تكفون يالربع ( مليت من الحرارة )

[روافد]

هلا ومرحبا فيكم

ياجماعه عندي باترول 1999 م عندي مشكلة في الحراره غير ثابته اذا مشيت

تنزل واذا وفقت ترتفع طبعا انا ما اخليها تزيد لازم اتحرك باي طريقة وانزلها ، ولاكن

هذا الشي مسبب لي مشكلة

الاديتر حق الوكاله ما غيرته ولاكني اسيخة كل سنه واعبر موية مقطره .
والبلف غيرته وطرمبه المويه والخراطيش ..
والمروحة وتماتيكها بعد مغيره

وش رايكم وش الحل ابيها تنزل وما تحتر ابد بدون ما اشيل البلف ..

شكرا لكم

[مسفر الاكلبي]

انصحك تغير الاديتر وشيك على المروحه لا تكون مقلوبه

حصلت معي كانت المروحه تدفع للخارج وأذا مشيت برد الموتر وأذا وقفت

سخْن

وفقك الله ورعاك

[تريحيب1]

للأسف الظاهر راس المكينة شيك عليه
تقريبا هو السبب

[روافد]

اخوي مسفر الاديتر ما باين عليه اي شي ولا ضربات ولا شي ...

اخوي ترحيب الراس مغير جديد سبق ان انشعر

شكرا لكم على الاهتمام

[mrayman]

ما خبرت تصير هـ الحركة إلا من المراوح
لكن
انت شيك على طرمبة الماء وكيف الدفع فيها ...

[مزن الصيف]

يخوي خل السفاري وحرارته اقلعه بخس اثمانه علاك بالتايوتا عطي الله

[ابوحماد]

عند المشي بسيارة لا ترتفع حرارة السيارة

وعند الوقوف ترتفع

هذا يا أخي الكريم يدل على هناك وجود مشكلة عندك

1- بسبب نقص الهواء، يلزم التشييك على المروحة

2- كلتش المروحه

3- وسير المروحة

[الشبح455]

اخوي شف ركب له اديتر اربع رصات ولا ثلاث اريح لك

[ابو سويلم]

جرب غطاء الاديتر يمكن المشكلة منهاو الخراطيش

[دانكن]

شيك على حساس المراوح .. :) ..

[absent4]

طيب عندي هذه طريقة شفلك محل تغسيل الرديتر اللي عندهم اجهزة لونها اخضر

قل له ينزل الديتر لحالة ثم يفك البلف ،

ويشبك الجهاز علي المكينه لوحدها وغسلها ويضيف مع ماء الغسيل علبتين زيت فرامل

(لا تستخدم الفلاش نهائيا)

حتى ينزل الصدا تمام ثم يفضيها من الماء و زيت الفرامل ويغسلها مره ثانيه بماء عادي

ثم يرجعة الرديتر البلف ان شاء الله يضبط

ملاحظة

انا احذرك الرديتر والبلف لا يقربة زيت الفرامل

[قمري قيال]

مثل ما قالوا لاخوان وافادوا الله يجزاهم خير
لكن يمكن يكون الموتر مايستفيد من المروحه الاساسيه اما من خلل في التماتيك اي الكلتش
اوالبلا ستيك اللي يغطي على المروحه يكون متخلخل ولا يروح الهوا للاديتر

[atamami]

طيب عندي هذه طريقة شفلك محل تغسيل الرديتر اللي عندهم اجهزة لونها اخضر

قل له ينزل الديتر لحالة ثم يفك البلف ،

ويشبك الجهاز علي المكينه لوحدها وغسلها ويضيف مع ماء الغسيل علبتين زيت فرامل

(لا تستخدم الفلاش نهائيا)

حتى ينزل الصدا تمام ثم يفضيها من الماء و زيت الفرامل ويغسلها مره ثانيه بماء عادي

ثم يرجعة الرديتر البلف ان شاء الله يضبط

ملاحظة

انا احذرك الرديتر والبلف لا يقربة زيت الفرامل
اخوي روافد
كلام اخوي absent4 سليم
ولا تغيير الاديتر ولا شي
ولكن مثل ما قالوا الجماعة شيك على المروحه

ملاحظه " حدثت هذه المشكله لاحد الاعضاء في المنتدى وذكر سالفت تنظيف المكينة عند محلات الاديتر "

تحياتي

[ابو السهوم]

العلاج عندي أنا أبو السهوم .... من غير مهونة للربع .
إسمع وأنا أخوك وانامجرب .غير المراوح طبعا مروحة المكينه وركب مراوح كهرب حقة سوبارو تكلفك تقريبا 500 ريال لكن وحده بوحده والحراره راح تكون على الربع ثابته لكن شف لك شخص فاهم يركبها لأن لازم لها حساس مرسيدس وبلف حراره حق مرسيدس وبإذن الله راح تدعيلي .
مع تمنياتي لك بالتوفيق .

[روافد]

الله يجزاكم خير

وشكرا لكم جميعا على الاهتمام والمتابعه

وان شاء الله باجرب واعطيكم النتيجة

مع التحية

[بدوي جنوبي]

اخي روافد

اتوقع ان الحرارة طبيعيه
اذا وقفت وين تاصل الحراره
واذا مشيت ايضا ؟

تحياتي

[راعي الخرازه]

طيب يالحبيب هو سؤال وشور لك بنفس الوقت :
جرب تحط مويه خضراء او حمراء حقت اسي ديلكو يمكن تنفع .

اكرر الي عنده معلومه عن هذي الحركه يقولنا

وسلامتكم ..,

[ابوحماد]

عند المشي بسيارة لا ترتفع حرارة السيارة



وعند الوقوف ترتفع


هذا يا أخي الكريم يدل على هناك وجود مشكلة عندك


1- بسبب نقص الهواء، يلزم التشييك على المروحة


2- كلتش المروحه


3- وسير المروحة



+ ماء الرديتر أهم شي يكون أصلي قبل كل شي النوع اسي ديلكو أخضر سعر الجالون 4 لتر 45 ريال

[ابوراشد1]

سؤال اخواني هل طرمبة الحرارة لا زم تغير بعد 60 الف ونركب صناعة وطنية وهل لها دخل بتبريد المكيف

وشكرا للجميع

[fox1]

شيك على الشكمان يمكن معفوط جايته ضربه وبعدين يسبب رجوع العادم للمكينه وترتفع الحراره

[راعي الطلعات]

نصيحه غير الاديتر خلاص انتهى اذا انت تسيخه كل سنه

وان شاءالله بتلاحظ الفرق

بس اشتر لك وكاله

[ياسر 97]

السلام عليكم

شيك على البلف اتوقع انة قافل ....

وانصحك تغير البلف الى بلف ديزل وان شاء الله تظبط معك

تقبل تحياتي

[تايقر11]

والله كانت هذه الحركة مجننتني بالجيب التويوتا ( كبسولة ربع موديل 93 )
اذا وقفت لو خمس دقائق وصلت الحرارة قبل الاخير.. واذا مشيت من أفضل مايكون. بس من يوم غيرت الراس حق المكينة بواحد جديد( كلفني حوالي 4700 ريال ) أرتحت من الحرارة ومشاكلها حتى المكيف صرت اشغله وأنا مطمئن .. أول أطالع بالمكيف بحسرة مقدر خايف من الحرارة