لمن جرب الناتيفا!!

[بو جريس 73]

السلام عليكم ورحمة الله

اخواني اعضاء المنتدى العزيز

حبيت استفسر عن جيب الناتيفا مستبيشي 3000سيسي وشلونه من موتر بالبر زين شين

وشكراا

[مزن الصيف]

ياخوي اشوف اغلب الذين يستخدمونه السودانيين وضنه لاخيرفيه

[sahab555]

أخي مزن الصيف / الله يسامحك .... هذا الكلام ليس له داعي. السودانيين شعب طيب وفيهم خير كثير .... العنصرية شيء بغيض لا يقره الإسلام.........
صاحب الموضوع / للأسف ليس لدي معلومات عما سألت....

[لن أمل من العطاء]

والله انا شفته مع صاحب لي عزمه ضعيف جدا واعتقد لا ياتي منه الا ير اوتومايك

الشيء الثاني ليه ما تشوف باجيرو سبورت
وهي صورة وهو مثل الونيت اللي اشتريته قل فتره

وهو موجود في العيسائي

http://www.auto-power-girl.com/photo-gallery/mitsubishi-pajero-sport/mitsubishi-pajero-sport-2009-1.jpg

وهذي صورة الونيت نفس بعض
والمكينه 3500 مثل الباجيرو

ومواصفاته حلوه

وهذي صورة الونيت

http://www.ftreg.com/blog/wp-content/uploads/2008/09/l2005.jpg


وهذا رابط لموضوعي ومعلومات كاملة عنه

وصور
http://www.mekshat.com/vb/showthread.php?t=171202

[أطلال نجد]

إذا بتأخذ جديد زود قريشاتك شوي وخذ لك باجيروا أفضل

[بو جريس 73]

يعطيكم العافيه شباب ماقصرتو

السالفه ان هذا الموتر سعره مستعمل عندنا بالكويت رخيص يعني 2006 ماشي 60الف كيلو سعره من 2750 وقلت اذا الموتر طيب باخذلي واحد لأن صراحه مافيني شده على التويوتا والنيسان ولكن الظاهر الموتر مش حالك وقلت اتم على موتري الباتريوت 91 احسن لما الله يرزقنا وناخذ جيب

وجزيل الشكر للأخوان (لم امل من العطاء)و(اطلال نجد)و(سحاب555) جزاكم الله خير

[Hakamy]

أحب أشارك بالموضوع قبل لا تحكموا على السيارة هلمن مجرب؟؟؟؟؟؟

أخوكم مجرب السارة شخصياً وهي م/2004 أوتوماتيك
وهي قويه وتستحمل مقارنةً بقريناتها من نفس الفئه والأجمل سعرها رخيييييص في السوق
بالنسبه لقوتها في البر فهي تعتمد على سواقها
ولها بعض العيوب حالها حال اي سيارة
مثل عندنا غي السعوديه لا توجد لها مواصفات أضافيه مثل فتحه وغيرها

بأختصااااار هي جندي متسوبيشي المجهوووووول
ولو تحبوا تجربوا السيارة انا تحتامركم جميع والموقع جده وحييياااااااكم
تقبلو مروري يا أعز أعضاء

[بو جريس 73]

بارك الله فيك ياخوي حكمي ماقصرت والله-- وامس اقترح علي احد الزملاء بأن استأجره يوم واجربه والتجربه خير برهان واشكر مرورك اخي وجزاك الله خير .

[Hakamy]

ياغاااااالي
يمكن تلاقي صعوبه في ايجاد مثلها للأيجار

لاكن زي ما قلتلك اذا انت في جده ان والله تحت امرك وامر جميع الأعضاء وهذا اقل شىء اقدمه للمنتدى الغالي
أخوك \ ابو رنــــا جوال \ 0551384639

[مقلقل]

انا معي موديل 2007 في الطعوس ما شاء الله حلووه مره

لا تترد

[بو جريس 73]

على راسي يا حكمي مشكور وماقصرت هذا العشم والله بالنسبه للإيجار عندنا بالكويت متوفر هذا النوع بكثره وأن شاء الله بجربه الأسبوع القادم ان شاء الله لأني مشغول هاليومين بشيلة المخيم وجزاك الله خير على الفزعه

الأخ مقلقل/ جزاك الله خير ماقصرت على المعلومه

[Dead]

أخوي zxs-73 ... سعره شوي مرتفع حاول تنزل من سعره يعني إلى حدود 2300 دينار يكون زين لأن سعره جديد 4600 دينار عند الملا... وحاول تاخذ كامل المواصفات بس مخمل .. راح تحصل كثير :)

الناتيفا ممتاز وعملي ومحركاته نفس الباجيرو 3000 سي سي ونفس قطع الغيار بس سبب عدم إنتشاره إن شكله قديم جدا ومافي أي تطوير عليه ... وأغلب الشركات الإنشائية تشتريه لأنه عملي جدا وكذلك الجيش بالحدود يستخدمون ناتيفا وكارفينه كرف .

وتراه ممل بالسواقه يعني بعد فتره راح تمل منه...

[بو جريس 73]

اخوي dead يعطيك العافية ماقصرت على النصيحه ومشكور جزاك الله خير

[الشفر الاحمر]

شوف أخوي الايجابيات والسلبيات:-
1:السلبيات:-
-مكيف واحد فقط ليس مركزي.
-3000قوتها.
-لا يوجد بالسوق الا قطع غيار اصلي فقط.

2-الايجابيات:-
-متينه فعلا بمعنى الكلمة.
-راسيه"مجربه في سفريلت طويله دوليه,رحلات برية.
-ممكن تحسن عزمها بشكل ملحوظ بتركيب مراوح كهرابائية فقط بدون شغلات ثانية.
ممكن تحسن تبريد من تبريد المقصوره بفصل المقاعد الامامية عن المساحة الخلفية بنايلون متين شفاف اللي يتركب على الارضيات وتصيربراد كما لوأنك بكامري.
- فيها مساحات شاسعة لماطور الهوا والترانس والحبال والحبال والاشتراك طبعا داخل الغماره.

[بو جريس 73]

يعطيك العافية اخوي الشفر الأحمر ماقصرت على المعلومات جزاك الله خير

[المدندن]

هل تغير يا اخوان شكل الناتيفا في موديل 2009؟
اما مازال نفس الشكل
يوجد رابط في المنتدى تم التحدث عن الناتيفا بشي من الاسهاب ، واتذكر اني وضعت اسعار بعض قطع الغيار الاستهلاكيه والتي لا تحضرني الان اسعارها
وللجميع ارق الاحترام والتقدير