المساعد الشخصي الرقمي

مشاهدة النسخة كاملة : لاتقربون الاسكويا نصيحه


فاقدخوي
08/03/2009, 10:58 AM
ياشباب احد الاخوان اشترا سكويابـــ 170الف المهم الموتر رزه من بعيد والرجال كاشخ وهو يستاهل كل خير رجال طيب ولكن يقول يوم طبيت به رمله من قريب الاسفلت يوم الله هداني لا روح انا وورعاني في خبر كان في البران يقول برك على بطنه مثل الفاطر والمشكله ماعاد فيه سياره تقدر تسحبه من كبر الجني ماغير جبنا حراثه من مزرعه قريبه يقول عز الله لو ماقروشي اللي راحت فيه كان شبيت فيه النار
وجلست العن المصري اللي قالي فيه دبل داخلي (اصلا هذي مادخلت راسي كيف دبل داخلي)

يقول الرجال ومن بعدها كرهته وطلع لي فيه صوت في المكينه تشكل والقير فيه طقه لانه زود عليه الدعس وقت الغراز ابي الدبل الداخلي يعمل والظاهر خرب السستم كله


اللي يشوف له مستخدم صالون ابرك له والله من هذا القلق

علما بان التغريزه على قوله يمشيها الددسن (ابو عزيز)ولاعنده هم




اللي عنده معلومات يفيدنا
غاوي رومانس
08/03/2009, 11:00 AM
اللي اعرفه ان السيكويا

مانزل دبل عندنا في السعودية

يعني لسه بس دفرنس واحد مو اثنين

الله يكون في عونه والله ويعينه على الخرابات ويمكن قطع الغيار مابعد تجي
بن نويشر
08/03/2009, 11:43 AM
يا خوي أحس أنه خمبقه !! كبر على الفاضي ، إضافة إلى سعره المرتفع . أطق جيب أبرك بهالقيمة أو أكسبدشن دبل أرخص ..

والله ولي التوفيق ،،،،،
khaled99
08/03/2009, 05:26 PM
السيكويا مافيها دبل...(اللي في السعودية)يعني رح انفخ على المصري اللي لعب عليه مب على السيارة.!!

بعدين معليش يغرز بالسيكويا 380 حصان في مكان تمشي به الددسن...هذا معليش ما يعرف يسوق...والا انه يتوقع الدبل يبي يشتغل ودعس للموتر لين برك مكانه..

بالتوفيق
ابو سويلم
08/03/2009, 06:31 PM
هذا الي ما يسمع لنصيحة خلوها تصدي
ابو خــــالد
08/03/2009, 06:41 PM
هذا الي ما يسمع لنصيحة خلوها تصدي


:good: :good: :good:
شمالات نجد
08/03/2009, 07:39 PM
الله يعينه ويصبره

شكل كفراته فيها 60

والسياره ما تستاهل ما دام طلعت فيها كل هالخرابات من تغريزه وحده

أهم شيء عسا الحراثة ما جاها شي عقب ما طلعته :)

(خلوها تصدي)

جزاك الله خير

سلام
مقلع الرمث
08/03/2009, 07:42 PM
اصلا مافيه دبل السياره
ربع 91
08/03/2009, 09:07 PM
الله يعوظ عليه
صقر نجد99
08/03/2009, 09:12 PM
من ولها تغريز وصوت قير اجل بعد شهر كيف بتصير الله يعينة
ابوعابد2500
08/03/2009, 10:12 PM
http://www.autospectator.com/cars/files/images/2008-Toyota-Sequoia-SR5-08.jpg
رجل كريم
08/03/2009, 10:59 PM
الله يبارك لخويك بموتره ويعوضه خير ان شاء الله .,

السيكويا في السعودية تجي بدون دبل والمصري يقصد بالدبل الداخلي التراكشن كنترول نظام التحكم بالسحب , وطبعا خطأ المصري كان فادح لان خويك لو كان يعرف ان مافيها دبل يمكن ماشراها .

