المساعد الشخصي الرقمي

مشاهدة النسخة كاملة : أمبير البنزين لا يعطي قراءه صحيحه _سوبر سفاري 2003 للأهميه


سفاري نجد
14/03/2009, 12:08 PM
السلام عليكم ورحمة الله وبركاته

حياكم الله يا اخوان ،،،

قبل 3 اسابيع وانا بالدائري الشمالي طفى علي الموتر ووقفت على جنب وحاولت اشغله ما أشتغل !
سحبته بسطحه للوكاله الحمراني_خريص نزلته من السطحه اشتغل خليته بمكانه بدخله للصيانه ما ارتحت من انه يطفي علي أول مره !
من بكره الصباح دخلت الصيانه قالو يبغى كشف بـ 300 ريال كمبيوتر تم الفحص قالوا نبغى نشيك على المفاتيح والطرمبه سليمه والفحص كامل سليم الحمدلله طلبت منهم يغيرون كتاوت الطرمبه بـ 66 ريال ،،،

من بكره عبيت بنزين فل كامل استغربت الامبير كان على النص وعبى التانكي ب57 ريال يعني 126 لتر نوع البنزين 91 ،،،

أكتشف ان أمبير البنزين لا يعطي قراءه صحيحه ،،،

قمت بادخاله للحمراني للتشيك على عوامة البنزين والعداد ،،، المهندس احتمال العدادات وقيمتها ب3000 ريال أو العوامه للتناكي الكبير!

والأمبير للبنزين ما ينزل عن الربع ؟!

هل بالإمكان اصلاح عداد البنزين لوحده بدون تغيير العدادات كامله لان العداد لقياس المسافه بيكون على الصفر كأنه جديد !

وإذا العوامه مايمنع يغيرونه ؟!!

أتمنى الإجابه من اللي حصلت له نفس المشكله ويعرف ورشه كهربائي بهذي المشكله معروف وشغله مضمون ونظيف أنا من سكان الرياض !

تحياتي للجميع
Criminal Mind
14/03/2009, 06:38 PM
واحد من الشباب معه نيسان مورانو 2006 وفيه نفس المشكلة وعجزنا نلقى لها حل ..

يفلل ويرتفع العداد للفل وبعد خمس دقايق تولع لمبة البنزين ..
Black VTC
14/03/2009, 11:42 PM
شف وانا اخوك هذي انفلونزا السوبر سفاري :) ما فيه سوبر سفاري الا ويجيه هالبلا عاد كل(ن) وحظه ناس(ن) معهم 2007 وصار لهم المشكلة ذي و انت ما شاء الله عليك معك 2003 وتوه تجيك ...

طيب انت هالحين خرب عليك الامبير و رحت للوكالة واخذوا عليك 300 ريال كشف و 66 اكتاوت و الجاي اعظم ...

وقالوا لك انه يبي لك تغير البورد حق العدادات كلهن بــ3800 ريال وهالشي مارن علي و على وعلى كثير من الشباب ..

والحل بسيط يوجد في لوحة العدادات الداخلية حساس حاسب الكميات هو الخربان ...

طبعاً الوكالة ما عندهم و درت على كل صناعيات الرياض بما فيهم الجابري ما عندهم ..

ومالك الا واحد يصلحها لك بمبلغ مابين 500 الى 600 ريال والشغلة تبي تأخذ منه ربع ساعة ..

وهو محمد العثيم في بريدة يبي لك تطق مشوار له ون بيغت رقمة ارسله لك على الخاص ..

و اخوي سوبر vtc جزاه الله خير هو اللي وصاني عليه و رحت له قبل فترة وصلحه لي ..


بقي اقولك ان الاعراض التالية لخراب العداد راح يخرب عليك التحويل من التانكي الاضافي الى الاساسي وراح تولع عندك لمبة sub tank في الطبلون ويبي لك تفصل البطارية وتشبكها بس بعد فترة راح تبتل معلقة :) ..

ما قلت لك انها انفلونزا الفتكات :) ...

عموماً لا تنسى تصفر الطبلون عند كل تعبئة وتحسب له اذا وصل العداد للتانكي الكبير 300 عب فول ولا تعتمد على الاضافي لانه باي لحظة ممكن يخرب التحويل ...

شكلي خوفتك بس نصيحة لك اخوي ابعد عن الوكااااااااااااااالة و لا تعبث بالموتر الطرمبة و العوامة ان شاء الله كلهن تمام التمام ...


