نقص زيت المكينه؟؟

[هاوي النفد]

السلام عليكم ورحمة الله وبركاته
ياجماعة الخير عندي با ثفندر موديل 2005
عندي مشكلة نقص الزيت
كل ما عبيت الزيت ما يمديني اقعد يومين الا وانا زايده
اخر مره عبيت الزيت ورحت الى الصمان ويوم رجعت واناظر الزيت لقيته ناقص حول النص
في المعيار حق الزيت طبعا
قلت يمكن المشكله من الزيت الي استعمله كنت استعمل زيت سوبر جي تي
وغيرته الى زيت موبيل (1 Mobil) العلبه الواحده 40 ريال وما نفع
والى يومك اناظر الزيت واعبيه علبه علبتين

يا جماعة الخير طالبكم ابي الفزعه في المشكله ذي
:confused: :confused: :confused: :confused: :confused: :confused: :confused:

[همس الشمال]

يالغالى وش الفلتر الى تغيره اذا هو من عند البنشري فهو غير اصلى انصحك خذ من عند الوكيل فلتر اصلي انا كانت عندي نفس المشكله وغيرت الى فلتر اصلي والحمدالله

[م.ابوسعود]

والله ياعزيزي النقص يخوف بموترك عموما الباث اغلبهن ينقصن والسبب ان فيه ضعف بشنبر المكينه .

[ابوشعيب]

اذذا المكينه سليمه يعني ماتدخن ولا شي اكيد المشكله تهريب زيت شيك على صوف المكينه
او السيفون يكون ماربط زين

[هاوي النفد]

يالغالى وش الفلتر الى تغيره اذا هو من عند البنشري فهو غير اصلى انصحك خذ من عند الوكيل فلتر اصلي انا كانت عندي نفس المشكله وغيرت الى فلتر اصلي والحمدالله

مشكور أخوي على المرور
لكن وش تقصد بالفلتر هل هو فلتر الهواء
اذا كان فلتر الهواء انا اغيره وكاله كل 10000كم

[هاوي النفد]

والله ياعزيزي النقص يخوف بموترك عموما الباث اغلبهن ينقصن والسبب ان فيه ضعف بشنبر المكينه .

مشكور على المرور
الله لا يحرمك الاجر

[هاوي النفد]

اذذا المكينه سليمه يعني ماتدخن ولا شي اكيد المشكله تهريب زيت شيك على صوف المكينه
او السيفون يكون ماربط زين
الحمد لله المكينه ما تدخن ولا فيه تهريب من تحت ابدا"
جزاك الله خير

[أبو فهد11]

مشكور أخوي على المرور
لكن وش تقصد بالفلتر هل هو فلتر الهواء
اذا كان فلتر الهواء انا اغيره وكاله كل 10000كم

الله يكون في عونك على هذا النقص

ويقصد أخونا فلتر الزيت أو مايسمى ( السيفون )

والله يكون في عونك

[هاوي النفد]

أفااااااااااااااااااا وين الشباب؟؟

[AL-OTAIBI]

انت راعي سرعه؟؟؟
لأن معرووف ان النيسان يضعف الشنبر مع السرعات العالية و يبدا ينقص زيت

[هاوي النفد]

انت راعي سرعه؟؟؟
لأن معرووف ان النيسان يضعف الشنبر مع السرعات العالية و يبدا ينقص زيت

لا والله وانا اخوك ما لي بالسرعه

[سطام vip]

الله يسهل امرك اخوي ويحل مشكلتك

اخوي اذا رجعت من خط هل تجد نقاط زيت على باب الشنطه والزجاج الخلفي؟؟

احينا تلاقيها مغطاه بالغبار والاتربه اذا حصلت معناته عندك تهريب من الصوفه

وثاني حل اترك السياره شغاله لمده 15 الى 20 دقيقه بعد كذا

روح عند الشكمان وخل احد من الاخوان يدعس البنزين اذا طلع دخان

معناته السياره مبوشه وتحتاج لتسقيط شنبر

والله يعينك اخوي

[الوسيطاء]

والله ياعزيزي النقص يخوف بموترك عموما الباث اغلبهن ينقصن والسبب ان فيه ضعف بشنبر المكينه .