كنت اتمنى انه شاور قبل ما يشريها . والحمد لله على كل حال ..
شوية صيانة وان شاء الله تظبط معه والله ييسر امره .,
دوج 115
08/03/2009, 11:04 PM
الله يعوضه والغلط الواحد يشتري سياره توها نازله مايدري خيرها من شرها غلط المفرض شر المديل البعده على اساس يحكم عليه
H I T L E R
08/03/2009, 11:06 PM
لا حول و لا قوه
AL-OTAIBI
08/03/2009, 11:07 PM
السيكويا مافيها دبل...(اللي في السعودية)يعني رح انفخ على المصري اللي لعب عليه مب على السيارة.!!

بعدين معليش يغرز بالسيكويا 380 حصان في مكان تمشي به الددسن...هذا معليش ما يعرف يسوق...والا انه يتوقع الدبل يبي يشتغل ودعس للموتر لين برك مكانه..

بالتوفيق

القوة الجبارة قد تعمل ضد السيارة في الرمال , بعض الأحيان
رجل كريم
08/03/2009, 11:20 PM
القوة الجبارة قد تعمل ضد السيارة في الرمال , بعض الأحيان

كلامك صحيح ولكن اذا اسيء استخدام تلك القوة .,

تحياتي لك
galant
08/03/2009, 11:24 PM
يا خوي اللي يسمع نصيحتي بيكون في خير ونصيحتي لا احد يقرب التويوتا بجميع سياراتها لأنها بصراحة ماتسوى وبعدين اسعارهم نار وهي ماتستاهل نص القيمة. والله يعوض خويك خير ان شاء الله .وشكرا -_-
مواسي الطعوس
08/03/2009, 11:33 PM
( فات الفوت ماينفع الصوت ) هذا في الرجال اللي اشترى .

** لكن اللي ما اشترى : لايقرب كل من ( الارمادا / اليوكن / السكويا / الاكسبدشن) اللي بدون دبل . حرام فيها الفلوس. ودي اتكلم بكلمات قويه لكن لو صار الشخص قدامي اللي يشاور .


** يجي اوقات تحتاج الدبل ويكون حلال عليه الفلوس لو كان دبل القيمه . وكذا عند البيع .
مكشاتي فله
09/03/2009, 12:01 AM
الله يعوضه ياارب

لاعدمناك
راعي النياسين
09/03/2009, 12:32 AM
لاحول ولا قوة الا بالله

لو انه حاط فلوسه في ارمادا دبل موب ازين

يااخي والله حرام 170 الف عل موتر مثل هالخمام
فاقدخوي
09/03/2009, 01:42 AM
الله يوفقكم


كلكم اهل خبره ونصائح ذهبيه

وتروني نقلت دعواتكم له وقال الله يجزاهم خير خففوا عني بعض الشيء اللي انا فيه

يقول راح اليوم للمعارض يبي يبيعه الناس تطالع فيه وتمشي تقول اني جايب لهم كائن فظائي بشع(بدون حراج)

طبعا الرجل تاثر بعد وضحت حال المقاطعه للسيارات وليش يستعجل وتندم على طيبته الزايده اللي خلت الصعيدي يضحك عليه


وفقكم الله
مكشاتي الجزيرة
09/03/2009, 02:30 PM
اليوم الصباح كنت مار من عند وكالة تويوتا في الرياض
قلت خلنا نسأل عن الاسعار...
تفاجات ان السيكويا اقل نوع قفزت من 126000 الى 130000 ريال
والليمتد من 167000 الى 170000 ريال...

ابو جميل يتحدى الجميع ويحتقر كل الاحتقار الحملة الوطنية للمقاطعة

بصراحه بعد التركيز في السيارة اتضح انها ماتستاهل ومن دون دبل الطبلون والمواد الداخلية فاشلة .... الشكل الخارجي لك عليه...

وسعر غالي ومن دون دبل... يعني يقولك ابو جميل خذ هذا المقلب اللي هي سيكويا..
وناس الله يهديهم تشتري ولا تسمع للنصائح..

