المساعد الشخصي الرقمي

مشاهدة النسخة كاملة : يا أهل الجموس .. جمس 79 يستغيث


مركب الجمس
12/03/2009, 12:49 AM
مساكم الله بالخير http://www.t63ys.com/vb/images/smilies/icon26.gif

الحمدلله على كل حال قدر الله على موتري وشب ضو http://www.t63ys.com/vb/images/smilies/laugh.gif


وقررت اني ارشه كامل بدي احمر مع البطن اسود طبعاً ..

نصائحكم باللون لأني احترت وش اللون المناسب للجمس ابي لون احمر حمّار الجموس علماً بأن مديله 79 ..

ابي رقم معين للبويه اشتريه و اوديه للورشه http://www.t63ys.com/vb/images/smilies/119.gif

الله يعطيكم العافيه ننتظركــم :)
H I T L E R
12/03/2009, 01:20 AM
انت بااي ديره؟
Black VTC
12/03/2009, 01:28 AM
الحمد لله على سلامتك و عوض الله عليك ..

اما من ناحية اللون فاعتقد لا افضل من الاحمر ... وان كنت افضل الاسود لانه مرعب ولكن عودنا الجمس ان يكون احمر :) و عليك بالورش افضل رح للاتراك اللي عندهم افران تراهم معلمين بامور البوية ...


الله يوفقك
مركب الجمس
12/03/2009, 01:37 AM
انت بااي ديره؟

الرياض يالغالي



الحمد لله على سلامتك و عوض الله عليك ..

اما من ناحية اللون فاعتقد لا افضل من الاحمر ... وان كنت افضل الاسود لانه مرعب ولكن عودنا الجمس ان يكون احمر :) و عليك بالورش افضل رح للاتراك اللي عندهم افران تراهم معلمين بامور البوية ...


الله يوفقك

الله يسلمك و يعافيك .. :)

بالتأكيد لون الجمس مايغريك الا الاحمـر و ان شاء الله الورشه موجوده . بس ابي درجه احمر معينه تتناسب مع الجمس البلد :)


ان شاء الله فهمتو مقصدي
مركب الجمس
12/03/2009, 04:29 AM
68 مشاهد ولا احد يبي يفيدنا



افيدونا الله يوفقكم وينور دروبكم
الجمرة
12/03/2009, 04:34 AM
احمر فاتح والتنده ابيض والله يطلع رزه
الله على الجمس لولا وارد الستين ياليتهم مابدلوا روده وسكانه
asd_asd
12/03/2009, 04:42 AM
نصيحة مجرب
اي رقم من الاحمر اذا تبغاه يطلع صح وخصوصا الاحمر
لازم يرش بعد الاساس لون ابيض فرن وعلطول يرش الحمر المختار وسوف يطابق اللون ان شاء الله
متاكد من معلومتي والا راح تتعب في اختلاف اللون وهذا سر مهنة البويجي
وسلامتك
مركب الجمس
12/03/2009, 05:28 PM
:confused:
بليزر 78
12/03/2009, 08:48 PM
بحثت في النت على ارقام الالوان ( البويات ) وماحصلت

لكن اللي اقدر افيك فيه هو درجات الوان الوكاله ( القديمة )

http://www.rgvoldcars.com/images/trivia/57ChevyCOLORS.jpg
مركب الجمس
13/03/2009, 05:14 AM
يعطيك العافيه بليزر
مركب الجمس
13/03/2009, 09:50 PM
للررررررررفع
النوء
13/03/2009, 10:11 PM
شف الله يطول عمرك بطاعته
يالبا الجموس واللي يقنيهن


الجموس طال عمرك من (موديل 80 وتحت) يجي لونهن الأحمر فاتح يميل شوي للبرتقالي


ولايجي فيه لمعه .... احرص انك ترش الجمس مثل بوية الوكالة .. واذا ماخاب ظني أن محل العمودي للبويات عنده رقم البويه الأصلي


.. وإن شاء الله يمر على الموضوع بليهان أو لن أمل من العطاء أو أحد من الأخوان باخص ويفيدك أكثر .


