي ينفخ كروشهم
لكن
خلوها تصدي

هلا وغلا بك أخوي الغالي

رداً على تسأولك لأن الشعب الاسلامي والعربي والسعودي خاص حبيب ويتعامل بالصدق

لكن هنا ناس تستغل الثغرات حسبنا الله ونعم الوكيل

ويتوقعون كل طريقه او تلاعب يستطيعون الحصول على المال من خلالها نجاح او ابداع

وما علموا أنها جحيم عليهم


الله يكون في عون المستهلك


وشاكر لك مرورك يالغالي