في نقطة مهمة سألت موظف في الصاله... قلت له انا شفت جهاز ( الدي في دي ) والشاشة واكسسوارات اخرى اللي مركب على سيارات سيكويا حقتكم تختلف عن الي شفناة بالانترنت في امريكا ودول الخليج...

رد الموظف هو :

شركة عبداللطيف جميل شركة كبيرة وذات نفوذ كبير حتى في شركة تويوتا الام حيث انه يمتلك نسبة من اسهم الشركة...

علشان كذا له الحق المطلق في استيراد وتعديل واضافة وحذف اي قطعه بالسيارة ويقوم بهذه التعديلات في مصنعة ( العامر ) في جده ...

وهذه التعديلات تتم دون اخذ اي موافقه او معارضة من الشركة الامم...

وهو يملك الحق المطلق في كل هذه التعديلات دون اي مسألة من تويوتا

سألت الموظف ايضا متى ينزل الدبل

قال سمعت من المدراء الكبار ان خطة عبداللطيف جميل هي انزاله بعد سنتين الى ثلاث سنوات من الآن

* يعني بعدما يوهق الناس 3 سنوات في سيارة ماتستاهل وبعد 3 سنوات سوف تخف اهمية السياراة فيقوم ببث الدماء فيها بإنزال الدبل لتجديد جذب الزبائن للسياره

ياناس لاتشترونها خلوها تطيح بكبده يعني يبغى يمشينا على خططه هو... ويجب ان نمشيه على خططنا




والله على ما أقول شهيد


خلوها تصــــــــــــــــــــــــــدي
فاقدخوي
09/03/2009, 04:43 PM
صدقت الله يرحم والديك

والله نصابين يلعبون على البشريه

لالالالالالالازم مقاطعه من الكل
طحنون
09/03/2009, 07:13 PM
السياره اصلا مصنعه خصيصا للسوق الامريكي وبعد الازمه الاقتصاديه جابوها عندنا لتصريفها لاننا مكب للصناعات الرديئه من الوكيل الردي
وخلوها تصدي واللي حاصل الان من ابو جميل هو تحدي للمواطن عيني عينك وكل يوم يرفع السعر ولا حسيب ولا رقيب
الله ينتقم منه ام كنت عند معرض الكفاح وسمت كورلا افخم نوع واصل سعرها 78 الف ريال على ايش ياجمعه الخير
الاسعار الفلكيه كل يوم تزداد
مكشاتي الجزيرة
09/03/2009, 09:23 PM
السياره اصلا مصنعه خصيصا للسوق الامريكي وبعد الازمه الاقتصاديه جابوها عندنا لتصريفها لاننا مكب للصناعات الرديئه من الوكيل الردي
وخلوها تصدي واللي حاصل الان من ابو جميل هو تحدي للمواطن عيني عينك وكل يوم يرفع السعر ولا حسيب ولا رقيب
الله ينتقم منه ام كنت عند معرض الكفاح وسمت كورلا افخم نوع واصل سعرها 78 الف ريال على ايش ياجمعه الخير
الاسعار الفلكيه كل يوم تزداد

كلامك صحيح
أبا مجاهد
09/03/2009, 09:36 PM
سياره بضخامتها وبدون دبل !!!

اجل السوبربان الدبل افضل وكذلك اوسع ويستحمل
مكشاتي الجزيرة
11/03/2009, 03:29 PM
يا اخوان في واحد ورط نفس ورطة خوينا...

شرا سكويا امس ويقول فاشلة جدا جدا جدا جداجدا جداجدا جدا في الرمل...
والسبب ثقل وزنها..

حيث انها غرزت في تراب جانب الخط ....

لا تتوهقون ...
هذي السيارة ما تنفع الا بدبل
والا مايندفع فيها ريال واحد
Explorer2007
13/03/2009, 10:44 AM
الله يعينه على مابلاه والله .. انا اصلا من شفت هالسياره وانا قايل انها ماراح تمشي

من جد خلوها تصدي ..

