وش رايكم ارض وقرض ولا قرض و..

[راعي المعازل]

بسم الله الرحمن الرحيم


السلام عليكم اخواني المكشاتيين


قبل البدء اود ان اوضح لكم نقطة مهمة:
هذا طلب للمساعدة ومشوره وليس للتعصب لموتر تحبه



انا ابي اخذ لي قرض من البنك وقالوا لي نعطيك يمكن بحدود المية وخمسين الف ريال
وابي موتر دفع رباعي عائلي من وين ما فزعته فزع, وكنت ناوي احطها بـvx-r بحدود
هالمية وعشرين قالوا تجيب لك 2004 او 2005 ...

بس الشكل الجديد للفكسارات طيح سوق اللي قبلة ( من وجهت نظري)


وجاني واحد من الشباب مخ ( تجاري) قال شوري عليك تأخذ لك سوبر سفاري بحدود المية والباقيات حطهن بأرض لو هي باخر الديرة ...


شـــوركـــم يـالــربــــع

* هل احطهن بفكسار ( يعني بحدود المية وثلاثين وش المديل اللي تجيبة).
* السفاري وش الفرق وش احلاهن وش تنصحوني بوه ياهل السفاري من موديل ونوع.
* كم الموديل ( من السفاري) اللي تجيبة المية لوتزيد شوي.
* وش رايكم برأي اخونا راعي الارض وهل فكرته مجدية.

ياليت ياخوان جواب شافي الله يوفقكم

واحتسبوا فيني الاجر وعساااااكم على القوة

[عزيز النفس 66]

والله السفاري معي وانواع القرقعه فيه

والقرض يا خوي خله بشيء ينفعك ابركلك

تعبر بسيارتك الي معك واستثمر دراهمك الي معك ابركلك بس

[الــفــيــصــــل]

اول شي ممكن سلف خمس الاف ريال !! ثاني شي عين من الله خير وشتر أرض ابرك من السفاري وغيره والنصيحه اليوم بلاش بعدين تكون بفلوس أتمنى لك التوفيف نصيحه تصدق 200 ريال منهن علشان ماصعب لك الامر 2000 لا بس 200 ريال وشف التوفيق بعدها

[DARK2]

واحتسبوا فيني الاجر وعساااااكم على القوة


اذا سمحت لي انا برد على اخر كلامك وان شاء الله يكون صدرك وسيع لردي
ابعد عن ( الربا ) والقروض وانا اخوك والله يعوضك خير منة ان شاء الله لو تركب لك موديل 1950 من حر مالك تصير بركتة احسن من بركت 2009 ماخذة بقرض وان شاء الله ماتزعل من نصيحتي

[sierra denali]

بسم الله الرحمن الرحيم


السلام عليكم اخواني المكشاتيين


قبل البدء اود ان اوضح لكم نقطة مهمة:
هذا طلب للمساعدة ومشوره وليس للتعصب لموتر تحبه



انا ابي اخذ لي قرض من البنك وقالوا لي نعطيك يمكن بحدود المية وخمسين الف ريال
وابي موتر دفع رباعي عائلي من وين ما فزعته فزع, وكنت ناوي احطها بـvx-r بحدود
هالمية وعشرين قالوا تجيب لك 2004 او 2005 ...

بس الشكل الجديد للفكسارات طيح سوق اللي قبلة ( من وجهت نظري)


وجاني واحد من الشباب مخ ( تجاري) قال شوري عليك تأخذ لك سوبر سفاري بحدود المية والباقيات حطهن بأرض لو هي باخر الديرة ...


شـــوركـــم يـالــربــــع

* هل احطهن بفكسار ( يعني بحدود المية وثلاثين وش المديل اللي تجيبة).
* السفاري وش الفرق وش احلاهن وش تنصحوني بوه ياهل السفاري من موديل ونوع.
* كم الموديل ( من السفاري) اللي تجيبة المية لوتزيد شوي.
* وش رايكم برأي اخونا راعي الارض وهل فكرته مجدية.