تحياتي وتقدير
ABO AL-HESH
15/03/2009, 01:12 AM
اخوي مثل ماقالك اخونا الاكبر بلاك فتك وانا حصلتلي المشكله قبل شهر ونصحونا الاخوان جزاهم الله خير بالعثيم ببريده وفلب برياض الخبراء وانا صلحته عند فلب بـ 550 ريال وما اخذ ساعتين .. وهالحين الامبير زي الفل واذا بغيت رقم فلب ارسلي على الخاص.. ولا تقرب الوكاله تراهم نصابين
سفاري نجد
15/03/2009, 07:57 AM
الأخوان

Criminal Mind

Balck_Vtc

Abo_al_hesh


حياكم الله يا اخوان وجزاكم الله خير الردود وبارك الله فيكم ،،،

محتاج إلى رقم محمد العثيم ببريده ،،،

والله يستر من القادم على قولة اخونا بلاك ،،،

تحياتي للجميع
مخاوي البيئه
15/03/2009, 02:45 PM
ياهلا ياخوي مشكلتك حصلت معي بالظبط

انا موتري سوبر سفاري 2003

رحت للوكالة قالولي لازم تبدل العدادات

رحت حق خبير كهربائي فك العداد وظبط الايسيات والامبير مالت العداد وصار عسل والتكلفه 15 دينار

واي شي تبي انا حاضر
Y.Y.Y
15/03/2009, 02:49 PM
طيب انا معي نفس المشكلة .. وتولع لمبه التانكي الاضافي بعد..
مافيه احد بالرياض يصلحه...
Black VTC
15/03/2009, 05:35 PM
اخوي سفاري نجد شيك على الخاص ...والله ييسر امورك ..

اخوي Abo Al-hesh سمعت انا ان فيلب يصلحها بس فيلب يشتغل لحاله و مشغول وشغلته الاساسية تمديد مثبت سرعة و كنت طالع مخوص من الرياض له وبريدة اقرب من رياض الخبرا :) ...
سفاري نجد
16/03/2009, 08:46 AM
هلا اخوي بلاك ...

جزاك الله خير وبارك الله فيك ،،،

بكلمه واشوف وش يقول وان شاء الله يصير خير ،،،

ما قصرت اخي الكريم ...
المرتاع
16/03/2009, 01:45 PM
الحل طال عمرك غير العوامه وريح راسك
سفاري نجد
17/03/2009, 12:17 PM
اخوي المرتاع أحد تعرفه مرت عليه نفس المشكله وغير العوامه ،وضبطت معه ؟؟؟

العوامه تغييرها سهل بس أضمن ؟

كلمت العثيم ما يرد ؟
alwweed66
17/03/2009, 01:22 PM
مساء الخير ياسفاري نجد وعلى جميع الأخوان في مكشات 00 لاحظ إذاكانت العوامه خربنه الأمبير مايعطي قراءه صحيحه إذا مشت السياره, وإذا وقفت السياره يعطيك قراءه صحيحه00هل هذا يصير معك ؟
سفاري نجد
17/03/2009, 01:54 PM
ثابت المؤشر ما يتحرك لا مع مشي السياره او وقوفها ...

المشكله صارت بالعدادات ؟ وليس من العوامه ...

بحاول انسق مع العثيم ؟ شكله مزحوم !

الله يكتب فيه الخير وما قصروا الشباب
abo_Majed
17/03/2009, 02:06 PM
قبل لا تروح للكهربائي جرب ولن تخسر شي .. افصل اصابع البطاريه بالليل ورح نم ولا قمت الصبح اشبكهن ان ضبط زين على زين والا رح للكهربائي ..
المرتاع
17/03/2009, 09:16 PM
سفاري نجد
هذا واحد من العيال معه جيب ربع نيسان والامنبير نايم ميتحرك ابد اول ماسوا فك العوامه ولقاها متفككه قطعه قطعه وغيرها كامله وعلى طووول اشتغل الامبير وترى سهله فكتها.
alwweed66
17/03/2009, 10:23 PM
العوامه عندك سليمه000 مادام الامبير ثابت00 والسياره تمشي والا واقفه
قاصد الصمان
17/03/2009, 11:25 PM
المشكلة في العوامة او امبير البنزين
راع الطويلات
18/03/2009, 12:11 AM
اخوي و احد من الشباب صارت معه نفس مشكلك الحل طلع وزن العوامة بس تكون مرتفعه .