على فكره اول شي بالنسبه للرمل والنفود .. بقولكم شغله يمكن اغلبكم عارفها ..

اول شي .. القوه ماهي كل شي .. ان شا الله لو سياره 1000 حصان

ثاني شي .. الثقل في بعض الاحيان نعم يكون مشكله ..

ثالثا .. الدبل مهم جدا جدا .. ولكن قد يستغنى عنه في بعض الاحوال .. وكلكم تشوفون

العالم في الثمامه وغيرها .. اللي بفكتوريا واللي بكامري واللي بكورولا .. ويطاعسون ويطامرون

وعادي الوضع جدا .. ياخوان المسأله تعتمد على السواق بالاول والاخير .. والشي الثاني

تنسيم الكفرات عند الدخول بالنفود .. والثقل له دور اكيد .. حتى لو مثل ما قلت لكم 1000 حصان

الله يعوض عليه ان شا الله .. ماخاب من استشار ..

ان شا الله يلقى له حل ولا بيعه طيبه ويفتك منها .. بصراحه عبداللطيف جميل اصلا ماينقرب

لحد يزعل من كلامي من شفته يعدل بكيفه بالسيارات ويغير المسجلات وانا غاسل يدي منه

ولا عاد الاسعار .. اشياء ماتسوى .. والله شف تبي الصدق .. لو ماخذ له لاندكروزر .. ولا سفاري

اصرف له من هالدعله اللي ماينبغى .. ولا اخذ له اكسبدشن دبل ووفر الباقي .. ولا عاد حبيب القلب

الاكسبلورر .. ماهنا اخف منه في النفود ومن جد موتر ما شا الله تبارك الله ..
بو بندر
13/03/2009, 01:19 PM
سموحه على كلامي ...خويك يمكن مايعرف يسوق...هذا موتري تندار اخو سكويا نسم وبدون دبل مايخلي مكان
..بنسبه دقه في القير....هذا سفتي من الوكاله للغير ايروح الصوت بعد 5000 كيلو
http://www.dohaup.com/up/2009-03-13/dohaup_2023274288.jpg (http://www.dohaup.com/)
http://www.dohaup.com/up/2009-03-13/dohaup_1925627976.jpg (http://www.dohaup.com/)
مداوي
13/03/2009, 01:27 PM
الله يعوضك اخوي
البيرق
13/03/2009, 03:12 PM
للاسف تم طرح هذه السيارة في السوق الخليجي للتصريف فقط ولولا شعار تويوتا ما لقيتوها تمشي في الشوارع

الوكيل اخطأ خطأ كبير في طرحها بدون دفع رباعي معتمد على شهرة تويوتا لا ورافعين سعرها بعد واذكر احد مندوبي الوكالة يوم قلتله متى يطرح الدفع الرباعي قال لي ما فيه منها دبل واذا تبي دبل خذ لندكروزر قلتله الحمد لله فيه اليوكن والتاهو والارمادا والاكسبديشن
اسبيدر مان
13/03/2009, 11:58 PM
هذي السياره اول مانزلت على طول اشتراها الناس لاني انا شفتها بالشارع كبل الوكاله والسياره هذي لسفريات وليس للتطعيس
أبو أسامة
14/03/2009, 12:07 AM
الله يعوض على خويك إن شاء الله ........

أخي الكريم : العيب ليس فيها مع أحترامي لخويك . العيب في السواق لأن موتر مثله ما فيه دبل ليش تطلع به للبر ..... بصراحة أنا كان معي أرمادا بدون دبل ما تركت مكان ما رحت له بالبر لكن بعد التنسيم ...... وإذا ما نسمت لها على طول تغرز حتى ولو جنب الخط ..... لكن اللي أنا مستغرب منه هو إن الباترول الربع القديم اللي معي لو حتى ما شغلت الدبل ما يغرز بسهوله ........
ملاحظة : الأرمادا كان فيها نظام vdc النظام هذا إذا نزلت البر لازم تطفيه وإلا راح تغرز على طول حتى ولو معك دبل لأن النظام هذا يمنع أي كفره من الدوران أسرع من الكفره الثانية يعني يفرمل الكفره الأسرع ويتسبب بالغراز ........ فإذا كان النظام موجود بالسكويا فيجب على خويك يطفيه كل مانزل به للبر .......
فتى التويم
14/03/2009, 12:08 AM
الله يخلف عليه ويعوضه خير منه
للأسف الشعب السعودي شعب مستعجل

