تحذير ..... و قولوا لي وش الدبره يا جماعه .

[سرداد . مرداد]

السلام عليكم ورحمة الله وبركاته
انا يا جماعة الخير عندي هالقصه الي صايره لي انا شخصيا لا تقول ناقلها عن واحد او عن ثقه او اي شي من هذا القبيل وهي كما يلي .
انا الله يسلمكم عندي سياره بثفيندر 2003 عدادها حوالي 64000 ( طبعا انا مشتريها جديده ) استعمالي لها استعمل ما تقول ممتاز لكن نقول جيدجدا خذ مثال على ذلك اني اغير الزيت كل 3000 كم والفلتر كل 5000 كم ولكن اذا بي اتفجاء باني اشغل السياره كالعاده و اريد ان اتحرك واذا بدواسة البنزين لا تستجيب اضغط عليها ولكن بلا فائده .
توقعت ان الحكايه قد تكون سهله ( حساس او سبريق او شي بسيط ) فذهبت بها الى احدى الورش القريبه واذا بالمكانيكي يقول لي ما اقدر اسوي شي هذا عندك الكمبيوتر الالكتروني وانا ما اعرف بصراحه . تركته و رحت لغيره واحد متخصص بالبخاخات و الالكترونيات من زمان وله خبره طويله في المجال قال هذا عندك المنظم حق الدعسه خربان و وهو كهرب ( سلك الابنص ) ولا يمكن تصليحه لابد يتغير والافضل رح للوكاله . قلت مهيب مشكله و اروح للوكاله قالوا ما نقدر نسوي شي الا بفحص كمبيوتر قلت مهيب مشكله قالوا لابد 200 ريال ( لاحظ 200 ريال وهم ما شافو السياره الا الان ) قلت يا ناس الضمان السياره ما مشت الا 64000 بس يعني فرق 4000 بس قالوا لو كيلو واحد فرق ما لنا شغل تبي ولا بكيفك قلنا يله 200 ريال ونخلص ما يخالف . يوم انتهى فحص الكمبيوتر و تجي الصدمه قالوا لي السياره محتاجه منظم دعسه الي هو نفسه سلك الابنص ولكنه الكتروني ينتقل عن طريق الكهرب من الدعسه الى المنظم وهو عباره عن قطعه تلقاها شابكه في الثلاجه ينتهي فيها الخرطوم الي طالع من فلتر الهوا . واذا بالتكلفه 4000 الف ريال 3700 عر القطعه و 300 ريال اجور تركيب و اروح و اصايح و اقول الضمان عدل .... بدل ولكن لا مجيب تبي والا بكيفك .
مع العلم ان لدي معلومات موكده ان القطعه هاذي بالتحديد تتعطل في اكثر السيارة موديل 2003 بدليل ان هناك ما يقارب الخمس الى ست سيارة دخلت الوكاله بسبب هذه المشكله في الاسبوع الماضي فقط .
في الختام .
ارجو منكم يا اخوان ان تنشروا هذه الرساله قدر المستطاع .
و ارجو من يستطيع ايصالها الى اي مسوول في اي جهه مختصه مثل حماية المستهلك او الغرفه التجاريه او اي جهه حكوميه فان له مني الف شكر .
للتواصل على الايميل : sm_1000@hotmail.com [/size]

[Bader-M]

بنسبه لحماية المستهلك

مثل ما يقال في العاميه

( ما عند احد )

اما
لسعر القطع
وخذها قاعده
اي قطعه اكترونيه في السيارة
تكون مكلفه

والله يعينك ويصبرك

[ابو ايمن]

أولا الله يعينك ويجبر مصيبتك .

وبالنسبة للوكلاء حدث ولا حرج . استغلال واحتكار في شتى الانواع والاشكال .

أما حماية المستهلك . فهي حماية التاجر بصراحة ماهي حماية مستهلك .

الله يعينك .

[سرداد . مرداد]

ابو ايمن و طاير بالعجه جزاكم الله خير والله لا يهينكم ولا يصغركم انشالله و ما قصرتو لكن يا ناس قهر والله قههههههههههههههههههه:mad: :mad: :( :( هههههههههههههر الله يجعله قهر دنيا و انشالله نلقاه في الاخره . والله لا يهينكم اذا فيه احد يعرف صديق له او قريب او اي احد له مشترك و يكتب في الساحه العريبه لا يبخل انه يوصيه انه ينشر الموضوع في ساحة السيارات . وشكرا.............

[الهلالي]

أسئل عنها في الإمارات أو الكويت وبتلقاها أرخص بكثير . وإذا السعر مناسب يرسلونها ب- DHL.