ياليت ياخوان جواب شافي الله يوفقكم

واحتسبوا فيني الاجر وعساااااكم على القوة



ياهلا بك يا اخوي وفعلا ماخاب من استشار ..


من رأيي أن الفكسار او الجيب اللكزس افضل حتى لو موديلهم عدا ,, هذي سيارات قيمتها فيها ولاتستغرب لو استخدمته سنه وبعته بنفس القيمة او يمكن بمكسب لان هذي عوايد هالسيارات ,, بالنسبة للأرض بصفتي صاحب عقار بصراحة ما أشجع أبدا السوق في نزول واسعار الاراضي الخام بتنزل لو انها تجاريه او عمارة او شيء زي كذا يمكن اما خام راح تنزل اسعارها وهي الان في نزول وركود غير مسبوق ..


ولاتنسى الاستخارة قبل كل شيء وانا اخوك والله يخيرك في ما فيه خيرك ..

[المميـز]

بخصوص الفرق بين السيارات

الفكسار سياره عائليه وقويه وانا اشهد لها

خاصه الشكل القديم ماشاء الله كد ومد ومهنا الا العافيه

أما بالنسبه للشكل الجديد فهو قوي بالشكل وفخم جدا

ولكن الى الان ماسمعت عن عيوبه واتوقع مافيه عيوب

لاننا ماسمعنا عنه شي واشوفه منتشر

ولكن سعره غالي



الباترول

سياره قويه وعائليه وتتحمل الصعاب

ولكن يعيب الباترول شيء واحد وهو كتاوت البنزين وهو ليس بالعيب الكبير

يعني عليك وضع كتاوت احتياط معك بالسياره

وسعر الباترول سوبر سفاري 2007 تلقاه مابين 115 الى 119 الف ريال تقريبا

طبعا على حسب نظافة السياره


وبالنسبه للفكره التجاريه فهي حلوووه جداً

وعلى ماقال خويك لو هي بأخر الدنيا

تراهي تزيد وماتنقص

واخيرا اقول الله يكتب لك اللي فيه الخير

وعليك
بالاستخاره بعد الاستشاره

[السنع كله]

دع القرض ان لم تكن مضطرا تراه هم هذا ان لم يكن به اثم وتعبر باللي معك حتى الله يفرجها ومد رجلك على قد لحافك وفقك الله لكل خير وكفاك مااهمك وغفر ذنبك وافر حظك ودراهمك وبارك فيها

[sierra denali]

على فكرة اذا تبي رايي لا تاخذ فكسار ..

خذ لك جي اكس 2008 ثمانية سلندر بتلاقيه بمية واربعين الى مية وخمس واربعين افضل لك من الفكسار بحكم الشكل ..

واذا كان الشكل مو عاجبك اشتره ويبيلك شهرين ثلاثه تتعود على شكله وتشوفه افضل كثير من القديم لان هذي شغله نفسيه ..

تحياتي لك ..

[فاقدخوي]

* هل احطهن بفكسار ( يعني بحدود المية وثلاثين وش المديل اللي تجيبة).

[سيف الظفير]

بسم الله الرحمن الرحيم


السلام عليكم اخواني المكشاتيين


قبل البدء اود ان اوضح لكم نقطة مهمة:
هذا طلب للمساعدة ومشوره وليس للتعصب لموتر تحبه



انا ابي اخذ لي قرض من البنك وقالوا لي نعطيك يمكن بحدود المية وخمسين الف ريال
وابي موتر دفع رباعي عائلي من وين ما فزعته فزع, وكنت ناوي احطها بـvx-r بحدود
هالمية وعشرين قالوا تجيب لك 2004 او 2005 ...

بس الشكل الجديد للفكسارات طيح سوق اللي قبلة ( من وجهت نظري)


وجاني واحد من الشباب مخ ( تجاري) قال شوري عليك تأخذ لك سوبر سفاري بحدود المية والباقيات حطهن بأرض لو هي باخر الديرة ...