بالتوفيق للجميع
وقيان
13/03/2009, 11:48 PM
شف الله يطول عمرك بطاعته
يالبا الجموس واللي يقنيهن


الجموس طال عمرك من (موديل 80 وتحت) يجي لونهن الأحمر فاتح يميل شوي للبرتقالي


ولايجي فيه لمعه .... احرص انك ترش الجمس مثل بوية الوكالة .. واذا ماخاب ظني أن محل العمودي للبويات عنده رقم البويه الأصلي


.. وإن شاء الله يمر على الموضوع بليهان أو لن أمل من العطاء أو أحد من الأخوان باخص ويفيدك أكثر .


بالتوفيق للجميع


صح لسانك...هذا اللون اللي عليه الكلام و الغرام....اللون الأحمر الطافي....
أمير المصفحات
14/03/2009, 12:16 AM
مثل ما قالوا الاخوان شف الون الاحمر الطافي

وانصحك ترووح للمشجري في الصناعية القديمة عند واحد يقال له صالح والا رح للعموودي عنده اللون الاصلي

وتحياتي
مركب الجمس
14/03/2009, 12:19 AM
هلا و الله و غلا ..

هذا اللون الي ببالي حالياً لكن اختيار اللون تشوفه بالكتلوج وش زينه و ان رشيته تلاحظ فرق اللون الي اخترته ..






.. وإن شاء الله يمر على الموضوع بليهان أو لن أمل من العطاء أو أحد من الأخوان باخص ويفيدك أكثر .


كان بودي ارسال رسالة خاصة لهم لتشريفهم للموضوع ولكن قوانين الادارة لا تسمح لقلة المشاركه .. نتمنى ابلاغهم بارك الله فيكـم
ابوعقل
14/03/2009, 12:26 AM
كان بودي ارسال رسالة خاصة لهم لتشريفهم للموضوع ولكن قوانين الادارة لا تسمح لقلة المشاركه .. نتمنى ابلاغهم بارك الله فيكـم

ابشر والله


الحين ارسل رساله لبوعبدالله ((بليهان))

وان شاء الله يمر الموضوع ويعطيك علم
المارينز
14/03/2009, 12:51 AM
بامكانك تاخذ اي قطعة من البدي ( غطاء التانكي مثلا ) عليها اللون المطلوب وتروح لمحلات البوية ويسوونه لك حتى لو ماتعرف رقمة
ابومحــ م ـــد
14/03/2009, 09:30 AM
ياخوي محلات البويه اللي بالصناعيه اللي بجانب الورش عندهم كمبيوتر عطهم عينه من اللون اللي تبي يعني لو تعرف احد معه جمس ومعجبك لونه وقفه عندهم ويعطونك نفس اللون ويوجد في عنيزه بالقصيم ورشة الحسون فيه بجوره محل بويه لو تبي اي لون عطاك نفس اللون 000
بـلـيـهـان 1
14/03/2009, 01:25 PM
بو عقل طير شلوى ما تقصر

--

محلات العمودي في الرياض فيها رقم بويه الوكاله

واحد من الربع هناك أخذ بويه و رش موتره نفس رقم الوكاله

و لكن يجيك كأنه جديد كأنه وكاله ، مش كأنه مثل الجموس الي تطرب المخزنه الطافيه نوعا ما و مايل برتقالي نوعا ما هاذي عز الطلب

تقدر تقولهم يكون مايل برتقالي اكثر يكون طافي أكثر ، على حسب رغبتك و هواك

--

اتوقع كل الصبغ الي عندهم اصلي هولندي

--

تحياتي لك
مركب الجمس
15/03/2009, 01:40 AM
اللللللله يعطيكم العافيه ماقصرتو


بيض الله وجيهكم
لبرتي
15/03/2009, 12:54 PM
الغامدي اللي في الصناعية القديمة متخصص
مركب الجمس
17/03/2009, 03:14 AM
يعطيك العافيه