[أبوفيصل]

زي ما قال أخوي الهلالي .. حاول تجيب القطعه من الكويت ولا الامارات.

[سرداد . مرداد]

ابو فيصل و الهلالي .............. مشكورين وما قصرتو تصدقون انها كانت غايبه عن بالي .
بس ولو قهر لكن الحمد لله على كل حال .

[Rahhal_xp]

أنا صار عندي نفس المشكلة، بس الحمدلله إنها كانت تحت الضمان، وأزيدك من الشعر بيت، سيارتي قير أتوماتيك، وطبعا مع المشكلة رفض يعشق...

[القماري]

أخوي سرداد مرداد الله يعينك على بلواك وخصوصا إذا كان البلاء من وكيل لسيارة أنت تحبها وتعشقها. حل معين بخصوص مشكلتك (لا يوجد حل سوى الدفع) والله أعلم
وأزيدك من الشعر بيت والسالفة (مش قالوا لي بل من واقع)
أخوي مريت بسيارتي الباترول 2001 لكي أعمل ميزان فقط للدريكسون (بالطبع ليس بالوكالة ، لأن سيارتي تعدت ال 60000 وصارت 62000 كلم ) والسالفة ما تستاهل فقط ميزان لا غير. حاول الفني وزن الدركسون من الداخل فتفضل مشكور بفصل التيار الكهربائي الموصل في الدركسون لكي يعمل له ميزان، وبعد الإنتهاء أرجع كل شي لحالته الأولى وكما كان فأتضح أن اللمبة (نور التحذير) للكيس الهوائي بدأت في الوميظ المستمر والمنقطع ويحتاج لإعادة البرمجة ( كما هو مذكور في الكاتالوج مع السيارة وكما ذكر لي أحد فروع الوكالة والتي لا يتوفر بها جهاز كمبيوتر) فتوجهت على أمل الحل السهل والوقت السريع والمبلغ الزهيد.
أكيد ستعرف السالفة (الفحص الأولي يبداء من 100 إلى 200 ريال) والإصلاح من 200 حتى 5000 ريال
قالها لي مسؤل الصيانة في وكالة نيسان فرع الدمام ( وبدون ذكر أسم) وقال قد تستغرق المدة من 3 إلى 7 أيام.
تخيل ( لمبة تومض ليس أكثر والتعليمات المرفقة مع السيارة تقول - في حال فصل السلك تومض معك اللمبة - خذ السيارة لأقرب وكيل لعمل اللازم ) الظاهر أن اللازم هو أن تفرغ ما في جيبك ...
بكل تأكيد خرجت من هذه السخرية ولم أعطهم السيارة ( أكيد سيكون الحل بدفع المبلغ الأكبر وليس الأقل )
حتى الآن اللمبة تومض ليل نهار وقد تعودت عليها ولا أريد أن أطفئها أبدا.
مرة أخرى كان الله في عونك وعون الجميع مما يفعله الوكلاء بالمستهلكين - أحسن حل خذ السيارة لورشة تستخدم العنف وتغير السلك المذكور بسلك علاقة ملابس ( رخيص وعملي وغير مكلف)

[سرداد . مرداد]

مشكورين والله لا يهينكم يا القماري و ganderone والشكوى لله وش نسوي نبي ندفع وبالنسبه للمبه يالقماري خلها تشر عشان تحس ان السياره فيها تنكالوجيا ................ :D:D :D ال ايه ال تكنولوجيا تكنولوجيا نخل والله ............. وشكراً

[بركان]

اخوي سرداد

لو تحاول ترسل شكوى بالايميل للشركة الام في اليابان وتوضح لهم هذه المشكلة وتؤكد بانها عيب في التصنيع يعاني منها المالكين لهذا الموديل وتوضح التعامل السلبي للوكيل.
صدقني وانا متأكد من ذلك بانك ستسمع منهم ما يسرك.
لاتتهاون.

انا شخصيا في احدى المرات ذهبت الى وكيل تويوتا ولم اجد السياره المطلوبة وقال لي البائع اذهب الى المستودع لتراها فاعترضت عليه وقلت له بانه يجب عليه ان يحضر السياره لأراها وليس انا الذي اذهب.
فلما رآني الشخص مصرا رضخ لطلبي وقال متى تريد ان تراها سنحضرها لك من المستودع , في وقتها كنت منفعلا ورجعت الى مكتبي وارسلت شكوى الى الشركة الام في الجابان. وما هي الا سويعات وتنهال علي الايميلات والاتصالات من كبار المسئولين في الشركة في الرياض يعرضون اعتذارهم وخدماتهم
وايميل رايح وايميل جاي. واخوك ماسك جلنط وراكب راسه.

