المساعد الشخصي الرقمي

مشاهدة النسخة كاملة : طرمبة البنزين لسفاري؟؟؟


xnaifx
06/03/2009, 11:08 AM
السلام عليكم ورحمة الله وبركاته


يالربع عندي سوبر سفاري 98 وابي اغير طرمبة البنزين له
ودي اعرف وش افضل طرمبة اركب شد بلد اصليه او فيه شي غيرها افضل ؟؟


يعطيكم العافيه
شاص1988
06/03/2009, 12:42 PM
خلك على شد بلادة أزينلك
جيبي جايزلي
06/03/2009, 12:54 PM
اتوقع ما فيه طرمبه تركب مثل شد البلد لان شد البلد مهيب على كهرب اصليه قيمتها 160 او170 ريال ما تعدا
وبالتوفيق
قاصد الصمان
06/03/2009, 03:18 PM
السلام عليكم ورحمة الله وبركاته


يالربع عندي سوبر سفاري 98 وابي اغير طرمبة البنزين له
ودي اعرف وش افضل طرمبة اركب شد بلد اصليه او فيه شي غيرها افضل ؟؟


يعطيكم العافيه





ركب شد البلد من الوكالة او من أحد الوكلأ قيمتها حوالي 600 ريال
أفضل من غيرها لأن طرمبتة الباترول الأصلية معروفة وتعيش طويلاً
ابوسعودد
06/03/2009, 04:46 PM
من وجهة نظري ومن واقع تجربه انتبه تركب حقت شد البلد لانها في الاصل ماهيب اصليه 100% وقيمتها فوق ال600 ريال
ونصيحتي لك تركب حقت في اكس ار بس مدري كم سعرها او حقت امريكي قيمتها فوق ال200 ريال
وانت ماحددت وش نوع موترك هل بخاخ او كلبليتر لانها تختلف كثير وهل هو صالون او باب واحد ؟
وانا تجربتي هي مع البخاخ الصالون ركبت حقت شد البلد لان الموتر احس فيه ثقل ومشت معي تمام بعد كم شهر رجعت العله ثم ركبت حقت امريكي ب 200 ريال وصار الموتر معي تمام .
دانكن
06/03/2009, 08:49 PM
ركب حقت لاند كروزر بـ 550 ريال تقريبا ً ..

من واقع تجربة .. :) ..
xnaifx
06/03/2009, 09:13 PM
السلام عليكم
الله يعطيكم العافيه عزالله ماقصرتو
موتري سوبر سفاري 98 بخاخ قيرتماتيك
وش السياره الامريكية الي اركب طرمبته
والي غير الطرمبة هل تغير عزم الموتر
وطرمبة الفي اكس تغير الموتر عقبها

ادري اني طولت عليكم بالاسئله لكن ادري انكم ماتقصورن
ابوسعودد
07/03/2009, 09:18 AM
اخوي حسب مافهمت ان الطرمبه عندك زينه بس تبي تغيرها عشان العزم ... هل طرمبة البنزين خربانه عندك ؟
و اللي اعرفه ومتاكد منه ان الباترول البخاخ ال 98 صالون تماتيك انه ثقيل مره ولو غيرت الطرمبه يمكن يتغير عزمه بس بشكل خفيف ويمكن مايتغير لان طبيعه السياره ثقيله .
ذيب عالية نجد
07/03/2009, 11:27 AM
ياشباب أنا عندي باترول 98 وفجأه تغير عزم الموتر وصار ضعيف مره ومير أطمر أغير الطرمبه ب500 ريال أصلية شد بلد وصار الموتر حصان يشم البنزين شم
واحد نفر
07/03/2009, 02:14 PM
طيب وش هي السيارة الامريكيه اللي اطربنه تركب على السفاري

عندي سفاري 98 عزمه ثقيل غيرت البرواجي والاسلاك والطرنبه والصفايه ولفتر الهواء

تغير شي بسيط بس ماهو اللي في الخاطري

وابي اجرب اطرنبه الامريكيه

وش اراي ياشباب