وش صار على الحمله؟؟؟؟

[برق بريده]

السلام عليكم

وش صار على حمله خلوها تصدي يا ناس

اشوف العالم هاجده ولاجاء الي قايمين عليه الاحباط

على العموم علشان ما احد يجي ويهايط علي انا مع الحمله وضد الحمله جميع

[AL-Hadbani]

بإختاصر

خلها تصدي وموديلها يعدي


وإحنا قد التحدي %100

(((((((((( تراني ناوي أشتري موتر جديد وما بعد احد ركبه غيري بس بعد إنتهاء الحملة )))))

[شرق الصمان]

وش صار
حماس عاطفي يجي ويروح بسرعة
يعني الحملة شبه منتهية
والوضع مثل أول واسوأ

[فاقدخوي]

الحمله قائمه والوكلاء ماغير يصيدون الذبان من الطفش

اي عاطفه وش ذا الغبا عاطفه تعصف بالشركات العاليمه ماصارت ذي

[مواسي الطعوس]

المضظر له : حكمه . يحتاج الشراء غصب عنه . وكذلك من كبر عنده ابن وسبق ان واعده هذا لازم يشتري . وكبار التجار كذلك حاله شاذه ولايقاس عليه .

** الغالبيه : مقاطعه للشراء والحمله ممتازه وقائمه . وكل يوم الان يمر على الوكلاء يعادل 10 ايام في صعوبته مقارنه بالايام الاولى من المقاطعه .

** الجاهل ودك مايتكلم احسن . الاشياء ماتجي بيوم وليله الامور تبي صبر . ومن شاف وش حصل داخل الوكالات يعرف كبر هذه المقاطعه .


(((((((( والله لو اني ما اعطيت احد موظفي هذه الشركات عهد انه مايطلع الخبر كان اسمعك شي يسرك . تضحك بعده يوم كامل ))))))))))) لن اقول اسم الشركه ولا الفرع .

[فكسه]

يابن بريده مساك عسل حجة الناس وقضت لاتزعل امزح حط بالبريق ماء غصب بتنزل واذا لك خاطر الامارات والكويت رخيصه سلام

[قرناس صلا]

الحملة عالمية طبيعية (العالم فلس), ركود اقتصادي هز الاقتصاد العالمي , فى اليابان اعلنوا ركود وخساير ما صارت عندهم من 26 سنة .
واليابانيين وقفوا شراء الجديد (بدون حملة خلوها تصدي) من الطرد من الوظايف وانهيار اقتصادهم
وتويوتا طلبت سلفة ودعم الحكومة اليابانية
وفى امريكا الوضع اسوأ بكثر. والدولتين هي المصنعة للسيارات وهي صانعة الاقتصاد العالمي, وفلست الدولتين من الربا والكفر والظلم.
والدور على ابو جميل وزمرتة ان شاء الله .
و الوضع عندنا غير ؟؟ , لان الوكلاء جشعين ومدعومين وحماية المستهلك نايمين, والوكلاء طبيعي ينكرون انهم تأثروا ,
والواقع انهم متورطين متورطين بقوة
وعبدالله اللطيف معلق ورقة فى معارضة ويقول انكم مراهقين الانترنت وما تأثرون علية
(مقال مدفوع لصحيفة البلا!!!د), والواقع انه متورط لاذانة
و صفعة ما مرت علية فى تاريخة
, كانه يقول وش صحاهم ال ..... , ليتهم على نومتهم مخربين الاقتصاد مراهقين النت .
يبي يدبل وينهب على كيفة


تنبيه : باقى شهر على الربع الاول لميزانية وكلاء السيارات , وابشركم
كلها خسائر ونتائج موجعة . وبعد شهر سوف تنهال عليكم العروض
ولكن انتبهوا لمصيدة الاقساط والمنتهي بالتمليك شكلها تخفيض
وحقيقتها شر وسرقة.
افضل شي موديل 2009 مشؤم ما يصلح لنا
2009خلوه لهم . أدبوهم ولو مرة
المهم هي مصدية بطبيعتها وخلوها تصدي زيادة.