شـــوركـــم يـالــربــــع

* هل احطهن بفكسار ( يعني بحدود المية وثلاثين وش المديل اللي تجيبة).
* السفاري وش الفرق وش احلاهن وش تنصحوني بوه ياهل السفاري من موديل ونوع.
* كم الموديل ( من السفاري) اللي تجيبة المية لوتزيد شوي.
* وش رايكم برأي اخونا راعي الارض وهل فكرته مجدية.

ياليت ياخوان جواب شافي الله يوفقكم

واحتسبوا فيني الاجر وعساااااكم على القوة







يا ابن الاجواد خذها نصيحة من اخوك يا القرم خذلك باترول سفاري 2 او سوبر سفاري


من موديل 2006/ 2009 احسن لك من فكسار او جكسار مكسر موديل 2004 بـ 120.000


ووفر الباقــــــي لك


نصيحة محب // مر على هذا الرابط //


http://www.hrajcar.com/Result_ar.aspx?ses=MHHLBXNQCDDCYBVQTVKRRCUC


وشف جيوب هالباترول اللي يحبها قلبك

وللمعلومية كلها بالكويت ماعليك الا ان تحول السعر من كويتي الى سعودي بالضرب بـ 12 ريال

[مخاوى ابوه]

اسمع يا الغالى ان كانك بغيت النصيحة هون عن قرظك ذا اللى انت بتاخذ وخلك على موترك الاول
لانك منتب خالص من القرض وفوايدة
واهم شى الاستخارة

[راعي المعازل]

الله يجزاكم الف خير على النصائح

ما قصرتوا جميعاً

انا القرض والله يالربع لو ما اخذته ما وفرت ولا ريال (طبعي كذا)

والموتر اللي معي شيروكي وماهو راعي روحات بعيده


بس اللي اشار علي بالارض لخبط اوراقي


عموماً ما قصرتوا والله لا يهينكم

بس السفاري وش تجيب لي الثمانين ( الموديل اقصد)

[تناهيت]

لا خاب من استشار اخوي :::

الموضوع من وجهه نضري ومن واقع تجربة سابقة متحسف عليها وندمان كثر شعر راسي انا مريت بوضعك لكن الحمد لله بدون قرض شريت سيارة بــ164000 الف كاش ولما مر عليها سنه تداركت الوضع وقلت لنفسي وشو له المكابرة والمفاخره ليه ما ابيعها واشتري لي ارض بقيمتها وكان ذلك عام 2005 مع وجود سيارة بديلة ولله الحمد لكن لم اوفق لني دخلت سوق الأسهم وخسرت 70% من المبلغ شاء الله وقدر وفعل لذا نصيحه اخوك اكيد معك الان سيارة بعها وزد على قيمتها فقط 50000 الف ريال واشتر لك سيارة عائلية موديلها حديث مثل جيب 2002 او تاهو 2006 او سفاري وخله خيار اخير وباقي قيمة القرض 100000 استثمره في ارض او مشروع يدر عليك دخل ويغطي قصده ويصير راتبك كامل والكامل وجهه الله وبالتوفيق اخوي ،،،،

[سيف الظفير]

قلت لك بردي مر على هذا الراااااااااااابط



http://www.hrajcar.com/Result_ar.aspx?ses=MHHLBXNQCDDCYBVQTVKRRCUC

[راعي المعازل]

لا خاب من استشار اخوي :::

الموضوع من وجهه نضري ومن واقع تجربة سابقة متحسف عليها وندمان كثر شعر راسي انا مريت بوضعك لكن الحمد لله بدون قرض شريت سيارة بــ164000 الف كاش ولما مر عليها سنه تداركت الوضع وقلت لنفسي وشو له المكابرة والمفاخره ليه ما ابيعها واشتري لي ارض بقيمتها وكان ذلك عام 2005 مع وجود سيارة بديلة ولله الحمد لكن لم اوفق لني دخلت سوق الأسهم وخسرت 70% من المبلغ شاء الله وقدر وفعل لذا نصيحه اخوك اكيد معك الان سيارة بعها وزد على قيمتها فقط 50000 الف ريال واشتر لك سيارة عائلية موديلها حديث مثل جيب 2002 او تاهو 2006 او سفاري وخله خيار اخير وباقي قيمة القرض 100000 استثمره في ارض او مشروع يدر عليك دخل ويغطي قصده ويصير راتبك كامل والكامل وجهه الله وبالتوفيق اخوي ،،،،



