خزان ماء للباث فندر ومن الوكاله ! تصدق؟ طيب تعال!!!!!!!!!!!!!!

[كئيب]

بسم الله الرحمن الرحيم

السلام عليكم ورحمة الله وبركاته

أخي صاحب الباث فندر هل تعلم بأن سيارتك تحمل في جانبيها أ داة تصلح بأ ن تكون خزان ماء أو مخبأ !!! ولكن بقليل من الفهلوه . الأداة هي الجسر الواقع تحت ألأبواب وهو من ألأ لمونيوم الخالص بطول 160 سم وقطره تقريباً 30 سم وهو مجوف بالكامل . وعند نزع الجلدتين الأماميه والخلفيه والإ ستعانه عنه م بسدادتين من نفس المعدن مع اللحام الألمنيوم وسد بعض الفتحات الصغيره وعددها تقريباً 6 فتحات بنفس اللحام وعمل فتحه من ألأعلى لغرض التعبيه وفتحه للبزبوز بحسب إختيارك أتوقع حمولته من الماء تكون 15 لتر لكل خزان وبالأثنين يصبح 30 لتر وهو ينفع يكون للحالات الطارئه والرحلات القريبه وكذلك مع قليل من الفهلوه ممكن زياده حجمه عند من يملكون الخبره في مجال صنع الخزانات . وما يمنعني من تحقيق هذه الفكره بسيارتي هو إني في ديره صنايعيته الجيد بهم يالله يالله يلحم كنيد يسه ولا شنكار ويطيحن من بكرا ولا الدعوى ماهي مكلفه خله خزان وإ ن ماجازلك يا بعدي رده لأصله جسر. والدال على ألخير كفاعله :light:

[أيمن]

ما قصرت يا بعدي ..
أفكارك جميلة ونيرة أتمنى لك التوفيق وقضاء أنفع الأوقات معنا ..

تحيتي

[ابوقاسم]

وتقول كئيب وشذا الاسم ما تذكر الله وتغيره .....اقول يبو ياسر عطه مجال يغيره .......
عموما ..........ربغك غشمه وما فهمو ا وش تقصد وياليت تعطينا صورة او كروكي او ترسم خريطة ولا تضيعنا .............
والله انك ما قصرت

[كئيب]

بسم الله الرحمن الرحيم
السلام عليكم ورحمة الله وبركاته
والله يابعدي ليس بالإمكان احسن مما كان مايحصل لي تصوير ها العمل ولا كروكي . لعدم وجود إمكانيات لذلك وبيني وبينك أخوك غشييييييييييييييييييييييييييييييييييييييييم ولا انا ودي ابسط المسأله لتكون مستوعبه للجميع ..
واما بخصوص ألأسم أتمنى من المسئول إعتماد إسمي الجديد وهو




( زيزوم ):D

[ابوقاسم]

نعم وراك وراك لين اشوف المكان لاني تعبت وانا ابي لي واحد يفصل للسيارة تانكي ماء ولاهو حاصل ودامك جبتها من الوكالة ابي اعرف مكانه بالظبط ..............
ولا تقول ما اعرف انت رح للسيارة بنص الليل ومعك كاميرة تصوير ورح لمحل بنشر او تغيير زيت ووقفها على الحفرة وانزل تحت السيارة وخذ لك كم صورة وان كان عندك جوال ابوكمرة يكون اسرع وظهر الصور وحملهم على الجهاز بالسكنر والباقي انت عارفه وتجي الصور ...........
اقول تكفي ي(الزيزوم)

[ابو ســــاره]

المكان الي يعنى الرجال هو الدعاسات الي تحت البيبان ما عرفتها اوضح اكثر اذا جيت تركب الموتر وش تحط رجلك عليك عشان تطمر بوسط الموتر .

[الاجودي]

وعليكم السلام ورحمة الله وبركاته


والله حلوة يسلم راسك على الافكار


اذا احد جربها ياليت يفيدنا

[الضاري]

فكرة حلوة تشكر عليها يالزيزوم..

لو عندي باث فايندر سويتها..

[path_poth]

والله حلوة لكن خوفي مايظبطونها لي

على فكرة:
اخونا الروضه حاط صور لgx-rمركب تانكي تحت الدعسة
لو نسرق الفكرة مايمكن يكون الإقتباس صحيح؟؟!