وفي نفس الوقت ثقته عمياء في الشركه

يعني الناس لو شافو تنكه محطوط عليها علامة تيوتا ان كان قالو ياسلاااام والله رهيبه بس ناقصها كفرات وتصير شيي

والصراحه هذا اغلب السعودين


وخلوها تصدي
مكشاتي الجزيرة
16/03/2009, 12:59 PM
اتوقع ابو جميل توهق بعدم انزال فئة الدبل... واتوقع انه سوف يكون بالدفعات القادمه ...غصبن عنه مو طيب... لانه مع الوقت القريب سوف يطغى هذا العيب على السيارة ويقل الطلب عليها ثم انهيارها تماما عن الطلب في السوق...ويكون ابوجميل خسر كل شيء
العتين
16/03/2009, 01:12 PM
الله يعوضك اخوي
الي اشوفة ان 380 حصان موجودة بسبب كبر الموتر يعني سيارة عائلية وليست جيب
مكشاتي الجزيرة
16/03/2009, 01:19 PM
سموحه على كلامي ...خويك يمكن مايعرف يسوق...هذا موتري تندار اخو سكويا نسم وبدون دبل مايخلي مكان
..بنسبه دقه في القير....هذا سفتي من الوكاله للغير ايروح الصوت بعد 5000 كيلو
http://www.dohaup.com/up/2009-03-13/dohaup_2023274288.jpg (http://www.dohaup.com/)
http://www.dohaup.com/up/2009-03-13/dohaup_1925627976.jpg (http://www.dohaup.com/)


بس اخوي لا تنسى فارق الوزن .... السكويا الاستنادر المنتفه السياحيه وزنها 2700 كلغ

اما التندرا الغمارتين الفل ابشن لا يتعدا 2500 كلغ...

عامل الوزن له دور كبير ويفرق معاك الكيلو الواحد
قرم العيال
16/03/2009, 02:28 PM
الموتر واضح انه حق قار وبس

ما ينفع للبر ابد

يعني سفر
اسير الغضا
16/03/2009, 05:11 PM
وشي السوكيا انا مااعرفه
حوات جده
16/03/2009, 08:37 PM
مشكور يا الغالي على النصيحة
مكشاتي الجزيرة
17/03/2009, 10:45 AM
وشي السوكيا انا مااعرفه

هي سيارة من تويوتا سيارة عائلية

http://www.cleanmpg.com/photos/data/573/2008_Toyota_Sequoia.jpg
ابوسفرجل
17/03/2009, 11:26 AM
ياحبيبي ويابقبق عيني ويا بهجة فؤادي فيه واحد معه جيب لاند كروز وغرز فيه . الغراز ماله علاقه بالسيارة يرجع للسواق فيه ناس معاها جموس بدون دبل وتقطع النفود وسيارات صغيره واجد ماتغرز ( نسم وامش ) وعندك الثمامه اكبر دليل ينسم الكفرات ويمشي . اما موترك فعزالله انه موتر شكل وراحه ووساع وافضل من الجمس والاكسبدشن . اما ان المصري غشك وقال فيه دبل ( فمعلش تعيش وتاخد غيرها )
مكشاتي الجزيرة
21/03/2009, 09:46 AM
ياحبيبي ويابقبق عيني ويا بهجة فؤادي فيه واحد معه جيب لاند كروز وغرز فيه . الغراز ماله علاقه بالسيارة يرجع للسواق فيه ناس معاها جموس بدون دبل وتقطع النفود وسيارات صغيره واجد ماتغرز ( نسم وامش ) وعندك الثمامه اكبر دليل ينسم الكفرات ويمشي . اما موترك فعزالله انه موتر شكل وراحه ووساع وافضل من الجمس والاكسبدشن . اما ان المصري غشك وقال فيه دبل ( فمعلش تعيش وتاخد غيرها )