[ناصح]

الاخ الكريم سرداد . مرداد

نسأل الله ان يعينك , فقد عانيت من وكالة نيسان في الرياض اشد المعاناة . رغم ان كل السيارات الجديدة
التي شريتها في حياتي هي نيسان واخرها باترول سوبر سفاري .

وهذا الذي جعلني اتوجه الى شركة تويوتا رغم ما فيها الا انها أفضل في التعامل و الصيانة .

المهم الحل امامك هو مايلي :

اذهب للوكالة وحاول ان تتعاون مع العملاء الذين يعانون من المشكلة نفسها
ثم قم بتهديدهم بأنكم سوف تشكونهم ( فربما يحلون المشكلة قبل تنفيذ تهديداتك )

اولا : تهديدهم بتشوية سمعة وكالة سيارات نيسان كافة وبالاخص باث فايندروذلك عبر منتديات السيارات.

ثانيا : ومن الممكن تهديدهم بشكواهم عبر الجرائد لا سيما جريدة الاقتصادية .

ثالثا : ومن الممكن تهديدهم بشكواهم على الشركة الام في اليابان . ( وانا اعرف واحد شخصيا قام بهذة الحركة وما لبث الا ان اتصل علية مسئول كبير في الشركة وحلو مشكلته مجانا....!!! )

المهم هو جدية التهديد وجدية التنفيذ .

اسأل الله ان يعينك ويوفقك

ثم لا تنس ان تخبرنا بالنتائج

[مهند]

الله يعوضك ان شاء الله والخسارة في الارواح والا الدنيا ماهي خسارة

وانا اتفق مع اخي القماري قلبا وقالبا وهذا هو عين العقل

اما بالنسبة للوكلاء فالقضية ميب قضية ان ابن جميل افضل من الحمراني والا الحمراني افضل من التوكيلات والا الجميح والا غيره

انتوا ماتدرون عن المشكلة الاساسية واين يكمن الخلل:confused:

الخلل ياخوان هو في النظااااااااااااااااااااااااااااااام ((نظام الوكالات)) فهذا النظام يعاني من عيوب كبيرة وظلم شديد للبشر في هذا البلد
لانه وضع لمصلحة التاجر فقط
والتاجر طبعا رايه هو الصح وكلامه هو عين العقل وكل مايفعله سمن على عسل
عاجبكم والا....................... هها........ ياحليلكم

واقرب دليل الان اللي نسمعه هاليومين من وكيل فورد
اسمعوا اعلانه على الاف ام يقول:
((توكيلات الجزيرة اكبر وكيل لسيارات فورد في العالم))
لاحظوا في العالم
دققوا فيها زين
ليش في العالم؟؟
لان هذا البلد الوحيد في العالم اللي يشجع الاحتكار عن طريق ((نظام الوكالات))

لكن عسى هالكلام يسوي شي
عسى

[أبوفيصل]

الحل من وجهة نظري ... لابد من تفعيل ما يسمى بـ .... ((( حماية المستهلك)))


اخي العزيز عليك بنصيحة الأخ الكريم ناصح .. لأن حماية المستهلك .. " ما حولك أحد "!!!!

وسلامتكم

[السالمي]

ويقولون الشروكي قطع غياااااااااره غاليه

ها ابلش بالبافندر اللي تقل جحش

والله يعينك عليه

[سفاري نجد]

الأخ سرداد . مرداد

السلام عليكم ورحمة الله وبركاته

الله يعينك اقول ، وش رايك تخاطب فرع شركة نيسان الأقليمي- بدبي

اكتب لهم مشكلتك وارسلها بالايميل والا الفاكس

واذا مافيه فايده مالك الا تشتريها من دبي ارخص ، اعرف واحد صدم بكلزس الله لا يريكم مكروه

جاب القطع من دبي ارخص بكثيييير من السعوديه ،،،،

والا يخوي ادخل على مالك الشركه بفرع شارع الاحساء الفرع الرئيسي واشرح لهم مشكلتك

اقل شي يعطونك خصم زييييين ...



تحياتي

سفاري نجد

[سرداد . مرداد]

شكراً للجميع على التفاعل مع الموضوع وبالنسبه للشكوى اذا كانت على حماية المستهلك او غيره فهم يبي يقولون ما عندنا لك شي لان السياره تجاوزت الضمان ...... لكن الامل في الشركه الام في اليابان يمكن ايه ويمكن لا بس اتوقع يكون نفس المشكله الي هي الضمان لكن نبي نسوي الي علينا و الباقي على الله و ارجو من الي يعرف موقع الشركه الام و اليميل الخاص بهم لا يبخل علينا به .......... تقبلوا تحياتي و شكراً للجميع كلاً باسمه