نطمع بمزيد من الخبرات
شمال الجنوب
17/03/2009, 03:44 AM
السلام عليكم
انا رديت رد طويل عريض لكن ما ظهر مدري وش قصته.....عموما باختصار
اللون حق الجمس رقم البويه حق المصنع 7753 وبجنب الرقم حروف انجليزيه مالك شغل فيها
واللون ذا يجي من بين درجات الاحمر الاربعه ويكون لونه احمر كن مخلوط معه برتقالي
واذا بتاكد زياده اذا خذيت العينه لدرجات الاحمر ولقيت الرقم اللي ذكرته لك شف وش مكتوب
عليه؟بتلقى بالانجليزي حمر مخلوط برتقالي...واتمنى اني اكون افدتك.
والسلام ختام
صايد الصقر
17/03/2009, 04:06 AM
اقولك اللون الاحمر بس لايغشونك ترى البويه 350 ريال انا صابغ سيارتي 350 جمس
مايغرز
17/03/2009, 08:34 AM
شوف يا الغالي فيه نوع ناري وفيه بسكوت الاول يبيله واحد فنان يحف الموتر عدل اما البسكت فهو نوع جديد يعطيك هم لون حلو اصعب الالوان الاحمر فيه تقريبا فوق 100 درجة انت ما تلاحظها بالدفتر او المسطره الا لما تصبغ وفي الشمس غير والمغرب غير والصبح لونه غيرالاحمر يحير المهم انا الصراحه خلطت لي لون والحمدالله كل من شافه تعجب بس لازم تحفظ الخلطة بس تبي ستاندرروح الوكيل او محل اسمه باروت الكاسكو اصباغ المانية شوف وتعجب وهي بشويخ الصناعية بالكويت وعندك بعد وكيل ار ام هم عنده اصباغ تطير العقل وخصوصا الاحمر راح اتحير
شفر454
17/03/2009, 09:06 AM
حمــــدآ لله علـــى سلامتـــك وسلامة الــ79

فيــــه ورشـــه بس غـــاليــه يرشون

الجمس الحوض بــ 5000 ريال بس شغل

وكــاله ، أنــا ماشتغلت عندهم بس دايم أشوف

عندهم جموس ، وفيه شريطي كويتي يجيب

جموس من الكويت يرش عندهم ...


ورشـــة الســـوســـي بالصنـاعيه القديمه واليوم بأروح أنا واحد من الأعضــاء
وبأسأله عن رقم بوية الوكــاله وأرد في سياق
هــذا الموضوع ...

أنــــا في خــدمة الجمــس وأصحــاب الجمس



شــفر 454 _
منصور123
19/03/2009, 07:31 PM
اخوي شفر 454 هذا ايميلي ابستفسر منك عن مكان الورشه ضيفني m3k3m3@hotmail.com
السبيعي GMC
24/09/2014, 12:10 PM
بويه رقم 73 لموديل السبعينات

افضل بويه نوع ( سكنز) لاكن للاسف اصبحت نادره الوجود

انتبه يضحكون عليك محلات البويات ويقولك يسويها علي الكمبيوتر
الكمبيوتر مافيه رقم 73 لانه قديم بالحيل وغير مسجل في الكمبيوتر
مدرس بري
24/09/2014, 10:44 PM
الموضوع من سنة ٢٠٠٩
يعني قبل ٦ سنوات
سي سي
25/09/2014, 08:15 AM
قبل لا تشتغل اخوي مركب الجمس ممكن سؤال ؟
وش الي احترق بالموتر لا يكون كامل الموتر محترق اذا كان كامل الموتر محترق فالنصيحه اخذها وارمها بأقرب سلة مهملات
لا تسوي شي بالموتر
أوتارالقلب
17/10/2014, 02:10 PM
انا راعي جموس خذ رقم 73 روعه روعه
ابوخالد977
20/10/2014, 07:20 AM
الحمدلله على السلامه اخوي
انا كان عندي جمس رشيته بالكامل واخذت اليويه من العمودي الي بشارع المنتزه بالصناعيه القديمه مع العلم ان البويه تجي جاهزه بدون خلط ونفس بوية بلده والي في المحل يقاله ابو عبدالله