كلامه صحيح وترى النقص مايعيب المكينه الي مافيه دخان والعيب بالدخان وخذ الكلام مني وهاذا كلام من مصنعين السيارات

[رجل كريم]

وعليكم السلام ورحمة الله وبركاته

اذا جيت من مشوار طويل روح لاي ورشة وخله يفك البواجي واحد واحد اذا لقى بها زيت فهي بحاجة لتوظيب واذا مالقى فيمكن تكون جلد البلوف او لي البخار الموصل من غطاء البلوف الى البخاخ .

بالتوفيق ان شاء الله .,

[عرق جهام1]

اخوي صباح الخير
لايضيق صدرك وتكدر خاطرك هذي المشكلة في الباث نقص الزيت وهي العيب الوحيد من كبرو المكينة من موديل 2003م وجميع الباث ينقص انا واعوذ بالله من كلمة انا معي باث موديل 2005م ونفس المشكلة ينقص وما خليت نوع من الزيوت الى وجربته حتا زيوت الطبخ جربتها ونفس المشكلة ينقص ههههههه لاكن غير اي نوع يعجبك وكل مامشيت 2000ك زد الزيت الين تمشي 5000ك او حسب نوعية الزيت الي حاطه .
مختصر الكلام الباث ينقص وهو جديد وهذا عيب مصنعي ولا تغير اي شي لأنه في انهاية سوف ينقص . اتمنا اني اوصلت المعلومة بشكل وافي وفي الخدمة في اي وقت ,,,,

[دانكن]

الحل بسيط ..

انت تستعمل زيت 10 على 30 .

غيرة الى 20 على 50 .


وقلي وش صار معك .. :) ..

[أبوعُمر]

أخوي الأمر سهل جداً

كما قيل لك الباث يغلب عليهن النقص ( علِم من علِم و جهِل من جهِل )

سنتين تقريباً و موتري ينقص مثلك عند 1800 إلى 2000 حسب ظروف الجو ، و كنت أغلق الزيت و أمشي زيادة ، و لا مشكلة ، و كنت أشاور ميكانيكيين كبار و كانوا يقولون لا توظب و تابع زيتك .

قبل شهرين تقريباً مدحوا لي ورشة للتوظيب ، و فعلاً رحت للورشة و لقيت عندهم ما يقارب خمسة مواتر مثلي ، و ارتحت للشغلهم ، فاستخرت الله و وظبت عندهم و كل شيء تمام و الحافظ الله .

لا أدعوك للتوظيب بل ، غلق زيت دائماً و لا مشكلة ، لكن إن مللت و قلت أنا أريد استخدام الموتر مدة طويلة و ليس لدي استعداد لكثرة متابعة ، توكل على الله و وظب بعد المشورة و الاستخارة و اختيار الورشة الممتازة .

و أخوك بخدمتك
:):):)
بالتوفيق

[مستر قلق]

أنا مثلك كنت أعاني من هذه المشكلة كل 1500 كم علبة كاملة إلى أن شرى الوالد برميل بترومين من المصنع وحطه عندنا بالورشة ومن يومك هذا ما ينقص إلا على 4000 كم نص علبة

[عبدالعزيز-1]

شيك على الصوف + وجيه المكينه يمكن عندك تهريب وانت ماتدري

[عـبـود 911]

اخوي علامات الشنبر : 1_ دخان ابيض
2_ دخل اصبعك مع فتحة الشكمان وامسح (( اذا طلعت اصبعك افركه اذا تحس برطوووبه معناااها شنبر امما اذا كان فيها سوااد كانه بودره معنااها الشنبر سليم ))

وخل التوضيب آآآخر الحلووول

واذا شيكت كل يومين او ثلاثه وتزيد الزيت ان شااء الله مافيه ضرر بس اهم شي لا ينقص الزيت



والله يعيينك ان شااء الله

[صقر أمه 506]

وش علاقة التوظيب في تنقيص المكينة
واحد الشباب يقول من يوم تشريه وهو ينقص ؟؟

وعلى حسب الي اعرف ان التنقيص يجي من السرعة
والتطعيس وجلد الموتر , هو الي ينقص زيت المكينة