والله انه شورن طيب من وجهن اطيب ان شاء الله

والله اني ماني بعيدن عنك,, مر علينا دحدرت السوق

وبالنسبة للقرض ابي والله اخذه والاتكال على الله وابي انصفه نصفين

نصف للموتر ونصف ابي لي مشروع

[راعي المعازل]

قلت لك بردي مر على هذا الراااااااااااابط



http://www.hrajcar.com/Result_ar.aspx?ses=MHHLBXNQCDDCYBVQTVKRRCUC



سيف الضفير

يابعد حيي هالخشم

مريت على الرابط ودوجت به.. بس المشكلة ان الاسعار هذي بالكويت وثاني حاجة
هذا سعر معرض ما هو بياع يبي يبيع ويمشي وانت تعرف المقصد

اقصد يا اخوي ابي اسعارهن داخل السوق من ملاكهن ماهو من شريطية

والله يعافيك على التفاعل

[بواسامه]

طع شوري

حط 100 الف بارض
وخذلك موتر نظيف ب50 الف
:no2: تكرر غلطتنا
والسعيد من وعظ بغيره

الملك للعقار اهم من السياره
والسيارات والتشخيص لاحقين عليه
ياعسى عمرك طويل على طاعة لربك

[راعي المعازل]

طع شوري

حط 100 الف بارض
وخذلك موتر نظيف ب50 الف
:no2: تكرر غلطتنا
والسعيد من وعظ بغيره

الملك للعقار اهم من السياره
والسيارات والتشخيص لاحقين عليه
ياعسى عمرك طويل على طاعة لربك






جزاك الف خير


لاهنت على النصيحة

[مقلع الرمث]

شوف ياخي انا بعت جيبي وشريت لي قرنبعه سياره ب 10 الاف عشان اشري ارض وربك يفرجها انشاء الله سو زيي ابركلك

[مدور ربيع]

وكلام الاخوان بمتمه ..

عندي الان فكسار موديل 2005 .. ومخلية سيارة ثانوية , فاكه بـ 175 الف
والان يسام بـ 150 الف من شريطي

يعني استثمار مع فايدة , اربع سنوات خادمني , ولازال قيمته فيه

وبنفس الوقت عندي ارض بالملز مشتريها ايام الثورة الاقتصادية عام 2006

والى الان ماجابت نصف قيمتها :confused:

وانت وبصرك .. وفي قاعده وانا اخوك تقول بارك الله بالحلال اللي يخدم

[راعي المعازل]

شوف ياخي انا بعت جيبي وشريت لي قرنبعه سياره ب 10 الاف عشان اشري ارض وربك يفرجها انشاء الله سو زيي ابركلك


بارك الله فيك


لاهنت على النصيحة

[راعي المعازل]

وكلام الاخوان بمتمه ..

عندي الان فكسار موديل 2005 .. ومخلية سيارة ثانوية , فاكه بـ 175 الف
والان يسام بـ 150 الف من شريطي

يعني استثمار مع فايدة , اربع سنوات خادمني , ولازال قيمته فيه

وبنفس الوقت عندي ارض بالملز مشتريها ايام الثورة الاقتصادية عام 2006

والى الان ماجابت نصف قيمتها :confused:

وانت وبصرك .. وفي قاعده وانا اخوك تقول بارك الله بالحلال اللي يخدم



والله انك كلامك يالبناخي مظبوط ولا عليه غبار

ورجعتني للحيرة مرة اخرى


الله يجزاك خير

[مـدحـدر]

يا ابن الاجواد خذها نصيحة من اخوك يا القرم خذلك باترول سفاري 2 او سوبر سفاري



من موديل 2006/ 2009 احسن لك من فكسار او جكسار مكسر موديل 2004 بـ 120.000



ووفر الباقــــــي لك



نصيحة محب // مر على هذا الرابط //



http://www.hrajcar.com/Result_ar.aspx?ses=MHHLBXNQCDDCYBVQTVKRRCUC



وشف جيوب هالباترول اللي يحبها قلبك


وللمعلومية كلها بالكويت ماعليك الا ان تحول السعر من كويتي الى سعودي بالضرب بـ 12 ريال


