المساعد الشخصي الرقمي

مشاهدة النسخة كاملة : ماهي نصايحكم لمن يريد شراء سياره من الامارات قبل يطيح الفاس بالراس.....!!!


MNH
05/03/2009, 02:37 PM
السلام عليكم ............


انوي انشاء الله الذهاب قريبا الى الامارات لشراء سياره شاص تويوتا او نيسان او جمس ايهم انسب لي المهم النظيف والسعر الزين واريد نصايحكم الذهبيه لاني غشيم مره في ذا الشغلات ولا اعرف فيها شي ولم يسبق لي ان فعلتها

اريد نصايحكم في كل شي حتى في طريقه حمل الفلوس و بعد شراء السياره والجمارك والمرور لو سمحتوا



واشكر مقدما كل من قدم لي نصيحه هنا
البحر2005
05/03/2009, 07:33 PM
السلام عليكم
نصيحتي لك انتبه من البدي لأن اكثر سيارات الخليج اذا تعرضت لصدمه رشت بالكامل فنتبه من ذلك
وكذلك من السيارت التي وضع فيها هدرز
فما اكثرهن
اما الفلوس فتركها في البنك
أبونورة777
05/03/2009, 07:45 PM
إذا غشيم بالسيارات .. فأنا أقولك مو 90 % راح ينضحك عليك .. إلا 100% بيضحكون عليك مع احترامي لك .. صدقني فيه ناس تبخص في السيارات وانضحك عليهم

هناك النصب والدجل عيني عينك .. والمشكلة عليهم رشّ وسمكرة .. أحياناً الشريطية ما يطلعونه

أنصحك ما تروح إلا ومعك أحد خبير بالسيارات ( يعني يعرف يطلع اللي فيها سمكرة ورش )

نصيحة أخ لا تتوهق بروحك .. ترا هناك يلعبون بالسيارات لعب

والله يوفقك بالسيارة الطيبة يالغالي
مخ سعودي
05/03/2009, 09:03 PM
888888888888888888888
نفس الكلام وانصحك تأخذ من هنا افضل واحسن

والله يسر لنا اللي فيه الخير
بن شمروخ
06/03/2009, 01:42 PM
والله يالغالي الامارات البيع بلا ضمة وضمير

والمشكلة الي يبيعون مهم اماراتين كل ابوهم اجانب
انتبه منهم ....
شقران نجد
06/03/2009, 02:50 PM
اخوي الغالي Mnh

شووووري عليك لا تتعدى ديرتك دور هنا ارخص وأنظف وهذا من واقع تجربه ياخوي عمرك شفت شاص بالسعوديه يخمسون عليه ؟!!!

بالأمارات ترى كنه كامري ياخذونه الشباب للتفحيط والتخميس اقضب ارضك ويبي يرزقك الله ان شاء الله بشاص يحبه قلبك ....

دعواتي لك بالتوفيق
راعي الجيوب 1
06/03/2009, 03:04 PM
حياك الله ياطالب المشوره
اخي الغالي اذا كنت تبحث عن جيب شاص فعليك الذهاب الي مدينه العين وانشاء الله تجد مطلبك اما اذا غير الشاص فثق ان السعر نفس الموجود في السعوديه ماعدا الامريكي فقط يعني السيارات الصغيره اما غيره فهو نفس السعر حيث كنت الاسبوع الماضي هناك ولعلمك وجدت جيب شاص 2009رصاصي علي الزيرو جديد مواصفاته قزاز كهرب ريموت وهزاز فقط 115 الف ريال اظف عليه رسوم اوراق تصديره والوحات وماشابه ذالك ... اما اذا كنت عازم علي السفر فخذ حذرك جميع انواع النصب من جميع جنسيات الدول العربيه سوف تشاهده امامك الي من رحمه الله .. اذا وجت مطلبك اذهب الي اداره المرور وهم يفحصون السياره لك ومعرفه الحوادث التي حصلت عليها ومتي دخلت البلاد كل هذا بسعر زهيد ،،
ارجو انني قدمت لك ماطلبته
تقبل تحياتي
البرحه
06/03/2009, 08:46 PM
انصحك ما تروح ما هناك الا الدجه
معدي المرقاب
06/03/2009, 10:29 PM
ديرتك ابركلك
ريضان السهل
06/03/2009, 11:54 PM
نصيحه

لا ياكلونك بالسوالف .. ترى والله العظيم ان اللي فيه ذرة طيب راح ينضحك عليه

يعني اذا الوحد قام يحلف لك ويسوي انه نزيه ومخلص وما يغش ... لااااااااااا تصدق وتاكلها

افحص السيارة مية مره ... انتبه تكاسل ... انتبببببببه ...

وقبل كل شي توكل على الله وادع ان الله يوفقك

بالتوفيق
قصي
07/03/2009, 12:04 AM
الاسعار كما هي عندنا سوى الامريكي اذا عرض عليك سياره مثلا 40000 الف سمها 20000 ويبيعونها حول السومه صارت معى شيروكي سئلتهم كم سعره قال 18000 وسمته 9000 وشريته 9500
غاوي رومانس
07/03/2009, 11:11 AM
بصراحه انا توني جاي من الامارات

واشتريت لي باترول اربع ابواب موديل 97

الاسعار متقاربه كثير بين هنا وهناك

بس انتبه من النصب وانا اخوك

انا رحت عن طريق واحد اماراتي عارف لهم
بس ماحصلنا في المعارض اللي في الشارقة

وحصلت عند واحد راعي بيت مو مهربد

وعلى التوفيق

طبعا اذا اشتريته يعطونك لوحات تصدير وسوالف طويلة

انا للحين ماحصلت لي فرصه اروح اخلص اوراقي
MNH
08/03/2009, 03:19 PM
السلام عليكم

نصيحتي لك انتبه من البدي لأن اكثر سيارات الخليج اذا تعرضت لصدمه رشت بالكامل فنتبه من ذلك
وكذلك من السيارت التي وضع فيها هدرز
فما اكثرهن
اما الفلوس فتركها في البنك