كيف الغراز ماله علاقه بالسيارة... طيب ليه شركات السيارات يحطون دبل بالسيارات ...هل هو زينه والا عباطه...
اجل على كلامك محد يشتري دبل...
ارحم عقولنا الله يخليك
تركي98
21/03/2009, 12:13 PM
170000 والله ماحطها في هالناقه

احطها في سوبر سفاري 2009 فتك للديره وللبر وللسفر وكل شي ... وازين شكل بعد ..وموتر معروف مهب اول سنه ينزل بالسوق ماتدري وش ببطنه.((وسلملي على النيسان بس))
الذيبه
21/03/2009, 01:48 PM
اصلا انا ضد ان الواحد يشترى سياره توها نازله

لانها لابد من وجود عيوب بها
عاشق الرفاليو
21/03/2009, 02:19 PM
خوييك يدفع 170 الف ولايعرف ان السياره فيها دبل؟؟؟؟ لاومصري يقول له دبل داخلي وخوييك يصدق اغلب العاملين في وكالة السيارات يجهلون الكثير في مكانيكية السيارات خصوصا العرب منهم يجي من سيكل لمندوب مبيعات@ مع احترامي لخوييك هو يتحمل جزا كبير من الغلط
مكشاتي الجزيرة
21/03/2009, 03:53 PM
170000 والله ماحطها في هالناقه

احطها في سوبر سفاري 2009 فتك للديره وللبر وللسفر وكل شي ... وازين شكل بعد ..وموتر معروف مهب اول سنه ينزل بالسوق ماتدري وش ببطنه.((وسلملي على النيسان بس))

صح.........
ابو خــــالد
21/03/2009, 09:28 PM
170000 والله ماحطها في هالناقه

احطها في سوبر سفاري 2009 فتك للديره وللبر وللسفر وكل شي ... وازين شكل بعد ..وموتر معروف مهب اول سنه ينزل بالسوق ماتدري وش ببطنه.((وسلملي على النيسان بس))
للمعلوميه سوبر سفاري 2009 بحدود190
ابوسفرجل
22/03/2009, 08:41 AM
كيف الغراز ماله علاقه بالسيارة... طيب ليه شركات السيارات يحطون دبل بالسيارات ...هل هو زينه والا عباطه...
اجل على كلامك محد يشتري دبل...
ارحم عقولنا الله يخليك

اخوي ابو سهر الله يمسيك بالخير .:D واضح ان ماعندك خبره في البر او التطعيس ;) . للمعلوميه وهذي فائده ارجو انك تستفيد منها في المستقبل :p اذا رحت للبر مع احد زملاك الي معه جيب او اقاربك الي معاهم سيارات فيهادبل :cool: . خله يدخل النفود وكفراته محجره بدون تنسيم وخل الدبل ينفعه :no: . اما فائدة الدبل فهي للطلوع خصوصا الطعوس العاليه مثل طعس التحدي اذا تسمع فيه في الثمامه او الهرم :eek: . واذا رحت للبر شف البداوه على ددسن غماره ولاظرهم ويعبون الوايت ويقطعون فيه النفود بدون دبل ولا غيره :cool: . ارجو انك تستفيد من هذي المعلومات في المستقبل ولاترد لمجرد الرد فقط ولكن لتفيد وتستفيد :rolleyes:
مكشاتي الجزيرة
22/03/2009, 09:57 AM
اخوي ابو سهر الله يمسيك بالخير .:D واضح ان ماعندك خبره في البر او التطعيس ;) . للمعلوميه وهذي فائده ارجو انك تستفيد منها في المستقبل :p اذا رحت للبر مع احد زملاك الي معه جيب او اقاربك الي معاهم سيارات فيهادبل :cool: . خله يدخل النفود وكفراته محجره بدون تنسيم وخل الدبل ينفعه :no: . اما فائدة الدبل فهي للطلوع خصوصا الطعوس العاليه مثل طعس التحدي اذا تسمع فيه في الثمامه او الهرم :eek: . واذا رحت للبر شف البداوه على ددسن غماره ولاظرهم ويعبون الوايت ويقطعون فيه النفود بدون دبل ولا غيره :cool: . ارجو انك تستفيد من هذي المعلومات في المستقبل ولاترد لمجرد الرد فقط ولكن لتفيد وتستفيد :rolleyes:


التنسيم ضروري ولكن ايضا اعيد واقول لا يغني عن الدبل
مغااااااامر99
13/08/2009, 05:50 PM
السلام عليكم
ردي متأخر شوي بس بصراحة شدني الموضوع لان الوالد الله يحفظه شرى سكويا 2009 وبيطلعه السبت انشالله وحبيت اعلق
قرأت جميع ردود الاخوان ماشاءالله عليهم الردود كانت متباينة مابين موافق وغير موافق على السيارة ومعجب وساخط وهذا دليل على ان السيارة بدأت تنجح...
وبالنسبة للي حاط الموضوع وسيارة خويه; الله يعينه.. ومادري هو باعها والى لسا معاه ..وترى الحكم على السيارة من تغريزه واحده او خلل بسيط ليس من الحكمة وخصوصا ان سيارات اقدم ولها باع كبير في السعودية من السيكويا يحصل فيها اكثر من كذا... لا وتطيح في تغاريز الله لا يوريك وخصوصا ان فيها دبل...

السيارة يمدحونها نااااس كثير مجربينها مسفلت وبر .....وانشالله احط الرد بعد ماخذ راي الوالد فيها... وترى مابهو باللي يدور دبل خصوصا ان عنده شاص هو شوي قديم لكن ماشالله عليه كافيه في البر....


http://www.youtube.com/watch?v=BA_qmkPh_ag&feature=related

http://www.youtube.com/watch?v=Vj1Oy5BlL4A&NR=1


والله مايحتاج لا دبل ولا غيره .........ان كان عليها سواااااااااق
الاندكروزر123
13/08/2009, 06:44 PM
اخوي ماعليش خويك مب سواق ولا انه يحسبة جيب المهم وزنه ثقيل فيه احد يدخل في الرمل ومعه سيارة سكويا
انا عندنا سكويا 2009 نص فل والله انه عليه قوة مب طبيعية والاسبوع الي راح دخلنابه البر وماصار فيه شي
قوة المكينة381 حصان
فارس العمور
13/08/2009, 09:34 PM
لاحول ولا قوة الا بالله

لو انه حاط فلوسه في ارمادا دبل موب ازين

يااخي والله حرام 170 الف عل موتر مثل هالخمام

من اول ماشفتها وانا عارف انها مصدره لنا للتصرررررررررررررريف على الشعب المسكين الخليجي
وقبل فتره اجتمعو شيبان شريطيه وقلبو السياره من تحت وفووووق واتفقو على انه خرطي وخااابور كبيررر من ابو جميل
أبـوالبـــراء
13/08/2009, 10:27 PM
لاوسعرة170 ألف
bn 3mir
13/08/2009, 11:21 PM
اخوي السكويا ال 2009 تجي بدون دبل اما 2010 تجي بدبل
الخماش111
13/08/2009, 11:56 PM
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مغااااااامر99
16/08/2009, 08:52 AM
من اول ماشفتها وانا عارف انها مصدره لنا للتصرررررررررررررريف على الشعب المسكين الخليجي
وقبل فتره اجتمعو شيبان شريطيه وقلبو السياره من تحت وفووووق واتفقو على انه خرطي وخااابور كبيررر من ابو جميل