:no2: :no2: :no2:



13.85 قيمة الدينار مقابل الريال

[ظل الماء]

أخوي الغالي :

كما ذكرت كان معك شروكي ومعروف عنه القوة فإذا دخل حساباتك الاستثمار فعليك بأخذ قرض مناسب على راتبك لتنتهي منه في اسرع وقت + ـاخذ سيارة جديدة بمواصفات معقولة ، نعم اللاند عزيز لكن بتتعب في سداد هالدين

بالنسبة لمشروع الاستثمار فإني انصح بالانتظار فلعل الأسعار في نزول كذلك يمكنك البداية بهذا القرض للسيارة والقرض الآخر للاستثمار

الاستثمار تستطيع شراء منزل شعبي قديم 80 الف وتأجره بـ 5 آلاف ريال أو هدمه وبناء شقق120 الف وإيجاراتها توصل 20000 في السنة

اختار الانسب والأيسر لك واحرص على سلوك استخراج قرض مباح
وفقك الله

[atamami]

تحيه وتقدير لصاحب الموضوع و المشاركين

حقيقه انا وهو انا اللي مالي ناقله ولا جمل في الموضوع صرت في حيره بهذه الاستشارات

هناك بعض الاسئله
- هل انت من اصحاب المشاوير المتكرره دائماً ... يعني هل تحس انك بحاجه الى سيارة جديدة لمسك خطوط ؟
اذا كان الجواب ( لا ) فخلك على سيارتك القديمه اذا ما كان فيه اي مشاكل .
اذا كان ( نعم ) بيع السيارة القديمه واضف عليها مبلغ من المال واشتر سيارة شبه جديده بحدود المعقول .
باقي القرض ( الله يفك دينك ودين كل مسلم ) حطه في أرض ولكن تريث في شراءها لان الاسعار كما تلاحظ في ركود .
وخل عندك كلام اللي يقول خذ لك السيارة ( الفلانيه ) تراها شيك في يدك سعرها ما يطيح
ترى كل شي يطيح الا الدين ما يطيح
تقبل تحياتي

[راعي المعازل]

:no2: :no2: :no2:



13.85 قيمة الدينار مقابل الريال


جزاك الله خير على التوضيح

[راعي المعازل]

أخوي الغالي :

كما ذكرت كان معك شروكي ومعروف عنه القوة فإذا دخل حساباتك الاستثمار فعليك بأخذ قرض مناسب على راتبك لتنتهي منه في اسرع وقت + ـاخذ سيارة جديدة بمواصفات معقولة ، نعم اللاند عزيز لكن بتتعب في سداد هالدين

بالنسبة لمشروع الاستثمار فإني انصح بالانتظار فلعل الأسعار في نزول كذلك يمكنك البداية بهذا القرض للسيارة والقرض الآخر للاستثمار

الاستثمار تستطيع شراء منزل شعبي قديم 80 الف وتأجره بـ 5 آلاف ريال أو هدمه وبناء شقق120 الف وإيجاراتها توصل 20000 في السنة

اختار الانسب والأيسر لك واحرص على سلوك استخراج قرض مباح
وفقك الله


جزاك الله الف خير

كلامك موزون ويستحق التفكير

[راعي المعازل]

ترى كل شي يطيح الا الدين ما يطيح



صدقت والله


بيض الله وجهك وما قصرت

[سيف الظفير]

يالربع انا من سكان شمال الرياض والاارضي اللي حولنااااااا على 300.000 ريال على الاقــــل وشقق التمليك اقل شئ بـ 250.000 وغرفتين

والفلل مساحة 300 متر و 375 متر بـ 1.000.000 ريال

[سلومي سار]