اشكر لك تعقيبك وبالنسبه للفلوس كيف احطها في البنك وانا حسابي سعودي مااعرف طريقه التحويل ياليت تنورنا

سمعت في محلات فحص تفحص السياره من الى وتعطيك تقرير في النهايه هل سمعت عنها .....؟؟
MNH
08/03/2009, 03:21 PM
888888888888888888888
نفس الكلام وانصحك تأخذ من هنا افضل واحسن

والله يسر لنا اللي فيه الخير

وين اخذ من هنا وربعنا معلين الشاص في العلالي يحسبونه مصنوع من ذهب هجل شاص موديل 2000 سيم ب 60 الف ولا باع مدري وش عاده يبي راعيه اسعاااار مبالغ فيها
MNH
09/03/2009, 12:01 AM
والله يالغالي الامارات البيع بلا ضمة وضمير

والمشكلة الي يبيعون مهم اماراتين كل ابوهم اجانب
انتبه منهم ....
اهم شي هل فيه اماكن لفحص السيارات هذا اللي ابيه

وطريقه اخذ الكاش هل بشيك والا وش افضل طريقه
بوسعود 180
09/03/2009, 02:37 AM
شواص الامارات اكثرها جايتها قلبات وان سلمات من القلبات ماسلمت السمكره الرش

واكثر مواترهم مكاينهم يخرطون روسها وبساتمها

نصيحه لاتروح تشتري الا الجديد ولا المستعمل دور هنا ولا في قطر احسن لك

وبالنسبه للفلوس خذ معك كاش بس بلغ الجمرك اذاوصلت ان معك مبلغ جامد علشان مايسحبونه عليك
ناصر العدواني
21/03/2009, 10:20 AM
السلام عليكم
اخي العزيز من واقع تجربه
انا رحت للإمارات ولا شريت الا من الرياض
هذا المبروك اللي بالتوقيع
يبي لي اسولف لك ساعتين واقول لك وش اللي صار معي
بالنسبه للفلوس خذها معاك كاش
وخذ ايصال السحب من البنك واذا عطوك خطاب انك سحبت من حسابك مثلا 100ألف يكون ازين عشان موضوع لافصاح عن المبالغ النقديه بالمنافذ
واذا وصلت هناك صلح لك حساب في بنك يكون له فروع كثيره
واودعها هناك وتسحب متى ماتبي
بالنسبه للمعارض عجمان اغسل يدك بكلوركس
رح معارض ابو شغاره في الشارقه
تدوخ في المعارض
وفيه شارع المرور
يجيبون سيارات اللي يبون يبيعونها ويلفون فيها
واذا عجبك سياره توقف صاحبها وتتفاهم معاه وتفصح وكلش
هذي يجي فيه صيدات فوق الممتازه
واسعار التراب وانتم بكرامه
يبي يبيع ويشتري جديد ما سأل عن السعر
والا رح لبني ياس تلاقي سيارات الدفع الرباعي هناك بكثره
والاكثر منها في البريمي على الحدود العمانيه
وبرخص وسيارات نظيفه
وانت من تشوف اللي يبي يبيع ومن رزة السياره لك نظره
وفيه الفحص على قفا من يشيل
حتى البودي له اجهزه خاصه للفحص للبويه والسمكره
اجهزه إلكترونيه
الصالات لا تشتري منها ابد
الاسعار بصفه عامه
التويوتا يحتل المرتبه الاولى بالغلاء
النيسان بالمرتبه الثانيه
الامريكي رخيييييييييييييييييييييييييص
ولكن إستأجر لك سياره من المطار
عشان ما تتوهق في التكاسي
والفنادق بعجمان على البحر اسعارهم زينه
120 درهم الليله
التكاسي يوصلك لناس متفق معاهم عارفين انك جاي بكرتونك
اسف على الاطاله
والله يوفقك ويرزقك
Abdh11
13/09/2011, 11:41 AM
السلام عليكم
تحية طيبة وبعد
انا أريد شراء سيارة مستعملة من العين بالإمارات
سؤال هل هادفع جمارك من الإمارات لمصر
ولو كان فيه جمارك كم جمرك سيارة هيونداي تكسون 2005 - أو 2007
ممكن حد يفيدني وجزاكم الله خيراً
كثير السؤال
13/09/2011, 11:59 AM
الموضوع ذا يفيدكhttp://mekshat.com/vb/showthread.php?t=320235&page=2
مخاوي 2004
13/09/2011, 12:17 PM
السلام عليكم ............


انوي انشاء الله الذهاب قريبا الى الامارات لشراء سياره شاص تويوتا او نيسان او جمس ايهم انسب لي المهم النظيف والسعر الزين واريد نصايحكم الذهبيه لاني غشيم مره في ذا الشغلات ولا اعرف فيها شي ولم يسبق لي ان فعلتها

اريد نصايحكم في كل شي حتى في طريقه حمل الفلوس و بعد شراء السياره والجمارك والمرور لو سمحتوا



واشكر مقدما كل من قدم لي نصيحه هنا


هلا اخوي عز الله ان الربع صدقوا يوم قالوا خذ من عندنا ابرك الشيصان هناك انواع التخميس

انا خابر لك شاص فل 2005 بريمي فل الفل ماشي 200 والبدي على الشرط كان

لك نظر كلمت الرجال وهو راعي نصب وتكشيخ بالموتر
(هزاع)
13/09/2011, 12:42 PM
الله يرزق باللي يريح بالك