وش خرطي وش خابور الله يجزاك خير وبس
اذا السيارة مهي بعاجبتك لا تقعد تولف على البشر
(((شيبان شريطية اجتمعوا وقلبوا السيارة (السيارة ماخذينها امة لا اله الا الله وطايحين فيها) وفي شركة تويوتا الي في جدة ما عاد فيه الا من توع ليمتد وبلاتينيوم (لارتفاع سعرها) اما الفئة الاولى (((((انتهت))))) والفئة الثانية إس أر 5 بفتحة سقف باقي 8 سيارات)))

الناس طاحوا فيها لقوة الماطور الهااااااائلة والجبااااارة ((( 381 حصان )))) مع العلم انه اللاند كروزر الفكس أر الفل كااامل (271حصان )

السيارة طالب فيها ابو جميل من 2005 انها تجي السعودية ورفضت شركة تويوتا على اساس انهم بينزلون الجيل الثاني 2008 وراح يجوبونها للمستهلكين في الخليج (مع العلم ان السيارة نزلت بامريكا عام 2001 واخذت جائزة امريكا الشمالية لسيارة العام في 2001 لقوتها وكثرة مبيعاتها)

تحياتي
ابوشجاع911
16/08/2009, 09:19 AM
معقولة السيكويا مافيه دبل؟!!! مادريت الا من ذا الموضوع
اللي اعرفه انها صناعة امريكية وهي منافسة لـ ارمادا من شركة نيسان والارمادا امريكي برضه ويجي بدبل وبدون دبل واشتر اللي يناسبك
ولمعلومية الجميع جميع السيارات الكبيرة الحديثة التي لايوجد بها دبل ماتنفع في الرمال اطلاقا بما في ذلك اليوكن والسوبربان وغيرها من السيارات التي لايوجد بها دبل وخصوصا اذا كان القير اتوماتيك وقد حصل معي نفس القصة على سوبربان جديد 2008 بدون دبل فقد غرز في رميلة مايغرز فيها حتى الكرولا والسبب نظام التراكشن الالكتروني لاني كل مادوس بنزيم يفصل القير عن الحركة وماستطعت اخراجه الا بشق الانفس وهي حيلة تجارية حسبنا الله عليهم لكي تظطر الى شراء سيارة دبل ليزيد عليك السعر وتزيد الخرابات وتكاليف الصيانة مع مرور الوقت
مكشاتي الجزيرة
16/08/2009, 09:36 AM
السلام عليكم
ردي متأخر شوي بس بصراحة شدني الموضوع لان الوالد الله يحفظه شرى سكويا 2009 وبيطلعه السبت انشالله وحبيت اعلق
قرأت جميع ردود الاخوان ماشاءالله عليهم الردود كانت متباينة مابين موافق وغير موافق على السيارة ومعجب وساخط وهذا دليل على ان السيارة بدأت تنجح...
وبالنسبة للي حاط الموضوع وسيارة خويه; الله يعينه.. ومادري هو باعها والى لسا معاه ..وترى الحكم على السيارة من تغريزه واحده او خلل بسيط ليس من الحكمة وخصوصا ان سيارات اقدم ولها باع كبير في السعودية من السيكويا يحصل فيها اكثر من كذا... لا وتطيح في تغاريز الله لا يوريك وخصوصا ان فيها دبل...

السيارة يمدحونها نااااس كثير مجربينها مسفلت وبر .....وانشالله احط الرد بعد ماخذ راي الوالد فيها... وترى مابهو باللي يدور دبل خصوصا ان عنده شاص هو شوي قديم لكن ماشالله عليه كافيه في البر....


http://www.youtube.com/watch?v=BA_qmkPh_ag&feature=related

http://www.youtube.com/watch?v=Vj1Oy5BlL4A&NR=1


والله مايحتاج لا دبل ولا غيره .........ان كان عليها سواااااااااق

ان شاء الله يعطيكم خيره ويكفيكم شره...
بس الله يخليك زودنا بالمعلومات والصور بعد ماتجربون السيارة...
اللي عاجبني فيها الوسع الداخلي...