اخوي خذها مني ( ان كنك رجال خالي من الدين قليله او كثيره ومعك بيت وراتبك زين وما ينقصك الا السياره فتوكل على الله بس حط ببالك وش نوع القرض ولا يغرونك بالحديد والكاكاو والمطاط الي بيشرونه لك البنك ترا فيها نظر شرعي ..... وان كان عليك دين قليل او كثير وما تملك بيت فترا ان ما كفاك راتبك لتصرف عمرك فلا راح يكفيك القرض لان احتياجاتك مع مرور الوقت راح تزيد من مصروفاتك والاسعار فوق فوق واعتبر بغيرك اسف على الاطاله )

[الدبل الثقيل]

الله يغنينا وإياك بدون قرض .. اللهم لاتجعل بيننا وبينك - في رزقنا - أحدا سواك .

[أبوسعد 511]

الأرض أهم ( لاتاكل ولاتشرب )..

والسياره انصحك لاتزيد قيمتها على 60 ألف


طلبت النصيحه وأسديتها لك

[منسدح بحوض نخله]

تبي رأيي ومشورتي

أنا أنصحك تأخذلك أرض بمبلغ وقدره مئة ألف

وبع الشوركي وحط الباقي معهن

وتبي تطلع لك بمبلغ65000ألف ريال

يجيب لك يوكن موديل2004 تاهو أمريكي يمشيك لك 5 سنوات مابه منه

والارض خله تجيب مكسب زين وعقب اطرح طلب استشاره ويفيدونك الجماعة

[ابوريناد1979]

مبلغ 150 بياخذها منك البنك 190
اقول نصيحه اخ ابعد عن القروض وشف لك حل ثاني
واذا تقول ما اقدر اوفر ، اشترك لك بجمعية ورص على نفسك شوي ابرك لك
وتقبل مروري

[RA7AAL_1]

الله يعينك اخوي انا احترت وانا مالي دخل أرآء الاخوان احسها لخبطت مخك :confused:




اعانك الله ووفقك لما فيه الخير ..

[فتى الدهناء]

طيب أخوي انت ليش حاصر الإستثمار في أرض ؟! الأراضي الآن ماتصلح برأيي القاصر .. فالنكسة الإقتصادية ..مرت على السيارات والعقار .. وماغلى ثمنه ..

لذلك خل نقول توفير كاش .. لاقتناص فرص .. أفضل من قولة - أرض ..

مثل ماقلت لو تنصف المبلغ نصفين أفضل ..
أتوقع تبي تلقى لاندكروزر 2003 في الثمانينات .. وان بغيت الجديد .. الإكستيرا زين ..
والنص الثاني في البنك .. إن زاد فلا ينقص .. انتظارا لفرص استثمارية .. لأنك تبي ترد القسط لاحقا .. فلازم تستفيد ..

ياكثر اللي يقسطون ويستمتعون بالدارهم .. ولاعدى فترة من الوقت .. فطن .. وحس انه ماسوى شي وندم ..

أتمنى لك التوفيق .. لا تنس الإستخارة ..

وفقك الله

[shaheenshah]

شريت شاص جديد وما استمعت به واخاف عليه من المهابد والمرازح
ولا انبسطت الا يوم بعته وشريت باترول موديل 95 صرت اروح واجي ولا عندي في اطلق ضلع

وصدقني لو تشتري جيب جديد ماراح تنبسط فيه لانك دافعه من دم قلبك

وبالنسبه للارض يقولون (العقار يمرض ما يموت)

والله يوفقنا واياك لما فيه الخير

[ابومحــ م ـــد]

دع القرض ان لم تكن مضطرا تراه هم هذا ان لم يكن به اثم وتعبر باللي معك حتى الله يفرجها ومد رجلك على قد لحافك وفقك الله لكل خير وكفاك مااهمك وغفر ذنبك وافر حظك ودراهمك وبارك فيها

والله ماقصرو الشباب وانا اقول مثل ما قال السنع كله وازيد ان القرض اذا اضطريت له لعدة اسباب من وجهت نظري
1- علاج الله يكفينا واياكم الشر
2- زواج
3- فك ظائقه
4-بناء منزل
والسياره زينه تركب جديد ولكن بدون قروض